སྤྲེའུ་ལོའི་སྲིད་སྐྱོང་གླེང་སྟེགས་གོ་སྒྲིག་ཚོགས་ཆུང་གི་བགྲོ་གླེང་ཐོག་སྲིད་སྐྱོང་མཆོག་ཕེབས་མ་ཐུབ་པར་བགྲོ་གླེང་གྲོལ་དགོས་བྱུང་ཡོད་པ་རེད།
དེ་རིང་ཕྱི་དྲོའི་ཆུ་ཚོད་ ༣།༠༠ སྟེང་མེག་གྷན་སྤྲོ་སྐྱིད་ཚོགས་ཁང་དུ། ད་ལོའི་སྲིད་སྐྱོང་འོས་མིར་བཞེངས་མཁན་བཀྲ་ཤིས་སྟོབས་རྒྱལ་ལགས་ཀྱིས་སྣེ་ཁྲིད་པའི་སྦྲེལ་ལོའི་སྲིད་སྐྱོང་གླེང་སྟགས་གོ་སྒྲིག་ཚོགས་ཆུང་གིས། སྲིད་སྐྱོང་ལས་ཐོག་བློ་བཟང་སེང་གེ་མཆོག་དང་སྤྱི་འཐུས་ཚོགས་གཙོ་སྤེན་པ་ཚེ་རིང་རྣམ་གཉིས་གདན་འདྲེན་ཞུས་ཏེ་བགྲོ་གླེང་ཞིག་གོ་སྒྲིག་བྱས་ཡོད་པ་དང་། བཞུགས་སྒར་ཁུལ་གྱི་མི་མང་ཡང་མང་པོ་ཞིག་ཕེབས་ཡོད་ཀྱང་། སྲིད་སྐྱོང་བློ་བཟང་སེང་གེ་མཆོག་བགྲོ་གླེང་སྟེང་ཕེབས་མེད་སྟབས། བགྲོ་གླེང་གནང་མ་ཐུབ་པར་མི་མང་རྣམས་རང་སར་ལོག་ཡོད།
སྲིད་སྐྱོང་འོས་མི་སྤེན་པ་ཚེ་རིང་མཆོག་བགྲོ་གླེང་སྟེང་ཕེབས་ཏེ། ང་དེ་རིང་གཏམ་བཤད་བྱེད་དུ་བཅར་མེད། ང་གསལ་བཤད་ཅིག་བྱེད་དུ་བཅར་བ་ཡིན། ཉེ་ཆར་བཀྲ་ཤིས་སྟོབས་རྒྱལ་ལགས་ལས་ཁུངས་ནང་ཕེབས་སོང་། ངས་ཁོང་ལ་སྲིད་སྐྱོང་མཆོག་ལ་ཞུས་ཡོད་མེད་དྲིས་པར། ཁོང་གིས་སྲིད་སྐྱོང་མཆོག་ལ་ཕྱག་ཡིག་ཅིག་ཕུལ་ཡིན། ཕེབས་དང་མི་ཕེབས་ཁྱེད་རང་གཉིས་ལྟ་ཡ་རེད་གསུང་གི་འདུག སྤྱིར་བཏང་འགྲོ་ལུགས་འགྲོ་སྟངས་ཀྱི་ཐོག་ནས་ད་ལྟའི་སྲིད་སྐྱོང་མཆོག་ཡིན་ན་ཐུགས་བྲེལ་ཆེན་པོ་ཡོད་པ་རེད། ང་རང་ཡིན་ནའང་ལས་ཁུངས་ཤིག་ལ་ལྟ་དགོས་པ་རེད། བགྲོ་གླེང་ཟེར་བ་དེ་མི་གཉིས་མཉམ་དུ་བསྡད་ནས་བགྲོ་གླེང་བྱ་རྒྱུ་མ་གཏོགས་མི་གཅིག་གིས་སྐད་ཆ་བཤད་ནས་བགྲོ་གླེང་ཡོང་ཐབས་ཡོད་མ་རེད། དེར་བརྟེན། མ་བཅར་ན་བསམ་ཡང་མི་མང་ཞེ་དྲགས་འཛོམས་འདུག་གསུང་གི་འདུག