ཟླ་འདིའི་ཚེས་ ༡༨ ཉིན་སྲིད་སྐྱོང་དང་སྤྱི་འཐུས་གཉིས་ཀྱི་སྔོན་འགྲོའི་འོས་བསྡུ་གནང་གྲུབ་སྟེ། ད་ལྟ་ས་གནས་ཁག་གི་འོས་བསྡུའི་གྲུབ་འབྲས་འཐོན་བཞིན་པ་དང་བསྟུན་ཏེ། དེ་རིང་འདི་གའི་གསར་འགོད་པས་ས་གནས་ཁག་གི་འོས་བསྡུའི་ལས་ཁང་ལ་ཁ་པར་བཏང་སྟེ། སྲིད་སྐྱོང་གི་བསྡུའི་མཇུག་འབྲས་རྩད་ཞིབ་བྱས་པ་ལྟར་ན། ས་གནས་ཁ་ཤས་ཤིག་གིས་ད་ལྟ་གྲངས་བཤེར་བྱེད་མུས་ཡིན་ཞིང་། ས་གནས་ཁག་ ༣༥ ནང་གྲངས་བཤེར་གྲུབ་པའི་གནས་སྟངས་ནི། སྲིད་སྐྱོང་ལས་ཐོག་བློ་བཟང་སེང་གེ་མཆོག་ལ་འོས་གྲངས་ ༡༥༧༠༧ དང་། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ་འོས་གྲངས་ ༦༠༥༠ ། ཨ་ཚོགས་ཀླུ་མཁར་བྱམས་ལགས་སུ་འོས་ ༡༡༠༠ ། བཀྲ་ཤིས་དབང་འདུས་ལགས་སུ་འོས་ ༨༧༡ ། བཀྲ་ཤིས་སྟོབས་རྒྱལ་ལགས་སུ་འོས་ ༢༥ བཅས་ཐོབ་འདུག
གསར་འགོད་པ། དོན་གྲུབ།
བུདྡྷ་ལགས། མ་གཞི་བོད་ཀྱི་དུས་བབ་འདི་བོད་ཡིག་རྐྱང་པའི་དྲ་ཚིགས་ཤིག་ཡིན་སྟབས་རྒྱ་དབྱིན་སོགས་ཀྱི་མཆན་མི་སྤེལ་རྒྱུར་འབོད་སྐུལ་ཞུས་ཡོད་པ་ཁྱོད་ཀྱིས་མཆན་འདེབས་སྐབས་ཟུར་དུ་འཆར་ཡོད་པ་དེ་དོན་བཞིན་ཡིན་ནའང་། བོད་ཡིག་གཙོ་བོ་བྱས་ཏེ་སྐད་ཡིག་གཞན་འདྲེས་པ་དག་སྤེལ་བཞིན་ཡོད་ལ། མཚམས་རེར་ཕྱི་སྐད་རྐྱང་པའི་མཆན་བུ་རེ་ཟུང་ཡང་ཤོར་འགྲོ་བཞིན་འདུག
བོད་ཀྱི་དུས་བབ་གསར་ཁང་གིས་ཨིན་ཡིག་ཐོག་བྲིས་པའི་རྩོམ་ཡིག་དང་མཆན་གྱི་རིགས་དང་ལེན་བྱེད་ཀྱི་ཡོད་དམ། འདིའི་ཐད་ལམ་སྟོན་གསལ་པོ་ཞིག་ཡོད་ན་ཀློག་པ་པོ་དང་། སྤེལ་མཁན། དེ་བཞིན་དུས་བབ་གསར་ཁང་ལ་སྤྱི་ཡོངས་ནས་ལྟ་སྟངས་བཅས་ལའང་ཁྱད་པར་ཆེན་པོ་འདུག་སྙམ།
Sikyong Lobsang Sangay la, great and Tashi Delek for your big margin PE victory.
