ང་དང་ལས་དབང་གཅིག་པའི་མི་མང་ཚོ། སེམས་བསམ་པའི་དམིགས་ཡུལ་གཅིག་པའི་སྤུན་ཟླ་ཚོ། ཆབ་སྲིད་པ་ཁག་ཅིག་གིས་ང་ཚོ་ཡར་མར་གང་སར་ཁྲིད་ནས་བཟི་སྨན་སྣ་ཚོགས་བླུགས་ཏེ་སྨྱོ་རུ་འཇུག་གི་ཡོད་པའི་སྐབས་འདིར། གོང་ས་མཆོག་སྐུ་རྐྱང་ལ་མ་ཕུད་རོགས།
སྐད་ཆ་ཉི་ཚེ་བ་ཞིག་བཤད་རྗེས། ལག་ལེན་བསྟར་མི་ཐུབ་པའི་སྟོང་གཏམ་ཆེན་པོ་དེས་ཅི་ཞིག་བྱ། ཕ་མའི་བྱམས་བརྩེའི་ཀློང་ན་ལང་ཚོ་དར་དུས། ཕ་མ་རྒྱང་ཕུད་བཏང་བ་ནི་ཁྲེལ་མེད་ཀྱི་ཀུན་སྤྱོད་ལད་པོ་ཞིག་མ་ཡིན་ནམ། གྲོད་ཁོག་རྒྱག་ནས་ལམ་ཁ་རེ་རྙེད་དུས། གོང་ས་མཆོག་སྐུ་རྐྱང་ལ་མ་ཕུད་རོགས།
རྒྱ་དམར་གཞུང་གི་བཙན་ཤུགས་ཀྱིས་ྋགོང་ས་མཆོག་སྐུ་རྐྱང་དུ་ཕུད་ཐབས་བྱེད་བཞིན་ཡོད་པ་དང༌། ཤུགས་ལྡན་ཚོགས་པས་དྲག་ཤུགས་ཀྱིས་གོང་ས་མཆོག་སྐུ་རྐྱང་དུ་ཕུད་ཐབས་བྱེད་བཞིན་ཡོད།སྐབས་འདི་དག་ལའང་ང་ཚོའི་ཆབ་སྲིད་པ་ཁག་ཅིག་གིས་མི་མང་བེད་སྤྱོད་གཏོང་བཞིན་གོང་ས་མཆོག་དོན་གྱིས་སྐུ་རྐྱང་དུ་ཕུད་རྩིས་བྱེད་ཀྱི་ཡོད་པ་འདྲ།
ཁ་སང་དེ་རིང་བོད་རྒྱའི་དཀའ་རྙོག་སེལ་བྱེད་ཀྱི་དབུ་མའི་ལམ་ལ་ཕྱོགས་ཡོངས་ནས་དཔྱད་པ་གཏོང་གི་ཡོད། ནུས་པ་མི་འདུག་ཟེར་ནས་དགག་པ་རྒྱག་གི་ཡོད། འབྲས་བུ་མི་འདུག་ཟེར་ནས་ལོག་ལྟ་བྱེད་ཀྱི་འདུག རང་ཐག་རང་གཅོད་དང་རང་བཙན་ནི་ས་དང་གནམ་ཡིན་པའི་བསྒྲགས་གཏམ་སྤེལ་གྱིན་འདུག མཐའ་ན་བོད་གཞུང་གི་སྤྱི་འཐུས་ཚོགས་གཙོས་ཀྱང་རང་བཙན་ནི་བོད་མིའི་མངོན་འདོད་ཡིན་པས་དབུ་མའི་ལམ་ལ་ཐོག་མ་ནས་མི་མང་གི་རྒྱབ་སྐྱོར་ཐོབ་མེད་པར། དེ་ནི་གོང་ས་མཆོག་གི་དགོངས་གཞི་ཡིན་པའི་འགྲེལ་བརྗོད་བྱེད་ཅིང༌། མི་མང་ལ་གཡོ་འགུལ་གཏོང་གི་འདུག བཤད་སྒྲོས་འདི་དག་ལས་མི་མང་འཁྱགས་པས་བསྡམས་ཤིང་ཚ་བས་སྲེག་གི་ཡོད། སྐད་ཆ་བཤད་ན་ཆོག་ཅིང་འགྱུར་བའང་སོང་ན་འགྲིག་གི་ཆབ་སྲིད་ཀྱི་རླུང་ཚུབ་གཡུག་དུས་མགོ་འཐོམས་ནས སྐད་ཅོར་གྱི་ཕྱོགས་སུ་རྒྱུག་སྟེ་གནད་དོན་འབོར་མི་ཉན། ལྷག་པར་དུ་གོང་ས་མཆོག་སྐུ་རྐྱང་ལ་མ་ཕུད་རོགས།
གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་དེ་ཚོས་འདི་འདྲ་བཤད་དོན་ཅི་ཞིག་ཡིན་ནམ། ད་ལོའི་བོད་ནང་གི་སྒེར་ལངས་ཆེན་མོའི་སྐབས་ཀྱི་སྐད་འབོད་བརྗོད་ཚིག་ཁག་ལས་རང་བཙན་ཟེར་བ་དམིགས་སུ་བཀར་ནས་བོད་མི་མང་གི་མངོན་འདོད་འདི་རེད་ཅེས་ཁྱབ་བསྒྲགས་བྱེད་དོན་ཅི་ཞིག་ཡིན་ནམ། ཐོག་མར་རྒྱ་དམར་གྱིས་བོད་བཙན་གནོན་བྱེད་དུས་རང་བཙན་ཟེར་བའི་འབོད་ཚིག་འདི་བསྒྲགས་པ་ཡིན་པས་བོད་མིའི་སེམས་ཁམས་ལ་འབོད་ཚིག་འདི་འཇགས་བསྡད་ཡོད་པ་རེད།་ རྒྱ་དམར་གྱི་བཙན་གནོན་བཀག་སྡོམ་དམ་དྲག་པས་་བོད་མི་ཚོས་ཕྱི་ལོགས་ཀྱི་གནས་ཚུལ་གོ་རྒྱུ་ཚད་བཀག་ཧ་ཅང་ཆེ། དེ་བས་རང་བཙན་འཐབ་རྩོད་བྱས་ནས་རང་སྲིད་རང་སྐྱོང་ལ་འཕོ་འགྱུར་བྱུང་བའི་བོད་ཀྱི་གནས་ཚུལ་དང༌། དབུ་མའི་ལམ་གྱི་མཐར་ཐུག་གི་དམིགས་གཞི་སོགས་ལ་བོད་ནང་གི་བོད་མི་ཚོར་རྒྱུས་མངའ་དེ་ཙམ་མེད་པ་ཤེས་བཞིན་དུ་བོད་མི་མང་གི་མངོན་འདོད་རང་བཙན་རེད་ཟེར་དོན་ཅི་ཡིན་ནམ། བོད་ནང་གི་བོད་མི་ཚོས་གོང་ས་མཆོག་བོད་དུ་ཕེབས་དགོས་དང༌། ང་ཚོ་ལ་སྨྲ་བརྗོད་རང་དབང་དགོས་ཟེར་བའི་འབོད་ཚིག་དག་མ་གོ་མ་ཤེས་པའི་ཚུལ་དུ་གཡུགས་དོན་ཅི་ཞིག་ཡིན་ནམ། གོང་ས་མཆོག་བོད་དུ་ཕེབས་དགོས་ཟེར་བའི་འབོད་ཚིག་གི་ནང་དོན་དང་དབུ་མའི་ལམ་གྱི་མཐར་ཐུག་གི་ཐོབ་འབྲས་གཉིས་ཀྱི་འབྲེལ་བ་དང༌། བོད་མི་མང་གི་སེམས་བསམ་པ་དང་གོང་ས་མཆོག་གི་བར་གྱི་འབྲེལ་བ་འདི་ལྟར་ཟབ་ཀྱང་ཁ་གཞན་ལ་བསྒྱུར་དོན་ཅི་ཞིག་ཡིན་ནམ། གནད་དོན་ཞིག་བཤད་ཁུལ་གྱིས་གནད་དོན་དངོས་དེ་བརླག་ནས། གོང་ས་མཆོག་སྐུ་རྐྱང་ལ་མ་ཕུད་རོགས།
ང་ཚོའི་མཐར་ཐུག་གི་དམིགས་ཡུལ་ནི་བོད་མིའི་དཀའ་རྙོག་འདི་སེལ་རྒྱུ་ཉག་གཅིག་རེད། རང་བཙན་དང་དབུ་མའི་ལམ་གཉིས་ཀྱི་རྒྱལ་ཕམ་རྩོད་དོན་ཅི་ཞིག་ཡིན་ནམ། བོད་དུ་རྒྱ་དམར་གྱིས་བོད་མི་བཙན་གནོན་དང་འཛིན་བཟུང༌། ཁྲིམས་གཅོད་སོགས་ཀྱི་དྲག་ཐབས་ད་དུང་མཚམས་བཞག་མི་འདུག བཙན་བྱོལ་དུ་ལས་འགུལ་གང་ཡིནཡང་མཚམས་བཞག་ནས་ཡོད་ཚད་རྡ་རམ་ས་ལར་ཚོགས་ཏེ། དབུ་མའི་ལམ་གྱི་ཁ་གཏད་དུ་ལངས་ཀྱི་ཡོད་ཚོད་རེད། འགྲེལ་བརྗོད་སྙན་མོ་རེ་དང་མིང་ཚིག་འཇམ་པོ་རེ་བེད་སྤྱོད་གཏོང་གི་ཡོད་པ་ལས། དོན་དངོས་ད་ལོ་དབུ་མའི་ལམ་ཕམ་པར་རྒྱག་རྒྱུའི་འཆར་གཞི་བཟོས་ཡོད་པ་འདྲ། འོད་སྣང་ལ་དུང་བའི་མི་མང་ཡ། གནད་དོན་གྱི་སྐབས་སུ་གཉིད་མ་འདུག