དེ་རིང་སྤྱི་འཐུས་གྲོས་ཚོགས་ནང་སྤྱི་འཐུས་ཁག་ཅིག་དང་འབྲེལ་ཡོད་ལྷན་ཁང་གི་བཀའ་བློན་བར། བོད་ནས་གསར་དུ་འབྱོར་བའི་ན་གཞོན་ལས་མེད་ཚོར་ལས་ཀའི་གོ་སྐབས་དང་ལག་ཤེས་སྦྱོང་བརྡར། དེ་བཞིན། བོད་ནས་གསར་དུ་འབྱོར་བ་ཚོར་སྡོད་ཁང་སོགས་ཀྱི་སྐོར་ལ་དྲི་བ་དྲིས་ལན་གནང་སོང་།
དེ་
སྤྱི་འཐུས་ཐུབ་བསྟན་ལུང་རིགས་ལགས་ཀྱིས་འཕྲོས་དོན་དྲི་བར། དཔལ་འབྱོར་ལས་ཁུངས་དང་ལྡི་ལིའི་རྒྱ་གར་ཚོང་ལས་ཚོགས་པ་གཉིས་མཉམ་འབྲེལ་ཐོག ལོ་གཅིག་གི་གོང་དུ་དྷ་སྟེང་བོད་ཁྱིམ་དུ་དབུ་མ་གླིང་ཟེར་བའི་དྲ་ཐོག་ཚོང་ལས་སྡེ་ཚན་ཞིག་གསར་འཛུགས་གནང་ཡོད་ཀྱང་། ཉེ་ལམ་ཚོང་ལས་སྡེ་ཚན་དེ་སྒོ་རྒྱག་དོན་ཅི་ཡིན་སྐོར་དྲིས་པའི་ལན་དུ་དཔལ་འབྱོར་བཀའ་བློན་མཆོག་གིས། དེང་སང་བོད་རིགས་གཞོན་སྐྱེས་མང་པོ་ཞིག་གིས་དོ་སྣང་བྱེད་ས་དྲ་ཐོག་ཚོང་ལས་ཆགས་ཡོད་པ་དང་། དྷ་སའི་བོད་རིགས་གཞོན་སྐྱེས་མང་པོ་ཞིག་ལྡི་ལི་སོགས་སུ་ཕྱིན་ཏེ་ལས་ཀ་བྱེད་ཀྱིན་ཡོད་སྟབས། དཔལ་འབྱོར་ལས་ཁུངས་ཀྱིས་སྔོན་མ་ནས་དྷ་རམ་ས་ལར་ལས་གཞི་དེ་འདྲ་ཞིག་འཛུགས་ཐུབ་ན་ཡག་པོ་འདུག་བསམ་ཡོད་པ་དང་། ངོ་ཤེས་ཤིག་བརྒྱུད་དེ་ཨ་རིའི་ཚོང་གཉེར་ཁང་ཞིག་དང་འབྲེལ་བ་བྱུང་བ་དང་། ཚོང་གཉེར་ཁང་དེའི་གཙོ་བདག་དྷ་རམ་ས་ལར་ཡང་བ་དང་༧གོང་ས་མཆོག་ལ་དད་གུས་ཡོད་པ་ཞིག་ཡིན་པ་བཅས་ལ་བརྟེན་ཏེ། འགྲོ་སོང་ཆ་ཚང་སྦྱིན་བདག་ཚོས་འགན་འཁུར་རྒྱུ་དང་། མ་འོངས་པར་ཁེ་སང་ཡག་པོ་བྱུང་ན་དེའི་ནང་ནས་ཆ་ཤས་ཤིག་བོད་མིའི་སྒྲིག་འཛུགས་ལ་གནང་རྒྱུ་བཅས་ལ་གོ་བསྡུར་མང་པོ་བྱས་མཐར་ཁོ་རང་ཚོས་མོས་མཐུན་བྱས་ཏེ། དབུ་མ་གླིང་ཟེར་བ་དེ་བཙུགས་པ་དང་། མིང་ཡང་ཁོང་རང་ཚོས་བཏགས་པ་རེད། ང་ཚོའི་འགན་དེ་ལས་མི་ཐབས་འཚོལ་དང་ས་ཆའི་མཐུན་འགྱུར་གནང་བ་རེད། ཅེས་གསུངས་སོང་།
ཁོང་གིས་མུ་མཐུད་དུ། ལས་ཀ་མགོ་བཙུགས་ཏེ་ལས་མི་ ༤༠ ཙམ་ལ་ལས་ཀའི་མཐུན་འགྱུར་ཡོང་གི་ཡོད་ཀྱང་། ང་རང་ཚོའི་གཞོན་སྐྱེས་ཚོ་ས་གནས་གཅིག་ལ་གནས་རྒྱུ་དེ་ཞེ་དྲགས་དཀའ་ལས་ཆེན་པོ་ཆགས་ཡོད་སྟབས། ལས་མི་ཚོར་ཟབ་སྦྱོང་སྤྲད་དེ་གང་འཚམ་བསླེབས་སྐབས་ཁོ་ཚོ་བརླག་འགྲོ་བཞིན་ཡོད་ས་རེད། ཕྱིས་སུ་ང་ཚོ་གོ་བསྡུར་བྱུང་སྐབས་ལས་མི་ཚོ་དུས་ཐོག་མ་ཡོང་བ་དང་། ཉིན་གཉིས་གསུམ་ལ་ལས་ཀར་མ་ཡོང་བ་སོགས་ཀྱི་དཀའ་ངལ་མང་པོ་བཤད་སོང་། ང་ཚོས་ལས་ཀ་དེ་གལ་ཆེན་པོ་ཡིན་ཞེས་ལས་བྱེད་ཚོར་བསླབ་བྱ་བརྒྱབ་པ་ཡིན། སྤྱིར་བཏང་ང་ཚོའི་ཐོག་མའི་དམིགས་ཡུལ་ནང་དྷ་སྟེང་དུ་ལས་མི་གྲངས་ ༦༠ ལ་སྤར་བའི་ས་ཆ་ཡོད་པ་དང་། དེ་ཡག་པོ་བྱུང་ན་ནོར་གླིང་དུའང་འཛུགས་ཐུབ་བྱས་ཏེ་དྷ་ས་ཁུལ་ནས་ལས་མི་ ༩༠༠ ཙམ་ལ་ལས་ཀའི་གོ་སྐབས་ཡོང་གི་རེད་བསམ་ཏེ། སྦྱིན་བདག་ལའང་ཞུས་ཏེ་འབད་བརྩོན་བྱས་ཡོད་ཀྱང་། ང་ཚོའི་བསམ་པ་དང་གཞོན་སྐྱེས་ལས་ཀ་བྱེད་མཁན་ཚོའི་དངོས་འབྲེལ་གཉིས་མ་མཚུངས་བར་ང་ཚོའི་རེ་བ་ལ་ནོར་འཁྲུལ་ཏོག་ཙམ་ཤོར་བ་རེད།