གསལ་བཤད་ཅིག་མ་ཞུས་ན། བགྲོ་གླེང་དང་ལེན་བྱས་མི་འདུག་ཅེས་སྤྱི་ཚོགས་ནང་སྐད་ཆ་ཡོང་གི་རེད་ལ། མང་ཚོགས་ལ་འགན་མ་འཁུར་བ་འདྲ་བོ་ཞིག་ཀྱང་མཐོང་གི་འདུག སྤྱིར་བཏང་བགྲོ་གླེང་གནང་རྒྱུ་དཔེ་མི་སྲིད་པའི་གལ་ཆེན་པ་རེད། ཅེས་གསུངས་སོང་།
འདི་གའི་གསར་འགོད་པས་བགྲོ་གླེང་གོ་སྒྲིག་པ་བཀྲ་ཤིས་སྟོབས་རྒྱལ་ལགས་སུ་བཅར་འདྲི་ཞུས་པར། ང་ཚོས་ཆུ་ཚོད་དང་འགྲོ་གྲོན་མང་པོ་ཞིག་བཏང་ནས་བགྲོ་གླེང་གོ་སྒྲིག་བྱས་ཏེ་མི་མང་པོ་ཕེབས་ཡོད་ཀྱང་། སྲིད་སྐྱོང་བློ་བཟང་སེང་གེ་མཆོག་ཕེབས་ཐུབ་ཀྱི་མི་འདུག་ཅེས་གསུངས་ཡོད་སྟབས། ང་ཚོས་བགྲོ་གླེང་གོ་སྒྲིག་ཞུས་པ་དེ་ཆུད་ཟོས་སུ་བཏང་སོང་། ཞེས་བརྗོད་བྱུང་།
དེ་རིང་བགྲོ་གླེང་གི་བརྗོད་གཞི་གཙོ་བོ། སྲིད་སྐྱོང་བློ་བཟང་སེང་གི་མཆོག་ནས་ལོ་ངོ་བཞི་ལྷག་ཙམ་གྱི་རིང་རྨང་གཞི་ཆ་ཚང་བཏང་ཡོད་གསུང་གི་ཡོད་སྟབས། ལོ་བཞིའི་ནང་སྔར་མེད་གསར་གཏོད་ཀྱི་རྨང་གཞི་གང་དང་གང་བཏང་ཡོད་པའི་ཐད་སྐར་མ་ ༡༥ རིང་འགྲེལ་བཤད་སྐྱོན་རྒྱུ་དང་། ཚོགས་གཙོ་སྤེན་པ་ཚེ་རིང་མཆོག་ནས་བཙན་བྱོལ་སྤྱི་ཚོགས་དང་སྒྲིག་འཛུགས་ཀྱི་འཛིན་སྐྱོང་དང་འབྲེལ་བའི་གནད་དོན་མང་པོ་ཞིག་གི་ཐད་སྦོ་ལུགས་ཡོང་གི་འདུག་གསུངས་ཡོད་སྟབས། དེའི་ཐད་ཕྱོགས་གང་དང་གང་གི་ཐད་ནས་སྦོ་ལུགས་ཡོང་གི་ཡོད་སྐོར་སྐར་མ་ ༡༥ རིང་ཞིབ་ཕྲའི་གསལ་བཤད་གནང་རྒྱུ་བཅས་རེད།
གསར་འགོད་པ། པདྨ་རྒྱལ།
བོད་ཀྱི་བང་ཆེན་ ༢༠༡༦ ཟླ་བ་ ༢ ཚེས ༥ དུས་ཚོད ༥:༢༥༠ ཕྱི་དྲོ།