ང་ཚོས་རྒྱལ་ཁམས་ཀྱི་གནས་ཚུལ་ལ་ལྟས་ན་ཆོག་གི ཕུགས་བསམ་གྱི་ཞིང་ཁམས་བསྙེག་ན་ཆོག་གི ད་དུང་ཆབ་སྲིད་པ་ཚོའི་མདུན་རྒྱབ་བསྔོག་ནའང་ཆོག་གི་ ཆབ་སྲིད་པ་ཚོས་ངུ་ངག་འདོན་སྲིད་ལ་མིག་ཆུའང་གཏོང་སྲིད། གང་ལྟར། ཆབ་སྲིད་པ་འདི་ཚོས་མི་མང་དེད་ནས་གདམ་ག་ཞིག་བྱེད་འཇུག་པ་དང༌། ཡང་ན་སྐད་ཆ་རེ་བཤད་བཅུག་ནས་དབུ་མའི་ལམ་ལ་མོས་མཐུན་མེད་པའི་རྣམ་འགྱུར་ཞིག་ཉོ་ཁོ་ཐག་རེད། ཚོང་ཆེན་པོ་ཞིག་རྒྱག་ཡོང་དུས། གོང་ས་མཆོག་སྐུ་རྐྱང་ལ་མ་ཕུད་རོགས།
བོད་དུ་རྒྱ་དམར་གྱིས་རྒྱལ་གཅེས་ཆོས་གཅེས་ཞེས་པའི་སློབ་གསོའི་ལས་འགུལ་སྤེལ་གྱིན་ཡོད། ལས་འགུལ་འདིའི་དམིགས་ཡུལ་ནི་གོང་ས་མཆོག་ལ་བཅངས་པའི་ཡིད་ཆེས་ལ་བསྒྱུར་བཅོས་གཏོང་རྒྱུ་རང་རེད། བཙན་བྱོལ་དུ་ཆབ་སྲིད་སློབ་གསོ་ཞིག་སྤེལ་གྱིན་ཡོད། དེའི་དམིགས་ཡུལ་ནི་དབུ་མའི་ལམ་ལ་བསྒྱུར་བཅོས་གཏོང་རྒྱུ་དེ་རེད། བོད་དོན་སྒྲུབ་ན་འགྲིག་གི་ ལ་རྒྱ་ཡོད་ན་བཟང་གི གོང་ས་མཆོག་སྐུ་རྐྱང་ལ་མ་ཕུད་རོགས།
ང་ཚོ་ཕ་ཡུལ་ལ་འགྲོ་དགོས། གོང་ས་མཆོག་དང་ལྷན་དུ་ཕ་ཡུལ་ལ་འགྲོ་དགོས། དེ་ནི་བོད་ནང་གི་བོད་མི་ཚོའི་རེ་སྒུག་དང་མངོན་འདོད་རེད། འཆི་གསོན་གྱི་མཚམས་ནས་ང་ཚོ་ལ་བཏང་བའི་སེམས་ཀྱི་འབོད་སྒྲ་རེད། ང་དང་ལས་དབང་གཅིག་པའི་མི་མང༌། ཆབ་སྲིད་པ་ཚོས་ང་ཚོ་མདུན་ནས་འཐེན་ཏེ་མུན་ནག་ཏུ་སྦས་སྲིད་ལ། རྒྱབ་ནས་དེད་དེ་གཡང་ཁ་ནས་གཡུག་སྲིད། ཁྱོད་དང་ང་ཚོའི་དབུ་ཁྲིད་ནི་གོང་ས་མཆོག་རེད་ལ། ང་དང་ཁྱོད་ཚོ་ནི་གོང་ས་མཆོག་གི་ཐུགས་ཀྱི་ནོར་བུ་རེད། འཆར་གཞི་དང་ཆོད་སེམས་ཅི་ཡང་མེད་པའི་དཀྲོག་གཏམ་གྱིས་གནམ་ས་སྒུལ་ཀྱང༌། གོང་ས་མཆོག་སྐུ་རྐྱང་ལ་མ་ཕུད་རོགས།
ཕྱི་ལོ་༡༩༩༣ ལོའི་ཟླ་༥ བར་རྒྱ་ནག་སི་ཁྲོན་ཞིང་ཆེན་དུ་གསང་བའི་ཚོགས་འདུའི་ཐོག་བོད་ཀྱི་འཐབ་རྩོད་ལ་འགོག་གནོན་བྱེད་ཆེད་སྲིད་ཇུས་ཁག་གཉིས་གཏན་འབེབས་བྱས་པ་ལས། ཏཱ་ལའི་ཕྱོགས་ཁག་ནང་ཁུལ་དུ་ཕྱོགས་ཁག་སྣ་ཚོགས་ཡོད་པ་དང༌། དེ་དག་གི་ཆབ་སྲིད་ལངས་ཕྱོགས་ངོ་བོའི་ཐོག་གཅིག་མཚུངས་ཡིན་ཀྱང༌། བསམ་བློའི་ལྟ་ཚུལ་དང་རྣམ་པ་མཚོན་ཚུལ་ཐད་མི་མཚུངས་པ་རེ་ཡོད་རྐྱེན་ངེས་པར་དུ་ཁག་སོ་སོར་མི་འདྲ་བའི་ཁ་གཏད་ཀྱི་སྲིད་བྱུས་རེ་འཛིན་དགོས་ལ། འགལ་བ་བེད་སྤྱད་དེ་ཁ་བྲལ་འཐོར་ཞིག་གཏོང་དགོས་ཞེས་ནན་བཤད་བྱས་ཡོད། ཡང་ཕྱི་ལོ་༡༩༩༨ ལོའི་ལོ་མཇུག་ཏུ་རྒྱ་ནག་ཁྲིན་ཏུ་རུ་བོད་དོན་སྐོར་གསང་བའི་ཚོགས་འདུ་ཞིག་འཚོགས་ཏེ་གྲོས་ཆོད་དོན་ཚན་གསུམ་པའི་ནང༌། རྒྱ་གར་དུ་ཡོད་པའི་ཏཱ་ལའི་སྲིད་གཞུང་གཏོར་བཤིག་གཏོང་སླད། ཡུལ་གྱར་སྲིད་གཞུང་གི་གལ་ཆེའི་མི་སྣར་སྐྱོན་འཛུགས་དང་མིང་ཆད་བཟོས་ཏེ་བློ་ཕམ་དང་དགོངས་ཞུ་བྱ་དགོས་ཀྱི་ལས་འགུལ་སྤེལ་ཐབས་དང༌། བོད་མི་མང་ནས་ཏཱ་ལའི་སྲིད་གཞུང་ལ་ཡིད་ཆེས་བརླགས་ཏེ་འགལ་ཟླ་བཟོ་ཐབས་ཀྱི་དམིགས་བཀར་སྲིད་ཇུས་འཛིན་རྒྱུ་ཞེས་ལྐོག་ཇུས་རིམ་པར་བཏིངས་བ་ད་ནི་མངོན་འགྱུར་བྱེད་ཀི་ཡོད་པ་མིན་ནམ་བསམ་ནས་སྐྲག་གི། མང་གཙོ་ཡིན་ཟེར་ནས་ཆབ་སྲིད་ཀྱི་ཕྱོགས་སྣ་ཚོགས་བཙུགས་ཀྱང་མི་མང་གི་རྩ་བའི་ཁེ་ཕན་ལ་བསམ་ཤེས་གང་ཡང་མེད་པར་གནས་སྐབས་ཀྱི་ལས་དོན་བསྒྲུབ་ཐབས་ཀྱིས་རྩ་དོན་བརླག་སོང་ན་སུ་ཞིག་གི་ནག་ཉེས་ཡིན། ཡང་གཅིག་བཤད་ན། བོད་ཀྱི་གནད་དོན་འདིའི་མཐར་ཐུག་གི་ཐག་གཅོད་དབང་ཚད་བོད་མི་མང་ལ་ཡོད་ཀྱང༌། མི་མང་གི་ཤེས་ཚད་དང་རྣམ་དཔྱོད་ཀྱིས་མི་འདང་དུས། གོང་ས་མཆོག་ལྟ་བུའི་བླ་མེད་དབུ་ཁྲིད་དེ་ང་ཚོ་ལ་ཅི་འདྲའི་མཁོ་གལ་ཆེའོ།། ཤེས་ཡོན་ཆེན་པོ་མེད་ཀྱང༌། ལྷག་པར་ཆབ་སྲིད་ཀྱི་འགྲོ་སྟངས་ཡག་པོ་མི་ཤེས་ཀྱང༌། ང་ཚོ་ལ་ཤ་ཚ་ཞིང་ཁ་ཁོག་མེད་པའི་ལམ་སྟོན་མི་བསླུ་བ་གནང་མཁན་དེ་སུ་ཡིན་མིན་ང་ཚོས་གསལ་བོ་ཤེས་ཡོད། ང་ལྟ་བུའི་མི་མང་ཚོའི་ཐོད་པའི་མིག་དང་ཁོག་གི་སྙིང་ནི་གོང་ས་མཆོག་ཡིན། དེ་ལྟར་ལགས་ན། གོང་ས་མཆོག་སྐུ་རྐྱང་ལ་མ་ཕུད་རོགས།
email threeeyes99@yahoo.in
Mobile- 9816276082
བོད། ཤ་ཁྲག་རུས་གསུམ། ཁྱོད་ཀྱི་ངས་སྐད་ཆ་ཁ་ཤས་ཚད་བརྒལ་རང་བཞིན་དུ་འགྲོ་བཞིན་འདུག་ཞེས་པ་ཐུགས་རྗེ་ཆེ། མྱི་སྨྱོན་པ་ནམ་ཡང་བོད་མི་གང་མང་ཞིག་གི་སེམས་སུ་ཚད་བརྒལ་རང་བཞིན་ལ་གནས་ཡོད། ལྷག་པར་ཁྱོད་ཚོས་ང་ཤ་ཇི་ལྟར་ཚ་བ་དེ་ལྟར་ང་ཚད་བརྒལ་རང་བཞིན་ལ་གནས། རྒྱུ་མཚན་དེས་ན་ང་ལ་མྱི་སྨྱོན་འབོད།
