སྤེལ་ཀོབ་ལུགས་ཟུང་བསམ་འགྲུབ་གླིང་དུ་གཉའ་ཁྲི་ཆོས་རིག་ཞབས་ཞུ་རིས་མེད་བོད་ཀྱི་དཔེ་མཛོད་ཁང་ཞེས་པ་གསར་དུ་དབུ་འབྱེད་གནང་ཡོད་པ་རེད།
ཕྱི་ཚེས་ ༦ ཉིན་སྤེལ་ཀོབ་ལུགས་ཟུང་བསམ་གྲུབ་གླིང་གཞིས་གྲོང་དང་པོར་གཉའ་ཁྲི་ཆོས་རིག་ཞབས་ཞུ་རིས་མེད་བོད་ཀྱི་དཔེ་མཛོད་ཁང་ཞེས་པ་དབུ་འབྱེད་གནང་ཡོད་ཅིང༌། དེ་ནི་སེར་བྱེས་གྲྭ་ངག་དབང་སྟོབས་ལྡན་ལགས་ཀྱིས་སྤེལ་ཀོབ་ལུགས་ཟུང་བསམ་འགྲུབ་གླིང་དང་གཞིས་གསར་བདེ་སྐྱིད་སླར་གསོ་གཉིས་སུ་ད་བར་ན་གཞོན་རྣམས་ལ་དམིགས་བསལ་གྱི་དཔེ་ཀློག་དང་དཔེ་དེབ་གཡར་གཏོང་བྱེད་ས་མེད་པར་དམིགས་ཏེ་གསར་འཛུགས་གནང་བ་ཞིག་ཡིན་འདུག
ཁོང་གིས་གསུངས་དོན། དཔེ་མཛོད་ཁང་འདིས་དཔེ་ཚོང་གི་བྱ་བ་བྱེད་ཀྱི་མེད་པར་བོད་མི་ཡོངས་དང་ག
ཞོན་སྐྱེས་ཕོ་མོ་རྣམས་ལ་ཐུགས་འདོད་ལྟར་བོད་ཡིག་དང་དབྱིན་ཡིག་སོགས་ཡིག་རིགས་འདྲ་མིན་སྟེང་དུ་ཡོད་པའི་༧གོང་ས་མཆོག་གི་དབུས་པའི་བླ་ཆེན་ཁག་གི་བཀའ་སློབ་དང༌། གནའ་ནས་ད་བར་བྱོན་པའི་འཕགས་བོད་པཎ་གྲུབ་རྣམས་དང་མཁས་དབང་མི་སྣ་གྲངས་མེད་ཀྱི་གསུང་རྩོམ་སོགས་གཞུང་ཆེན་བཀའ་པོད་ལྔ་དང༌། གཞན་ཡང་རྒྱལ་རབས་དང་ཆོས་འབྱུང༌། ཆབ་སྲིད། དཔལ་འབྱོར། རིག་གནས། ལྷག་དོན་བཙན་བྱོལ་བོད་གཞུང་གི་ལས་ཁུངས་མ་ལག་དང་བཅས་པའི་འཛིན་སྐྱོང་དང་ལས་དོན་བྱེད་ཕྱོགས་དྲིལ་བསྒྲགས་ཀྱི་ཡིག་ཆ་སོགས་གང་མང་བལྟ་ཀློག་ཐུབ་པའི་མཐུན་འགྱུར་དང༌། རིན་མེད་ཀྱིས་འགྲེམ་སྤེལ་བྱ་འཆར་ཡོད་ཅེས་མཛད་སྒོའི་སྟེང་གསུངས་ཡོད།
བཀུར་འོས་སྐུ་ཞབས་ངག་དབང་སྟོབས་ལྡན་ལགས།
་་་་་་་་་་་་་་་ངས་བོད་མི་ཡོངས་ཀྱིས་ཚབ་བྱས་ནས་ཁྱེད་ཀྱིས་༧གོང་ས་མཆོག་གིས་ང་ཚོ་མི་རེ་ངོརེ་ནས་ལས་འགན་བླངས་དགོས་ཞེས་བཀའ་སློབ་གསུང་གི་བདུད་རྩི་ཕེབས་པ་ཇི་བཞིན་རང་ཉིད་ཀྱི་སློབ་གཉེར་གྱི་ཞོར་དུ་བོད་ཀྱི་སྐད་ཡིག་སྲུང་སྐྱོབ་ལ་སྨན་པའི་ཕྱག་ལས་བཟང་པོ་སྒྲུབ་བཞིན་པ་སྙིང་ནས་དགའ་བསུ་དང་བསྔགས་བརྗོད་ཡོད།་་་་་་་་་་་བྱ་བ་བཟང་པོ་འདི་མུ་མཐུད་ཡར་རྒྱས་ཀྱི་གོམ་པ་མདུན་དུ་སྤོ་ཐུབ་པའི་རེ་བ་དང་ཡིད་ཆེས་ཤུགས་དྲག་བཅས་གུས་བློ་བཟང་ཀུན་མཁྱེན་པས་ཟླ་ཚེས་བཟང་པོར་ཕུལ།་།