རྒྱ་ནག་གཞུང་གིས་བོད་སྐྱེ་རྒུ་མདོ་ནས་ཡིན་པའི་བོད་མི་གསུམ་འཛིན་བཟུང་བྱས་ཏེ་ཟླ་བ་ ༨ ལྷག་འགོར་རྗེས་རིན་ཆེན་རྡོ་རྗེ་ལགས་ཀློད་གྲོལ་བཏང་ཡོད་ཀྱང་ཁོང་གི་རོགས་པ་གཉིས་ད་དུང་གོ་ཐོས་མི་འདུག
འདས་ལོར་རྒྱ་ནག་གཞུང་གིས་བོད་ཁུལ་གང་སར་རྒྱ་ནག་དམར་ཤོག་ཚོགས་པ་བཙུགས་ནས་ལོ་ངོ་ ༡༠༠ ཟིན་པའི་དུས་སྟོན་དང་བྱེད་སྒོའི་རིགས་སྣ་ཚོགས་ཤིག་སྤེལ་དུ་བཅུག་ཡོད་པ་ལྟར། འདས་ལོའི་ཕྱི་ཟླ་ ༨ ཚེས་ ༨ གྱི་ཉིན་རྒྱབ་ཏུ་སྐྱེ་རྒུ་མདོའི་རོལ་རྩེད་ཐང་ཆེན་ནས་བོད་མི་གསུམ་གྱིས་ཕྱི་ཕྱོགས་ཀྱི་ཚོགས་པ་ཞིག་ཏུ་རྒྱ་ནག་དམར་ཤོག་ཚོགས་པ་བཙུགས་ནས་ལོ་༡༠༠ ཟིན་པའི་དུས་སྟོན་འཚོགས་སའི་རོལ་རྩེད་ཐང་གི་འདྲ་པར་བསྐུར་ཏེ། ཆབ་སྲིད་ཀྱི་གནས་ཚུལ་བཟོས་ཡོད་ལུགས་ཀྱི་ཉེས་མིང་འོག་བོད་མི་གསུམ་འཛིན་བཟུང་བྱས་རྗེས་ཟླ་ ༨ ལྷག་ལ་གོ་ཐོས་མེད་པར་གྱུར་ཡོད་ཀྱང་། ཉིན་ཤས་སྔོན་རིན་ཆེན་རྡོ་རྗེ་ལགས་ཀློད་གྲོལ་བཏང་ཡོད་འདུག
འདི་གའི་གནས་ཚུལ་མཁོ་སྤྲོད་པས་རིན་ཆེན་རྡོ་རྗེ་ལགས་ཀློད་གྲོལ་བཏང་ཡོད་ཀྱང་མུ་མཐུད་ལྟ་རྟོག་ནན་པོ་བྱེད་མུས་ཡིན་པ་དང་། སྤྱིར་བཏང་བཙོན་པ་ཀློད་གྲོལ་གཏོང་སྐབས་ཁྱིམ་མི་ཚོར་སྔོན་བརྡ་ཞིག་གཏོང་སྲོལ་ཡོད་ཀྱང་། ཁོང་གི་ཁྱིམ་མི་ཚོར་བརྡ་ལན་གང་ཡང་མ་འབྱོར་བར་གློ་བུར་དུ་རང་ཁྱིམ་ལ་བསྐྱལ་ཡོད་སྐོར་དང་། ད་ལྟའི་ཆར་ཁོང་གི་སྐུ་གཟུགས་གནས་སྟངས་ག་འདྲ་ཡོད་མེད་དང་། ཁོང་གི་རོགས་པ་སྐལ་བཟང་ཉི་མ་ལགས་དང་། ལྷུན་འགྲུབ་ལགས་གཉིས་ཀྱི་གནས་སྟངས་སོགས་གང་ཡང་ཤེས་རྟོགས་ཐུབ་ཀྱི་མེད་ཀྱང་། ཁོང་གཉིས་ལའང་ནག་ཉེས་གང་ཡང་མེད་པར་བརྟེན་རིམ་གྱིས་ཁོང་གཉིས་ཀྱང་ཀློད་གྲོལ་གཏང་ཡོང་བའི་རེ་བ་རྒྱག་བཞིན་ཡོད་སྐོར་བརྗོད་བྱུང་། བཙོན་གྲོལ་ཐོབ་པའི་རང་ལོ་ ༥༤ ཙམ་ཡིན་པའི་རིན་ཆེན་རྡོ་རྗེ་ལགས་ནི་སྡོམ་མདའ་ཡུལ་ཚོ་ནས་ཡིན་ཞིང་དུས་རྒྱུན་གླ་འཁོར་གཏོང་གི་ཡོད་པ་དང་། ཁོང་ལ་བུ་ཕྲུག་གཉིས་ཡོད་འདུག
འདས་ལོར་རྒྱ་ནག་གཞུང་དམར་ཤོག་ཚོགས་པ་བཙུགས་ནས་ལོ་ ༡༠༠ ཟིན་པའི་དྲིལ་བསྒྲགས་ཀྱི་བྱ་འགུལ་སྣ་ཚོགས་ཤིག་བོད་ཁུལ་གྱི་ས་ཆ་གང་སར་བསྡུ་རུ་བཅུག་སྟེ། དམར་ཤོག་ཚོགས་པར་བསྟོད་བསྔགས་དང་བཀའ་དྲིན་རྗེས་དྲན་ཟེར་བ། དེ་བཞིན་དམར་ཤོག་ཚོགས་པའི་ཁ་ལ་ཉན་ཞིང་རྗེས་སུ་འབྲང་དགོས་པའི་སྐུལ་འདེད་ཤུགས་ཆེན་བྱས་ཡོད་པ་ལྟར། སྐབས་དེར་བོད་སྐྱེ་རྒུ་མདོ་ས་ཁུལ་
འབྲེལ་ཡོད་གསར་འགྱུར། སྐྱེ་རྒུ་མདོ་ནས་བོད་མི་གསུམ་འཛིན་བཟུང་བྱས།
གསར་འགོད་པ་དཔལ་ལྡན་དང་། ས་གནས་གསར་འགོད་པ།