ཕྱིས་སུ་སྦྱིན་བདག་གིས་ལས་མི་ཚོ་ག་བར་ཡོད་ཅེས་དྲིས་དུས། སྦེལ་ཇམ་དང་ཧྥ་རན་སི་ནས་ཚུར་སྙན་ཞུ་བརྒྱབ་སྟེ་ང་ལས་ཀ་ནས་དགོངས་པ་ཞུ་རྒྱུ་ཡིན་ལབ་ཀྱི་འདུག འདི་འདྲ་བྱས་ན་ཚོང་གཉེར་ཁང་ཁྱོན་ནས་ཁུངས་འཁྱོལ་ས་མ་རེད། ང་ཚོའི་འགྲོ་སོང་ཞེ་དྲགས་ཕྱིན་སོང་ཞེས་གསུང་གི་འདུག་ལ། ང་ཚོར་ངོ་སྤྲོད་བྱེད་མཁན་དེ་ཚོང་གཉེར་ཁང་དེའི་ཚོང་རོགས་ཤིག་ཡིན་པ་འདྲ། ཕྱིས་སུ་ཚོང་གཉེར་ཁང་ཡག་པོ་ཡོང་ས་མ་རེད་བསམ་དུས་ཁོ་རང་གི་མ་དངུལ་ཕྱིར་འཐེན་བྱས་ཡོད་ས་རེད། སྦྱིན་བདག་ལྟེ་བ་ཡིན་པའི་བཟའ་ཚང་གཉིས་དེ་དཔེ་ཡག་པོ་འདུག
ང་ཚོས་ཕར་ཡི་གེ་བཏང་སྟེ་དང་པོ་ང་ཚོ་གཉིས་མོས་ཀྱི་ཐོག་ནས་བཙུགས་པ་རེད། ཕྱིས་སུ་ཁྱེད་རང་ཚོས་ང་ཚོར་སྐད་ཆ་གཅིག་ཀྱང་མ་བཤད་པར་སྒོ་བརྒྱབ་པ་དེ་འགྲིག་གི་མི་འདུག སྤྱིར་བཏང་ལས་མི་མང་པོ་ཡོང་གི་མེད་པ་ཡིན་ནའང་། ལས་མི་ ༡༨ ཙམ་གྱིས་ད་ལྟ་ལས་ཀ་བྱེད་བཞིན་ཡོད་པས་ཁོང་ཚོ་ག་རེ་བྱེད་དགོས་པ་རེད། ཅེས་ཕར་ཡི་གེ་བཏང་དུས། དཔལ་འབྱོལ་ལས་ཁུངས་ལ་སྙན་གསན་མ་ཞུས་པ་དེ་ང་ཚོ་ལན་འདུག་མ་གཏོགས་དོ་བདག་སོ་སོར་འགྲེལ་བཤད་ཆ་ཚང་བརྒྱབ་ཡོད། ལས་མི་ཚོ་ལྡི་ལིར་ཡོད་པའི་ང་ཚོའི་ལས་ཁུངས་ནང་ག་དུས་ཡོང་ནའང་ལས་ཀ་དང་གླ་ཆ་སྔར་བཞིན་སྤྲོད་རྒྱུ་ཡིན་ཞེས་འགྲེལ་བཤད་བརྒྱབ་ཡོད་སྐོར་གསུངས་སོང་།
ང་ཚོ་དཔལ་འབྱོར་ལས་ཁུངས་ནས་སྒོ་མ་བརྒྱབ་གོང་དུ་ང་ཚོར་ལབ་པ་ཡིན་ན་ལས་ཀ་གཞན་པ་ཞིག་བྱེད་པའི་ཐབས་ཤེས་མེད་འགྲོ་ཞེས་ཡི་གེ་བཏང་བར་ལམ་སང་ཚུར་ཡི་གེ་བསླེབས་ཏེ། ཁྱེད་རང་ཚོས་བྱེད་ཐུབ་ན་བྱོས་དང་ང་ཚོས་མཐུན་འགྱུར་ཆ་ཚང་སྤྲོད་ཆོག གློག་ཀླད་སོགས་གློག་ཆས་རིགས་ཚང་མ་བཞག་ཆོག་གི་རེད་ལ་ཚོང་ལས་ཀྱང་སྤྲོད་དགོས། འོན་ཀྱང་ཁྱེད་རང་ཚོས་ཚོང་རྒྱག་པར་མི་འདི་ཙམ་ལས་མེད་ན་ཁུངས་འཁྱོལ་གྱི་མ་རེད་ཅེས་ཚུར་བསླབ་བྱ་བརྒྱབ་བྱུང་། དེ་ནས་དེའི་སྐབས་ཀྱི་ལས་བྱེད་ཚོ་བསྐོངས་ཏེ་གྲོས་བསྡུར་བྱེད་སྐབས་ཁོ་རང་ཚོའང་ཐེ་ཚོམ་རེད་འདུག་པས། ང་ཚོས་ཡོང་ས་མ་རེད་དགོངས་དག་ཅེས་ཚོང་གཉེར་ཁང་དེར་ལབ་ནས་ཁོ་རང་ཚོའི་ཅ་ལག་ཚང་མ་འཁྱེར་སོང་བ་རེད། ཅེས་གསུངས་སོང་།