དུས་བབ་གསར་ཁང་གིས་ཁ་སྔོན་བཀོད་པའི་འོས་གྲངས་ལ་ནོར་འཕྱུགས་བྱུང་བ་དེ་བསྐྱར་བཅོས་བྱས་འདུག དེ་ཡག་པོ་རེད། འོན་ཀྱང་འདི་ལ་གསལ་བཤད་ཅིག་ཏན་ཏན་དགོས་ཀྱི་འདུག དེ་མ་གཏོགས་འོས་གྲངས་བསྐྱར་བཅོས་ཀྱིས་བཀོད་པ་གཅིག་པུས་འགྲིག་སོང་བ་དེ་འདྲ་མ་རེད། འདི་དོན་གལ་ཆེན།་གལ་སྲིད་འོས་བསྡུ་ལས་ཁུངས་ནས་ནོར་བ་དང་ཁོ་ཚོས་བསྐྱར་བཅོས་ཀྱིས་གསར་ཁང་ལ་བསྐུར་ཡོང་བཡིན་ན་དེ་བཞིན་གསལ་བཤད་བྱ་དགོས། འོས་བསྡུ་ལས་ཁུངས་ནས་བཏང་འབྱོར་བྱུང་བ་དུས་བབ་གསར་ལ྄ང་གིས་འོས་གྲངས་ནོར་བར་བཀོད་ནོར་བྱུང་ན་དེ་བཞིན་དགོངས་དག་དང་གསལ་བཤད་བྱ་དགོས། འདི་དོན་དག་ཆུང་ཆུང་མ་རེད།
འོས་ཤིག་གཅིག་གི་རིན ཐང་ཆེན་པོ་ཡིན་ཆོག་ལ། འོས་ཤོག་གཅིག་གི་རིན་ཐང་ཆུང་ཆུང་ཡང་ཡིན་ཆོག འོས་ཤོག་གི་རིན་ཐང་ཐད་ནས་གལ་ཆེ་ཆུང་ཁྱེད་གསར་ཁང་ལ་ཞུ་དགོས་རྒྱུ་མ་རེད། རྩོམ་སྒྲིག་མཆོག་ཀྱང་འོས་ཤོག་ལ་རེ་བྱ་གནང་འདུག་མཁན་དུ་གྱུར་ཡོད་ལ། ངས་ཀྱང་ཁྱེད་ལ་འོས་ཤོག་སྦྱན་གཏོང་བྱས་ཡོད་པས་སོ། །
བཀུར་འོས་གསར་འགོད་པ་ལགས།
གྲངས་ཐོ་འདི་ལ་བསྐྱར་ཞིབ་གནང་རོགས་ཞུ་རྒྱུ་ཡིན། རྒྱུ་མཚན་ནི།
༡) འོས་མི་སོ་སོར་འོས་ཐོབ་པའི་གྲངས་ཀ་སྤྱི་བསྡོམས་བྱས་ན་15707+6113+883+1027+25=23755 རེད་འདུག
༢) འོས་དངོས་སུ་ལྡུག་མཁན་གྱི་ཁྱོན་བསྡོམས་གྲངས་ཐོ་23412 ལས་མི་འདུག (ཁྱད་པར་གྲགས343)
༣) གྲངས་ཐོ་འདི་ལ་གཞིགས་ན་འོས་ལྡུག་མཁན་ཉུང་བ་དང་འོས་ཐོབ་པའི་གྲངས་མང་བ་ཆགས་འདུག
དགོངས་གསལ་དང་སྦྲགས། མདང་ནུབ་གོང་གི་རེའུ་མིག་བཟོ་སྐབས། སྲིད་སྐྱོང་འོས་མི་སོ་སོའི་འོས་ཐོབ་ཐོག་ནོར་འཁྲུལ་གང་ཡང་བྱུང་མེད་ཀྱང་། དེབ་སྐྱེལ་དང་འོས་འཕེན་པའི་གྲངས་ཕྲན་བུ་ནོར་འདུག་པ་བསྐྱར་བཅོས་བྱས་ཡོད་པས་རྗེས་མ་འདི་ལ་ཆ་འཛིན་གནང་དགོས།
བཀུར་འོས་གསར་འགོད་པ་ལགས། གོང་དུ་དེབ་སྐྱེལ་བྱེད་མཁན་གྱི་ཁྱོན་བསྡོམས་གྲངས་ཐོ་དང་འོས་ལྡུག་མཁན་གྱི་ཁྱོན་བསྡོམས་གྲངས་ཐོ་གཉིས་ཏག་ཏག་མིན་པ་ལྟར་སྣང་བས། བསྐྱར་དུ་ཐུགས་ཞིབ་གནང་སྐྱོང་ཡོང་བ་ཞུ། གུས་པས་རྩིས་བཤེར་བྱས་པ་ལྟར་ན། ༡) དེབ་སྐྱེལ་བྱེད་མཁན་གྱི་ཁྱོན་བསྡོམས་གྲངས་ཐོ་ནི་༤༠༥༡༧ རེད་འདུག ༢) འོས་ལྡུག་མཁན་གྱི་ཁྱོན་བསྡོམས་གྲངས་ཐོ་ནི་༢༣༤༡༢ རེད་འདུག འོས་མི་སོ་སོར་འོས་ཐོབ་པའི་གྲངས་ཐོ་རྩིས་བཤེར་བྱས་མེད། རབ་བྱུང་ན་དེའང་བསྐྱར་རྩིས་ཤིག་གནང་རོགས། ལས་བྲེལ་ཆེ་བའི་བར་ནས་ནོར་བ་ཕྲན་བུ་རེ་ཡོང་སྲིད་པ་ནི་རྒྱུན་གཏན་ཡིན་པས། བསམ་ཤེས་བྱ་འོས་པའི་གནས་སུ་འདུག གུས་པའི་ངོས་ནས་ཀྱང་ཆེད་དུ་སྐྱོན་བརྗོད་བྱས་པ་མིན། ཀློག་པ་པོ་རྣམ་པས་ཀྱང་སྐྱོན་བརྗོད་མི་བྱེད་པར་བསམ་ཤེས་གནང་རོགས་ཞུ་རྒྱུ་ཡིན།
དུས་བབ་གསར་འགོད་པ་ལགས། བཀའ་འད྄ི་ཞུ་རྒྱུར། རེའུ་མིག་ནང་དེབ་སྐྱེལ་བྱེད་མཁན་མི་གྲངས་ ༢༤༤༡༦ དང་། འོས་བླུག་མཁན་༢༠༧༤༦ འཁོད་འདུག་མོད། འོན་ཀྱང་གཤམ་གྱི་འོས་མི་རེ་རེའི་བསྡོམས་གྲངས་དེ་བསྡོམས་ན་དེ་གཉིས་བར་ན་ཧེ་བག་ ༣༠༡༡ ཤོར་འདུག་པ་དེ་ག་རེ་ཡིན་ནམ། གསལ་བཤད་ཅིག་གནང་རོགས།