ཁྲི་པདྨ། ཁྱོད་ཀྱི་ཡི་གེ་དུས་བབ་དྲ་ཚིགས་ལ་ངོ་ཚ་བ་ཡིན་རྒྱུ་རེད། གཞན་ཁྱོད་ཀྱི་སྐལ་ཆ་འདི་དག་སླེབ་འདུག
ཨ་རོགས་ཆོ
ངས་ཀྱང་བསམ་ཚུལ་གྱི་གླེང་སྟེགས་འདིའི་སྟེང་ལ་རང་སེམས་མཚོན་པའི་ཐིག་ཕྲེང་ཁ་ཤས་བཀོད་པ་ཡིན་མོད ། བསམ་ཡུལ་འདས་བ་ཞིག་ལ་ངས་ཅི་བྲིས་བ་དེ་དྲ་རྒྱ་འདིར་མི་ཐོན་པ་ཅི་ཡིན་ན
དྲ་གྲོགས་མྱི་སྨྱོན་ལགས། ང་རང་ཡང་ཁྱེད་ཀྱིས་བསམ་ཚུལ་གཅིག་ལ་རྒྱབ་སྐྱོར་ཡོད། ༸གོང་ས་མཆོག་ཁ་ནང་ལ་ལེན་མཁན་མང་ཤེས་ཀྱིས་ཁོང་གི་བཀའ་གཏོར་ཤུགས་གཏོང་མཁན་ལ་མཐོང་ཀྱི་ཡོད་ཅེས་པ་དེར་ང་རང་ཡང་དེ་མཚུངས་ཀྱི་བསམ་ཚུལ་ཞིག་ཡོད་པ་བདེན་པ་ཡིན། འོན་ཀྱང་། ང་ཚོས་༧གོང་ས་མཆོག་གི་བཀའ་སློབ་འདྲེན་བཞིན་ཡོད་པ་ནི། ༧གོང་ས་མཆོག་ལ་བརྩི་བཀུར་ཞིག་བྱེད་ཀྱི་ཡོད་པ་དང་། ནམ་རྒྱུན་༧གོང་ས་མཆོག་གི་གསུང་ལ་ཡིད་ཆེས་ཡོད་པ་སྟོན་ཐུབ་ཀྱི་ཡོད་པ་རེད་འདོད། གང་ལྟར་དགོས་མི་དགོས་གང་སར་༧གོང་ས་མཆོག་གི་བཀའ་ཞེས་བེད་སྤྱོད་བྱས་ན་དངོས་ནས་ཡག་པོ་མི་འདུག
ཁྱོད་ཡང་་་་ཞེས་ང་རང་ལ་བརྡ་ཞིག་གནང་བ་ཐུགས་རྗེ་ཆེ། ངས་དོན་མེད་དུ་བརྩི་བཀུར་མེད་པ་དེ་འདྲ་མི་བྱེད་ཁོ་ཐག་ཡིན། ཁྱེད་སེམས་བདེ་མོ་བྱོས། ཡིན་ཡང་། དྲ་གྲོགས་ཁྱེད་ཀྱིས་སྐད་ཆ་བཤད་སྟངས་ཁ་ཤས་ནི། ངོ་མ་ཚད་བརྒལ་རང་བཞིན་དུ་འགྲོ་བཞིན་ཡོད་མེད་ལ་བསམ་བློ་རེ་གཏོང་རོགས་ཞུ།
མེ་འོད། སྤྱན་གསུམ་པ་ལགས་ཁྱོད་བཤད་ནོ་ངོ་མ་བདེན། སྤུན་ཟླ་ལགས་བཀྲིན་ཆེ།
འདི་ཡང་ཁྱོད་སྙིང་རྗེ་བ་གཅིག་རེད། ༸གོང་ས་མཆོག་གི་བཀའ་སློབ། ༸གོང་ས་མཆོག་གི་ཐུགས་དགོངས། འདི་ལྟ་བུའི་ཚིག་རྐམ་པོ་རེས་ཕན་པ་ཡོད་པ་མ་རེད། ངེས་བསམ་གཞིག་གི་ཁྲོད་ནམ་ཡང་༸གོང་ས་མཆོག་ཁ་ནང་ལ་ལེན་མཁན་མང་ཤེས་ཀྱིས་ཁོང་གི་བཀའ་གཏོར་ཤུགས་གཏོང་མཁན་ལ་མཐོང་ཀྱི་ཡོད། ཁྱོད་ཡང་་་་་་་་་་་་
དྲ་གྲོགས་མྱི་སྨྱོན་པ་ལགས། སེམས་གསོ་རེ་བྱེད་པ་ལས། རྒྱུ་མཚན་རེ་ཤོད་དང་། ང་ཚོས་བཤད་པ་ནི་སྐད་ཆ་སྙན་པོ་དང་ཆབ་སྲིད་ཤེས་འདོག་བྱེད་མཁན་ཡིན་པར་སྣང་གི་ཡོད་ན། ཁྱེད་རང་གིས་༧གོང་ས་མཆོག་གི་བཀའ་སློབ་མང་པོ་ཞིག་ལ་རྒྱུས་མངའ་མེད་པ་ཤེས་སོང་། ཁྱོད་ཚོ་སྙིང་རྗེ་ཟེར་པ་ལས་ང་ཚོ་སྙིང་རྗེ་ད་དུང་ཡང་དབུ་ཁྲིད་ཀྱི་གནས་ལུགས་དང་རྒྱུ་མཚན་ཡོད་པ་གསུང་བས་ལམ་ཁ་དེར་རྡོག་རྩ་ཆིག་སྒྲིལ་མེད་པ། མཐུན་ལམ་མེད་པ་བཅས་ཀྱིས་ངང་རང་རློམ་ཁོ་ནའི་འཚོ་བཞིན་འདུག་ཟེར་ན་འོས་བ་མི་འདུག་གམ།