གཞན། ཨ་ཅཱརྱ་ཡེ་ཤེས་ཕུན་ཚོགས་ལགས་ཀྱིས་ནང་སྲིད་བཀའ་བློན་རྒྱ་རི་སྒྲོལ་མ་མཆོག་ལ་སྐར་རྟགས་ཅན་གྱི་དྲི་བར། སྦིར་ཅོན་ཏ་ར་ཁུལ་དང་ལྷོ་ཕྱོགས་གཞིས་ཁག་ལྔའི་ནང་། དེ་བཞིན་དྷ་ས་མེག་གྷན་དུ་ཆབ་སྲིད་བཙོན་ཟུར་ཚོར་ས་ཆ་དང་སྡོད་ཁང་གསར་བསྐྲུན་སླད་སྔར་ལོ་ནས་སྔོན་རྩིས་ཞུས་ཡོད་པ་ལྟར། ད་ལྟ་གང་འདྲ་ཆགས་ཡོད་མེད་དྲིས་པའི་ལན་དུ་ནང་སྲིད་བཀའ་བློན་མཆོག་གིས། སྔ་ལོའི་སྔོན་རྩིས་ནང་སྦིར་ཁུལ་དུ་གནས་སྡོད་བོད་ནས་གསར་དུ་འབྱོར་བ་ཚོར་ས་ཆ་ཉོ་བར་ཁྱོན་ཧིན་སྒོར་ ༡༤༡༨༦༥༧༠ བཀའ་འཁྲོལ་ཡོད་པ་ལྟར། ཧིན་སྒོར་འབུམ་ ༡༢༥ ཡིས་ས་ཆ་ཉོས་ཡོད་ལ། མ་འོངས་པར་ཁང་པ་གསར་རྒྱག་ལའང་དཔལ་འབྱོར་གྱིས་མཐུན་རྐྱེན་གང་ཐུབ་བསྐྲུན་འཆར་ཡོད་པ་དང་། དེ་བཞིན་ལྷོ་གཞིས་ཁག་ལྔའི་ནང་གི་བོད་ནས་གསར་དུ་འབྱོར་བ་ཚོར་གཞིས་ས་གནང་ཆེད་སྔོན་རྩིས་ནང་ཧིན་སྒོར་འབུམ་ ༥ བཀའ་འཁྲོལ་ཡོད་པ་ལྟར། ཚོགས་ཆུང་ཆེད་འཛུགས་ཀྱིས་ས་ཆ་ཐབས་ཤེས་དང་ལས་དོན་མཇུག་གནོན་བྱེད་བཞིན་ཡོད། དྷ་ས་མེག་གྷན་གྱི་ཆབ་སྲིད་བཙོན་ཟུར་ཚོའི་སྡོད་ཁང་གསར་རྒྱག་གི་ལས་གཞི་སྔོན་རྩིས་བཀའ་འཁྲོལ་ལྟར་ལག་བསྟར་འགྲོ་མུས་ཡིན་ཞིང་། ཁྱོན་སྡོད་ཁང་ ༢༥ རྒྱག་བཞིན་ཡོད་པའི་ནང་ས་གནས་མགོ་འཛིན་ལས་ཁུངས་ཀྱི་ལས་ཤག་ཀྱང་ཡོད་ལ། ཕྱི་ལོ་ ༢༠༡༦ ལོའི་ནང་ཚུད་དུ་ལས་གཞི་མཇུག་བསྒྲིལ་འཆར་ཡོད་སྐོར་གསུངས་སོང་།
སྤྱི་འཐུས་ཟླ་བ་ཚེ་རིང་ལགས་ཀྱིས་འཕྲོས་དོན་དྲི་བར་དྷ་ས་ཁུལ་དུ་བོད་ནས་ཡོང་མཁན་ཚོར་སྡོད་ཁང་གི་དཀའ་ངལ་ཡོད་སྟབས། དྷ་སར་ས་ཆ་ཉོ་བ་དང་སྡོད་ཁང་རྒྱག་རྒྱུའི་དགོངས་གཞི་ཡོད་མེད་དྲིས་པའི་ལན་དུ་ནང་སྲིད་བཀའ་བློན་མཆོག་གིས། དྷ་རམ་ས་ལ་ཁུལ་དུ་ཁང་པའི་དཀའ་ངལ་ཡོད་པ་དངོས་འབྲེལ་རེད། གཞིས་ཆགས་གཞན་དང་མི་འདྲ་བར་དྷ་རམ་ས་ལར་དཔལ་འབྱོར་ཡོད་པའི་རང་བདག་གི་ཁང་པ་ཡོད་མཁན་འཕུད་བའི་དེ་མིན་གྱི་བོད་ནས་གསར་དུ་འབྱོར་བ་དང་། དེ་སྔོན་ནས་འབྱོར་མཁན་བོད་མི་སུ་ཡིན་ཡང་ཁང་པ་གླས་ཏེ་བསྡད་ཡོད། ད་ལྟའི་ཆར་ང་ཚོ་ནང་སྲིད་ལས་ཁུངས་ནས་ལོ་ ༥ ཡི་ནང་ལ་ག་རེ་བསྒྲུབ་ཐུབ་པའི་རེ་བ་འདུག་དེ་ལ་བང་ཞིག་བསྒྲིགས་ཡོད། དེའི་ནང་ད་ལྟའི་ཆར་དྷ་རམ་ས་ལའི་ལམ་ཁྲོམ་དེ་གལ་ཆེ་བ་ཆགས་འདུག ཁོང་ཚོས་མུ་མཐུད་བརྟན་འཇགས་ཀྱི་ཐོག་ནས་ཚོང་རྒྱག་ཐུབ་པ་ཞིག་གི་ཆེད་དུ་ཤུགས་རྒྱག་དགོས་ཀྱི་འདུག་ཟེར་ནས་ལས་རིམ་ནང་བང་སྒྲིག་ཡོད། སྔོན་རྩིས་འདིའི་ནང་དྷ་རམ་ས་ལ་ཁུལ་དུ་སྡོད་ཁང་ཆེད་འཆར་འབུལ་བྱུང་མ་སོང་། དགོས་ངེས་ཅན་ཡིན་ཡང་མིའི་ནུས་པ་དང་དཔལ་འབྱོར་གྱི་ཐོག་ནས་ཚང་མར་འདང་རྒྱུ་ཁག་པོ་ཆགས་ས་རེད། ད་སྔ་ང་ཚོས་སྦིར་དང་ལྷོ་གཞིས་ཁག་ལྔའི་ནང་ཁང་པ་རྒྱག་རྒྱུ་སོགས་ལ་ཤུགས་སྒྲིལ་གྱིན་ཡོད། ཅེས་གསུངས་སོང་།
གསར་འགོད་པ། པདྨ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཁྱི་མགོ་མི་མཁོ་ཁྱི་མགོ་མཁོ། ཁྱི་མགོ་གནམ་སྒོ་བཀག་ཉིན་མཁོ།
