ཕྱི་ལོ་ ༢༠༡༦ ལོའི་བོད་ཀྱི་མཛངས་མའི་འགྲན་སྡུར་ཐེངས་བཅུ་བཞི་བའི་ནང་འཛུལ་ཞུགས་བྱེད་མཁན་བོད་རིགས་གཞོན་ནུ་མ་བཞི་འདུག
དེ་རིང་ཕྱི་དྲོའི་ཆུ་ཚོད་ ༤ བའི་སྟེང་དྷ་ས་ནོར་བུ་གསོལ་མགྲོན་ཁང་གི་ཚོགས་ཁང་དུ། བོད་ཀྱི་མཛངས་མའི་འགྲན་སྡུར་གོ་སྒྲིག་པ་བློ་བཟང་དབང་རྒྱལ་ལགས་ཀྱིས་གསར་འགོད་གསལ་བསྒྲགས་སྤེལ་སོང་བ་དང་། ཕྱི་ལོ་ ༢༠༡༦ ལོའི་བོད་ཀྱི་མཛངས་མའི་འགྲན་སྡུར་ཐེངས་བཅུ་བཞི་བ་དེ་ཟླ་འདིའི་ཕྱི་ཚེས་ ༣ ནས་མགོ་འཛུགས་བྱ་རྒྱུ་ཡིན་པ་དང་། ཐེངས་འདིའི་འགྲན་སྡུར་ནང་མེ་སོར་ནས་ཡིན་པའི་བུ་མོ་བདེ་ཆེན་དབང་མོ་དང་ཨ་རིའི་ནེའུ་ཡོག་ནས་ཡིན་པའི་བུ་མོ་བསྟན་འཛིན་ཟླ་བ། སྦེལ་ཀོབ་ནས་ཡིན་པའི་བུ་མོ་བསྟན་འཛིན་བདེ་སྐྱིད་དང་མ་ན་ལི་ནས་ཡིན་པའི་བུ་མོ་བསྟན་འཛིན་སངས་རྒྱས་བཅས་མཉམ་ཞུགས་བྱས་ཡོད་འདུག
ཟླ་འདིའི་ཕྱི་ཚེས་ ༣ ཉིན་བཞུགས་སྒར་ཉེ་འཁྲིས་ཀྱི་བྷག་སུའི་རྦབ་ཆུའི་འགྲམ་དུ་ཕྱི་ལུགས་ཀྱི་སྒེག་འགྲོས་ངོམ་རྒྱུ་དང་། ཕྱི་ཚེས་ ༤ ཉིན་གྱི་ཕྱི་དྲོར་བོད་ཀྱི་ཟློས་གར་ཁང་དུ་བོད་དོན་དང་འབྲེལ་བའི་གཏམ་བརྗོད་དང་སྒྱུ་རྩལ་འཁྲབ་སྟོན། དེ་བཞིན་ཕྱི་ཚེས་ ༥ ཉིན་བོད་ཀྱི་ཟློས་གར་ཁང་དུ་དངོས་གཞིའི་འགྲན་སྡུར་བྱ་རྒྱུ་ཡིན་ལ། སྐབས་དེར་བོད་ཀྱི་ཐུན་མོང་མ་ཡིན་པའི་ཆས་གོས་འགྲན་སྡུར་དང་དྲི་བ་དྲིས་ལན་བཅས་བྱས་པ་བརྒྱུད། ཨང་དང་པོའི་རྒྱལ་ཁ་ཐོབ་མཁན་ལ་ཧིན་སྒོར་འབུམ་ ༡ དང་། ཨང་གཉིས་པར་ཧིན་སྒོར་ཁྲི་ ༥། ཨང་གསུམ་པར་ཧིན་སྒོར་ ༢༥༠༠༠ བཅས་ཀྱི་བྱ་དགའ་སྤྲོད་རྒྱུ་ཡིན་འདུག
མ་སུ་རི་ནས་ཡིན་པའི་བུ་མོ་བདེ་ཆེན་དབང་མོ་ལགས་ཀྱིས་གསར་འགོད་པར་ཁོ་མོ་བོད་ཀྱི་མཛངས་མའི་འགྲན་སྡུར་ནང་ཞུགས་དོན་ནི། ཁོ་མོ་བོད་ཀྱི་མཛངས་མའི་འགྲན་སྡུར་ནང་འཛུགས་ཞུགས་བྱེད་པའི་གོ་སྐབས་རག་པ་དེ་སོ་སོའི་བསོད་ནམས་ཆེན་པོ་ཡིན་པར་ངོས་འཛིན་བྱེད་ཀྱི་ཡོད་པ་དང་། དེའི་རྒྱུ་མཚན་འཛམ་གླིང་རྒྱལ་ཁབ་ཁ་ཤས་རང་དབང་རྒྱལ་ཁབ་ཡིན་ནའང་། གཞོན་སྐྱེས་བུ་མོ་ཚོ་མཛངས་མའི་འགྲན་སྡུར་ནང་ཞུགས་པའི་གོ་སྐབས་མེད་པ་དང་། ང་ཚོ་བོད་པའི་བུ་མོ་ཚོར་བོད་ཀྱི་མཛངས་མའི་འགྲན་སྡུར་ནང་འཛུལ་ཞུགས་ཀྱི་གོ་སྐབས་ཡོད་པ་དེ་ཧ་ཅང་ལེགས་པོ་ཡིན་སྐོར་བརྗོད་སོང་།