རེད་རེད་་་ སྐད་ཆ་དང་དཔེ་སྙན་པོ་འདུག ཚེ་སྲོག་གསོན་ཆེད་རྒྱ་ནག་ལ་མགོ་བསྒུར་ན་གཞི་ནས་རང་ཁྱིམ་རང་བཙན་བརྩོད་ཆོག འདི་ལྟ་བུའི་འགྲེལ་བརྗོད་དབང་གིས་རྒྱ་ནག་གིས་༸གོང་ས་མཆོག་གིས་དབུ་མའི་ལམ་དང་རང་བཙན་གཅིག་རེད་བརྗོད་ཀྱི་ཡོད་པ་རེད། འདི་དག་བཟོ་མཁན་ཁྱོད་ཚོ་ཆབ་སྲིད་ཤེས་འདོག་བྱེད་མཁན་དབུ་མའི་ལམ་ཡིན་ལ་མིན་ལ་ཚོ་རེད། ལྟ་ཕྱོགས་གཅིག་གཏན་ཚུགས་ཅན་འཛིན་དགོས། འདི་ཁྱོད་ཚོ་ལ་སླབ་བྱ་ཡིན། ཁ་ཏ་ཡིན། སེམས་གསོ་ཡིན། སྙིང་རྗེ་་་་་
དྲ་གྲོགས་ཡེ་ཤེས་རིན་ཆེན་ལགས། ཁྱེད་རང་གིས་སེམས་འཁྲལ་དོན་མེད་དུ་བྱེད་དགོས་དོན་མེད། དབུ་མའི་ལམ་ལ་མི་དམངས་ཀྱི་རྒྱབ་སྐྱོར་ཐོབ་མིན་དེ་ནི་ལོ་རྒྱུས་ནང་གསལ་ལྟར་ཁ་གྲགས་ངེས་ཡིན་ལ། དེ་ནི་༧གོང་ས་མཆོག་གིས་དགོངས་གཞི་བཏོན་པ་ལས་༧གོང་ས་མཆོག་གིས་བོད་མི་དམངས་ལམ་ཁ་དེར་ཡིན་གཅིག་མིན་གཅིག་འགྲོ་དགོས་པའི་སྐུལ་སློང་ནམ་ཡང་གནང་མེད་པར་མི་དམངས་ཀྱིས་རེ་འདོད་ཡིན་པ་དེ་ལས་གཞན་གང་ཡང་ཡིན། རང་བཙན་ནི་བོད་མིའི་མངོན་འདོད་ཡིན་ཞེས་གཞོན་ནུ་ཚོགས་པའི་ས་བསྒྲགས་གནམ་བསྒྲགས་ཐེངས་མང་བྱས་མྱོང་བ་རེད་ལ། བོད་མི་དམངས་ཀྱིས་རང་བཙན་དོར་ནས་དབུ་མའི་ལམ་འདེམས་པ་མ་ཡིན་པར་དབུ་མའི་ལམ་ལ་བརྟེན་ནས་བོད་མི་དམངས་ཀྱི་བདེ་སྡུག་ཐག་གཅོད་བྱེད་ཐུབ་པར་ཡིད་ཆེས་བྱས་པ་ལ་བརྟེན་ནས་བྱུང་བ་རེད། ལྷག་པར་དུ་༧གོང་ས་མཆོག་གིས་ཀྱང་ལམ་དབུ་མ་ལ་ཞུགས་ན་རང་བཙན་དོར་དགོས་ཞེས་ནམ་ཡང་བོད་མི་དམངས་ལ་གསུང་མྱོང་ཡོད་པ་མ་རེད། དེ་ལྟར་བསམ་བློ་ཞིབ་མོ་གཏོང་དགོས། གལ་ཏེ་མི་ཞིག་གིས་རང་གི་ཚེ་སྲོག་དང་རང་ཁྱིམ་གཉིས་ཀ་རྩོད་ལེན་བྱེད་ཀྱི་ཡོད་ན་ནི། ཐོག་མར་ཚེ་སྲོག་སྐྱོབས་པའི་ཐབས་ལམ་འཚོལ་པ་ལྟར་ཡིན། ཚེ་སྲོག་སྐྱོབས་མ་ཐུབ་ན་རང་ཁྱིམ་སྟོང་བ་ཞིག་གིས་ཅི་ཡང་མི་ཡོང་། ཚེ་སྲོག་གསོན་པའི་དབང་ཚད་རང་ཉིད་ལ་རེག་སོང་ན་རང་ཁྱིམ་དགོས་མིན་དེ་ག་ལེར་རང་རང་གི་བརྩོན་པ་ལ་རེག་ལས་པ་ཡིན།
