རྒྱ་ནག་གི་འགྲོ་བ་མིའི་ཐོབ་ཐང་རྩོད་ལེན་པ་གཉིས་ནི་ལོ་འདིའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་གྱི་འོས་མིའི་ཁོངས་སུ་ཡོད་པ་དང་། ཁོང་གཉིས་ནི་ཀའོ་ཀྲི་ཧྲིན་དང་ཧུའུ་ཅ་གཉིས་རེད།
ནོར་ཝེ་རྒྱལ་ཁབ་ཀྱི་རྒྱལ་སྤྱིའི་ཞི་བདེའི་ཞིབ་འཇུག་ཁང་གིས་རྒྱ་ནག་གི་འགྲོ་བ་མིའི་ཐོབ་ཐང་རྩོད་ལེན་པ་འདི་གཉིས་ལོ་འདིའི་ནོ་སྦེལ་ཞི་བདེ་གཟེངས་རྟགས་བཞེས་མཁན་གྱི་འོས་མི་དྲག་གྲས་ཀྱི་ཁོངས་སུ་བཞག་ཡོད་འདུག་ལ། འོས་མིའི་མཐའ་མཇུག་གི་ཐག་གཅོད་དེ་ཕྱི་ཚེས་ ༡༠ ཉིན་འཁེལ་གྱི་ཡོད་པ་རེད། དབྱེ་ཞིབ་པ་དག་གིས་བརྗོད་པ་ལྟར་ན། ཨོ་སི་ལོར་རྟེན་གཞི་བྱས་པའི་ནོ་སྦེལ་ཞི་བདེའི་གཟེངས་རྟགས་ཚོགས་ཆུང་གིས་ཀའོ་དང་ཧུའུ་གཉིས་ལ་གཟེངས་རྟགས་ཕུལ་ཚེ་ཤར་ཕྱོགས་དང་ནུབ་ཕྱོགས་རྒྱལ་ཁབ་བར་གྱི་འབྲེལ་བའི་གནས་སྟངས་དེ་ཛ་དྲག་དང་རྣོ་ངར་རང་བཞིན་དུ་འགྱུར་རྒྱུ་རེད་ཟེར།
རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ ལུའུ་ཅན་ཁྲོ་ ཡིས་ཕྱི་ཚེས་ ༢༥ ཉིན་གསར་འགོད་པར་བརྗོད་དོན། ངའི་རེ་བ་ལ་ནོ་སྦེལ་ཞི་བདེའི་ཚོགས་ཆུང་གིས་ཐག་གཅོད་མ་ནོར་བ་ཞིག་ལེན་རྒྱུ་དང་། ནོ་སྦེལ་ཞི་བདེའི་གཟེངས་རྟགས་ཀྱི་ཐོག་མའི་དམིགས་ཡུལ་ལ་རྒྱབ་འགལ་མི་བྱེད་པ་དང་། ཡང་ན། ཀྲུང་ཧྭ་མི་རིགས་ཀྱི་སེམས་ཁམས་ལ་རྨ་ཁ་མི་བཟོ་བའི་རེ་བ་ཡོད། གཟེངས་རྟགས་འདི་ནི་འཛམ་གླིང་ཞི་བདེ་ལ་དོན་དངོས་ཀྱི་ཕྱག་རྗེས་འཇག་མཁན་ཚོར་འབུལ་དགོས་པ་རེད་ཅེས་བརྗོད་ཡོད་པ་རེད།
རྒྱ་ནག་དམར་ཕྱོགས་ཚོགས་པའི་ཁ་གཏད་དུ་ལངས་པ་ནི་དོན་དང་ལྡན་པའི་ཞི་བདེའི་བྱ་གཞག་ཡིན་པས། ཁོ་གཉིད་ལ་ཕུལ་ན་ཏག་ཏག་རེད།