ལོ་ན་ ༡༧ ཡིན་པའི་བུ་མོ་བསྟན་འཛིན་ཟླ་བ་ལགས་ཀྱིས་གསར་འགོད་པར་ཁོ་མོ་ཨ་རིའི་ནེའུ་ཡོག་གྲོང་ཁྱེར་ནས་འཚར་ལོངས་བྱུང་ཞིང་། ཁོ་མོ་བོད་ཀྱི་མཛངས་མའི་འགྲན་སྡུར་ཁྲོད་ཞུགས་དོན་གཙོ་བོ་བོད་ཀྱི་མཛངས་མའི་འགྲན་སྡུར་གྱི་གོ་སྐབས་འདི་བརྒྱུད་དེ། མ་འོངས་བོད་དོན་ཐོག་གོ་རྟོགས་སྤེལ་བའི་སྡིངས་ཆ་ཡག་པོ་ཞིག་ཏུ་ངོས་འཛིན་བྱེད་ཀྱི་ཡོད་པ་དང་། སྤྱིར་བུ་མོ་མཛངས་མ་མང་པོ་ཡོད་ནའང་བོད་ཀྱི་མཛངས་མའི་འགྲན་སྡུར་ནང་ཞུགས་པའི་གོ་སྐབས་རག་གི་མེད་སྟབས། ཁོ་མོ་ད་རེབ་བོད་ཀྱི་མཛངས་མའི་འགྲན་སྡུར་ནང་ཞུགས་ཐུབ་པ་བྱུང་བར་ཧ་ཅང་དགའ་བོ་བྱུང་ཡོད་སྐོར་བརྗོད་སོང་།
ལོ་ན་ ༢༤ སོན་པའི་བུ་མོ་བསྟན་འཛིན་སང་ཉི་ལགས་ཀྱིས་གསར་འགོད་པར་ཁོ་མོ་མ་ན་ལི་ནས་འཚར་ལོངས་བྱུང་བ་དང་། ད་ཆར་རྒྱལ་ས་ལྡི་ལིའི་ཇམ་ཡ་ཧམ་ཌར་ཌི་ (Jamia Hamdard) གཙུག་ལག་སློབ་ཆེན་དུ་ནད་གཡོག་མའི་སློབ་གཉེར་གནང་མུས་ཡིན་པ་དང་། ཁོ་མོས་བསམ་པར་བོད་ཀྱི་མཛངས་མའི་འགྲན་སྡུར་དེ་བོད་རིགས་བུ་མོ་རྣམས་ཀྱི་ཕྱིའི་རྣམ་པ་ཙམ་མ་ཡིན་པར་ནང་བསམ་བློ་གཏོང་ཕྱོགས་དང་ཀུན་སྤྱོད་བཟང་བོ་ཞིག་ཏུ་ངོས་འཛིན་གནང་གི་ཡོད་པ་དང་། བོད་ཀྱི་གཞོན་སྐྱེས་བུ་མོ་ཚོར་བོད་ཀྱི་མཛངས་མའི་འགྲན་སྡུར་ནང་ཞུགས་པའི་གོ་སྐབས་འདི་བརྒྱུད་ནས་སོ་སོའི་འཇོན་ཐང་ལ་བརྟེན་ནས་བོད་དོན་ཐོག་ཞབས་འདེགས་ཞུ་བའི་གོ་སྐབས་ཤིག་ཏུ་ངོས་འཛིན་གནང་གི་ཡོད་སྐོར་དང་། ཁོ་མོ་ཕྱི་ལོ་ ༢༠༡༥ ལོའི་ཧི་མ་ལ་ཡའི་མཛངས་མའི་འགྲན་བསྡུར་ཁྲོད་དུའང་མཉམ་ཞུགས་བྱས་མྱོང་ཡོད་སྐོར་བརྗོད་སོང་།
བུ་མོ་བསྟན་འཛིན་བདེ་སྐྱིད་ལགས་ཀྱིས་གསར་འགོད་པར་ཁོ་མོ་ཝར་ན་མཐོ་སློབ་ཏུ་སློབ་གཉེར་གནང་མུས་ཡིན་པ་དང་། ཁོ་མོ་བོད་ཀྱི་མཛངས་མའི་འགྲན་བསྡུར་ནང་ཞུགས་དོན་གཙོ་བོ་སོ་སོ་སྤྱི་ཚོགས་ཁྲོད་ཡར་ཐོན་འབྱུང་ཐབས་སུ་སོ་སོར་སྡིངས་ཆ་གང་རག་པ་དེའི་ནང་འཛུལ་ཞུགས་དགོས་པ་དང་། སྡིངས་ཆ་ལས་འཐོབ་པའི་བློ་སྤོབས་ལ་བརྟེན་ནས་མ་འོངས་ལས་དོན་ཆེན་པོ་བསྒྲུབ་པའི་ནུས་པ་བསྐྱེད་སྲིང་ཐུབ་པར་ངོས་འཛིན་གནང་གི་ཡོད་སྐོར་བརྗོད་སོང་།
