བསྟན་འཛིན་པདྨ།
བོད་ཀྱི་སྐད་ཡིག་ཉམས་རྒུད་འགྲོ་ཡི་ཡོད་པ་དང་། ལྷག་པར་དུ་ནུབ་ཕྱོགས་རྒྱལ་ཁབ་ཁག་ཏུ་ཡོད་པའི་བོད་མི་ན་གཞོན་ཚོས་བོད་སྐད་ཀྱང་ཤོད་མི་ཐུབ་པའི་དཀའ་ངལ་སོགས་ཀྱི་སྐོར་འདས་པའི་ལོ་གྲངས་བཅུ་ཕྲག་འགའ་ཤས་ནང་ཆོས་དང་ཆབ་སྲིད་ཀྱི་དབུ་ཁྲིད། མཁས་དབང་དང་ཤེས་ཡོན་པ། ཕ་མ་དང་མང་ཚོགས་བཅས་ནས་ཡང་ཡང་གསུང་གི་ཡོད། འོན་ཀྱང་དཀའ་ངལ་འདི་ཉིད་སྤྱི་སྒེར་གཉིས་ཕྱོགས་ནས་སེལ་དགོས་པ་མ་ཟད་གང་མགྱོགས་སེལ་དགོས། དེ་མིན་བོད་ཀྱི་སྐད་ཡིག་གི་གནས་སྟངས་ཀྱང་མན་ཇུའི་སྐད་ཡིག་གི་གནས་སྟངས་ལྟ་བུ་ཆགས་ངེས་ཡིན། འོན་ཀྱང་དཀའ་ངལ་དེ་ཉིད་སེལ་བའི་ཐབས་ལམ་འཚོལ་བཞིན་པའི་སྐབས། མ་འོངས་པར་དཀའ་ངལ་དེ་ཉིད་ཆེ་རུ་མི་འགྲོ་བའི་ཐབས་ལམ་ཡང་འཚོལ་རྒྱུ་དེ་བས་ཀྱང་གལ་ཆེ།
ནུབ་ཕྱོགས་རྒྱལ་ཁབ་ཁག་ཏུ་གནས་སྤོ་བྱས་ནས་མཐར་སོ་སོ་རང་ཉིད་ཀྱི་ངོ་བོ་བརླག་པ་དང་། སོ་སོའི་མི་རིགས་ཀྱི་ངོ་བོ་བརླག་པ། སོ་སོའི་མེས་པོ་རྣམས་ནས་བྱུང་བའི་ལེགས་སྦྱང་ཉམས་རྒུད་དང་རྩ་མེད་འགྲོ་བ། ཕ་མ་བུ་ཕྲུག་དང་སྤུན་མཆེད་དབར་གྱི་བརྩེ་དུང་དམ་ཚིག་ཉམས་པ་སོགས་འབྱུང་གི་ཡོད་ན། ང་ཚོ་རྩམ་ཟན་པ་ཚོ་ཨུ་ཚུགས་ཀྱིས་དཀའ་ངལ་འབྱུང་སར་ཅིའི་ཕྱིར་མུ་མཐུད་གནས་ཡུལ་རྒྱལ་ཁབ་དེ་ཚོར་ཕེབས་ཀྱི་ཡོད་དམ།
དུས་ནམ་ཡིན་ལ་ང་ཚོ་བོད་མི་ཚོ་ཆབ་སྲིད་ཀྱི་སྐྱབས་བཅོལ་བ་ཡིན་གསུང་གི་ཡོད། དོན་དངོས་ཐོག་ལའང་འདི་རང་ཡིན། འོན་ཀྱང་དེང་སང་ང་ཚོའི་སྤྱི་ཚོགས་ནང་ལྟ་དུས་ང་ཚོ་དཔལ་འབྱོར་གྱི་སྐྱབས་བཅོལ་བ་ལྟ་བུ་ཆགས་ཡོང་གི་འདུག