སྐུ་ཚབ་ཚོ་པེ་ཅིན་དུ་འབྱོར་བ།

བསམ་དོན་འགྲུབ་པར་ཤོག

རྒྱལ་ཁབ་གཉིས་ཀྱི་གྲོོས་མོལ་ཡིན་པས་ཀློ་བུར་དུ་ཐག་གཅོད་དཀའ་པ་རེད །
མདོར་བསྡུས་ནས་བཤད་ན་བོད་དོན་ནི་རྒྱ་ནག་དང་གྲོས་མོལ་བྱས་ནས་ཐག་གཅོད་པ་ལས་གཞན་ལ་རེ་བ་རྒྱག་རྒྱུ་མེད་པ་དོན་གནད་ཆེན་པོ་རེད་སྙམ །

དངོས་གནས་ཡག་པོ་འདུག ཇི་ལྟར་རྒྱ་ནག་སྲིད་གཞུང་ཡང་ཤ་ཁྲག་རུས་གསུམ་གྱིས་གྲུབ་པའི་མིས་བཟུང་ཡོད་པ་རེད། དེའི་ཕྱིར་ཕན་ཚུན་གྱི་བསམ་ཚུལ་ལ་ནམ་ཡང་རྒྱུས་ལོན་བྱེད་དགོས་པ་མ་ཟད། དུས་ནམ་ཡང་ཆབ་སྲིད་དང་འགལ་ཟླའི་བསམ་ཚུལ་གཅིག་པུའི་ལྟ་སྟངས་བཟུང་བ་ནི་ནོར་འཁྲུལ་ཚབ་ཆེན་ཞིག་རེད། གལ་སྲིད་རྒྱ་ནག་གིས་བཏོན་པའི་ཆ་རྐྱེན་ནམ་ཡང་ན་དྲིལ་བསྒྲགས་ཡིག་ཆ་གང་ཞིག་ཡིན་ཀྱང་། ཐོག་མ་ཉིད་ན་དེར་དགག་ལན་འབྲི་ཐབས་ལ་བསམ་བློ་མི་གཏོང་དེའི་བརྗོད་དོན་ཁྲོད་ཀྱི་དངོས་ཡོད་ཀྱི་ཆ་རྣམས་ལ་བསམ་བློ་ཞིབ་མོར་གཏོང་དགོས། མདོར་ན་རྒྱ་ནག་ལ་རྒྱུས་ལོན་བྱེད་རྒྱུ་དམ་འཛིན་བྱེད་དགོས་པ་ལས་དགྲ་ཕྱོགས་སུ་ག་ཅོད་རྒྱུར་དོ་སྣང་མ་བྱས་ན་ཡང་འགྲིག དེའི་ཕྱིར་རྒྱ་ནག་ཕྱོགས་ཀྱི་གསར་འགྱུར་དང་འདོད་ཚུལ་རྣམས་རང་རེའི་མང་ཚོགས་ཁྲོད་འཆར་གཞི་ལྡན་པའི་ཐོག་འགྲེམས་སྤེལ་བྱེད་རྒྱུ་ནི། གསར་འགྱུར་ཚན་པ་དག་གི་འགན་འཁྲི་ཞིག་ཡིན་པར་འདོད།

དངོས་གནས་ཡག་པོ་འདུག ཐུགས་རྗེ་ཆེ་ཞུ།

ཟླ་ ༡༠ ཚེས་ ༣༠ ཉིན་གྱི་སྔོ་དྲོ་ཆུ་ཚོད་ ༡༡ སྟེང་བཙན་བྱོལ་བོད་གཞུང་གི་མགྲིན་ཚབ་པས་རྒྱ་གར་ངྷ་རམ་ས་ལ་ལས་གོང་གི་གནས་ཚུལ་དེ་ཁྱབ་བསྒྲགས་བྱས་མ་ཐག རྒྱ་ནག་པེ་ཅིན་ཞིན་ཧ་གསར་ཁང་ནས་ཏཱ་ལའི་བླ་མིའི་སྐུ་ཚབ་དང་མཉམ་དུ་གྲོས་མོལ་གནང་འཆར་ཡོད་པ་ཁྱབ་བསྒྲགས་བྱས་ཡོད་ལ། དེ་དང་མཉམ་དུ་རྡུང་བཅོམ་འཕྲོག་སྲེག་དང་བོད་རང་བཙན་ཁ་བྲལ། ཨོ་རྩེད་ལ་འགོག་རྐྱེན། ཏཱ་ལ་མི་སྒེར་གྱིས་ཀྲུང་དབྱང་ནས་བཏོན་པའི་རེ་བར་ཨ་ལན་སྤྲོད་དགོས་པ་སོགས་བསྐྱར་ཟློས་བྱས་ཡོད། རྒྱ་ནང་གཞུང་འབྲེལ་ཞིན་ཧྭ་གསར་ཁང་ནས་སྤེལ་བའི་གསར་འགྱུར་གཤམ་གསལ་ལྟར་ཡིན།

༄༅།།ཀྲུང་དབྱང་གི་འབྲེལ་ཡོད་སྡེ་ཚན་གྱིས་ཉེ་ལམ་ཏཱ་ལའི་མི་སྒེར་གྱི་འཐུས་མིར་གྲོས་མོལ་གནང་རྒྱུ་རེད།

ཞིན་ཧྭ་གསར་འགྱུར་ཁང་གིས་འབྲེལ་ཡོད་སྡེ་ཚན་ནས་ཤེས་རྟོགས་བྱུང་བ་ལྟར་ན། ཏཱ་ལའི་བླ་མའི་ཕྱོགས་ཀྱི་རེ་བར་གཞིགས་ནས། ཀྲུང་དབྱང་གི་འབྲེལ་ཡོད་སྡེ་ཚན་གྱིས་ཉེ་ལམ་ཏཱ་ལའི་བླ་མའི་མི་སྒེར་གྱི་འཐུས་མི་ཕྱིར་རང་རྒྱལ་དུ་ལོག་ནས་གྲོས་མོལ་གནང་རྒྱུ་རེད། འབྲེལ་ཡོད་སྡེ་ཚན་གྱི་འགན་ཁུར་བས་བསྟན་དོན། ད་ལོའི་ཚུན་ལ་ལྷ་སར་རྡུང་བཅོམ་འཕྲོག་སྲེག་ཀྱི་དོན་རྐྱེན་ཚབས་ཆེན་བྱུང་པ་དང༌། བོད་རང་བཙན་ཞེས་པའི་ཁ་བྲལ་བ་དག་གིས་པེ་ཅིང་གི་ཨའོ་རྩལ་འགྲན་ཚོགས་ལ་གནོད་པ་ཆེན་པོ་བཏང་བའི་དོན་རྐྱེན་རབ་དང་རིམ་པ་ཞིག་བྱུང་ཡོད་མོད། ཡིན་ནའང་ཀྲུང་དབྱང་གིས་སྔར་བཞིན་ཏཱ་ལའི་བླ་མའི་མི་སྒེར་གྱི་འཐུས་མི་ཕྱིར་རང་རྒྱལ་དུ་ལོག་ནས་གྲོས་མོལ་ཐེངས་གསུམ་པ་གནང་རྩིས་ཡོད་པ་རེད། རེ་བ་ནི་ཏཱ་ལའི་མི་སྒེར་གྱིས་གོ་སྐབས་ལེགས་པོ་འདི་དམ་འཛིན་བྱས་ནས་ཀྲུང་དབྱང་གིས་བཏོན་པའི་བླང་བྱར་ཨ་ལན་ལེགས་པོ་ཞིག་སློག་དགོས།