མཇུག་ཏུ་དྲི་བ་དྲིས་ལན་སྐབས་བོད་ཀྱི་མཛངས་མའི་འགྲན་བསྡུར་གོ་སྒྲིག་པ་བློ་བཟང་དབང་རྒྱལ་ལགས་ཀྱིས། ལོ་རྗེས་མའི་བོད་ཀྱི་མཛངས་མའི་འགྲན་བསྡུར་གོ་སྒྲིག་ཞུ་མཁན་དེ་བོད་མི་གཞན་པར་གོ་སྐབས་སྤྲོད་སྲིད་སྐོར་བརྗོད་སོང་།
གསར་འགོད་པ། པདྨ་རྒྱལ།
༢༠༡༦ ལོའི་བོད་ཀྱི་མཛངས་མས་དངོས་གནས་བཀའ་མོལ་དེ་འདྲ་གནང་ཡོད་ན།
ང་རང་རྗེ་བཙུན་སྒྲོལ་མ་དང་ལྷ་ལ་ཐུགས་རྗེ་ཆེ་ལབ་ཡ་ཡིན། ང་འདི་སྡིངས་ཆ་དཔེ་ཕན་པོ་ཡོད་རེད། Be couse ང་དང་འདི་ littile ཐོབ་ན་འདི་ཚོ་ང་སྐད་ཆ་ཉན་གྱི་རེད། ད་འགྲོ་ནས་བུད་མེད་དང་ young people ཡིན་ཡང་རེད། I can inspire ང་ཁོང་ཚོ་ལ་inspire and influence བྱེད་ཡག་ཡོད་རེད། ཁྱེད་རང་མི་ཚོ་ལ་meaningful བྱོས།
བློ་བཟང་དབང་རྒྱལ་ལ་བཀའ་དྲིན་ཞུ།
བོད་ཀྱི་མཛངས་མའི་འགྲན་བསྡུར་ཆེད་འཛུགས་གནང་མཁན་སྐུ་ཞབས་བློ་བཟང་དབང་རྒྱལ་ལགས་ལ་ཐོག་མར་འཚམས་འདྲི་དང་བཀྲིས་བདེ་ལེགས་ཡོད། གང་ཡིན་ཟེར་ན་བོད་ཀྱི་མཛམས་མའི་འགྲན་བསྡུར་འདི་ལ་བསམ་ཚུལ་དང་ལྟ་ཚུལ་འདོད་མཁན་སྔོན་མ་ནས་མང་པོ་བྱུང་བ་རེད་ལ་མ་ཟད་སྐྱོན་བརྗོད་བྱེད་མཁན་ཡང་བྱུང་བ་རེད། དེ་འདྲ་ཡིན་དུས་མཛམང་མ་འགྲན་བསྡུར་འདི་བོད་ཀྱི་སྤྱི་ཚོགས་ལ་དགོས་པ་ཞིག་མ་རེད་འདོད་མཁན་ཡང་བྱུང་བ་རེད། ཡང་ན་ཡང་འུ་ཅག་བོད་མི་རིགས་ཟེར་པ་འདི་སྔོན་མ་རྒྱལ་ཁབ་ལྡན་པའི་མི་རིགས་ཤིག་ཡིན་པ་ཚང་མ་ངེས་ཤེས་ཡོད་པ་ཞིག་རེད། མ་འོངས་པར་བོད་ལ་སྐྱིད་པའི་ཉི་མ་ཞིག་ཤར་ན་བོད་མི་རིགས་འདི་ལ་གཞན་དང་འགྲན་ནུས་པའི་བྱ་གཞག་ཆེ་ཆུང་གང་ཡིན་རུང་དགོས་པ་ཞིག་རེད་འདོད་ཡོད། མ་ཟད་ད་བར་བོད་ཀྱི་དཀའ་སྡུག་མང་པོ་ཞིག་འཛམ་གླིང་མི་མང་ལ་སྟོན་ཐུབ་པའི་ཐབས་ལམ་ཞིག་ཡང་རེད་འདོད་ཡོད། ད་ལྟ་བར་གྱི་མཛངས་མ་གང་མང་ཞིག་རྒྱལ་ཁབ་གཞན་པའི་མཛངས་མ་དང་མཉམ་དུ་འགྲན་བསྡུར་ནང་དུ་སོང་ནས་རྒྱ་ནག་ལ་ངོ་ཚ་བཟོས་པ་སོགས་བོད་དོན་ཁྱབ་བསྒྲགས་གནང་ཐུབ་ཡོད་པ་རེད། ཡིན་ན་ཡང་གཙོ་བོ་དབང་རྒྱལ་ལགས་ཀྱིས་དྲན་བདེན་ཐོགས་ནས་དཔྱད་འདེམས་པ་ཡག་པོ་བཙལ་ནས་གླེང་རྙོག་མེད་པ་ཞིག་གལ་ཆེན་རེད་འདོད་ཡོད།