གསར་འབྱོར་མི་མཁོ་གསར་འབྱོར་མཁོ། རོགས་རམ་སློང་ཉིན་གསར་འབྱོར་མཁོ།
དངུལ་སྒོར་ཕོན་ཆེན་ཕོན་ཆེན་སྤྲད་ནས་ཕྱི་རྒྱལ་བསྐྱོད་ཐུབ་པ་རྒྱ ་གར་དུ་ཡོང་མ་ཐུབ་པ་གང་ཡོད་།ཡིན་ན་ཚང་མས་ཧ་གོ་དོན་གསལ་རེད་།
/Users/ghador/Desktop/Tshar-78-3.gif
བསམ་བློ་གཏོང་དང་།ཕྱི་རྒྱལ་ལ་བསྐྱོད་མཁན་ཚོ་དངུལ་ཕོན་ཆེན་སྤྲོད་ནས་བསྐོད་ཐུབ་པ་།དེ་ལྟར་ཐབས་ཤེས་གནང་ན་རྒྱ་གར་དུ་ཡོང་མ་ཐུབ་ག་ལ་ཡོད་།
གསར་འབྱོར་མ་སླེབས་པའི་བཙན་བྱོལ་སྒྲིག་འཛུགས་ཀྱི་དཀའ་ངལ། ཕྱི་ལོ་ ༢༠༠༨ ཀྱི་རྗེས་སུ་བོད་ནས་གསར་འབྱོར་ཉུང་ངུ་ལས་མ་འབྱོར་སྟབས་ད་ཆ་དབུས་བོད་མིའི་སྒྲིག་འཛུགས་ཀྱི་དཀའ་ངལ་འཕར་མ་ཆགས་ཡོད། ༡༽ཆབ་སྲིད་ཀྱི་དཀའ་ངལ།༢༽དཔལ་འབྱོར་གྱི་དཀའ་ངལ། ༣༽རྒྱལ་གཅེས་མི་སྣ་ཉུང་བའི་དཀའ་ངལ། ༤༽རིག་གཞུང་ཉམས་པའི་དཀའ་ངལ། ད་དཀའ་ངལ་གྲངས་ལས་འདས་པ་བྱུང་ཡོད་པ་ཞ་རས་མཐོང་ཐུབ་པ་གཅིག་དང་འོན་པས་གོ་ཐུབ་པའི་དུས་ལ་བབ་ཡོད། འདི་རིང་བར་དུ་༸གོང་སྐྱབས་མགོན་ཆེན་པོ་རླབས་ཆེན་གྱི་དགོངས་གཞི་ཕུད་དེ་མིན་གྱི་སྐབས་འཚོལ་པ་ཚོས་གསར་འབྱོར་ཟེར་དུས་མཐོང་ཆུང་དང་དམའ་འབེབས་ཀྱི་འོག་ནས་གསར་འབྱོར་བར་དཀའ་ངལ་སྤྲད་པ་ཉུང་ཉུང་རྩ་བ་ནས་མིན། ད་ཆ་གསར་འབྱོར་མང་པོ་མི་ཡོང་བའི་རྒྱུ་མཚན་དེ་ཡང་༸གོང་སྐྱབས་མགོན་ཆེན་པོའི་གསེར་ཞལ་མཇལ་མི་འདོད་པ་དང་། གསུང་གི་བདུད་རྩི་ལོངས་སུ་སྤྱོད་མི་འདོད་པར་གསར་འབྱོར་མི་ཡོང་ག་ལ་ཡིན། དབུས་བོད་མིའི་སྒྲིག་འཛུགས་ཀྱི་མཛད་གཙོ་ཚོས་ཕུགས་རྒྱང་རིང་པོའི་བསམ་བློ་མེད་ཁར་གསར་འབྱོར་ཚོའི་དཀའ་ངལ་སེལ་ཡས་ཀྱི་ཡང་དག་ཚད་རན་གྱི་ཆར་གཞི་མེད་པའི་ཐོག་ནས་གསར་འབྱོར་བ་ཚོར་མཐོང་ཆུང་དང་དམའ་འབེབས་བྱེད་རྒྱུ་མང་དྲག་པའི་རྐྱེན་གྱི་ཡིན་པ་བརྗོད་ག་ལ་དགོས། ད་ལྟ་ཆུ་མེད་སར་ཟམ་པ་རྒྱབ་པའི་དཔེ་ལྟར་སྔོན་ལྟར་གསར་འབྱོར་བ་མ་སླེབས་པའི་དུས་དང་། གསར་འབྱོར་བ་མང་པོ་ཞིག་ལ་དཀའ་ངལ་འཕྲད་དེ་ཕྱིར་བོད་དུ་ལོག་བཞིན་པའི་སྐབས་འདིར་གསར་འབྱོར་བ་ཚོར་ཡང་དག་ཚད་རན་གྱི་ཆར་གཞི་ཡོད་སྐོར་བརྗོད་དེ་ཁང་པ་གསར་རྒྱག གཞིས་ཆགས་ཁག་ཏུ་གཏོང་གི་ཡོད་སྐོར་བརྗོད་པ་ནི། དངོས་གནས་གསར་འབྱོར་བར་བསམ་བློ་གཏང་བར་འདོད་ན་ལྐུགས་པ་ཡིན་ཡང་གད་མོ་ཤོར་གྱི་རེད། ཕྱི་རྒྱལ་རོགས་ཚོགས་ཀྱི་རོགས་དངུལ་ཆད་དེ་བཙན་བྱོལ་ནང་དུ་དཀའ་ངལ་དུ་མ་ཞིག་ཡོང་བའི་སྐབས་དེར་གསར་འབྱོར་བ་གལ་ཆེ་ཡིན་སྐོར་བརྗོད་པ་ནི་གད་མོའི་རྒྱུ། ད་མི་འབྲི།
