ང་རང་ཨོ་ལིམ་པིག་མཛད་སྒོ་ལ་བཅར་མེད་ལ། སྤྲོ་བའང་མི་འདུག ཅིའི་ཕྱིར་ང་མཛད་སྒོ་ལ་ཞུགས་འདོད་མ་སྐྱེས་པ་ཡིན་ནམ་ཞེ་ན། ངས་མཛད་སྒོ་འདི་དཔལ་འབྱོར་གྱིས་བདག་བཟུང་བྱེད་པའི་སྲིད་གཞུང་ཤིག་གི་བཙན་དབང་གིས་བཀོད་སྒྲིག་བྱས་པ་ཞིག་ལས། མི་དམངས་ཀྱིས་རང་འགུལ་གྱིས་རོལ་བའི་དུས་སྟོན་ཞིག་དང་སྨྲ་བརྗོད་རང་དབང་གི་དུས་སྟོན་ཞིག་ཏུ་མཐོང་གི་མི་འདུག མཛད་སྒོ་འདིར་ཕངས་སེམས་སྐྱེས་སའི་གནས་མང་བོ་ཞིག་ཡོད་སྟབས། ང་ཞུགས་མི་འདོད།
རྒྱ་ནག་གི་སྒྱུ་རྩལ་བློ་འདྲི་ཡུལ། དེང་རབས་སྒྱུ་རྩལ་པ་གྲགས་ཅན། བཟོ་སྐྲུན་ཇུས་འགོད་པ། ཨེ་ཝེ་ཝེ་ནི་ཐེངས་འདིའི་ཨོ་ལིམ་པིག་ལུས་རྩལ་ར་བའི་བཟོ་བཀོད་པ་ཡིན་པ་མ་ཟད། ཐེངས་འདིའི་ཨོ་ལིམ་པིག་བྱེའུ་ཚང་གི་བཟོ་བཀོད་པའང་ཡིན། ཁོང་གིས་ཐེངས་དུ་མར་རྒྱ་ནག་གི་སྲིད་བྱུས་ལ་སྐྱོན་བརྗོད་དང༌། རྒྱ་ནག་མི་མང་གི་རང་དབང་ལ་འབྲེལ་བའི་གནད་དོན་མང་པོའི་སྟེང་སྲིད་གཞུང་ལ་ཁ་གཏད་བྱས་ཡོད་པ་རེད། ད་དུང༌། ཁོང་གིས། ཐེངས་འདིའི་མཛད་སྒོའི་སྐབས་ཀྱི་དགོད་སྒྲ་ནི་དགོད་སྒྲ་རྫུན་མ་ཞིག་ཡིན་ཚུལ་དང༌། སྤྱི་ཚོགས་ལ་དམངས་གཙོའི་རང་དབང་མེད་སྟབས་མི་མང་ལ་སྐུལ་སློང་གིས་དགའ་སྤྲོའི་དུས་སྟོན་ཞིག་གི་རྣམ་པ་སྟོན་དུ་འཇུག་གིན་ཡོད་པས། མི་དམངས་ལ་མཚོན་ན། དམངས་གཙོ་དང་རང་དབང་གི་སྤྱི་ཚོགས་ཤིག་ཡོད་འདོད་ལ། བརྩོན་ལེན་བྱས་ཏེ། རྒྱལ་སྤྱིའི་སྤྱི་ཚོགས་ཀྱི་ངོས་ལེན་དང་ཆོག་མཆན་གནང་སྐབས། ད་གཟོད་རང་དབང་མེད་པའི་ཆད་ལྷག་དེ་ཤེས་ཐུབ་བསམ། དམ་དྲག་དང་དབང་ཤུགས་ཆེ་བའི་འགྲོ་སྟངས་འདིས། ས་གནས་ཁག་ཏུ་བདེ་འཇགས་ཆེད་སྒྲིག་གཞི་གསར་བའི་བཀག་རྒྱ་ཐེབས་ཡོད་པས། ཇི་ལྟར་འཛུམ་མདངས་གིས་འཁྲབ་སྟོན་དང་དགོད་སྒྲ་སྒྲོག་ནུས། ང་རང་གི་ཕངས་སེམས་ཆེ་ཤོས་ནི། རྒྱ་ནག་གིས་སྐད་དམའ་མོས། འཛམ་གླིང་གཅིག་དང་རྨི་ལམ་གཅིག