ཟླ་འདིའི་ཚེས་༥ ཉིན་ཐེངས་འདིའི་སྔོན་འགྲོའི་སྲིད་སྐྱོང་འོས་མིའི་ནང་ལངས་མཁན་བཀྲ་ཤིས་སྟོབས་རྒྱལ་གྱིས་གཙོ་འགན་འོག སྲིད་སྐྱོང་འོས་མི་སྲིད་སྐྱོང་ལས་ཐོག་བློ་བཟང་སེང་གེ་དང་། སྲིད་སྐྱོང་འོས་མི་ཚོགས་གཙོ་ལས་ཐོག་སྤེན་པ་ཚེ་རིང་གཉིས་ཀྱི་བར་ལ་བགྲོ་གླེང་ཞིག་གོ་སྒྲིག་བྱས་ཡོད་ནའང། བགྲོ་གླེང་དེ་འཚོགས་ཐུབ་མེད་པ་རེད།
deballleerབགྲོ་གླེང་འཚོག་གི་ཡོད་ཅེས་ཟླ་འདིའི་ཚེས་༣ ཉིན་ཙམ་ནས་མི་མང་ལ་ཁྱབ་བསྒྲགས་བྱས་པ་དང་། ཟླ་འདིའི་ཚེས་༤ ཉིན་སྲིད་སྐྱོང་འོས་མི་གཉིས་ལ་བགྲོ་གླེང་གོ་སྒྲིག་བྱས་ཡོད་པས་ཡོང་དགོས་སྐོར་གྱི་ཡི་གེ་ཞིག་སྤྲད་ཡོད་འདུག མི་མང་གིས་སྲིད་སྐྱོང་འོས་མི་གཉིས་ཕེབས་རྒྱུ་གཏན་ཁེལ་ཡོད་པ་རེད་སྙམ་ནས་ཧ་ཅང་མི་མང་པོ་སླེབས་ཡོད་པ་རེད།
གོ་སྒྲིག་པས་འགྲེལ་བརྗོད་གནང་བ་ལྟར་ན། ཁ་སང་དགོང་མོ་སྲིད་སྐྱོང་ལས་ཁུངས་ནས་ཁོང་བཅར་ཐུབ་ཀྱི་མེད་པའི་ཁ་པར་འབྱོར་ཡོད་འདུག་ཀྱང་། ཁོང་གིས་སྲིད་སྐྱོང་ཕེབས་ཐུབ་ཀྱི་མེད་པའི་བརྡ་ལན་མི་མང་སྤྲད་མེད་འདུག
ཚོགས་གཙོ་སྤེན་པ་ཚེ་རིང་ཚོགས་ཐོག་ཏུ་ཕེབས་ནས། ཁོང་གིས་ “མི་མང་ལ་དེ་རིང་གཏམ་བཤད་བྱེད་དུ་ཡོང་བ་མིན། གསལ་བཤད་ཅིག་བྱེད་དུ་ཡོང་བ་ཡིན། ཁ་སང་བཀྲ་ཤིས་སྟོབས་ལགས་ལས་ཁུངས་ལ་ཡོང་ནས་ང་ལ་ལབ་སོང་། དེའི་སྐབས་ངས་སྲིད་སྐྱོང་ལ་ཞུས་ཡིན་ནམ་དྲིས་པ་ཡིན། སྐབས་དེར་ཁོང་གིས་སྲིད་སྐྱོང་ལ་ཡི་གེ་དེ་ཕུལ་རྒྱུ་ཡིན་གསུངས་སོང་། ག་འདྲ་དགོས་པ་རེད་ཟེར་དུས་ཕེབས་ན་མ་ཕེབས་ན་ཁྱེད་རང་གཉིས་ཀྱིས་ལྟ་ཡ་རེད་ཟེར། ད་ལྟ་འགྲོ་ལུགས་འགྲོ་སྟངས་ཐོག་ནས་སྲིད་སྐྱོང་མཛད་བྲེལ་ཆེན་པོ་རེད་ལ། ངས་ཀྱང་ལས་ཁུངས་ལ་ལྟ་དགོས་རེད། ང་ཡང་མི་ཡོང་བསམ་སོང་ཡང་། ད་ལྟ་མི་མང་པོ་འཛོམས་འདུག་ཟེར། དེ་ནས་གསལ་བཤད་ཅིག་བྱེད་དུ་ཡོང་བ་ཡིན། བགྲོ་གླེང་གལ་ཆེན་པོ་རེད་དེ། ད་ཐེངས་གནང་ལུགས་གནང་སྟངས་དེ་ཏག་ཏག་བསྡད་མི་འདུག