གསར་འབྱོར་བ། མི་ཡུལ་ན་ཡོད་པ་ནི་ཡར་བལྟས་ཀྱི་གནམ་རྒན་མ་དང་། མར་བལྟས་ཀྱི་ས་གཞི་རེད། གསར་འབྱོར་བ་ཚོ་མི་ཡུལ་ན་དེ་འདྲའི་ཉམས་ང་ཞིང་ཡིད་ཐང་ཆད་དགོས་པ་ཞིག་རེད། སྤྱི་མཐུས་ཚོ་ནས་གསར་འབྱོར་བའི་སྐོར་ལ་ཤོད་པ་ལས་དེ་མིན་ཁ་ཡོད་ཀྱི་རོགས་སྐྱོར་ཁ་ཚ་དགོས་ཐུག་མི་བྱེད། གང་ལྟར་ཡང་གསར་འབྱོར་བ་ཚོ་སྡུག་པོ་ཐོང་སོང་།
གསར་འབྱོར་བ་ཚོ་གང་ལ་འགྲོ་དགོས་ཀྱི་རེད།
གློག་འཕྲིན། པར་འདེབས། ཕི་ཌི་ཨེཧཕ།
གསར་འབྱོར་བ་ཚོ་གང་ལ་འགྲོ་དགོས་ཀྱི་རེད། ཁྱེད་རང་གི་ཁ་བྱང་འདི་མཐོང་སྐབས་སྣེ་ལེན་ཁང་ལ་འགྲོ་དགོས་ཀྱི་རེད་བསྙམ་སྲིད་མོད། འདི་ནི་འདི་འདྲའི་ལས་སླ་བོ་ཞིག་གཏན་ནས་མ་རེད།
ང་༢༠༠༢་ལོར་བོད་ནས་གསར་དུ་འབྱོར་ནས་བཙན་བྱོལ་གཞུང་གི་སྣེ་ལེན་རོགས་སྐྱོར་བཀྲིན་འོག་སློབ་སྦྱོང་གི་གོ་སྐབས་དང་སྟོ་ཟས་ཀྱི་མཐུན་རྐྱེན་སྤྲད་བྱུང་བས་ངས་འདི་ནི་གསར་འབྱོར་བ་འགྲོ་ས་དང་འདུག་ས་རེད་བསྙམ། འོན་ཀྱང་ང་གསོག་སྒར་སློབ་གྲྭ་འམ་ཤེས་རབ་དགའ་ཚལ་སློབ་གླིང་ནས་མཐར་ཕྱིར་རྗེས་ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་དུ་ལས་ཀ་ཞིག་ལོན་ནས་༢༠༠༧་ལོ་མཇུག་ལྷོ་ཕྱོགས་བྷེལ་ཀོབ་དུ་ཕྱིན། རང་ཉིད་འདུག་སའི་ཁང་པ་ཞིག་བཙལ་ནས་བསྡད་སྐབས་ངས་ད་གཟོད་གསར་འབྱོར་ཚོ་འགྲོ་ས་གང་ཡིན་དང་འདུག་ས་གང་ཡིན་འཚོལ་དགོས་བྱུང་། གནད་དོན་འདི་འདྲ་ཞིག་རེད། ང་དང་པོ་འདིར་སླེབ་དུས་རྣམ་གྲོལ་གླིང་ནས་ཟླ་ཕྱེད་ཙམ་བསྡད་ཀྱང་ཁ་བྱང་མེད་པས་ལས་དོན་མང་པོར་དཀའ་ངལ་འཕྲད། དེ་ནས་སེར་སྨད་དང་ལུགས་བསམ་གཞིས་གྲོང་དང་པོ་ནས་ཁང་གླ་སྤྲད་ནས་ཟླ་གཅིག་རེའི་རིང་བསྡད་ཀྱང་དེ་མཚུངས་སུ་གྱུར། དེ་ལས་ལུགས་བསམ་མཉམ་སྤྲེལ་ལས་ཤག་ཞིག་གཡར་ནས་བསྡད་པས་ཅུང་ཟད་སྟབས་བདེ་ཞིག་བྱུང་ཡང་སྤྲག་ཁང་ནང་ཅ་དངོས་གལ་ཆེན་རེ་འབྱོར་ཡང་མཉམ་སྤྲེལ་དང་གཞིས་ལས་ཁང་གཉིས་ནས་རྒྱབ་གཉེར་མེད་ན་མི་ངོས་འཕྲོད་ཀྱང་ལེན་ཐུབ་ཀྱི་མི་འདུག རྒྱུ་མཚན་གསར་འབྱོར་བ་ལ་ཁ་བྱང་བརྟན་པོ་མེད་པས་རེད་འདུག དེ་ནས་ལས་ཤག་ནང་ལས་བྱེད་པ་འདུག་དགོས་བྱུང་སྟབས་ཁང་པ་མི་སྤོ་ཐབས་མེད་རེད། ཡང་བསྐྱར་ལུགས་བསམ་མཉམ་སྤྲེལ་ཀྱི་ཁུངས་རྟོགས་ཁང་པ་ཞིག་དང་རིམ་བཞིན་གཞིས་ཆགས་གསར་བའི་གྲོང་སྡེ་དྲུག་པར་གྲོགས་པོ་ཞིག་བརྒྱུད་ཁང་པ་ཞིག་དུས་ངེས་མེད་གཡར་བོ་བྱས་ནས་བསྡད་པ་ཡིན། གྲོང་སྡེའི་སྤྱི་མི་དང་གཞིས་ལས་ཁང་དུ་ང་དེར་བསྡད་ཡོད་པའི་སྙན་གསན་ཞུས་པ་ཡིན། ས་གནས་འགོ་འཛིན་གྱིས་ཁྱེད་རང་དེར་འདུག་གི་ཡོད་པའི་སྙན་གསན་བྱུང་བ་ཡག་པོ་རེད་ངོ་མ་བཤད་ན་བདེ་སྲུང་གིས་ཁྱེད་རང་འདུག་ས་གང་ཡིན་ས་གནས་སོ་སོའི་འགོ་འཛིན་ལ་ཡི་གེ་སྐུར་དགོས་ཀྱི་རེད་མོད། དེ་འདྲའི་ལམ་སྟོན་ལུགས་སོ་མི་འདུག