དྲ་གྲོགས་ལྷན་རྒྱས།
་་་་་་་་་་་་་་་་ང་ཚོ་བོད་མི་དམངས་ཀྱི་སྐུ་ཚབ་སྤྱི་འཐུས་ཚོགས་གཙོས་འདི་ལྟར་་་་་་་་་རང་བཙན་ནི་བོད་མིའི་མངོན་འདོད་ཡིན་པས་དབུ་མའི་ལམ་ལ་ཐོག་མ་ནས་མི་མང་གི་རྒྱབ་སྐྱོར་ཐོབ་མེད་པར། དེ་ནི་གོང་ས་མཆོག་གི་དགོངས་གཞི་ཡིན་པའི་འགྲེལ་བརྗོད་བྱེད།་་་་་་་་་་་་འདིའི་ཐད་ཁྱེད་རྣམ་པའི་གཟུ་བོར་གནས་པའི་རྣམ་དཔྱོད་བེད་དུ་སྤྱོད་ནས་བསམ་ཚུལ་ཞིག་ཤོད་དང།
དྲ་གྲོགས་མྱི་སྨྱོན་ལགས། བྱིས་པ་ཞིག་གི་སེམས་ཁམས་ནི་ཧ་ཅང་དྲི་མ་མེད་པ་ཞིག་ཡིན་ལ། དྲི་མེད་ཀྱི་བསམ་ཚུལ་འདིས་བོད་མི་དམངས་ལ་བཅིངས་པའི་ལྷག་བསམ་ལ་རྨ་མེད་སྟབས། བོད་ཀྱི་ཆེད་དུ་ལོས་གཏོང་བའི་བོད་ནང་གི་རྒྱ་ཆེ་མི་དམངས་ལ་ཁྱེད་ཀྱིས་གླེན་བཤད་དེ་འདྲའི་མི་འཁོ་ལ་དོན་དངོས་དང་བོད་མི་དམངས་ཀྱི་སྐྱིད་སྡུག་ལ་འགན་ཡོད་པ་དང་བོད་མི་དམངས་ཀྱི་ཚེ་སྲོག་ལ་འགན་ཆགས་པའི་ལམ་ཁ་ཞིག་འཁོ་བ་ལས། སྐད་ཆ་སྙན་པོ་དང་བརྫིག་པོ་བཤད་ནས་ལམ་སྟོན་དང་འཆར་གཞི་ཁུངས་མེད་དེ་ཚོའི་གང་ཡང་མི་ཕན་ན། ད་ནི་བཟུང་ཁྱེད་ཀྱིས་བྱིས་པའི་གླུ་རེ་ལེན་ཞོར་བོད་ནང་གི་བོད་མི་དམངས་ཀྱི་ཚེ་སྲོག་ལ་འགན་ཡོད་པའི་བསམ་ཚུལ་དྲི་མ་མེད་པ་རེ་འཁྱེར་ཡོང་སའི་གནས་ཚུལ་ཁུངས་ལྡན་རེ་དྲ་གྲོགས་ཚོ་ལ་འཁྱེར་ཡོང་ཐུབ་པས་རེ་སྨོན་དང་བཅས། ཁོམ་པ་མེད་པའི་ས་མཚམས་དེ་ནས་ཟམ་གདོང་བླ་མས་བཤད་ཀྱི་འདུག་ཟེར་བ་དེ་ག་དུས་གསུང་ཡོད་མེད་དང་། གནས་ཚུལ་གང་ལ་བརྟེན་ནས་གསུང་ཡོད་མེད་བཅས་ཁ་གསལ་བོ་ཞིག་འབྲི་རོགས་གནོང་།
དྲིན་ཆེན་པོ། འདི་ཆབ་སྲིད་ཀྱི་གནས་ཚུལ་ཞིག་མ་རེད། བྱེས་པ་ཆུང་ཆུང་གི་གླུ་ལེན་སྟེང་རེད། སྤྱིར་ཁྱོད་ཀྱི་ཆབ་སྲིད་ལ་དོ་སྣང་ཡོད་པ་ཡག་པོ་རེད། ཡིན་ཡང་སྐབས་འདིར་དགོས་མཁོ་ཆེ་བ་ནི། གནད་འགག་གང་ཞིག་ལས་བོད་ཀྱི་ལང་ཕྱོགས་འདི་གང་ལ་འགྲོ་བཞིན་འདུག ད་དུང་ང་ཚོས་དབུ་ཁྲིད་ཁོང་ལ་དོན་དངོས་ཀྱི་མི་མང་གི་གནས་ཚུལ་གང་དག་ཤེས་སུ་བཅུག་གི་ཡོད་འདིའི་བར་སུ་ཞིག་གིས་འཁོར་བསྐྱོད་བྱེད་ཀྱི་འདུག ཁ་ཚ་དགོས་མཁོ་ཅན་རེད། གནས་སྐབས་འདི་བསྐོར་ཉམས་ཞིབ་བྱེད་ཀྱི་ཡོད་པའི་ཁོམ་པ་ཧ་ཅང་མེད། ཁྱོད་ཚོ་དང་ང་ཚོ་མེད་པར་འདི་ཕྱོགས་ལ་བསམ་བློ་གཏོང་རོགས། ཕྱི་ཟླ༡༡པའི་ཛ་དྲགས་ཚོགས་འདི་སྐབས་དབུ་མའི་ལམ་བསྐྱར་ཞིབ་ལ་སྐད་ཆ་བཤད་མི་ཆོག་པ་ཟམ་གདོང་བླ་མའི་བཤད་ཀྱི་ཡོད་པ་འདི་དག་ལ་ལྐོག་གྱུར་ཞིག་ཡོད་སྙམ་ན་འདི་ཚོ་གསལ་བོ་བཟོ་དགོས།
