༄༅། །འདི་ག་དགུ་བཅུ་གསུམ་ལས་འགུལ་ཚོགས་པས་ལོ་ལྟར་བོད་ཀྱི་ཆབ་སྲིད་བཙོན་ཟུར་གཙོ་བོར་གྱུར་པའི་ཚོགས་མི་རྣམས་ཀྱི་ཤེས་ཚད་གོང་མཐོར་གཏང་རྒྱུར་དམིགས་ཏེ། དུས་ཡུན་ལོ་གཅིག་རིང་གློག་ཀླད་ཤེས་བྱ་གཙོ་བོར་གྱུར་པའི་བོད་ཀྱི་སྐད་ཡིག་དང་། དབྱིན་ཇིའི་སྐད་ཡིག་གི་འཛིན་གྲྭ་ཞིག་ཚུགས་མུས་སུ་ཡོད་པ་བཞིན། འདི་ལོར་ཡང་སྐབས་བཅུ་དྲུག་པའི་སློབ་མ་གྲངས་ཉི་ཤུ་ཡིག་རྒྱུགས་ཀྱི་ལམ་ནས་གསར་བསྡུ་བྱ་རྒྱུ་དང་། གཞན་ཡང་ས་མིག་ལྷག་མ་བྱུང་ཚེ་ཚོགས་མི་མ་ཡིན་པ་རྣམས་ཀྱིས་ལོ་གཅིག་གི་སློབ་ཡོན་སྡེབ་འབུལ་ཐོག གཤམ་གསལ་ཆ་རྐྱེན་ཚང་བ་རྣམས་གཅིག་གྱུར་ཡིག་རྒྱུགས་ཀྱི་ལམ་ནས་བསྡུ་ལེན་བྱ་རྒྱུ་ལགས་ན། སྤྱི་ཟླ་7 ཚེས10 ཉིན་གྱི་ནང་ཚུད་འདི་གར་སྙན་ཞུ་འབུལ་འབྱོར་དགོས་པའི་གསལ་བརྡར།
སློབ་གྲྭར་བཞུགས་རིང་མཐུན་རྐྱེན།
1 ༽ བཞུགས་ཡུལ་གོ་སྒྲིག
2 ༽ དུས་གསུམ་གྱི་ཞལ་ལག
3 ༽ ཚོགས་མི་ཡིན་ཚེ་ནད་མནར་རིགས་ལ་སྨན་བཅོས་མཐུན་རྐྱེན་བཅས་ཡོད།
གཤམ་གསལ་ཁ་བྱང་ཐོག་འབྲེལ་བ་གནང་རོགས།
E-mail: guchusum1991@gmail.com
Phone: (+91) 9882-561566
