ད་ནི་ཡང་འཇུག་བཤད་པར་བྱ། །སྤྱང་པོའི་གྲུང་དང་རྙོག་མ་གྲུངས། །ཉིན་ཞག་ཚིལ་ཞག་འཆིང་བྱེད་ཞགས། །ཞིང་ལས་སོ་ནམ་བསོད་ནམས་དང༌། །ནད་རོ་དྲག་དང་ཐལ་བའི་དྲགས། །ཚིག་གི་གཏམ་དང་བྱུར་བུར་གཏམས། །གོ་འཕང་དང་ནི་མངའ་རྡོ་འཕངས། །འཕོང་སྐྱེན་དང་ནི་ལུས་སྨད་འཕོངས། །ཐུང་མིན་རིང་དང་བྲེལ་བའི་རིངས། །ལྗིད་མེད་ཡང་དང་རྒྱ་ཆེའི་ཡངས། །མིག་གིས་མཐོང་དང་ནམ་མཁའི་མཐོངས། །ཐུན་མོང་དང་ནི་ཉོན་མོངས་དང༌། །འཁྲིག་པ་སྤྱོད་དང་དུད་སྤྲིན་འཁྲིགས། ། ་་་་་ འཕྲོས་གཤམ་གྱི་འབྲེལ་ཐག་ལ་བསྣུན་ཏེ་ཀློག་རོགས།
མཁས་དབང་ས་ཕུད་བླ་མ་ཡིས། ས་ཡང་འཇུག་མི་འདོད་པའི་རྒྱུ་མཚན་མེད་པ་ཞིག་ག་ལ་ཡིན། འོན་བཏང་ད་ལྟར་ས་ཡང་འཇུག་ཡིན་པ་རྩ་བའི་མཁན་པོའི་དགོངསཔ་ཡིན་ཞེས་རླུང་ལྟར་གྲགས་ཀྱང་། ཁོ་བོ་འདི་ལྟར་དོགས་ཏེ་། ས་ཡང་འཇུང་བསྟན་པའི་སུམ་བཅུ་པའི་ཚིག་ཅིག་དངོས་སྟོན་རྒྱུ་མེད་པས་ཤུགས་བསྟན་ལ་ཡོད་ཅེས་འདོད་མོད། གལ་ཏེ་ཤུགས་བསྟན་ལ་ཡོད་ན་ཚིག་འདི་དང་འདིས་ཤུགས་ལ་བསྟན་ཞེས་འགྲེལ་དགོས་པ་ལས་ཤུགས་བསྟན་ལ་ཡོད་ཅེས་ཨུ་ཚུགས་ཀྱིས་ཅི་ཞིག་ཕན། དེ་བས་སུམ་བཅུ་པའི་ཚིག་གང་གིས་ཤུགས་ལ་བསྟན་འགྲེལ་བཤད་ཡག་པོ་ཞིག་བརྒྱག་རོགས
དག་ཡིག་འདི་མཛད་པ་པོ་ནི་ཨ་ལག་ཤ་ངག་དབང་བསྟན་དར་ལྷ་རམས་པ་ཡིན་ལ། འདི་ནི་ཁོང་གི་བརྩམས་པའི་《དག་ཡིག་གཅེས་བསྡུས་འཁྲུལ་སྤོང་ལེགས་པར་བཤད་པའི་སྐྱ་རེངས་གསར་པ་ཞེས་བྱ་བ་བཞུགས་སོ།།》ལས་ལེ་ཚན་ཞིག་ཡིན། ཁོང་ནི་སོག་པོའི་ཡུལ་ཨ་ལག་ཤ་ཞེས་པའི་ས་ཆར་རབ་བྱུང་བཅུ་གསུམ་པའི་ས་ཡོས་ཕྱི་ལོ་༡༧༥༩ལོར་འཁྲུངས། སྐུ་ན་ཆུང་དུས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང༌། དབུས་སུ་ཕེབས་ཏེ་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་མཛད། རྗེ་ཀློང་རྡོལ་བླ་མ་ངག་དབང་བློ་བཟང་སློབ་དཔོན་དུ་བསྟེན་ནས་དབུ་ཕར་འདུལ་མཛོད་ཚད་མ་བཅས་ཀྱི་གཞུང་བཀའ་པོད་ལྔར་གསན་བསམ་གནད་སྨིན་མཛད། བཀའ་ཆོས་ཟབ་མོ་དང་རིག་གནས་ཁག་ལ་སྦྱངས་པ་རྒྱ་ཆེར་མཛད་པས་ཤེས་རབ་ཀྱི་བློ་གྲོས་རབ་ཏུ་རྒྱས། དགུང་ལོ་སུམ་ཅུ་ལྷག་ཙམ་ལ་ལྷ་ལྡན་སྨོན་ལམ་ཆེན་མོར་རབ་འབྱམས་པའི་གྲྭ་སྐོར་མཛད་ནས་ལྷ་རམས་པའི་མཚན་བཏགས་བཞེས། དགུང་ལོ་སོ་གསུམ་རབ་བྱུང་བཅུ་གསུམ་པའི་ལྕགས་ཕག་ཕྱི་ལོ་༡༧༩༡ ལོར་འབྲས་སྤུངས་སྒོ་མང་གྲྭ་ཚང་གི་མཁན་པོར་ཕེབས། དེ་ནས་རང་ཡུལ་ཨ་ལག་ཤའི་གཡོན་དགོན་མི་ཕམ་ཆོས་གླིང་དུ་ཕེབས། དགུང་ལོ་ང་གཅིག་ཐོག་བླ་བྲང་བཀྲ་ཤིས་འཁྱིལ་དུ་བྱོན་ཏེ་རྡོ་རམས་པ་ལྷ་ཞེའི་དྲུང་ནས་སྙན་ངག་སོགས་རིག་གནས་ཁག་ལ་གསན་སྦྱོང་གནང༌། ཕྱིས་སུ་མདོ་སྨད་སྐུ་འབུམ་དུ་བཞུགས་ནས་འཆད་རྩོད་རྩོམ་གསུམ་གྱི་འགྲོ་དོན་རྒྱ་ཆེར་སྤེལ། ཕྱག་རྩོམ་ལ་《ལམ་གྱི་གཙོ་བོ་རྣམ་གསུམ་གྱི་འགྲེལ་པ།》 《སྙན་ངག་གི་དཔེར་བརྗོད།》 《སུམ་རྟགས་འགྲེལ་པ།》 《ཡི་གེའི་བཤད་པ།》 《བོད་ཀྱི་བརྡ་གསར་རྙིང་གི་ཁྱད་པར།》 《དག་ཡིག་གཅེས་བསྡུས་》སོགས་ཆོས་ཚན་སུམ་ཅུ་སོ་བདུན་མཛད་ཡོད་པ་དེ་པོ་ཏི་གཉིས་སུ་བསྡུས་ཏེ་སྐུ་འབུམ་བྱམས་པ་གླིང་དུ་པར་དུ་བརྐོས་ཡོད་འདུག རྗེ་འདི་ཉིད་ཀྱི་ཞིབ་ཕྲའི་རྣམ་ཐར་མ་མཇལ་བས་འདི་ཙམ་ལས་འགོད་མ་ཐུབ། འོན་ཀྱང་ཁོང་གིས་མཛད་པའི་《རྟེན་འབྲེལ་བསྟོད་པའི་དོན་འགྲེལ་རིན་ཆེན་ཕྲེང་བ་》ཞེས་པའི་མཇུག་བྱང་དུ་རང་ལོ་དོན་གསུམ་པ་རབ་བྱུང་བཅུ་བཞི་པའི་ལྕགས་མོ་ཡོས་ཕྱི་ལོ་༡༨༣༡ལོའི་ཧོར་ཟླ་གཉིས་པའི་ཡར་ངོའི་ཚེས་གསུམ་ལ་སྦྱར་ཞེས་གསལ་ཞིང༌། བསྟན་བཅོས་འདི་བརྩམས་ནས་ཡུན་རིང་མ་བཞུགས་པར་དགོངས་པ་གཞན་དོན་དུ་གཤེགས་པ་མཁས་པའི་གསུང་ལས་བྱུང༌། གཞན་ཞིག་ཏུ་དགུང་ལོ་གྱ་གཅིག་པར་《བློ་སྦྱོང་དོན་བདུན་མའི་གཏམ་ཐེག་མཆོག་ཉེ་ལམ་》ཞེས་པ་བརྩམས་པར་ཡང་གྲགས་སོ། །