དཔལ་འབྱོར་གྱི་གནས་སྟངས་གང་ལ་བཟང་བ་ཡོད་པ་དེར་ཐེ་ཚོམ་མེད་པར་ཤར་སྐྱོད་གནང་གི་འདུག ང་ཚོའི་གནང་སྟངས་འདི་འགྲིག་གི་ཨེ་ཡོད། ཐུགས་བསམ་ཞིག་བཞེས་དང་། ང་ཚོའི་ཆབ་སྲིད་ཀྱི་སྣེ་འཁྲིད་མཁན་གྱི་སྒྲིག་འཛུགས་ནི་རྒྱ་གར་འཕགས་པའི་ཡུལ་ལ་ཡོད། ཚེ་འདི་ཕྱི་གཉིས་ཀྱི་དབུ་ཁྲིད་ནི་རྒྱ་གར་འཕགས་པའི་ཡུལ་ལ་ཡོད། མ་འོངས་བོད་ཀྱི་སོན་རྩ་གསོ་སྐྱོང་བྱེད་ཡུལ་ནི་རྒྱ་གར་འཕགས་པའི་ཡུལ་ལ་ཡོད། དེས་ན་ང་ཚོ་ཚང་མ་ནུབ་ཕྱོགས་ལ་ཁ་གཏད་ནས་ཅིའི་ཕྱིར་འགྲོ་ཡི་ཡོད་དམ། ནུབ་ཕྱོགས་ཀྱི་ཤེས་ཡོན་ཅན་དང་ཚན་རིག་པ་མང་པོས་ནང་པའི་ཚན་རིག་དང་ནང་པའི་རིག་གཞུང་ལ་ཐུན་མོང་མ་ཡིན་པའི་ཁྱད་ཆོས་དང་རིན་ཐང་གཟིགས་ནས་སློབ་གཉེར་ཇི་ལྟར་གནང་གི་འདུག་གམ། ནོར་བུ་རང་ལ་ཡོད་དུས། །ནོར་བུའི་ནོར་ཉམས་མ་ཆོད། །ནོར་བུ་མི་ལ་ཤོར་དུས། །སྙིང་རླུང་སྟོད་ལ་འཚངས་བྱུང༌། །ཞེས་གསུངས་པ་ལྟར་བྱུང་ན་ཕན་ཐོགས་ཅི་ཡོད།
ནུབ་ཕྱོགས་རྒྱལ་ཁབ་ཁག་གི་ནང་དུ་ཡོད་པའི་ཕ་མ་ཚོས་ཕྲུ་གུ་རྣམས་བོད་ཀྱི་སྐད་ཡིག་དང་རིག་གཞུང་སློབ་གྲྭར་གཏོང་རྒྱུ་དང་རྒྱ་གར་དུ་དབྱར་ཆོས་ལ་བཏང་གནང་ནས་སོ་སོའི་ངོ་བོ་སྲུང་སྐྱོབ་དང་། བོད་ཀྱི་སྐད་ཡིག་དང་རིག་གཞུང་རྒྱུད་འཛིན་གནང་གི་ཡོད་པ་ཐུགས་དྲན་སྲིད། ནང་དུ་ཉིན་ལྟར་གཞན་སྐད་ཁོ་ན་སྦྱོང་སྤྱོད་གནང་ནས་བདུན་རེར་ཚུ་ཚོད་གཉིས་གསུམ་བོད་ཀྱི་སྐད་ཡིག་སྦྱོང་སྤྱོད་ཐོག་གཏོང་གནང་ན་ག་ལ་ཕན། དེའི་སྟེང་ཕྲུ་གུ་ཚོའི་བདུན་རེའི་གུང་སེང་ཡང་མེད་པར་ཆགས་ནས་སེམས་ལྗིད་པོ་དང་དཀའ་ལས་ཁག་པོ་ཚོར་སྲིད།