ཅེས་འཛམ་གླིང་གི་ཁྱོན་ཡོངས་སུ་ཀྲུང་གོ་གསར་བ་ཞིག་དང༌། པེ་ཅིན་གསར་བ་ཞིག ཨོ་ལིམ་པིག་གསར་བ་ཞིག་གསལ་སྟོན་བྱ་འདོད་ཡོད་འདུག དེ་ལྟར་ནའང༌། ངའི་རྒྱ་ནག་གིས་དངོས་པོ་གསར་བ་ཅི་ཞིག་གསལ་སྟོན་བྱ་བར་དོགས་པ་སྐྱེས་ཤིང༌། ཁོང་ཚོར་སྤོབས་པ་དང་ཡིད་ཆེས་དཀོན་པ་ང་ཚོས་མཐོང་གསལ་རེད། ངའི་རེ་བ་ནི་དངོས་གནས་སྤྲོ་སྣང་ཅན་གྱི་མི་དམངས་ཨོ་ལིམ་པིག་རྩེད་འགྲན་ལ་འཛུལ་ཞུགས་བྱེད་འདོད་ཡོད་མོད། དེ་ལས་ལྡོག་ཏེ། འགོག་ཐབས་མེད་པའི་མི་དེ་དག་དང་མུན་འཐོམས་པ་དེ་དག་རེད།
རྒྱ་ནག་སྤྱི་ཚོགས་ཀྱི་བཀག་རྒྱ་གཙོ་བོ་ནི། རང་དབང་དང་དམངས་གཙོ་ཡིན་པ་ཐེ་ཚོམ་བྱེད་མི་དགོས་ལ། ཨོ་ལིམ་པིག་ནི་གོ་སྐབས་ཡག་ཤོས་དེ་ཡིན། རྒྱ་ནག་མི་དམངས་ཀྱིས་འཛམ་གླིང་ལ་རང་ཉིད་ཀྱི་རེ་བ་དེ་གསལ་སྟོན་བྱ་དགོས་པ་དང༌། ཧུར་བརྩོན་གྱིས་ལག་བསྟར་བྱེད་པར་འབད་དགོས། ངས་བཤད་བཞིན་པ་ནི་དམངས་གཙོ་དང་རང་དབང་ཡིན་པ་ལས། དེ་ལས་ལྡོག་པའི་ལམ་ཁ་གཏན་ནས་མིན།
འཛམ་གླིང་གི་རྒྱ་ནག་དེ། ལོ་རྒྱུས་ཀྱི་འགལ་ཟླ་དང༌། འདུ་ཤེས་འཛིན་སྟངས། ཆབ་སྲིད་ཀྱི་འཐེན་འཁྱེར་སོགས་ད་ལྟའི་རྒྱ་ནག་གི་ཆབ་སྲིད་དང་དཔལ་འབྱོར་གྱི་འཕེལ་རྒྱས་ལ་བཀག་རྒྱ་དང༌། གྱོང་གུད་ཚབས་ཆེན་ཐེབས་ཡོད་པ་ཞིག་ལ་ངོས་འཛིན་བྱས་ཡོད་སྟབས། ཕྱོགས་ཡོངས་ནས་བལྟས་ན། ཨོ་ལིམ་པིག་ནི་འཛམ་གླིང་ལའང་གོ་སྐབས་ཡག་ཤོས་ཤིག་ཡིན། རྒྱ་ནག་གིས་ཀྱང་རིག་གཞུང་དང་ཕྱོགས་ཡོངས་ནས་དུས་སྐབས་གསར་བ་འདིའི་ནང་སྒྲིག་གཞི་ལ་འགྱུར་བ་གཏོང་དགོས་ཞེས་བརྗོད་འདུག་ལ། གཞན་ཁོང་གིས་རྒྱ་ནག་གིས་ཨོ་ལིམ་པིག་ལ་ཁ་གཡར་ཏེ། རྒྱལ་སྤྱིའི་སྟེང་གི་རྒྱལ་ཁབ་ཁག་གི་འབྲེལ་ལམ་ལ་ཤུགས་སྣོན་བྱེད་པར་སྐྱོན་བརྗོད་བྱེད་བཞིན་ཡོད་པ་དང༌། ཨོ་ལིམ་པིག་སྐབས་ཀྱི་རྒྱ་ནག་ནི་དམག་མིའི་རྒྱལ་ཁབ་ཅིག་ཡིན་ཚུལ་སྐྱོན་བརྗོད་བྱས་ཡོད་འདུག