དྲ་གྲོགས་མྱི་སྨྱོན་ལགས། ད་ཁྱེད་ཀྱིས་ཆབ་སྲིད་ཤེས་ན་འདི་ལ་གཟིགས། དྲ་གྲོགས་གནས་ཚང་ལགས་ཁྱེད་རང་ལ་ཡང་ངས་རྩོམ་ཡིག་ཐུང་ཐུང་འདི་ཕུལ་བ་ཡིན།
ད་འཇོན་ན་ལོངས་ཡ་ཤོད་ཡ།
བོད་མིས་རེ་འདོད། བོད་མིས་བདེ་སྡུག བོད་མིས་ཚེ་སྲོག བོད་མིས་རང་དབང་། བོད་མིས་རིག་གཞུང་། བོད་མིས་འདས་མ་འོངས།བོད་མིས་ཡོད་ཚད་ཀྱི་ཡོད་ཚད། ད་ནི་གངས་ཅན་བོད་པ་ཚང་གི་ལག་དུ་བཞག་ཡོད་པས། ད་ལོང་ཡ། ད་ཤོད་ཡ། ད་སྒྲུབ་ཡ། ད་སྣེ་ཁྲིད་ཡ། དབུ་མའི་ལམ་གྱིས་ཕར་རོལ་ཞིག་ནས་་་
ཨ་རོ་་་་གནས་ཚང་། ཁྱོད་ཀྱི་ཟས་བཅད་ངོ་རྒོད་ཞིག་བྱས་ན་མ་གཏོག་ཕལ་ཆེར་ཁྱོད་ཀྱི་དྲི་བ་ལ་ལན་རྒྱབ་མཁན་རྙེད་ཁག་པོ་འདུག
འོ། ཁ་གསབ་གཅིག་ཡོད། སོ་སོའི་ངོས་ནས་དྲི་བ་དེ་དག་རྨ་ཁ་ཡིན་པར་མཐོང་གི་མེད་པར་མ་ཟད། བརྣག་ཐུམ་རྙིང་པ་ཞིག་བརྟོལ་ནས་རྨ་རྙིང་དེ་མེད་པར་གཏོང་མགོ་ཚུགས་ཡོད་སྙམ་གྱི་ཡོད། མདོ་དོན་ལན་རྒྱོབ་དང་། གཞན་དག་གལ་ཆེན་མ་རེད།
ཡེ་ཤེས་ལགས།
དེ་དུས་༼དབུ་མའི་ལམ༽ཕྲུ་གུ་ཆུང་ཆུང་རེད། ཚང་མ་ལོས་ཕྲུ་གུ་འདི་ནར་སོན་ན་རང་མགོ་ཐོན་ས་རེད་སྙམ་ཡོད་པ་རེད། ཡིན་ནའི། ད་ལྟ་ལོ་ཆེན་པོ་ཆགས་ཡོད་ཙང་། བག་མ་ཚུར་བསུ་མི་ཐུབ་ཀྱང་མག་པ་ཕར་ལ་འགྲོ་གི་ཡིན་ཞེས་ལབ་སྲོལ་ཞིག་ག་བ་ཡོད་པ་རེད་དམ། འདི་གཅིག་ཡིན།
གཞན་གཅིག་དེ་རང་གིས་ངའི་དྲི་བ་ཆ་ཚང་ལ་ལན་རྒྱོབ་དང་། ངས་ཉིན་གཅིག་གི་པཱ་ལེ་བཙོང་མཚམས་འཇོག་དགོས་ཐུག་ཀྱང་བགྲོ་གླེང་བྱེད་ངེས་ཡིན།
གནས་ཚང་ལགས།
་་་་་་་་ཁྱེད་གང་དུ་གཉིད་ཁུག་སོང་བ་རེད་་་་་་་་་ཁ་སང་ང་ཚོས་གོང་ས་མཆོག་གི་དགོངས་ཚུལ་ཡང་དག་པའི་དབུ་མའི་ལམ་ལ་མང་མོས་འོས་ཤོག་འཕེན་དུས་ཁྱེད་དེ་དུས་ལྕེ་ཆད་སོང་བ་རེད་པས།་་་་་དེ་དུས་ཁྱེད་གང་ཆགས་སོང་བ་རེད།།།།།།།།།
་་་་་་་་་་་་་་་ཁ་རྒྱགས་རེ་དང་བསམ་ཚུལ་རྫིག་པོ་རེས་ཁྱེད་ཀྱིས་གོང་ས་མཆོག་དང་བོད་མི་དམངས་ལ་རྨ་ཁ་བཟོས་པ་མ་ཡིན་ནམ།