རྒྱ་ནག་གཞུང་གིས་བཤད་དོན། རྒྱ་ནག་གི་བྱིས་པ་དག་གིས་གཞི་རིམ་སློབ་གྲྭ་ནས་བཟུང་མི་རིགས་མཐུན་སྒྲིལ་གྱི་སློབ་ཚན་སྦྱོང་དགོས་ཞེས་སློབ་གསོའི་སྲིད་བྱུས་གསར་པ་ཞིག་བསྒྲགས་ཡོད་པ་རེད།
རྒྱ་ནག་གི་ཨོ་ལིམ་པིག་ཡི་ལོ་དེ་བོད་ནང་གི་གསར་སྐྱེས་མི་རབས་ཚོའི་ངོ་རྒོལ་རྔམ་སྟོན་དང་བཅས་མཇུག་སྒྲིལ་སྐབས། རྒྱ་ནག་གི་ཤེས་རིག་ལྷན་ཁང་གིས་སློབ་གསོའི་སྲིད་བྱུས་གསར་པ་ཞིག་བཏིང་སྟེ། ད་ནས་བཟུང་རྒྱ་ནག་གི་བྱིས་པ་ཚོས་མི་རིགས་མཐུན་སྒྲིལ་གྱི་སློབ་ཚན་སྦྱོང་དགོས་སྐོར་བརྗོད་འདུག་ལ། སྲིད་བྱུས་འདི་ནི་བོད་དང་ཞིན་ཅང་ཚུད་པའི་གྲངས་ཉུང་མི་རིགས་ཁག་ལ་དམིགས་ནས་བཟོས་པ་ཡིན་པར་ངོས་འཛིན་བྱེད་གི་ཡོད།
རྒྱ་ནག་གི་སྲིད་བྱུས་གསར་པ་དེ་ལྟར་ན། མི་རིགས་མཐུན་སྒྲིལ་གྱི་སློབ་ཚན་དེ་ནི་གཞི་རིམ་སློབ་གྲྭ་ནས་མཐོ་རིམ་སློབ་གྲྭ་བར་གྱི་སློབ་ཚན་ནང་འཇུག་རྒྱུ་ཡིན་པ་དང་། སློབ་མ་ཚོས་ལོ་གཅིག་གི་ནང་དུས་ཚོད་བཅུ་བཞིའི་རིང་སློབ་ཚན་འདི་དག་སྦྱོང་དགོས་པ་དང་། སློབ་ཚན་འདི་དག་གི་ནང་དུ་སྲིད་གཞུང་གི་ཆེས་མཐོའི་དབང་ཚད་དང་ཏང་གི་མི་རིགས་སྲིད་བྱུས་བཀོད་ཡོད་ཟེར།
རྒྱ་ནག་གི་ཤེས་རིག་ལྷན་ཁང་གི་དྲ་རྒྱའི་ནང་དུ་སྲིད་བྱུས་གསར་པ་འདིའི་སྐོར་ལ་བྲིས་དོན། གཞི་རིམ་སློབ་གྲྭ་ཁག་གི་བྱིས་པ་ཚོར་མི་རིགས་མཐུན་སྒྲིལ་ལ་ཤུགས་སྣོན་དང་རྒྱལ་ཁབ་གཅིག་གྱུར་ལ་སྲུང་སྐྱོབ། མི་རིགས་ཁ་བྲལ་ལ་ངོ་རྒོལ་བྱེད་པའི་གལ་ཆེའི་རང་བཞིན་གྱི་གཞི་རྩའི་གོ་རྟོགས་སྤེལ་དགོས་པ་དང་། ནར་སོན་བྱིས་པ་དག་གིས་སྲིད་གཞུང་དང་ཏང་གི་སྲིད་བྱུས་ལ་ཡང་དག་པའི་གོ་རྟོགས་ཐུབ་རྒྱུ། དེ་བཞིན་མཐོ་རིམ་སློབ་གྲྭའི་སློབ་མ་དག་གིས་ཀྱང་མི་རིགས་དཀའ་རྙོག་སྐོར་གྱི་གཞི་རྩའི་གཞུང་ལུགས་དང་མར་ཁེ་སིའི་མི་རིགས་ཀྱི་ལྟ་བ་བཅས་ལ་རྒྱུས་ལོན་ཐུབ་དགོས་པ་བཅས་ཡིན་འདུག
བོད་གངས་ཅན་པའི་སྐད་ལ་ཡང་བརྡ་དག་ཞིག་མེད་དམ་སྙམ། ཡོད་ན་བེད་སྤྱོད་མི་གཏོང་བ་གང་ཡིན་ནམ། ཡུལ་སྐད་དང་ཕལ་སྐད་སུ་ལའང་ཡོད། དེ་དག་ཡི་གེའི་ནང་བྲིས་ན་འཚམ་པོ་མི་འདུག་ གོ་བདེ་པོ་མེད་པ་མ་ཟད་ཀློག་ཀྱང་ཤེས་ཀྱི་མི་འདུག རང་རེས་སྔོན་བྱོན་མེས་པོ་བཀའ་དྲིན་ཅན་རྣམས་ཀྱིས་ཤུལ་དུ་བཞག་པའི་རྩ་ཆེའི་”དག་ཡིག་སུམ་རྟགས”མྱུར་སྐྱོབ་རྒྱུན་འཛིན་དང༌། འཕེལ་རྒྱས་གཏོང་རྒྱུ་ནི་ལོ་རྒྱུས་ཀྱིས་ང་ཚོར་སྤྲད་པའི་ལས་འགན་ཞིག་ཡིན་པ་ངོས་འཛིན་ཐུབ་པ་དགོས་རྒྱུ་གནད་དུ་ཆེ།
བརྡ་འཕྲིན་གྱི་དུས་རབས་འདིར་ཁོ་ཚོས་གཡོ་ཐབས་དང་སྲིད་བྱུས་ཇི་ལྟར་བཏང་ཡང་མགོ་སྐོར་མི་ཐུབ་ནོ་ཁོ་ཐག་ཡིན་ནི་རེད། ཨ་བུ་རབས་པ་ཚོ། གྲོགས་སྤུན་ཟླ་ཉེ་འབྲེལ་ཀུན་གྱི་རྣ་ལམ་དུ་མི་རིགས་ལ་རྒྱ་བསྒྲག་རྒྱུ་དང༌། བོད་ཀྱི་གནས་ཚུལ་དངོས་བརྒྱུད་འགྲེལ་བྱེད་རྒྱུ་ནི་རྒྱ་གཞུང་གི་སློབ་གསོའི་ཁ་གཏད་ཀྱི་ང་ཚོའི་ཐབས་བྱུས་ཡིན་པ་ངེས་དགོས།
རྒྱ་ནག་གི་གཡོ་ཐབས་གསར་བ་གང་འདྲ་ཞིག་སྤྱད་ཀྱང་དཔའ་ངར་ལྡན་པས་པོད་མི་རིགས་དང་ཤིན་ཅང་སོགས་ཀྱིས་མགོ་མི་འཁོར་ཁོ་ཐག་ཡིན་ནི་རེད།