རྒྱ་གཞུང་གིས་དུས་འཁོར་དབང་ཆེན་ཞུ་སར་ཆེད་ལས་ཀྱི་པར་ལེན་ཡོ་ཆས་དང་ལོག་སྤྱོད་ཀྱི་དྲིལ་བསྒྲགས་དངོས་པོ་ཟེར་བ་སོགས་འཁུར་ཡོང་མི་ཆོག་པའི་བཀའ་རྒྱ་བསྒྲགས་འདུག
རྒྱ་གཞུང་གིས་པཎ་ཆེན་ཡང་སྲིད་དུ་ངོས་འཛིན་བྱས་པའི་རྒྱལ་མཚན་ནོར་བུ་ལགས་ཀྱིས། དེ་རིང་གཞིས་ཀ་རྩེའི་བདེ་ཆེན་སྐལ་བཟང་ཕོ་བྲང་དུ་དུས་འཁོར་དབང་ཆེན་དབུ་འཛུགས་གནང་གི་ཡོད་པ་དང་བསྟུན། དེ་རིང་སྔ་དྲོའི་ཆུ་ཚོད་ ༡༠ པའི་ཐོག དྷ་ས་གཙུག་ལག་ཁང་གི་ཉེ་འཁྲིས་སུ་ཡོད་པའི་དཔའ་བོའི་རྡོ་རིང་མདུན་དུ། བོད་ཀྱི་བུད་མེད་ལྷན་ཚོགས་དང་བོད་རྒྱལ་ཡོངས་མང་གཙོ་ཚོགས་པ། དགུ་བཅུ་གསུམ་ལས་འགུལ་ཚོགས་པ། བོད་རང་བཙན་སློབ་ཕྲུག་ཚོགས་པ་བཅས་ཀྱིས། རྒྱ་གཞུང་གི་བཙན་དབང་བཀོད་ཁྱབ་འོག་རྒྱལ་མཚན་ནོར་བུ་ལགས་ནས་དུས་འཁོར་དབང་ཆེན་གནང་བཞིན་ཡོད་པ་དེར་མཐའ་གཅིག་ཏུ་ངོ་རྒོལ་ཡོད་པའི་བསྒྲགས་གཏམ་སྤེལ་བ་དང་ཆབས་ཅིག རྒྱ་གཞུང་གི་བཙོན་འོག་ཏུ་ཡོད་པའི་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་སྐུ་པར་བཤམ་པའི་བཞུགས་ཁྲིར་མི་མང་ནས་མཇལ་དར་སྒྲོན་པའི་ལས་འགུལ་ཞིག་སྔ་དྲོའི་ཆུ་ ༡༠ ནས་ཕྱི་དྲོའི་ཆུ་ཚོད་ ༢ བར་དུ་སྤེལ་བཞིན་འདུག
ཚོགས་པ་ཁག་གི་ཐུན་མོང་བསྒྲགས་གཏམ་ནང་། རྒྱ་ནག་གཞུང་གིས་བོད་ཀྱི་ཆོས་དང་རིག་གཞུང་། སྐད་ཡིག་སོགས་ལ་ཕྱོགས་ཡོངས་ནས་མཐོང་ཆུང་ཁྱད་གསོད་དང་མི་རིགས་རྩ་མེད་བཟོ་བའི་སྲིད་ཇུས་ལག་ལེན་བྱེད་པའི་དུས་སྐབས་འདིར། དེང་སྐབས་སླར་ཡང་པཎ་ཆེན་རྒྱལ་མཚན་ནོར་བུ་ཟེར་བར་དུས་འཁོར་དབང་ཆེན་གནང་དགོས་པའི་བཙན་ཤེད་ཀྱི་འོག་དེ་རིང་བོད་ལྗོངས་གཞིས་ཀ་རྩེར་དངོས་སུ་མགོ་འཛུགས་བྱས་ཡོད་ཅིང་། རྒྱ་ནག་གཞུང་གིས་བོད་བརྒྱུད་ནང་བསྟན་གྱི་ཆོས་ལུགས་ཀྱི་ཆོ་ག་དང་། སྤྲུལ་སྐུའི་ཡང་སྲིད་ངོས་འཛིན་གྱི་ལམ་སྲོལ། བོད་ཀྱི་སེར་སྐྱ་མི་མང་གི་མངོན་འདོད་བཅས་