སྲིད་སྐྱོང་མཆོག་ཨ་རིའི་ཕོ་བྲང་དཀར་པོའི་ནང་གདན་འདྲེན་གནང་།

ལོ་རྒྱུས་ལ་འགན་མི་ཁུར་བ་དང་དྲང་བདེན་མི་བརྩི་བ་ནི་མཁས་དབང་གི་གྲས་ཡིན་ནམ།
༄༅། །ཕྱི་ལོ་ ༢༠༡༦ ཟླ་ ༦ ཚེས་ ༡༥ རེས་གཟའ་ལྷག་པའི་ཉིན་ཨ་རིའི་སྔ་དྲོའི་ཆུ་ཚོད་ ༡༠།༡༥ ཙམ་ལ་ཨ་རིའི་ཕོ་བྲང་དཀར་པོའི་ Map Room ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཨ་རིའི་སྲིད་འཛིན་སྐུ་ཞབས་བྷ་རག་ཨོ་བྷ་མ་མཆོག་རྣམ་གཉིས་མཇལ་འཕྲད་མཛད་འདུག སྐབས་དེར་༸གོང་ས་མཆོག་གིས་ཉེ་ལམ་ཨ་རིའི་ཕོ་ལོ་རི་ཌའི་མངའ་སྡེའི་གྲོང་ཁྱེར་ཨོར་ལེན་ཌོའི་ Orlando ནང་མི་གསོད་དོན་རྐྱེན་གྱི་གནས་ཚུལ་བྱུང་བར་ཐུགས་ཕམ་དང་སྦྲགས་སྲིད་འཛིན་མཆོག་ལ་ཐུགས་གསོ་མཛད་སྐབས་སྲིད་འཛིན་ཨོ་བྷ་མ་མཆོག་ནས་ཀྱང་༸གོང་ས་མཆོག་ལ་ཐུགས་རྗེ་ཆེ་ཞུས་པ་དང་ལྷན། མགོན་པོ་གང་ཉིད་མཆོག་གིས་གཞན་ལ་བྱམས་བརྩེ་དང་གུས་བརྩི་སོགས་གོང་སྤེལ་གཏོང་ཐབས་མཛད་བཞིན་པ་དེར་ཡི་རང་བསྔགས་བརྗོད་ཡོད་ཚུལ་ཞུས་འདུག གཞན་ཡང་སྐབས་དེར་དབུ་ཁྲིད་རྣམ་གཉིས་བོད་ནང་གི་བོད་མིའི་གནས་སྟངས་སྐོར་བཀའ་ བསྡུར་མཛད་པ་མ་ཟད།
ལྷག་པར་སྲིད་འཛིན་ཨོ་བྷ་མ་མཆོག་གིས་བོད་མིའི་ ཐུན་མིན་ཆོས་དང་རིག་གཞུང་། སྐད་ཡིག ཡུལ་གོམས་གཤིས་ལུགས། དེ་བཞིན་བོད་མི་ཚོའི་འགྲོ་བ་མིའི་ཐོབ་ཐང་སྲུང་སྐྱོབ་ཆེད་ཨ་རིའི་གཞུང་གིས་རྒྱབ་སྐྱོར་ཤུགས་ཆེ་ཡོད་པ་ནན་པོའི་ཐོག་སྙན་སྒྲོན་ཞུས། ཕྱོགས་མཚུངས་སྲིད་འཛིན་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདོན་གནང་མཛད་པའི་དབུ་མའི་ལམ་གྱི་སྲིད་བྱུས་ལ་བསྔགས་བརྗོད་རྒྱ་ཆེ་ཞུས་ པ་དང་སྦྲགས་རྒྱབ་སྐྱོར་ཡོད་སྐོར་གསུངས་པ་མ་ཟད། མགོན་པོ་གང་ཉིད་མཆོག་གིས་ཆོད་སེམས་བརྟན་པོས་འཚེ་མེད་ཞི་བའི་བཞེངས་ཕྱོགས་དེ་རྒྱུན་སྐྱོང་མཛད་བཞིན་པར་གུས་བཀུར་ཆེ་བསྟོད་རྒྱ་ཆེ་ཞུས་གནང་འདུག བོད་མིའི་སྒྲིག་འཛུགས་ཀྱི་དྲ་རྒྱ་ལས་བཤུས