ནུབ་ཕྱོགས་རྒྱལ་ཁབ་ཁག་ཏུ་ཡོད་པའི་བོད་ཀྱི་སྐད་ཡིག་དང་རིག་གཞུང་སློབ་གྲྭ་འདི་ཚོའི་ནང་བོད་རིགས་མི་ཉུང་བས་དང་བླངས་ཀྱིས་ཕྱག་ལས་གནང་གི་ཡོད་པ་རྣམས་བསྔགས་འོས་པ་ཞིག་ཡིན་ཡང་། དོན་དངོས་ཐོག་སློབ་གྲྭ་འདི་ཚོས་བོད་ཀྱི་སྐད་ཡིག་གི་ཛ་དྲག་གནས་སྟངས་འདིའི་ནད་རྟགས་རགས་པ་བཅོས་རྒྱུའི་འབད་བརྩོན་གནང་གི་ཡོད་པ་མ་གཏོགས་ན་ཚ་རྩ་བ་ནས་མེད་པ་བཟོ་རྒྱུའི་ཐབས་ཤས་གནང་ཐུབ་རྒྱུ་ཧ་ཅང་ཁག་པོ་ཡིན།
མ་འོངས་པར་བོད་ཀྱི་སྐད་ཡིག་གི་དཀའ་ངལ་ཆེ་རུ་དང་སྡུག་ཏུ་མི་འགྲོ་བའི་ཆེད་དུ་དང་ཐོག་ནུབ་ཕྱོགས་རྒྱལ་ཁབ་ཁག་ཏུ་གནས་སྤོ་གནང་རྒྱུ་མཚམས་འཇོག་གནང་དགོས། འོན་ཀྱང་དེ་ལྟར་དབུ་ཁྲིད་ཅིག་དང་སྒྲིག་འཛུགས་ཤིག་གིས་མ་གསུངས་ཀྱང་། རྩམ་ཟན་པ་སོ་སོ་སྒེར་གྱི་ངོས་ནས་ནུབ་ཕྱོགས་སུ་གནས་སྤོ་བྱེད་ཕྱོགས་ཀྱི་ཐོག་སྤྱི་སྒེར་གཉིས་ཀར་དགེ་སྐྱོན་དང་ཕན་གནོད་ཇི་ཡོད་རིགས་པས་དཔྱད་ནས་བསམ་ཞིབ་ནན་པོ་བྱེད་དགོས་པའི་དུས་ལ་བབས་འདུག
ཕྱི་ལོ་ ༢༠༠༦ ཟླ་ ༣ ཚེས་ ༢༧ ཉིན་དྷརྨ་ས་ལར་བོད་ནས་གསར་དུ་འབྱོར་བའི་དད་ལྡན་མང་ཚོགས་ལ་༸གོང་ས་མཆོག་གིས། ད་ལྟའི་ཆར་བོད་ནང་གི་དངོས་ཡོད་གནས་སྟངས་ཀྱི་ཐོག་ནས་བོད་མི་སུ་ལའང་གདམ་ང་མེད་པ་རེད། དེང་དུས་ཀྱི་ཤེས་ཡོན་ཅན་ཆགས་དགོས་ཀྱི་ཡོད་ན་རྒྱ་ཡི་སྐད་ཡིག་ལ་མ་བརྟེན་རང་བརྟེན་རེད། འོན་ཀྱང་བོད་པའི་སློབ་ཕྲུག་བརྒྱ་ཡོད་ན། སློབ་ཕྲུག་བདུན་ཅུའམ་བརྒྱད་ཅུ་ནས་བོད་ཀྱི་སྐད་ཡིག་གཙོ་བོར་སྦྱངས་ནས་རྒྱལ་ཁབ་དང་མི་རིགས་ཀྱི་ངོ་བོ་འབུར་དུ་ཐོན་པ་དང་ཕ་མེས་ནས་བརྒྱུད་པའི་གཅེས་ནོར་ལེགས་སྦྱང་རྣམས་མི་ཉམས་རྒྱུད་འཛིན་བྱེད་ཐུབ་པ་དགོས། དེ་བཞིན་སློབ་ཕྲུག་ཉི་ཤུའམ་སུམ་ཅུ་ནས་རྒྱ་ཡི་སྐད་ཡིག་གཙོ་བོར་སྦྱངས་ནས་དེང་དུས་ཀྱི་སློབ་ཚན་ཁག་གི་ཆེད་ལས་ཤེས་ཚད་ཡོད་པ་ཆགས་རྒྱུ་དེ་རེད། ངས་འདི་འདྲ་བྱེད་རྒྱུ་གལ་ཆེན་པོ་ཚོར་གྱི་འདུག ཤེས་སོང་ངམ། ཞེས་གསུངས་ཡོད།
བདེན་པ་རེད། བོད་ནང་དུ་གདམ་ང་དང་རང་དབང་མེད་པ་རེད། ད་དུང་བོད་ཕྲུག་བརྒྱ་ཆ་གསུམ་ཆ་གཉིས་ནས་བོད་ཀྱི་སྐད་ཡིག་གཙོ་བོར་གྱུར་པའི་བོད་ཀྱི་སྲོལ་རྒྱུན་ཤེས་ཡོན་སློབ་གཉེར་གནང་རྒྱུའི་སྐོར་བཀའ་སློབ་ལམ་སྟོན་གནང་ཡོད། འོན་ཀྱང་ང་ཚོ་བོད་ཕྱི་ལ་ཡོད་པའི་བོད་མི་ཚོར་གདམ་ང་དང་རང་དབང་གཉིས་ཀ་ཡོད། དེ་འདྲ་སོང་ཙང་སྒྲིག་འཛུགས་སམ་ཕ་མ་སྒེར་སོ་སོའི་ངོས་ནས་༸གོང་ས་མཆོག་གི་དགོངས་པ་དང་བཀའ་སློབ་འདི་ཉིད་སྙིང་བཅངས་ཀྱིས་ད་ཡོད་བོད་ཕྲུག་རྣམས་ནས་བརྒྱ་ཆ་གསུམ་ཆ་གཉིས་ལ་ངེས་པར་དུ་བོད་ཀྱི་སྐད་ཡིག་དང་བོད་ཀྱི་རིག་གནས་ཐོག་སློབ་གཉེར་གནང་རྒྱུའི་ལམ་སྟོན་དང་སྐུལ་མ་ཤུགས་ཆེ་གཏོང་དགོས་པའི་དུས་ལ་བབས་འདུག།
རྒྱ་མི་བོད་དུ་འཁྲིད་མཁན་ཡང་བོད་ཀྱི་མཐོ་རིམ་མི་སྣ་ཚོ་རེད་ལ་བཙན་བྱོལ་
དུ་འབྱོར་ནས་རྒྱ་གར་དུ་བཙན་བྱོལ་སྒྲིག་འཛུགས་ལ་འགན་འཁུར་ནས་མ་བསྡད་
པ་ནུབ་ཕྱོགས་ལུང་པའི་ནང་དཔལ་འབྱོར་ཐབས་ཚོལ་དུ་འགྲོ་མཁན་ཡང་མཐོ་
རིམ་མི་སྣ་ཚོ་རེད
གཞུང་པ་ཚེ་དབང་། ? ✊ ? ? ?Good Very Good.