རྩིས་མེད་རྡོག་རོལ་བཏང་ནས་པཎ་ཆེན་ཡང་སྲིད་ངོས་འཛིན་བྱས་པའི་ལོ་རྒྱུས་ཀྱི་སྡིག་ཉེས་ལ་ངོ་རྒོལ་དང་། ད་ལྟ་སླར་ཡང་ཆོས་ལུགས་ཆབ་སྲིད་ཐོག་བེད་སྤྱོད་ལོག་པ་བྱེད་པའི་སྲིད་ཇུས་ལ་མཐའ་གཅིག་ཏུ་ངོ་རྒོལ་བྱ་རྒྱུ་ཡིན། ཞེས་དང་། ༧པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་གཙོས་བོད་ཀྱི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པའི་ཐོག་ནས་མྱུར་ཏུ་ཀློད་གྲོལ་ཡོང་བར་རྒྱལ་སྤྱིའི་སྤྱི་ཚོགས་ཀྱང་བདེན་པའི་རྒྱབ་རྩར་ལངས་དགོས་པའི་རེ་འབོད་ཞུས་འདུག
རྒྱ་གཞུང་གིས་དུས་དབང་སྐབས་སྒྲིག་ལམ་བརྩི་སྲུང་དགོས་པའི་སྐོར་གྱི་༼དུས་འཁོར་དབང་ཆེན་གྱི་མཛའ་བརྩེའི་དྲན་སྐུལ་༽ཟེར་བའི་བརྡ་ཁྱབ་ཅིག་སྤེལ་བའི་ནང་། དུས་དབང་གི་ཉིན་དང་པོ་ནས་གསུམ་པ་བར་ཉིན་གུང་ཆུ་ཚོད་ ༡༢ ཐོག་ཆོས་ཞུ་བ་རྣམས་ལ་བདེ་སྲུང་མི་སྣས་རེ་རེ་བཞིན་ཞིབ་བཤེར་བྱས་རྗེས་གཏན་འཁེལ་ལྟར་ཆོས་རའི་ནང་འཛུལ་དགོས་པ་དང་། ཉིན་མཐའ་མ་དེར་སྔ་དྲོའི་ཆུ་ཚོད་ ༡༠།༢༠ ཐོག་ཆོས་རར་ཡོང་དགོས་པ་དང་། ཆོས་ཞུ་བ་ཚོས་རྩམ་པ་དང་མར་ཕྱུར། ཤ་དང་བག་ལེབ། དགོས་ངེས་ཀྱི་སྨན་རྫས། དེ་བཞིན་ཨ་རག་གི་ཉིང་ཁུ་ཕུད་ཇ་སོགས་བཏུང་བྱའི་རིགས། ལྡེ་མིག་དང་ཆར་གདུགས། གདན། ཞ་མོ། ཕོར་བ་དང་ཐུར་མ། ཕྲེང་བ་དང་མ་ཎི་ལག་འཁོར་སོགས་ཆོས་རའི་ནང་འཁུར་ཆོག་ཀྱང་། མེ་མདའ་དང་དམག་སྤྱོད་ཡོ་ཆས་རིགས། དེར་ལད་ཟློས་བྱས་ནས་བཟོས་པའི་ཅ་ལག ཤོག་སྦག་སོགས་འབར་རྫས་རིགས་དང་། གྲི་དང་དབྱུག་པ། རླངས་སྣུམ་དང་ས་སྣུམ་སོགས་འབར་སླ་བའི་དངོས་རྫས་རིགས། དེ་བཞིན། དངུལ་ཆུ་དང་དུག་གཤིས་ཆེ་བའི་ཞིང་སྨན་རིགས ཆེད་ལས་ཀྱི་པར་ལེན་ཡོ་ཆས། ལོག་སྤྱོད་ཀྱི་དྲིལ་བསྒྲགས་དངོས་པོ་སོགས་འཁུར་ཡོང་མི་ཆོག་སྐོར་བརྗོད་འདུག