? ? ? ? ? ? ? ? ? ? སྲིད་སྐྱོང་བློ་བཟང་སེང་གེ་དང་། ཨ་རི་དོན་གཅོད་དངོས་སྒྲུབ་ཚེ་རིང་གཉིས་ ཞེད་པོ་འཇོན་ཡོད་དོག་དོག རྡོག་རྡོག་བཤད་ན་་་ ཁོང་གཉིས་ཨ་རི་དང་སྐལ་རྡོར་གྱི་གཉིས་ཀྱིས་བྲན་གཡོག་རེད་འདུག་ག ད་ང་ཚོ་བཙན་བྱོལ་སྤྱི་ཚོགས་ག་རེད་ཆགས་པ་རེད་ ! དངོས་ནས་སྲིད་སྐྱོང་ཚད་ལྡན་ཞིག་ཡིན་ན་་་ ཁ་ནས་བཤད་པ་གཞི་ཟུང་ ང་ཚོའི་བོད་པའི་་་ ལྟ་བའི་མིག་དང་། ཁོག་པའི་སྙིང་ ༧གོང་ས་མཆོག་ནས་སྟོན་གནང་པའི་བོད་ཀྱི་རྩ་དོན་ གཉིས་ཕན་དབུ་མའི་ལམ་དེ་ ཨུ་ཚུག་གི་ རྒྱ་མི་དང་འབྲེལ་བ་མུ་མཐུད་འབད་བརྩོན་བྱེད་དགོས་པ་ལས་ ཨ་རི་ཡི་ཤོག་ལབ་ཚད་འགྲོ་གིན་སྡད་ན་ དེ་ལ་རྒྱུག་ཁྱི་ཟེར། ཞེད་པོ་འཇོན་ཡོད་དོག་དོག་བྱེད་ཡ་དང་ སྤོོབ་པ་བྱེད་ཡ་ལྷག་མེད། ངོ་མ་ཚ་པ་ཡ་ཚན་ཆེ།

འདི་ནི་ཆེས་དགའ་འོས་པའི་གནས་ཚུལ་བཟང་པོ་ཞིག་ཡིན་པ་དང་། གཞིས་བྱེས་རང་རིགས་ཡོངས་ཀྱི་བདེན་པའི་འདོད་དོན་ཇེ་གསལ་དང་། རྒྱལ་སྤྱིའི་ནང་༧རྒྱལ་བའི་ཐུགས་བཞེད་གོང་འཕེལ་གྱིས་བདེན་དོན་ཉི་འོད་མངོན་གསལ་གྱི་མཚོན་དོན་ཞིག་ཡིན་པ་ངེས་ཤེས་བརྙེད་ཐུབ་པའི་ལམ་བུ་ཞིག་མངོན་གསལ་དུ་གྱུར་འདུག དེས་ན་ཨ་རིའི་གཞུང་དང་མང་ཚོགས་དེ་མིན་གཞུང་འབྲེལ་མ་ཡིན་པའི་ཚོགས་ཁགསོགས་ལ་བཀྲིན་ཆེ་ཞུ་བ་མ་ཟད། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གི་དབུས་འབྲེལ་ཡོད་ཡོངས་ལ་ལེགས་བརྗོད་དང་བཀྲ་ཤེས་བདེ་ལེགས་ཞུ།།????

ད་ང་ཚོ་བོད་པ་ཚང་། གཉིད་སྐྱིད་པོ་བྱེད་ཁུག་མཆོག་གིས་རེད་ད། ? ? ཨ་རི། ཨིན་ཇི། ཡུ་རོ། ཀེ་ན་ཌ། ཕ་རཱནས། ཇར་མན། ཨཱས་ཊ་ལི་ཡ་སོགས་ཀྱི་ བོད་པ་རྒྱབ་སྐྱོར་ ལག་ལེན་ཁྱོན་ནས་མེད་པས་ ཚིག་སྐམ་པོའི་གྲོས་ཆོད་བཞག་ཡོད་རེད་ད། ? ? ? ? ? ? ? ? ? ? ? ? ?