སྒང་བ་བོད་ཀྱི་མྱི་ཆེན་དུ་འབོད་པས་བོད་ནས།
ང་ཚོའི་ཆོས་སྲིད་ཟུང་འབྲེལ་བོད་ཀྱི་ལོ་རྒྱུས་ལམ་ལུགས་འོག་ནས་སྤྲུལ་སྐུ་ཞེས་པའི་ལམ་ལུགས་འདི་ཡང་རྒྱུན་མ་ཆད་པར་ད་བར་འཁྲུངས་ཡོད་ལ། འདིས་ཀྱང་ད་བར་དུ་ང་ཚོའི་མི་རིགས་ལ་བྱས་འབྲས་ག་ཚོད་བཞག་ཡོད་པ་ཀུན་གྱི་སེམས་ན་མངའ་བ་དེ་ལྟར་ལེགས་ཤིང་། ཁྱད་པར་དུ་ལོ་རབས་དགུ་བཅུ་བའི་ནང་ལ་བོད་ཀྱི་དབུ་ཁྲིད་༧གོང་ས་མཆོག་གིས་མ་འདས་པའི་སྤྲུལ་སྐུ་བཙལ་འཚོལ་གྱི་དགོངས་འཆར་དབུ་འཛུགས་གནང་བ་འདིས་ང་ཚོའི་སྤྲུལ་སྐུའི་ལམ་ལུགས་ཐད་སྔ་ན་མེད་པའི་འོད་སྟོང་འཚེར་བའི་བཞུད་ལམ་མཛེས་པོ་ཞིག་ཨེ་ཡོད་ལ་སྙམ་པ་དྲན་མོད། ད་བར་དུ་གྲགས་འགུལ་ཆེན་པོ་ཅི་ཡང་བྱུང་མ་སོང་། འོན་ཀྱང་ད་ཆ་ང་ཚོས་ཚོགས་ཆེན་གྱི་གོ་སྐབས་ལ་ངེས་པར་དུ་མ་འདས་པའི་སྤྲུལ་སྐུ་བཙལ་འཚོལ་ཐད་ཤུགས་བརྒྱབས་ན་ལེགས་པའི་ཆ་ལས་ཉེས་ཆ་འབྱུང་མི་སྲིད་ལ། དེ་ལས་ལྷག་པའི་ཐག་གཅོད་ཅིག་ཀྱང་དཀོན་སྙམ།
ལམ་ལུགས་དེ་འདྲའི་འོག་འཛུལ་ཞུགས་བྱེད་ཐུབ་ཚེ་ངང་ངམ་ཤུགས་ཀྱིས་སྤྲུལ་སྐུའི་ལམ་ལུགས་རྙིང་བ་དེ་ཚོ་ཁ་ཆད་སྣ་རལ་དུ་གྱུར་ཏེ་མཇུག་སྒྲིལ་ངེས་པར་གདོན་མི་ཟའོ།
དམ་པ་གང་ཞིག་ཡིན་ནའང་ཁོང་ཉིད་མ་འདས་པའི་སྐབས་རང་ཉིད་ཀྱི་སྤྲུལ་སྐུ་སྟེ་སྐུ་ཚབ་རང་ཉིད་ཀྱིས་འཇོག་པའམ་མང་མོས་ཐོག་འོས་འཆར་ཡོད་པའི་སྤྲུལ་སྐུ་ཞིག་ཡོང་ཐུབ་ཚེ་ད་གཟོད་ང་ཚོར་མང་གཙོའི་ལམ་ནས་རྙེད་པའི་སྤྲུལ་སྐུ་འཁྲུངས་པ་རེད་ལ། ཕན་ཀྱང་ཐོགས་ངེས་ཤོག་ཡིན་པ་ལས། ཟན་རིལ་དང་དབང་འོག་ནས་བཞག་པའི་སྤྲུལ་སྐུ་ཤི་བོ་དེ་ཚོ་དང་མི་མཚུངས་པའི་རེ་བ་དང་ཡིད་ཆེས་ཡོད། འོན་ཀྱང་མ་འདས་སྤྲུལ་སྐུའི་ལམ་ལུགས་ཐད་ནས་ཀྱང་སྔོན་ལྟར་རྒྱུ་ཤུགས་དང་དབང་ཤུགས་བརྩད་ཚེ་ཡོད་པ་ལས་མེད་ན་དགའ་མོད། ང་ཚོས་ལམ་ཁ་འདི་ལྟ་བུ་ཞིག་བརྒྱུད་དེ་སྤྲུལ་སྐུའི་ལམ་ལུགས་ཐད་བཅོས་བསྒྱུར་རེ་གཏོང་མ་ཐུབ་ཚེ་ཐབས་ལམ་གཞན་གང་དག་ཡོད་པའི་དགོངས་འཆར་གནང་རྐྱང་ཡོང་དགོས།