དྷ་སར་བཞུགས་པའི་འབྲེལ་ཡོད་བོད་མི་ཞིག་གིས་བོད་ནང་ནས་ཐད་ཀར་བཏང་བའི་བརྙན་ཐུང་གཉིས་འདི་གར་མཁོ་སྤྲོད་གནང་བའི་ནང་། མི་མང་པོ་འདུ་འཛོམས་སར་བརྙན་རིས་ཆེན་པོ་ཞིག་གི་ཐོག་རྒྱལ་མཚན་ནོར་བུ་ལགས་པཎ་ཆེན་ཡང་སྲིད་དུ་ངོས་འཛིན་ཇི་ལྟར་བྱས་པ་སོགས་ཀྱི་སྐོར་ནས་རྒྱ་ནག་གཞུང་རང་གིས་སྒྲིག་བཟོ་བྱས་པའི་གློག་བརྙན་ཞིག་སྟོན་བཞིན་འདུག་ལ། གནས་ཚུལ་མཁོ་སྤྲོད་པས་དེ་རིང་གཞིས་ཀ་རྩེར་ཡོད་པའི་ཁོང་གི་སྤུན་མཆེད་ཅིག་ལ་དུས་འཁོར་དབང་ཆེན་གྱི་པར་རིགས་བསྐུར་རོགས་ཞེས་རེ་སྐུལ་བྱེད་སྐབས་རྒྱ་ནག་གཞུང་གིས་ལམ་སང་རེ་སྐུལ་དེ་བསུབས་སོང་བ་མ་ཟད།དེ་ནས་བཟུང་དུས་འཁོར་དབང་ཆེན་ཞེས་པའི་ཚིག་འབྲུ་བཀོད་མ་ཐག་འགག་འགྲོ་བ་ཞིག་བཟོས་འདུག ཅེས་དང་། རྒྱ་གཞུང་གིས་གཞིས་ཀ་རྩེ་ནས་ཆུ་ཚོད་གཅིག་གཉིས་སར་རླངས་འཁོར་གྱིས་བསྐྱོད་དགོས་པའི་གྲོང་གསེབ་ཁག་ལའང་ཁྱིམ་དུད་རེ་ནས་མི་གཉིས་རེ་ཡོང་དགོས་པའི་བཀའ་བཏང་འདུག ཅེས་བརྗོད་བྱུང་།
གསར་འགོད་པ། པདྨ་མཚོ།
དུས་འཁོར་དབང་ཆེན་ལ་ངོ་རྒོལ་མེད། གནང་མཁན་ལ་དོགས་པ་ཡོད།
༄། རྒྱ་ནག་གྱིས་་ངོས་འཛིན་བྱས་པའི་པཎ་ཆེན་རིན་པོ་ཆེ་མཆོག་བོད་མི་དངོས་སུ་ཡིན་པ་མ་ཟད་ སངས་རྒྱས་ཀྱི་རྗེས་འཇུག་ཡང་རེད་འདུག་ རྡ་སར་བོད་ཚོགས་ཆེུང་མང་པོས་ངོ་རྒོལ་བྱས་འདུག་པ་ཐབས་འདུག་རེད་ དུས་འཁོར་དབང་ཆེན་ཞེས་པ་ནི་ཧིན་འདུ་ཆོས་ལུགས་རེད།།
༅༅། རྒྱ་དམར་པོ་ཆོས་མེད་ཀླ་ཀློ་རེད། ཆོས་དུག་ཏུ་རྕི་མཁན་དམར་པོ་ཡིས།
བུ་རྒྱལ་མཚན་ནོར་བུ་བེད་སྤྱེད་ནས། ཆོས་དུས་འཁོར་དབང་ཆེན་བཤད་དུབཅུག།
བུ་རྒྱལ་མཚན་ཁོ་པ་ཁག་ནི་མེད། རྒྱ་དམར་པོས་བརྩད་བཤད་བྱས་པ་རེད།
ཆོས་ཡང་དག་བྱེད་ནམཁན་བོད་པ་ཚོ། བུ་རྒྱལ་མཚན་ནོར་བུར་ད་ནས་དད།
རྒྱ་དམར་པོར་སྙིང་ནས་ངོ་རྒོལ་ཡོད། ཁོ་རྒྱུན་དུ་འཛམ་གླིང་གང་ས་རུ།
སྐྱག་རྫུན་ཀྱང་བཤད་ནས་བསྡད་ན་ཡང། ཛམ་གླིང་གི་མི་རྣམས་ཤེས་ལྡན་རེད།
རྒྱ་དམར་པོས་ཇི་བཤད་ཤེས་བཞིན་རེད།