དབྱིན་ཡུལ་རྒྱལ་མོ་ཨེ་ལི་རྫ་བྷི་ཊི་(Elizabeth II)ལགས་ཀྱི་སྐུ་ཟླ་ཧྥི་ལེབ་ལགས་དགུང་གྲངས་ ༩༩ ཐོག་སྐུ་གྲོངས་བའི་གནས་ཚུལ་ཐོན་ཡོད་པ་ལྟར་༧གོང་ས་མཆོག་ནས་ཐུགས་སྨོན་གསུང་འཕྲིན་སྩལ་འདུག
དབྱིན་ཡུལ་རྒྱལ་མོའི་མཚན་ཐོག་ཏུ་སྩལ་བའི་༧གོང་ས་རྒྱལ་བ་རིན་པོ་ཆེ་མཆོག་གི་གསུང་འཕྲིན་ནང་དུ། ངོས་ནས་ཁྱེད་ཀྱི་སྐུ་ཟླ་ (H.R.H. Prince Philip) ལགས་འདས་གྲོངས་སུ་ཕྱིན་པའི་སེམས་སྐྱོ་བའི་གནས་ཚུལ་ཐོན་པར་ཐུགས་གསོ་ཞུ་རྒྱུ་དང་། ངོས་ནས་ཁོང་གི་ཆེད་དུ་གསོལ་བ་སྨོན་ལམ་འདེབས་ཀྱི་ཡོད། རྒྱལ་མོ་ཁྱེད་དང་ཁྱེད་ཀྱི་ནང་མི་ཡོངས་ལ་སེམས་སྐྱོ་བའི་དུས་སྐབས་འདི་ལ་ཐུགས་གསོ་ཞུ་ཡི་ཡོད། རྒྱལ་པོ་ཁོང་གིས་ད་བར་མི་ཚེ་དོན་དང་ལྡན་པའི་ཐོག་ནས་གནས་ཡོད་པས་ང་ཚོས་རྗེས་སུ་ཡི་རང་ཞུ་དགོས། ཞེས་གསུངས་འདུག་ལ། དེ་བཞིན་དམ་པ་ཁོང་གི་སྲས་ཆར་ལི་སི་(Prince Charles) ལགས་ལའང་ཐུགས་གསོ་ཞུས་གནང་འདུག
ཟླ་འདིའི་ཕྱི་ཚེས་ ༩ ཉིན་ཧྥི་ལིབ་མཆོག་(Windsor Castle) དུ་དགུང་གྲངས་ ༩༩ ཐོག་སྐུ་གྲོངས་ཡོད་པ་དང་། ཉེ་བའི་ཟླ་ཤས་ནང་ཁོང་ཡུན་རིང་སྨན་ཁང་དུ་བཞུགས་ཏེ་སྙིང་ལ་གཤག་བཅོས་གནང་དགོས་བྱུང་བ་སོགས་སྐུ་གཟུགས་བདེ་པོ་མེད་པའི་གནས་ཚུལ་བརྒྱུད་ལམ་དུ་ཐོན་ཡོད་པ་རེད།
ཧྥི་ལིབ་ལགས་ཕྱི་ལོ་ ༡༩༢༡ ཟླ་ ༦ ཚེས་ ༡༠ ཉིན་གྷི་རིག་(Greek)ནང་སྐུ་འཁྲུངས་ཡོད་ཀྱང་། ཁོང་དགུང་ལོ་ཆུང་བའི་དུས་ནས་ཁོང་གི་ནང་མི་དང་བཅས་རྒྱལ་ཁབ་དེ་ནས་རྒྱང་འབུད་བཏང་རྗེས། ཁོང་གིས་ཧྥ་རན་སི་དང་འཇར་མན། དབྱིན་ཡུལ་སོགས་སུ་སློབ་སྦྱོང་བྱས་ཏེ་ཕྱི་ལོ་ ༡༩༣༩ ལ་དབྱིན་ཡུལ་གྱི་ (Royal Navy) ནང་ཞུགས། དམག་ཆེན་གཉིས་པའི་རྗེས་སུ་ཁོང་དབྱིན་ཡུལ་གྱི་རྒྱལ་པོ་(King George VI)ཡི་སྲས་མོ་(Elizabeth II) དང་འཕྲད་དེ། ཕྱི་ལོ་ ༡༩༤༧ ཟླ་ ༡༡ ཚེས་ ༢༠ ཉིན་ཁོང་གཉིས་ཀྱིས་གཉེན་སྒྲིག་གནང་ནས་བུ་བཞི་དང་བུ་མོ་གཅིག་བཅས་སྔ་གཞུག་ཏུ་སྐྱེས་ཡོད་འདུག ཕྱི་ལོ་ ༡༩༥༢ ལོར་སྲས་མོ་ཨེ་ལི་རྫ་བྷི་ཊི་ལགས་དབྱིན་ཡུལ་རྒྱལ་མོར་བསྐོ་བཞག་གནང་རྗེས། ཁོང་གིས་དམག་ཁོངས་ཞབས་ཕྱི་ནས་དགོངས་པ་ཞུས་ཡོད་འདུག
གསར་འགོད་པ། བསྟན་འཛིན་ཕུར་བུ།