འོན་ཀྱང་ཁྱེད་ལ་སློབ་སྦྱོང་ཡོད་ཚང་འདི་ལྟར་སྙན་གསན་བྱས་པ་ཡག་པོ་རེད། རེད་དེ་སྤྱི་མི་དང་ཁང་བདག་གི་ས་ནས་ཁང་གླ་སྤྲད་དེ་བསྡད་ཡོད་པའི་མཚན་རྟགས་ཤིག་ཁུར་ཤོག་ཟེར། ངས་སྤྱི་མི་ལ་བཤད་སྐབས་ཁང་བདག་ལ་འདྲི་དགོས་ཟེར། ཕྱི་ཉིན་ང་ཁང་བདག་སར་སོང་སྐབས་ཁོང་གིས་འགྲོ་སྟངས་དེ་དགོས་ཀྱི་མ་རེད་དེ་འདྲ་བྱས་ན་ཁོང་ལ་དཀའ་ངལ་ཡོད་པ་མང་པོ་བཤད། མ་ཚད་ཁྱེད་རང་གན་རྒྱ་མེད་པར་འདུག་འདོད་མེད་ན་སོང་ཀྱང་ཆོག་པར་བཤད་སོང་། ལྷག་པར་ཁོང་གི་བུ་ཕྲུག་ཁ་ཤས་ལ་ས་ཁང་གི་ཐོབ་ཐང་མེད་པ་དང་སྔོན་མ་ཞིག་ལ་ཁོང་གི་ཁང་ཨང་བེད་སྤྱོད་བྱས་ནས་གཞིས་ཆགས་མི་ཞིག་གིས་དངུལ་ཁང་ནས་སྒོར་མོ་མང་པོ་བླང་རྗེས་དཀའ་ངལ་འཕྲད་པའི་སྐོར་བརྗོད་སོང་། གང་ལྟར་ངས་དེར་ཁང་གླ་སྤྲད་ནས་གནས་སྐབས་རིང་བསྡད་ཡོད་པ་རེད་ཟེར་བ་ཙམ་ལ་ཡང་རྒྱབ་སྐྱོར་བྱེད་ཀྱི་མི་དུག་པས་མ་ཚད། ང་ཚོས་ས་ཁང་བདག་ཐོབ་འཕྲོག་པ་འམ་ཡང་ན་ཁང་པའི་ཨང་གྲངས་བེད་སྤྱོད་འདྲ་མིན་གཏོང་འདོད་ཀྱིས་དོགས་པས་མཚན་རྟགས་གནང་མ་སོང་།
བྱེད་སྟངས་འདིས་གསར་འབྱོར་བ་གཞིས་ཆགས་སུ་གནས་སྡོད་མི་ཐུབ་པ་བཟོ་ཐུབ་ཀྱི་ཡོད་པ་རེད། གནད་དོན་འདིའི་རྒྱབ་ལྗོངས་སུ་བཙན་བྱོལ་བོད་གཞུང་གི་གསར་འབྱོར་ཕྱིར་ལོག་གི་སྲིད་ཇུས་ཡོད་པ་རེད་དམ་ཡང་ན་ས་གནས་ཞིགས་ཆགས་ཀྱིས་གསར་འབྱོར་བ་ལ་ལྟ་ཚུལ་གྱི་སྲིད་ཇུས་ཤིག་ཡོད་པ་རེད། གང་ལྟར་མཐར་ངས་ཁོང་ལ་ས་ཁང་བདག་ཐོབ་དང་ཁང་ཨང་བེད་སྤྱོད་ལོག་པ་བྱ་འདོད་ཀྱིས་མིན་ལ་གན་རྒྱ་འཇོག་འདོད་ཀྱང་མིན་པའི་གསལ་བཤད་ཞིག་བྱས་ནས་ཐོན་ཡོང་པ་ཡིན། གང་ལྟར་ངས་ཁང་བྱང་མ་རགས་པ་རེད། དེ་ཡང་ང་གཅིག་པུ་ག་ལ་ཡིན་འདི་ཕྱོགས་ཀྱི་གསར་འབྱོར་བ་མི་སྐྱ་ཚང་མ་འདི་ལྟར་རེད། བོད་པའི་གཞིས་ཆགས་སུ་བོད་པ་སླེབས་ཀྱང་འདུག་ས་མགྲོན་ཁང་ལས་སྐྱོ་བ་རེད། ངས་ལས་བྱེད་དང་མི་རྒན། གསར་འབྱོར་དང་གཞིས་ཆགས། ཚོང་པ་ཚོར་ང་ལ་འདུག་ས་ངོ་མ་ཞིག་དང་ཁ་བྱང་དག་མ་ཞིག་ལོན་ཀྱི་ཡོད་མེད་རྩད་གཅོད་བྱས་ཀྱང་འདི་ན་འདུག་ས་ཡོད་རེད་ཟེར་མཁན་གཅིག་ཀྱང་མ་བྱུང་བས་མ་ཚད། བཙན་བྱོལ་གཞུང་ལ་གསར་འབྱོར་བ་ཚོ་ཕྱིར་ལོག་བྱ་རྒྱུར་སྲིད་ཇུས་ཡོད་པ་ཡང་དྲན་གསོ་བྱེད་མཁན་བྱུང་། སྐབས་དེར་ངས་སྔོན་མ་ང་སློབ་གྲྭ་ན་ཡོད་སྐབས་ཤེས་རིགས་དྲུང་ཆེ་ཀརྨ་དགེ་ལེགས་ཀྱིས་གསར་འབྱོར་ཕྱིར་ལོག་གི་སྲིད་ཇུས་གསལ་བཤད་བྱས་པས་དེ་ཡང་དྲན་པ་སོས། འོན་ཀྱང་ངས་ང་ཚོ་གསར་འབྱོར་བ་རྒྱ་གར་ནང་འདུག་འདོད་ཡོད་མཁན་ཚོ་འདུག་ས་དང་འགྲོ་ས་ངོ་མ་གང་རེད་ཅེས་དྲི་བ་འདི་འདྲི་འདོད་བྱུང་། ཡང་ངས་འདི་ལྟར་མང་པོ་ཞིག་བཤད་ཡོང་སྐབས་ཁྱེད་ཀྱིས་སེམས་ལ་ཁང་པ་གླ་རྒྱུ་ལོན་དུས་འདུག་མ་ཐུབ་ཡར་ལ་སྙན་གསན་ཞུས་མར་ལ་སྙན་གསན་ཞུ་དགོས་མི་འདུག་བསྙམ་ཡང་སྲིད་མོད། དེ་དེ་འདྲའི་བསྡོམས་བདེ་བོ་ཞིག་ག་ལ་ཡིན། ང་ཚོར་རྒྱ་གར་སྐྱབས་བཅོལ་ལག་དེབ་དང་ཕྱིར་བསྒྱོད་ལག་དེབ་བཟོ་དགོས་པ་སོགས་ལས་ཀ་མང་པོ་ཞིག་ལ་ཁ་བྱང་ཁུངས་བརྟན་གསལ་བོ་སྤྲད་རྒྱུ་མེད་ན་ཁག་པོ་ཞེ་དྲག་རེད། ད་དུང་དེ་མིན་པའི་དཔེ་མཚོན་གཅིག་བཞག་ན། ལོ་སྔོན་མ་ཞིག་ལ་བོད་ཀྱི་གྲྭ་བ་ཞིག་བྷེལ་ཀོབ་བོད་མའི་གཞིས་ཆགས་སུ་མེར་བསྲེག་དོན་རྐྱེན་བྱུང་པ་རེད། ཉེན་རྟོགས་པ་དང་གསང་ལས་པས་བརྟགས་དཔྱད་བྱས་མཐར་གྲྭ་པ་དེའི་གྲྭ་ཚང་དང་ཁམས་ཚན། སྤུན་ཟླ་སོགས་སུ་ཡིན་གསར་བོ་ངོས་ཟིན་པ་རེད་ལ། གཞིས་ཆགས་ལས་ཁང་། དགོན་པ་གྲྭ་ཚང་། གཞོན་ནུ་བུད་མེད། འདི་ཚོ་ཚང་མས་ཧ་གོ་ཡོད་པ་རེད་མོད་བོད་པ་སུ་གཅིག་གིས་རོ་བདག་མ་བྱས་པ་རེད། འདི་ནི་གསར་འབྱོར་བ་ཚོའི་འདུག་ས་རེད་དམ།
http://www.khawakarpo.org/bo/blog/2012-07-16-10-08-07/1564-2009-05-26-06-07-35
བོད་ཀྱི་དུས་བབ་གསར་ཁང་གི་འབྲེལ་ཡོད་ལས་བྱེད་ཚང་མ་བཀའ་དྲིན་ཤིན་ཏུ་ཆེ། གསར་འགྱུར་གཞན་དང་མི་འདྲ་བར་གནས་ཚུལ་གང་ཞིག་སྤེལ་ཡང་ཁུངས་ལྡན་དང་། གནད་ཚང་བ། གོ་རིམ་ལྡན་པ་སོགས་ཕྱོགས་ཡོང་ནས་གསར་ཁང་ཞིག་གི་འགན་འཁྲི་དང་གནས་ཚད་ལྡན་པ་ལགས་ན་འབྱུང་འགྱུར་ཡང་དེ་དོན་ལས་མི་ཞན་པར་བཀའ་དྲིན་ཆེ།
དྷ་རམ་ས་ལའི་གསར་འབྱོར་ཚོར་གནས་སྐབས་རིང་སྡོད་ཁང་གོ་སྒྲིག་བྱེད་ཐུབ་མ་སོང་ཟེར་བའི་གནས་སྐབས་ཟེར་བ་ཏག་ཏག་རང་མ་རེད། ལོ་༥༠ ནང་དྷ་རམ་ས་ལའི་གསར་འབྱོར་ཚོར་སྡོད་ཁང་གོ་སྒྲིག་བྱེད་ཐུབ་མེད།
རྒྱ་རིག་སྒྲོལ་མ་ལགས་དང་ ཚེ་རིང་དངོས་སྒྲུབ་ལགས་རྣམས་ཀྱི་མིག་ཤེལ་གྱོན་སྟངས་ཧ་ཅང་ལེགས་པོ་ ཁོང་གཉིས་ལ་བལྟས་ཚེ་སྤྱི་འཐུས་རྣམས་ཧ་ལམ་རྩེ་ཕོ་བྲང་ནང་བཞུགས་ཡོད་པ་འདྲ་པོ་འདུག་ཡིན་ཡང་ད་ལྟའང་རྡ་ས་བཙན་བྱོལ་ནང་ལུས་བསྡད་ཤག་རྣམས་པ་ཚོ་ བཀྲིན་ཆེ།།།
བཀའ་བློན་རྒྱ་རི་སྒྲོལ་མས་སྤྱི་འཐུས་ཟླ་བ་ཚེ་རིང་ལ་གཏིང་ནག་པོས་ཚིག་མདའ་ཞིག་འཕངས་འདུག “ དྷ་རམ་ས་ལ་ཁུལ་དུ་ཁང་པའི་དཀའ་ངལ་ཡོད་པ་དངོས་འབྲེལ་རེད། གཞིས་ཆགས་གཞན་དང་མི་འདྲ་བར་དྷ་རམ་ས་ལར་དཔལ་འབྱོར་ཡོད་པའི་རང་བདག་གི་ཁང་པ་ཡོད་མཁན་འཕུད་བའི་དེ་མིན་གྱི་བོད་ནས་གསར་དུ་འབྱོར་བ་དང་། དེ་སྔོན་ནས་འབྱོར་མཁན་བོད་མི་སུ་ཡིན་ཡང་ཁང་པ་གླས་ཏེ་བསྡད་ཡོད། ” ཡིན་ནའང་དྷ་རམ་ས་ལའི་གསར་་འབྱོར་བ་མང་ཤོས་དང་དཀའ་ངལ་ཆེ་ཤོས་སྣང་མེད་ཀྱིས་ཟུར་ལ་བཞག་སྟེ། གསར་འབྱོར་བ་ཉུང་ཤོས་དང་རྒྱུ་དཔལ་འབྱོར་ཆེ་ཤོས་སྦིར་དང་ལྷོ་ཕྱོགས་སྦེལ་ལ་ཀོ་པི་སོགས་སུ་ཁང་པ་བརྒྱབ་པར་བློ་ཕམ་ཚད་མེད་ཡོད།
