བོད་ནས་འབྱོར་བའི་འཕྲིན།
ང་ཚོས་གླེང་བཞིན་པའི་ཆེས་མཐོའི་རང་སྲིད་རང་སྐྱོང་དེ། གྲོས་མཐུན་བཅུ་བདུན་གྱི་དོན་ཚན་ ༡༡ པའི་ནང་། བོད་ཀྱི་ལམ་ལུགས་སྣ་ཚོགས་ལེགས་བཅོས་བྱེད་རྒྱུའི་སྐོར་ལ་ཀྲུང་དབྱང་ནས་བཙན་ཤེད་མི་བྱེད་པར། བོད་ས་གནས་སྲིད་གཞུང་རང་ནས་ལེགས་བཅོས་བྱེད་རྒྱུ་དང༌། མི་དམངས་ཀྱིས་ལེགས་བཅོས་བྱེད་དགོས་ཞུ་དུས། བོད་ཀྱི་འགོ་བྱེད་རྣམས་དང་གྲོས་བསྡུར་གྱི་ཐབས་ཤེས་ལ་བརྟེན་ནས་ཐག་གཅོད་རྒྱུ། ཞེས་པའི་ཚན་པ་འདི་དང༌། དོན་ཚན་དགུ་བར། བོད་ཀྱི་དངོས་ཡོད་གནས་ཚུལ་གཞིར་བཟུང་སྟེ་རིམ་གྱིས་བོད་རིགས་ཀྱི་སྐད་ཆ་དང༌། ཡི་གེ་སློབ་གྲྭའི་སློབ་སྦྱོང་གོང་འཕེལ་དུ་གཏོང་རྒྱུ། ཞེས་པ་སོགས་ཁ་མིན་དོན་གྱིས་ལག་བསྟར་བྱེད་ཐུབ་པ་བྱུང་ན་ང་ཚོས་བཏོན་པའི་རེ་བ་དེ་ཚིམ་གི་ཡོད་དམ། ད་སྐབས་ཁུལ་སོ་སོ་ན་རང་སྐྱོང་སྲོལ་ཡིག་ཅེས་པ་ཞིག་བཞག་འདུག་པ་དེ་དང་ཁྱད་པར་ག་ཙམ་མཆིས་སམ།
བློ་ཤིན་ཏུ་མ་བསྒྲིམས་ཚེ་དཔལ་འབྱོར་གྱི་རོགས་རམ་དང༌། གང་འཚམ་གྱིས་སྐད་དང་ཡི་གེ་གོམས་སྲོལ་སོགས་ལའང་བདག་པོ་རེ་བརྒྱག་ངེས་པས། དེ་དུས་སྐད་ཆ་ཅི་ཞིག་བཤད། བྱེས་གྱར་བ་དག་གི་སློབ་གྲྭའི་ཁོར་ཡུག་གི་བོད་ཀྱི་འདུ་ཤེས་དང་བོད་ཡིག་གི་ཆུ་ཚད་ལའང་མཉམ་འཇོག་དགོས། གལ་ཏེ་རང་དབང་ཡིན་པའི་ས་ན་སྡོད་པའི་སློབ་མའི་བོད་ཡིག་གི་སྤུས་ཚད་དང༌། གཞིས་སྡོད་བོད་མིའི་སློབ་གྲྭའི་བོད་ཡིག་གི་སྤུས་ཚད་གཉིས་བསྡུར་ན།དོན་དམ་གྱིས་གང་མཐོ་བའི་ཚད་ཤིང་དེ་ཤེས་དགོས། དེ་ལ་དཔྱོད་པ་ཙམ་ཡང་མེད་པར་བོད་ཀྱི་སྐད་དང་ཡི་གེ་ཞེས་ཁ་སྟོང་ནང་ནས་ཚིག་སྟོང་ལབ་ན། ནམ་ཞིག་བུ་ལོན་དེ་རང་མགོ་གཅོག་བྱེད་དུ་འགྲོ་ཉེན་ཡོད་པས་རྩ་ཁྲིམས་དང་བཅའ་ཁྲིམས་སོགས་དེའི་ཐད་ཀྱི་གསལ་བསྒྲགས་རེ་ཡོད་ན་ལེགས། མདོ་དོན་ནི་ང་ཚོས་ཅི་ཞིག་ཐག་གིས་གཅོད་ནའང་ཐོག་མར་སྐད་དང་ཡི་གེ་གཉིས་ཀྱི་ལམ་རྒྱུགས་འདི་གཙོ་བོ་བྱ་དགོས་པར་སྙམ། དེ་ལས་གཞན་ཆོལ་ཁ་དང་གྲུབ་མཐའི་ཁ་འཛིན་མེད་པར་གཅིག་སེམས་གཅིག་ལ་འཁེན་གཅིག་བློ་གཅིག་ལ་གཏད་ནས་དམིགས་ཡུལ་གང་མང་ཞིག་ལ་མཐུན་སྒྲིལ་ཤོག
ཨ་མདོ་རིག་པའི་གྲོང་ནས་རོང་བོ་དགེ་འདུན་ལྷུན་གྲུབ་གྱིས་ ༢༠༠༨ ཟླ ༡༡ ཚེས་ ༣ ཉིན།
ད་དུང་ང་ཚོ་བོད་པ་ཚང་ལ་འདི་འདྲའི་ལུགས་སྲོལ་ཞིག་ཆགས་ཡོད་པ། གཞིས་བྱེས་སུ་ཡི་ཤེས་ཚད་མཐོ་དམན་དང་ཕྱི་ནང་གང་གིས་བོད་དོན་འཇོན་མིན་སོགས་མང་པོ་ཞིག་བཤད་བསྡད་པ་དེས་ང་ཚོ་ལ་ཇི་ཕན། དེ་ལས་གཅིག་གིས་གཅིག་ལ་བསམ་ཤེས་ཀྱིས་ཁུར་ལ་བབས་པའི་འགན་འཁྲི་དེ་ལ་ཧུར་ཐག་རེ་བྱེད་རྒྱུ་དེ་གལ་ཆེ་བ་མ་རེད་དམ། ང་ཚོས་བོད་ཤེས་རིག་དེ་བོད་གཞིས་ནས་ཐོན་དེ་བྱེས་ལ་གྱེས་པ་ཞིག་ཡིན་པས་དེའི་རྨང་གཞི་གཞིས་ལ་ཡོད་ཕྱིར་གཞིས་སྡོད་བོད་སློབ་ཚོའི་ཤེས་ཚད་མཐོ་པ་ཡོད་པའམ་ཡོད་དགོས་པར་སྙམ། རང་དབང་ལུང་པར་ཡོད་པའི་བོད་པའམ་བོད་སློབ་ཚོ་ལའང་དཀའ་ངལ་མེད་པ་མ་རེད་ང་ཚོ་སྐྱབ་བཅོལ་པ་ཡིན་པས་ཆ་ནས་རང་དབང་ས་ནས་ཀྱང་གཞན་དབང་ཞིག་ལ་རྟེན་དགོས་ཕྱིར་ཁོར་ཡུག་དང་གནས་སྟངས་གི་དབང་གིས་ངོས་ཤུགས་བརྒྱུད་གསུམ་ཀུན་ནས་གཞན་སྐད་རིག་པས་བཙན་འཛུལ་ཞིག་གིས་འོག་གནས་བསྡད་ཡོད་པ་རེད། འོན་ཀྱང་གཞིས་སྡོད་སྤུན་ཟླ་ཁོས་གསུང་པ་བཞིན་བོད་གཞུང་དམངས་ལས་བྱེད་དང་སློབ་གྲྭའི་དབུ་ཁྲིད་རྣམ་པས་ཁ་ནས་ཤོད་པ་ཙམ་མིན་པར་ལག་ལེན་བསྟར་རྒྱུ་གཙོ་གལ་ཆེ་པར་སྙམ།
བོད་བོད་ཡུལ་ན་སྐྱིད་དང་། རྒྱ་རྒྱ་ཡུལ་ན་སྐྱིད་ཞེས་པའི་ཚིགས་གྲུབ་འདི་ལ་ང་ཚོས་གོ་བ་ཇི་ལྟར་ལེན་དགོས་སམ།
དེ་ནི་རྒྱ་ནག་གིས། བོད་མི་དམངས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མེས་པོའི་རྒྱལ་ཁབ་ཁྱིམ་ཚང་ཆེན་པོའི་ནང་ལོག་དགོས་ཞེས་པ་དེ་ལ་ཡང་གོ་གཞན་ཞིག་མེད་དམ།
རྒྱ་རྒྱ་ཡུལ་ན་སྐྱིད། བོད་བོད་ཡུལ་ན་སྐྱིད་ཅེས་པ་ལྟར་འགྲོ་དགོས་གྲོས་མཐུན་བཅུ་བདུན་པ་ལས། བོད་མི་དམངས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མེས་པོའི་རྒྱལ་ཁབ་ཁྱིམ་ཚང་ཆེན་པོའི་ནང་ལོག་དགོས། ཞེས་པའི་ནང་དོན་འདི་ཁས་ལེན་་མ
དགོས་