བོད་ནས་གནས་ཚུལ་མཁོ་སྤྲོད་གནང་བ་ལྟར་ན། དེ་རིང་དཀར་མཛེས་ཁུལ་སེར་ཤུལ་རྫོང་། འབུམ་རྙིང་སྡེ་བའི་གྲོང་བརྡལ་དང་མང་དགེ་དགོན། ཕྱག་ཚ་སོགས་སུ་རྫོང་སྤྱི་བདེ་ཉེན་རྟོག་པ་དང་དམག་མི་སྐོར་ཞིག་ཡོང་སྟེ། དེང་སྐབས་ཁྱི་ནད་ཁྱབ་བརྡལ་དུ་འགྲོ་བཞིན་ཡོད་སྐོར་བརྗོད་དེ། འབྲོག་ཁྱི་བདག་མེད་རིག་ཚད་མཐོང་ཚད་ལ་མེ་མདའ་བརྒྱབ་ནས་གསོད་པ་དང་། འབྲོག་པའི་འཁྱིམ་ཚང་དག་ཏུ་ཉར་ཡོད་པའི་སྒོ་ཁྱི་དག་བཙན་གྱིས་འཕྲོག་བཅོམ་གྱིས་རླངས་འཁོར་ནང་བཅུག་སྟེ་རྫོང་ཐོག་ཏུ་དྲུད་ཡོད་འདུག
གནས་ཚུལ་དེ་བྱུང་རྗེས་ས་གནས་འབྲོག་པ་ཚོས་སོ་སོའི་སྒོ་ཁྱི་འཁྲིད་དེ་ས་སྟོང་ཁུག་ཀྱོག་དག་ཏུ་ཕྱིན་ཏེ་སྦེད་ཐབས་བྱེད་ཀྱིན་ཡོད་འདུག ཤེས་ཚད་ལྟར་ན་དེ་རིང་འབྲོག་ཁྱི་ ༢༨ ཙམ་གསད་ཡོད་འདུག
