ང་སྤྱི་འཐུས་ལང་གི་མིན།

གུས་པར་གདེང་འཇོག་གནང་མཁན་མི་ཉུང་བ་ཞིག་གིས་གུས་པའི་པར་དང་མིང་བྱང་སྡོད་གནས་བཅས་པ་ངོ་སྤྲོད་དང་འབྲེལ། གུས་པ་རང་ལའང་ཞལ་པར་ཐོག་སྔ་ཕྱིར་འབྲེལ་བ་ཡང་ཡང་གནང་ནས། གུས་དགེ་ལུགས་སྤྱི་འཐུས་དང་མདོ་སྟོད་སྤྱི་འཐུས་འོས་གཞིར་བཞག་གནང་བ་ཡིན་ལ། དགེ་ལུགས་སྤྱི་འཐུས་འཐོབ་ངེས་སུ་ཚོད་དཔག་ཐུབ་པས། ཐུགས་རྗེ་ཆེ་ཞེས་ཡང་ཡང་ཞུ་བ་དང་སྦྲགས། གུས་པར་རྨི་ལམ་ལྟ་བུའི་ལས་མཇུག་ཅིག་ད་དུང་ལུས་བསྡད་ཡོད་པ་དང་། ད་ལྟ་དགེ་ལུགས་སྤྱི་འཐུས་ཀྱི་འོས་སུ་འགྲོ་བཞིན་པ་རྣམས་ཀྱང་ལོ་ན་དང་། ཤེས་ཡོན། ཕུགས་བསམ་གང་ཐད་ནས་རེ་བ་བཅང་འོས་ལྡན་པ་ཁོ་ནར་མཐོང་པས། འཚང་ཀ་རྒྱག་འདོད་དེ་བས་མི་འདུག་པས། གུས་པ་ཐེངས་འདིར་སླར་ཡང་དགེ་ལུགས་དང་མདོ་སྟོད་ཀྱི་སྤྱི་འཐུས་སུ་མི་ལང་རྒྱུ་ཐག་གཅོད་ཞུས་པ་ཡིན། གུས་བེ་རི་འཇིགས་མེད་ཀྱིས་ཝཱ་ར་ཎཱ་སི་གཙུག་ལག་སློབ་གྲྭ་ཆེན་མོ་ནས།

༢༠༡༥།༡༠།༡༤ ལ་ཕུལ།