དེ་ཡང་ང་ཚོ་སྒང་བ་བོད་ཅེས་པའི་མི་རིགས་རླབས་ཆེན་འདི་ཁ་འཐོར་ཡ་བྲལ་དུ་མ་སོང་བར་ད་བར་དུ་འཛམ་གླིང་ས་སྒང་ཧྲིལ་བོར་གནས་ཐུབ་པ་བྱུང་བ་འདི་ཡང་ཕྱོགས་གཅིག་ནས་བལྟས་ན་ང་ཚོའི་མི་རིགས་གོམས་སྲོལ་གྱི་ནང་ཏིལ་ལ་ཏིལ་མར་ཚུལ་དུ་ཐིམ་པའི་ཆོས་ལུགས་རིག་གནས་ཀྱི་སྐུ་དྲིན་ཡིན་པ་ངས་ཀྱང་ཤེས་གི་ཡོད་ལ། གཞན་འདི་དང་ཕྱོགས་མཚུངས་ཀྱི་དགོད་བྲོ་བའི་ལྡོག་འདྲི་སྟེ། རྒྱལ་སྤྱིའི་སྤྱི་ཚོགས་ཁྲོད་ནའང་ཆོས་ལུགས་ཀྱི་རིན་ཐང་བླ་ན་མེད་པ་དང་སྲིད་འཛིན་རླབས་ཆེན་མང་ཆེ་བ་ཆོས་ལུགས་སྒྲོག་སྤེལ་དང་ཆོས་ཁང་དུ་འགྲོ་ཚུལ་སོགས་ཀྱི་ལྟ་ཚུལ་རྗོད་མཁན་ཡོད་ཤག་ཤག་ཡིན་མོད། འོན་ཀྱང་འདི་ནི་ལྟ་ཚུལ་ཉི་ཚེ་བ་ཞིག་སྟེ། སྲིད་དོན་རིག་པའི་དཔྱད་གླེང་སྟེང་འདོན་རིན་མེད་པ་ཞིག་ཡིན་ནོ།།
ཞེས་སྒང་བ་བོད་ཀྱི་མྱི་ཆེན་དུ་འབོད་པས་རེབ་གོང་སྟོད་ཀྱི་ཆར་ ༢༠༠༨ ཟླ་ ༡༡ ཚེས་ ༡༥ ཉིན་རང་གི་ལྟ་ཚུལ་ཡི་གེར་ཕབ་པ་དགེ །
བོད་བརྒྱུད་ནང་བསྟན་སྤྲུལ་སྐུའི་ལམ་ལུགས་སྐོར་གྱི་བསམ་ཚུལ།། དགོནཔ་གང་ལ་སྤྲུལ་སྐུ་དགོས་ན་ཐོག་མར་དེ་ཡི་ནང་གི་གྲྭ་ཚང་ནང་དུ་མཁས་བཙུན་བཟང་གསུམ་གང་གི་ཐད་ནས་བླ་མི་མཚན་ཉིད་ཙང་བ་རྣམས་ཀྱི་མིང་ཟན་རིལ་ནང་དུ་དྲེལ་ནས་བཀའ་བདར་བ་འམ། ཡང་ན་བླ་ཆེན་གྱི་བཀའ་རྟགས་སོགས་ཀྱིས་གདམ་ནས་བཞག གར་སྲིད་དགོན་ཆུང་ལྟ་བུར་གོང་གི་མཚན་ཉིད་ཚང་བ་མེད་ན། རང་གི་མ་དགོན་ལ་ཞུས་ཏེ་གོང་དང་འདྲ་བས་གཞག་ན། སོ་སོའི་རང་ལུགས་ཟིན་པ་སོགས་དགེ་མཚན་དུ་མ་ཡོད་པར་སེམས་ཚང་མས་བསམ་གཞིག་གནང་རོག་ཐུགས་རྗེ་ཆེ། །
ཧཧཧཧཧཧཧཧཧཧཧཧཧཧཧཧ
ཧཧཧཧཧཧ