ད་བོད་ཕྱི་ནང་གཉིས་སུ་ཡོད་པའི་བོད་ཚོར་ཐུགས་ཁག་ཡོད་པ་མ་རེད་
རྒྱ་མི་བོད་དུ་འཁྲིད་མཁན་ཡང་བོད་ཀྱི་མཐོ་རིམ་མི་སྣ་ཚོ་རེད་ལ་བཙན་བྱོལ་
དུ་འབྱོར་ནས་རྒྱ་གར་དུ་བཙན་བྱོལ་སྒྲིག་འཛུགས་ལ་འགན་འཁུར་ནས་མ་བསྡད་
པ་ནུབ་ཕྱོགས་ལུང་པའི་ནང་དཔལ་འབྱོར་ཐབས་ཚོལ་དུ་འགྲོ་མཁན་ཡང་མཐོ་
རིམ་མི་སྣ་ཚོ་རེད་ལ་བོད་མི་གཅིག་སྟོང་ཨ་རིར་གཏོང་མཁན་ཡང་མཐོ་རིམ་
མི་སྣ་ཚོ་རེད་ལ་ད་ཆ་བོད་མི་རིགས་འདི་ཤིང་ནགས་དཀྱིལ་ཇ་སྤུ་རི་གཏོར་
དུ་གནས་ནས་བོད་ཀྱི་སྐད་ཡིག་རིག་གཞུང་ལ་སྲུང་སྐྱོབས་ཟེར་བའི་གཏམ་
དེ་ཁ་དང་ལྕེ་ཙམ་ལས་དོན་དངོས་ལག་ལེན་དུ་ནམ་ཡང་གནས་མི་ཐུབ་པ་
ངས་ཚིག་ཐག་བཅད་ནས་བཤད་ཐུབ་ལ་ང་ཚོའི་རྒྱ་ནག་མི་དམངས་སྤྱི་
མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་མི་རིགས་ས་གནས་རང་
སྐྱོང་གི་གནས་བབས་ཚད་ལྡན་ཞིག་དགོས་པའི་དགོས་མདུན་སྟོན་པ་དེ་
ནི་དེ་སྔོན་ཕྱི་ལོ་ལྔ་བཅུ་ང་གཅིག་ལོར་བཙན་འོག་ཏུ་བཞག་པའི་གྲོས་
མཐུན་དོན་མཚན་བཅུ་བདུན་ནང་གསལ་བའི་བོད་ས་གནས་སྲིད་གཞུང་
ཟེར་བའི་ཐ་སྙད་དེ་ལས་མར་བབས་ནས་ང་ཚོའི་རྒྱ་མིའི་རྩ་ཁྲིམས་ནང་གསལ་
བའི་ཐོབ་ཐང་དེ་དགོས་པའི་དགོས་མདུན་སྟོན་པ་ནི་ང་ཚོར་ཆབ་སྲིད་ཀྱི་
ཕམ་ཁ་ཆེན་པོ་ཞིག་མཐོ་རིམ་མི་སྣས་ཉོས་པ་མ་རེད་དམ་དབུ་མའི་ལམ་
ལ་མུ་འཐུད་ནས་བོད་རྒྱ་འབྲེལ་ལམ་སླར་གསོ་མ་གནང་བར་ལྔ་དང་ལྔ་བཅུའི་
ཁ་སྒྲུང་བཤད་ནས་དུས་ཚོད་སྐྱེལ་ཐབས་བྱེད་པ་སོགས་གོང་གི་གནད་དོན་
འདི་དག་མ་འོངས་བོད་ཀྱི་ལོ་རྒྱུས་ནང་སྲུབ་ནས་ཟུབ་རྒྱུ་མེད་པའི་བོད་མི་རིགས་
ཆགས་འཇིག་ལ་བོད་ཀྱི་མཐོ་རིམ་མི་སྣས་འགན་འཁུར་གྱི་ལོ་རྒྱུས་གསོན་
པོའི་ལེའུ་གསར་པ་ཞིག་དུས་རབས་ཉེར་གཅིག་འདིའི་ནང་སྒོ་འཕྱེ་བ་མ་རེད་
དམ།