སང་གནང་ཉིན་ཡང་ཅིག་ལས་ཁུངས་ལ་ཡོང་ནས་ཡི་གེ་ཞིག་སྤྲད་དེ་ཡོང་དགོས་པ་རེད་ལབ་ན། དཀའ་ལས་ཆགས་ས་རེད་”ཅེས་བགྲོ་གླེང་གོ་སྒྲིག་བྱེད་མཁན་མང་པོ་ཞིག་གིས་ཁོང་ལ་འབྲེལ་བ་བྱུང་ཡོད་སྐོར་དང་། ཕྱི་ཟླ་༢ ཚེས་༢༩ ལས་སྲིད་སྐྱོང་དང་ངེད་གཉིས་ཀ་བཅར་ཐུབ་ཀྱི་ཡོད་སྐོར་གསུངས་ནས་ཁོང་ལོག་ཕེབས་སོང་།
དེ་ནས་ཚོགས་འདུ་གྲོལ་བ་དང་སྲིད་སྐྱོང་འོས་མི་གཏམ་བཤད་གནང་དུ་ཕེབས་རྒྱུ་ཡོད་མེད་གཏན་མ་ཁེལ་སྔོན་ནས། མི་མང་བསྡུ་བསྐོང་བྱས་པ་ཡག་པོ་མིན་སྐོར་དང་། དུས་ཐུང་ནང་སྲིད་སྐྱོང་འོས་མི་གཉིས་ལ་འབྲེལ་བ་བྱས་པ་འགྲིག་མེད་སྐོར་བཤད་ཀྱི་འདུག །
གསར་འགོད་པ་ཆོས་ཉིད་འོད་ཟེར།
ད་ཐེངས་སྲིད་སྐྱོང་མཆོག་ལུག་རྫིའི་འཁྲབ་སྟོན་ར་བར་མ་ཕེབས་པ་འགྲིག་འདུག ཕོ་ཚོད་ཡོད་པའི་རྟགས་རེད། ལུག་རྫི་སྙིང་མ་བརྗེ། གསལ་བསྒྲགས་ནང་ལ་(བགྲོ་གླེང་ལ་མཉམ་ཞུགས་དགོས་པ་ལས་གཡོལ་ས་མེད་)ཅེས་པའི་ཚིག་དོན་དེའི་ཐོག་ནས་ལྐོག་གཡོ་ག་རེ་གཤམ་ཡོད་པ་གསལ་པོ་རེད། བགྲོ་གྲེང་ལ་ཞུགས་མིན་དང་འོས་ཤོག་སུ་ལ་འཕེན་མིན་དེ་ཚོ་ཚང་མ་རང་དབང་ལས་ངན་ཇུས་དང་མགོ་སྐོར་འགྲོ་ས་མེད།
ཧ་ཧ་བོད་མི་ཚོ། ་འདི་ང་ཚོའི་འོས་འདེམས་གནང་བའི་སྲིད་སྐྱོང་གི་ཁྱད་ཆོད་རེད།། དོ་བདག་ནས་མང་ཚོགས་ཀྱི་རེ་འདོད་སྒྲུབ་མེད་པའི་རྟགས་མཚན་རེད།། ནོར་འཁྲུལ་ཡོད་སྟབས་མང་ཚོགས་ནས་གཡོལ་གང་ཐུབ་གནངསོང་། བསྐྱར་དུ་འོས་ཤོག་འཕེན་ན་འོས་འཕེན་མཁན་བོད་་མི་དག་ནས་འགན་མ་འཁུར་བ་དང་སྨྱོན་པ་ཞིག་རེད་བསམ་གྱི་འདུག