Yang, pictured alongside Prince Andrew at a Pitch@Palace event, with Andrew. PitchatPalace/YouTube
དེ་རིང་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། ཁ་སང་ཕྱི་ཚེས་ ༡༦ ཉིན་དབྱིན་ཡུལ་གྱི་ཆེས་མཐོའི་ཁྲིམས་ཁང་ཞིག་གིས་རྒྱ་ནག་གི་གསང་ཉུལ་བ་ཡང་ཐཱན་པཱོ་( Yang Tengbo) ཟེར་བས་དབྱིན་ཇིའི་རྒྱལ་སྲས་ཨེན་ཌི་(Prince Andrew, Duke of York) དང་གསང་འབྲེལ་བྱས་ཡོད་པའི་གནས་ཚུལ་ཐེར་འདོན་བྱས་ཏེ། རྒྱལ་སྲིད་བདེ་འཇགས་ཀྱི་གནད་དོན་འོག་ནས་ཡང་དན་པཱོ་དབྱིན་ཡུལ་ནས་ཕྱིར་བསྐྱོད་མི་ཆོག་པའི་བཀག་རྒྱ་བསྒྲགས་ཡོད་ཅིང་། ད་ལྟ་གནད་དོན་དེ་ནི་དབྱིན་ཇིའི་ནང་རྒྱ་ནག་གི་ཤུགས་རྐྱེན་སྤྲོད་ཐབས་བྱེད་བཞིན་པའི་གྱོད་དོན་ཞིག་ཆགས་ཡོད་པ་མ་ཟད། དབྱིན་ཡུལ་གཙོས་འཛམ་གླིང་གི་ས་ཕྱོགས་གང་སར་ནས་ཚ་གླེང་ཆེ་ཤོས་བྱེད་མུས་ཡིན་པའི་གནད་དོན་ཅིག་ཏུ་འགྱུར་མུས་ཡིན་འདུག
རྒྱ་ནག་གི་ཚོང་པ་ཡང་ཐཱན་པཱོ་ཟེར་བས་ཡུན་ནན་མཐོ་རིམ་སློབ་གཉེར་ཁང་ནས་ལོ་རྒྱུས་དང་ཡིག་ཚགས་ཐོག་རིག་གནས་རབ་འབྱམས་པའི་བསླབ་པ་མཐར་སོན་བྱུང་། ཕྱི་ལོ་ ༢༠༠༢ ལོར་དབྱིན་ཡུལ་དུ་ཡོང་སྟེ་ཡོག་གཙུག་ལག་སློབ་གཉེར་ཁང་(University of York) ནས་གཙུག་ལག་རབ་འབྱམས་པའི་ལག་འཁྱེར་བླངས། ཕྱི་ལོ་ ༢༠༠༥ ལོར་ཁོས་དབྱིན་ཡུལ་གྱི་རྒྱལ་ས་ལོན་ཌོན་དུ་དབྱིན་རྒྱ་གཉིས་ཀྱི་ཚོང་ལས་ཁང་བར་མཉམ་ལས་བྱ་སའི་རྒྱལ་སྤྱིའི་ཧམ་ཕུ་ཌོན་(Hampton Group International) ཞེས་པ་ཞིག་གསར་འཛུགས་བགྱིས།