༑ ད་ལམ་གྱི་གླེང་བར་བྱ་ནི་གཞུང་པ་ཚེ་དབང་བསོད་ནམས་ལཌ་ནས། །བོད་ཀྱི་སྐད་ཡིག་རིག་གཞུང་ལ་སྲུང་སྐྱོབས་ཟེར་བའི་གཏམ་དེ་ཁ་དང་ལྕེ་ཙམ་ལས་དོན་དངོས་ལག་ལེན་དུ་ནམ་ཡང་གནས་མི་ཐུབ་པ་ངས་ཚིག་ཐག་བཅད་ནས་བཤད་ཐུབ་ཞེས་པ་ཉིད་ཀྱི་དགོངས་ཚུལ་རེད། གནས་དོན་འདི་བསྟན་འཛིན་པདྨ་ལགས་ཀྱི་དགོངས་རྩོམས་ལས་འཕྲོས་པ་ཞིག་ཡིན། བསྟན་པད་ལཌ་ནས་དཀའ་ངལ་གང་ཡོད་གསུངསའདུག །བ་སྐེ་ཀྱོག་ཀྱང་བའི་དགོས་དོན་འོ་མ་ཡིན་སྟབས་འོ་མ་གཏོང་ཐབས་སུ་འབད་བ་ཞུ་ཡི་ཡོད་རེད། དམིགས་ཡུལ་ལམ་ལྷོངས་སུ་ཚང་མས་ཐབས་ཤེས་གང་ཡོང་ཞུ་གལ་འདུག བསམ་ཆར་ཞིག་ཞུས་ན་རྒྱ་བལ་འབྲུག་ལས་འདས་པའི་ཕྱི་ཡུལ་ནས་དངུལ་བརྔན་བཏང་འབྱོར་སྐབས་དངུལ་དེའི་ཚོད་ཀྱི་དུས་ཚོད་ཞིག་ཕྲུ་གུར་བོད་ཀྱི་སྐད་ཡིག་སྦྱོང་ཐབས་སུ་གཏོང་གནང་ངམ་དེ་མིན་དངུལ་འདི་བོད་ཀྱི་སྐད་རིག་མི་ཉམས་གོང་འཕེལ་ཆེད་གནང་རོགས་ཞེས་ཞུས་ན་བསམ་ཡུལ་ལས་འདས་པའི་སེམས་འཚོར་ཞིག་སྤེལ་ཐུབ་ཀྱི་རེད་བསམ་གྱི་འདུག ག་འདྲ་འདུག དྲང་པོ་གསུང་དང་།།
ཡང་། ལམ་དབུས་མ་ལས་དེ་མིན་དེ་སྔའི་གཞུང་གི་ལས་འཆར་མང་དག་ཞིག་ལ་སྐྱོན་བརྗོད་གནང་འདུག དམངས་གཙོའི་རང་དབང་བཞེས་རེད་། ཡིན་ཀྱང་དྲང་དགོས། ཁྱེད་ཀྱི་གསུངས་པའི་ལས་འཆར་ཁག་ཞིང་འདེབས་སྲོལ་ལ་འགྱུར་བཅོས་གཏོང་བ་སོགས་ལྟ་བུའི་ཉིན་རེ་ཉིན་རེའི་འཛིན་སྐྱོང་ལས་རིམ་ལས་འདས་ཏེ་བོད་མིའི་རྩ་དོན་དང་འབྲེལ་བའི་ལས་རིམ་གལ་གནད་ཅན་ཁག་ཡིན་འདུག དེ་ཡང་དགའ་ལྡན་པོ་བྲང་ཅེས་ཡིག་ཤོག་བེད་སྤྱོད་བྱ་སྐབས་ཀྱི་དུས་སུ་ཡིན་ཐོག་གྲོས་ཚོགས་ཀྱི་རྒྱབ་གཉེར་ཡང་ཡོད་ཚོད། དེར་སོང་ཉིད་ཀྱི་དགོངས་ཚུལ་དེ་ཆོས་བརྒྱུད་གང་ཞིག་གི་གྲ་བཙུན་ནས་རང་ལུགས་དང་གཞན་ལུགས་གཉིས་ཀྱི་གོས་ཕྱེད་ཀ་ཕྱེད་ཀ་བཞེས་པ་ལྟ་བུ་མི་གཟིགས་སམ།
སྡོམས་རྒྱབ་ན་བོད་མིའི་ལས་དོན་ཅི་ཡིན་རུང་བོད་པ་ཚང་མའི་རང་དོན་རང་གཅེས་ཀྱིས་འབད་བརྩོན་མི་ལྷོད་པ་ཞུ་རྒྱུ་གལ་ཆེ་ཡིན་པ་རྣམ་པ་ཀུན་དུ་ཡིད་འཇཌ་ངང་དོན་འཁེལ་དགོས་འདུག་གོ།