ད་འགྲིག་སོང་གཡོལ་གང་ཐུབ་ཀྱི་གནས་སྟངས་དེའི་ལོ་ ༤ ནང་གི་དབང་ཆ་བེད་སྤྱོད་ལོག་པ་ཚད་མེད་བཏང་བ་ར་འཕྲོད་སོང་།།། ཕྲུ་གུ་ཆུང་ཆུང་ལ་མེ་མདའ་བསྐྱར་དུ་སྤྲད་ན་ང་ཚོ་བསད་ཡོང་ང་།།།
ལུག་རྫིས་གོ་སྒྲིག་དཀྱོག་དཀྱོག་རེད། 1 གཅིག་རྩར་དངོས་སུ་བཅར་བ་དང་གཅིག་ལ་ཡི་གེ་བཏང་བ། 2 བརྗོད་གཞི། བློ་སེང་གིས་གང་བྱས་འབྲེལ་བརྗོད་དང་། སྤེན་ཚེས་སྐྱོན་བརྫོད་བྱ་རྒྱུ་དེ་རེད། དེ་དྱང་པོ་རེད་དམ།
སྔོན་ཆན་སྲིད་སྐྱོང་ཁོང་མང་ཚོགས་ཀྱི་མདུན་དུ་ཐོན་རྒྱུར་རྔམ་མཁན་ཞིག་རེད་བསམ་སོང་མོད། དེང་སྐབས་མང་ཚོགས་ལ་གཡོལ་མཁན་ཞིག་ཏུ་གྱུར་འདུག མི་མང་གི་རྒྱལ་སྐྱོར་དགོས་ན་མི་མང་དང་ཁ་ཐག་ཉེ་རུ་གཏོང་དགོས་པ་ལས་རིང་དུ་གཏོང་ཉན་ལེ་མ་རེད། མང་ཚོགས་ལ་རང་ཉིད་ཀྱིས་ཅི་ཞིག་འཇོན་གྱི་ཡོད་དང་། རང་ངོས་ནས་ཅི་ཞིག་བསྒྲུབ་འདོད་ཡོད་འགྲེལ་བཤད་གསལ་བོ་གནང་སྟེ་རང་ཉིད་ལ་ཡིད་ཆེ་སྐྱེས་འཇུག་དགོས།
བཀྲ་ཤིས་སྟོབས་རྒྱལ་ལགས་ཀྱིས་བཙན་བཀའི་འོག་བགྲོ་གླེང་ཚོགས་པ་དེ་མང་གཙོ་དམར་བསད་གཏང་བ་དང་ཚུངས།
སྲིད་སྐྱོང་ག་དུས་ཡིན་ནའང་གཡོལ་གང་ཐུབ་གནང་གི་འདུག་་་ ད་འོས་བསྡུ་ཆེན་པོ་སླེབས་ལ་ཉེ་བས་མི་མང་ནང་ལ་ཐོན་ནས་ལོ་བཞི་དང་ཕྱེད་ཀའི་རིང་མ་འཇོན་མ་འཐུས་མེད་པ་གསལ་པོ་བཟོ་དགོས། བྱུང་ན་མི་མང་ནང་ལ་ཁྱེད་གཉིས་བགྲོ་གླེང་ཉུང་མཐའ་ལའང་གསུམ་ཙམ་བྱེད་དགོས། སྲིད་སྐྱོང་མཆོག་་་ད་ནས་བཟུང་བགྲོ་གླེང་ལ་ཕེབས་རོགས། མ་གཡོལ་རོགས། སྐུ་མཁྱེན།།།
རང་སེམས་ན་སྡིག་པ་མེད་ན། གཤིན་རྗེ་ན་འཇིགས་པ་ཅི་ཡོད། སྲིད་སྐྱོང་ལགས།
