ད་ལྟ་རང་གནས་ཚུལ་འབྱོར་བ་ལྟར་ན། དེ་རིང་ཕྱི་དྲོའི་བོད་ནང་གི་ཆུ་ཚོད་ ༦ པ་ཡས་མས་ལ་ཡུལ་ཤུལ་སྐྱེ་རྒུ་མདོའི་གེ་སར་ཐང་ཆེན་གྱི་གཡས་ཟུར་དུ། བོད་པའི་གྲྭ་བ་ཞིག་གིས་རང་ལུས་མེར་བསྲེགས་གནང་ཡོད་འདུག དགེ་འདུན་པ་དེའི་འདས་སོན་དང་། མཚན་ལ་ཅི་ཟེར་དགོན་པ་གང་ནས་ཡིན་པ་སོགས་ཀྱི་ཞིབ་ཁྲའི་གནས་ཚུལ་ད་སྔ་གང་ཡང་ཤེས་རྟོགས་ཐུབ་མ་སོང་།
གནས་ཚུལ་དེ་བྱུང་མ་ཐག་ཡུལ་ཤུལ་ཁུལ་གྲོང་ཁྱེར་གྱི་གཞུང་ལམ་མང་ཆེ་བ་དྲག་ཆས་ཉེན་རྟོག་དཔུང་དམག་གིས་བཀག་སྡོམ་བྱས་ཡོད་པ་མ་ཟད། ཁ་པར་དང་བརྡ་འཕྲིན་བརྒྱུད་ལམ་སོགས་ཀྱིང་སྟབས་བདེ་མེད་སྟབས། གནས་ཚུལ་ཐོན་རིམ་བཞིན་ཇེ་གསལ་དུ་གཏོང་ངེས་ཡིན།
འདི་ནི་ད་ལོའི་ཕྱི་ཟླ་ ༥ ཚེས་ ༢༧ གྱི་མཚན་མོར། མདོ་སྨད་ཀན་སུའུ་
དགེ་འདུན་པ་རང་ལོ་ ༢༦ ཡིན་པ་དང་ཁོང་གི་མཚན་ལ་བསོད་ནམས་སྟོབས་རྒྱལ་ཟེར་བཞིན་ཡོད་འདུག ཁོང་ནི་ཡུལ་ཤུལ་ནང་ཆེན་ནས་ཡིན་པ་དང་ཨ་ཕའི་མིང་ལ་ནང་ཆེན་བཀྲ་ཤིས་ཟེར་བ་རེད། བསོད་སྟོབས་ལགས་ཀྱིས་རང་ལུས་མེར་སྲེག་བཏང་མ་ཐག་མཐའ་ཁོར་གྱི་བོད་མི་ཚོས་སྨན་ཁང་དུ་འཁྲིད་འགྲོ་སྐབས་སྐུ་གྲོངས་མེད་ཀྱང་དེའི་རྗེས་སུ་ཉེན་རྟོག་པ་མང་པོ་འབྱོར་ཡོད་སྟབས་འདས་སོན་གསལ་ཁ་མི་འདུག
རང་ལུས་མེར་བསྲེག་གི་གནས་ཚུལ་རེ་ཡོང་དུས་སེམས་པ་
འདི་སྐྱོ་སྣང་གི་ཁེངས། ལར་ཞེན་གྱིས་དབང་གིས་སྐད་ཆ་ཞིག་བརྗོད་དགོས་བསམ་ཀྱང་རང་ཉིད་ལ་གདེངས་སྤོབ་བྲལ།
འོན་ཀྱང་མི་རིགས་ཀྱི་ཆེད་དུ་རང་སྲོག་བློས་གཏང་བྱས་པ་ནི་རྒྱལ་གཅེས་དཔའ་བོ་དཔའ་མོར་གྲགས། དེས་ན་ཁྱེད་བདེ་མོ་བྱོས། བོད་པ་ཚང་གིས་སེམས་ནས་ཁྱེད་བརྗེད་མི་སྲིད།
བསྟན་དང་དེ་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།།
དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།
ཨོྃ་མ་ཎི་པདྨེ་ཧུྃ། རྒྱལ་ཁབ་དང་མི་རིགས་ཀྱི་ཆེད་དུ་རྒྱ་ནག་དམར་པོའི་སྲིད་གཞུང་ལ་མི་འདོད་པའི་རྣམ་པ་བསྟན་ཏེ་རང་ཉིད་ཀྱི་གཅེས་སུ་འོས་པའི་ལུས་སྲོག་ལོངས་སྤྱོད་དང་བཅས་པ་མེ་ལྷ་རྒྱལ་མོའི་ཞལ་དུ་མཆོད་དེ་བོད་པའི་མི་རབས་ཚ་རྒྱུད་ལ་གཟི་འོད་རབ་ཏུ་འབར་བའི་རླབས་ཆེན་གྱི་བྱས་རྗེ་བཞག་གནང་མཛད་པ་འདི་དག་མ་འོངས་བོད་པའི་ལོ་རྒྱུས་དེབ་ཐེར་ནང་གསེར་ཡིག་གིས་འཁོད་དེ་ཇི་སྲིད་བར་བོད་མི་ས་ཡ་དྲུག་གི་སེམས་ངོས་ནས་མི་འབོར་བའི་དྲན་རྟེན་རྡོ་རིང་བསླངས་ངེས་ཡིན། བདེ་བར་བཞུད། ཨོྃ་མ་ཎི་པདྨེ་ཧུྃ།