རྣམ་དཔྱོད་ཆོག་ཏུ་ཡངས་པའི་བོད་ཀྱི་དུས་བབ་ཚང་གི་གསར་འགོད་པ་རྣམས་པར་ཐུགས་རྗེ་ཤིན་ཏུ་ཆེ་ཞུ་བ་དང་ལྷག་པར་དུ་རྩོམ་སྒྲིག་པ་དོན་གྲུབ་བཀྲ་ཤིས་མཆོག་ལ་ཡིད་རེང་སྔགས་བརྗོད་གྲངས་མེད་ཞུ་རྒྱུ་དང་འབྲེལ་ནས།
ཛ་དྲག་གནད་འགག་གི་གནས་ཚུ་གྱི་དུས་ཚོད་ལ་ཐུག་སྐབས་གསར་འགྱུར་རྣམས་ཧ་ཅང་མྱུར་པོ་དང་དུས་ཐོག་གནད་དུ་འཁེལ་བ་དང་ཁ་ཡོད་ལག་ཡོད་གནང་སོང་བར་སེམས་ཁུངས་རིས་པའི་གཏིང་ནས་ཐུགས་རྗེ་ཆེ་ཞུ་བ་སྔོན་ཏུ་བཏང་ནས་ཐེངས་གྲོས་ཚོགས་བརྙན་འཕྲིན་ནང་ནས་ལྟ་ཐུབ་ནའང་ཉིན་གྲངས་མང་པོ་དང་ཉིན་མ་རེ་རེ་ལའང་གནས་ཚུལ་ཧ་ཅང་མང་པོ་ཞིག་ཡོང་གི་ཡོད་ནའང་དུས་བབ་ཚགས་ཤོག་ཚང་གི་གསར་འགོད་པ་ཚོས་གནས་ཚུལ་དབྱེ་བསྲེས་བྱས་ཏེ་གལ་ཆེ་བ་དང་ཆབ་སྲིད་པ་དང་འབྲེལ་ཡོད་ལས་ཀྱི་སྣེ་མོ་བ་ཚོར་བརྡ་ལན་གོ་དོན་སྤྲོད་དགོས་པ།
དེ་བཞིན་དུ་མང་ཚོགས་ལའང་མཁྱེན་རྟོགས་དང་གོ་རྟོགས་སྤེལ་བ་ཁག་དུས་ལས་མ་ཡོལ་བར་ཁ་གསལ་ལ་གནད་དུ་འཁེལ་བའི་ཐོག་ནས་འདེམས་སྒྲིག་གནང་སྟེ་དྲ་རྒྱའི་ཐོག་སྤེལ་གནང་མཛད་པ་ཤིན་ཏུ་ནས་ཐུགས་རྗེ་ཆེ་ཞུ་བཞིན་ཡོད།
སྤྱི་ཡོངས་ནས་བོད་པའི་སྐད་ཡིག་རིག་གཞུང་དང་ལྷག་པར་དུ་བོད་པའི་འཐབ་རྩོད་ཐོག་བླ་ན་མེད་པའི་བྱས་རྗེས་དང་ནུས་པ་འཐོན་གྱི་ཡོད་པ་སྨོས་མེད་ཐཽག་ ང་ཚོ་བོད་པ་རང་གི་སྤྱི་ཚོགས་ནང་དུ་ཡང་ཆབ་སྲིད་ཀྱི་གོ་རྟོགས་དང་མང་གཙོའི་འདུ་ཤེས་དང་གཤིས་སྤྱོད་ཇེ་ཟབ་ཏུ་གཏོང་རྒྱུར་ཁ་ཡོད་ལག་ཡོད་ཀྱིས་ཕན་ཐོགས་ཡོད་པ་ཧ་ཅང་གསལ་བོ་ཡིན་པས་རྣམས་པ་ལྷན་རྒྱས་ནས་མུ་མཐུད་དུ་ཕྱག་ལས་འབད་བརྩོན་གནང་རོགས་གནང་ཞུ་བཞིན་ཡོད། ང་དང་ང་ལྟ་བུ་མང་པོ་ཞིག་བོད་ཀྱི་དུས་བབ་ཚགས་ཤོག་དང་དྲ་རྒྱ་སོགས་འཚོ་བའི་ཆ་ཤས་ལྟ་བུར་ཉིན་རེ་བཞིན་ལྟ་ཀློག་བྱེད་ཀྱིན་ཡོད་པ་དང་། ལྷག་པར་དུ་བོད་ཕྱི་ནང་དང་རྒྱལ་སྤྱི་རྒྱ་ནག་སོགས་ལ་མཁྱེན་རྟོགས་བྱེད་པའི་སྒོ་དང་སྒེའུ་ཁུངསལྟ་བུ་ཞིག་ཏུ་གྱུར་ཡོད་པ་ད་ལྟའི་སྤྱི་ཚོགས་ནང་དུ་བོད་ཀྱི་དུས་བབ་ལ་དོ་སྣང་ཆ་འཇོག་གནང་གི་ཡོད་པ་དེ་དེ་ལས་ཀྱང་གསལ་བོར་རྟོགས་པས་མུ་མཐུད་དུ་ཤུགས་སྣོན་ཡོང་རེ་བ་དང་བཅས། བོད་རྒྱལ་ལོ།།།།
དྷ་ས་ན་གསར་འབྱོར་མང་བས་དཀའ་ངལ་ཆེ་ཤོསའང་། ས་དེའི་སྡོད་ཁང་གི་དཀའ་ངལ་ཡིན་པ་སྨྲས་མ་དགོས་བ་རེད། ད་ལྟའི་བར་དུ་གསར་འབྱོར་གྱི་དཀའ་ངལ་ལ་བམས་ཤེས་བྱེད་མཁན་རེ་གཉིས་ལས་བྱུང་མ་སོང་། གཞི་ཆགས་ཁག་ལ་ཕྱི་རྒྱལ་དུ་འགྲོ་བའི་ལས་རིམ་བསྒྲིག་པ་དང་ཁང་པ་གསར་བ་རྒྱག་པ་སོགས་བྱེད་སྒོ་སྣ་ཚོགས་སྤེལ་དང་སྤེལ་བཞིན་འདུག དྷ་སའི་གསར་འབྱོར་ཚོ་ད་ནི་རེ་རེ་བཞིན་ཕྱོགས་ཡར་མར་ལ་ཐོར་ཚར་སོང་བས། དྷ་སའང་སྟོང་སང་ངེར་འདུག ལམ་ཁ་གསར་བ་དེའང་རྒྱ་གར་པན་འཇབ་ཀྱི་ཡུལ་སྐོར་སྤྲོ་འཆམ་ཚོར་སྟབས་བདེ་བཟོས་བ་ཤ་སྟག་རེད་དོ།