བོད་པ་ཚོ། འདི་དག་ཚང་མ་ངོས་བདེན་དང་དྲང་རྐྱང་ཞིག་མ་རེད་ཆབ་སྲིད་ཀྱི་གཡོ་བྱུང་ཞིག་རེད་འདུག་གང་ལྟར་ཡང་
ད་ལྟའི་དུས་ལ་ང་ཚོ་ཚང་མའི་ཞེན་ཁོག་སྟོང་བ་དེ་གཙོ་པོར་མི་བྱེད་པར་གུ་ཡངས་དང་དབྱོད་ཤེས་བེད་སྤྱོད་བྱེད་བའི་དུས་སུ་བབས། ལྷག་པར་དུ་ཤེས་ཡོན་གྱི་རྨང་གཞི་ཡོད་བ་རྣམས་ཀྱི་སྣེ་ཁྲིད་ལམ་ལྟོན་བྱེད་དགོས་རེད།
ང་ཚོའི་མང་གཙོའི་རྒྱལ་ཁབ་ཨ་རི་སོགས་ལ་མིག་དཔེ་བལྟ་དགོས། ཁོང་ཚོའི་འོས་མི་རྣམས་ཀྱི་སོ་སོའི་ཁྱད་ཆོས་དང་ཡོན་ཏན་མཇོན་ཐང་སོགས་མི་མང་ལ་འགྲེལ་ཅིང་ཕན་ཚུན་སྐྱོན་འཛུག་སོགས་ཇི་ལྟར་བྱས་ཀྱང་།
མི་མང་གིས་འཚབ་འཚུབ་ཅི་ཡང་མེད་པར་བག་ཕེབས་ངང་བལྟ་ཞིང་ཉན། མི་མང་ཕན་ཚུན་རྩོད་བ་ཧ་ཅང་ཉུང་།
སྐབས་སུ་བབས་དུས་སོ་སོའི་སེམས་ལ་གྲ་སྒྲིག་ཡོད་པའི་འོས་མི་ལ་རང་དབང་གིས་དབང་ཆ་བཀོལ་ཏེ་རྒྱབ་སྐྱོར་བྱེད།
ངའི་མཐོང་སྣང་ལ་ང་ཚོ་དེ་ལས་ལྡོག་དེ་འོག་གི་མི་མང་གིས་ཕན་ཚུན་སྐྱོན་བརྗོད་དང་རྩོད་བ་བྱེད་ཐ་ན་འཁྲིག་བ་ཡང་བྱེད་བ་བྱུང་བ་འདྲ། གནས་ཚུལ་དེ་དག་ཧ་ཅིང་བློ་ཕམ་དང་གླེན་རྟགས་རེད་འདུག།
གོ་ཐོས་ལྟར་ན། སྲིད་སྐྱོང་བློ་བཟང་སེང་གེ་མཆོག་གིས་དེང་སྐབས་བགྲོ་གླེང་དང་བཅར་འདྲི། གཏམ་བཤད་སྐབས་མི་མང་ལ་དྲི་བ་དྲིས་ལན་སོགས་ལ་གཡོལ་ཅི་ཐུབ་གནང་གི་ཡོད་པ་རེད་ཟེར།
རྡ་རམ་ས་ལ་ནས། 1)འགྲོ་བ་མིའི་ཐོབ་ཐང་ཚོགས་པ་དང་། 2)མང་གཙོ་ཚོགས་པ། 3)བུད་མེད་ལྷན་ཚོགས། 4)བོད་ཀྱི་དུས་བབ་གསར་ཁང་། 5)ནོར་ཝེ་རླུང་འཕྲིན་ཁང་། 6)སྤྲེའུ་ལོའི་སྲིད་སྐྱོང་གླེང་སྟེགས། ཨ་རི་ནས། 7)ཨེ་ཤ་ཡ་རང་དབང་རླུང་འཕྲིན་ཁང་། 8)ཨ་རིའི་རླུང་འཕྲིན་ཁང་། 9)བོད་རིགས་སྤྱི་མཐུན་ཚོགས་པ་སོགས་ཀྱིས་བགྲོ་གླེང་གོ་སྒྲིག་བྱེད་པའི་འཆར་གཞི་ཡོད་ན་ཡང་བློ་བཟང་སེང་གེ་མཆོག་གིས་ཁས་ལེན་གནང་ཡོད་པ་མ་རེད་ཟེར་བཞིན་འདུག
ནོར་ཝེ་རླུང་འཕྲིན་ཁང་གིས་ཐོག་མ་སྲིད་སྐྱོང་འོས་མི་ལྔ་ལ་དྲི་བ་ལྔ་རེ་གོ་སྒྲིག་བྱས་པ་ཡང་བློ་བཟང་སེང་གེ་ཡིས་ངོས་ལེན་གནང་མེད་པའི་དབང་གིས་རྡ་རམ་ས་ལར་ལབ་གླེང་མང་པོ་བྱུང་བའི་དབང་གིས་རྗེས་སུ་ཁོ་རང་གིས་བཅར་འདྲི་དང་ལེན་བྱས་སྐབས་རྡ་རམ་ས་ལ་༼བཀའ་མོལ་བཟོ་གྲྭ༽རེད་ཅེས་མདོར་བསྡུས་ན་བོད་གཞུང་གི་ལས་བྱེད་རྣམས་ལ་ཁྱད་གསོད་བྱས་པ་རེད་ཅེས་ལབ་གླེང་ཡོང་གི་འདུག དེ་མ་ཚད་བློ་བཟང་སེང་གེ་ཡིས་བགྲོ་གླེང་རྩ་བ་ཉིད་ནས་ངོས་ལེན་མ་བྱས་སྟབས། འུ་ཐུག་སྟེ་ཨ་རིའི་རླུང་འཕྲིན་ཁང་དང་ཨེ་ཤ་ཡ་རང་དབང་རླུང་འཕྲིན་ཁང་གཉིས་མཉམ་དུ་བློ་བཟང་སེང་གེ་ཡིས་ངོས་ལེན་གནང་མིན་ལ་མ་ལྟོས་པར། བགྲོ་གླེང་ལས་རིམ་བསྒྲིགས་སྟེ་ཉེ་ཆར་རིང་ལ་ཚེས་གྲངས་ཁ་གསལ་མེད་པའི་གསལ་བསྒྲགས་དེ་གནང་བ་རེད་ཟེར།
བཀའ་ཤག་གི་ཚང་མ་སྦུག་སྦུག་རེད་འདུག གསར་འགོད་གསལ་བསྒྲགས་སྤེལ་སྐབས་གསར་འགོད་པར་དྲི་བའི་གོ་སྐབས་མི་སྟེར་བ་དང་། ཉེ་ཆར་ལྷོ་ཕྱོགས་སུ་སྲིད་སྐྱོངས་ཕེབས་སྐབས་མི་མང་ལ་དྲི་བ་དྲིས་ལན་གྱི་གོ་སྐབས་མི་སྤྲོད་པ་སོགས་བྱེད་ཀྱིན་འདུག་པས་ཁོང་ཚོས་གང་འདྲ་ཞིག་སྦས་གབ་བྱེད་ཀྱིན་ཡོད་མེད་ཤེས་དཀའ་བ་ཞིག་རེད།
དོན་དངོས་བཤད་ན་བཀྲ་ཤིས་སྟོབས་རྒྱལ་བླུན་དྲགས་པ་རེད་མ་གཏོགས་སྲིད་སྐྱོང་སྤྱི་འཐུས་ཚོགས་གཙོ་མཉམ་སྡིངས་ཆ་གཅིག་ནས་ལངས་པའི་སྤོབས་པ་མེད་པ་ཚོད་དཔག་ཐུབ་དགོས་པ་ཞིག་རེད། ཡིན་ནའང་། རིང་མིན་