རྒྱ་ནག་གི་མཐོ་རིམ་དམག་མིའི་ལས་བྱེད་ཅིག་གིས། ཐའེ་ཝན་དང་ཤིན་ཅང་། བོད་གསུམ་ནི་རྒྱ་ནག་གི་བདེ་འཇགས་ལ་གནོད་སའི་ས་ཁུལ་གསུམ་ཡིན་པར་བཤད་འདུག
ཚེས་ ༢༠ ཉིན་རོའུ་ཊར་གསར་ཁང་གིས་སྤེལ་བ་ལྟར་ན། རྒྱལ་ཁབ་བདེ་འཇགས་ལྷན་ཁང་གི་མགྲིན་ཚབ་པ་ཧུའུ་ཁྲང་མེན་གྱིས། རྒྱ་ནག་གིས་མངའ་ཁུལ་འདི་དག་གི་འཇིགས་སྣང་ལ་གདོང་ལེན་བྱ་དགོས་ཤིང་། པེ་ཅིན་གྱིས་མངའ་ཁུལ་འདི་དག་གི་ཁ་བྲལ་གྱི་ལས་འགུལ་ནམ་ནང་བཟོད་བསྲན་བྱེད་མི་ཐུབ་པའི་ཉེན་བརྡའང་བཏང་འདུག
ཧུའུ་ཁྲང་མེན་གྱིས་བཤད་དོན། ཐའེ་ཝན་རང་བཙན་དང་ཤར་ཐུར་ཀི་སི་ཐན་རང་བཙན། བོད་རང་བཙན་ལས་འགུལ་བ། དེ་མ་ཡིན་པའི་ཁ་བྲལ་གྱི་སྟོབས་ཤུགས་གང་ཡིན་ཡང་རྒྱལ་ཁབ་ཀྱི་བདེ་འཇགས་ལ་གནོད་ཀྱིན་ཡོད་ཟེར་ལ། དཀའ་རྙོག་འདི་དག་ཐམས་ཅང་ནི་ང་ཚོའི་རྒྱལ་ཁབ་དང་མི་དམངས་ཀྱི་གཞི་རྩའི་མངོན་འདོད་ལ་འབྲེལ་ཡོད་ཟེར།
བརྒྱུད་ལམ་ཁག་ནས་དཔྱད་བརྗོད་སྤེལ་བ་ལྟར་ན། འདི་ནི་རྒྱ་ནག་གི་མཐོ་རིམ་དམག་མིའི་ལས་བྱེད་ཅིག་གིས། པེ་ཅིན་སྲིད་གཞུང་གིས་ཤར་ཏིར་ཀི་སི་ཐན་མངའ་ཁུལ་གྱི་གྱེན་ལོག་པར་གདོང་ལེན་བྱེད་ཀྱིན་པ་ཡོངས་གྲགས་ཀྱིས་ངོས་ལེན་བྱས་པ་ཐེངས་དང་པོ་ཡིན་པ་དང་། དེ་བཞིན་དུ་རྒྱ་ནག་གི་བོད་ས་ཁུལ་ལྷིང་འཇགས་ལ་བཏང་ཡོད་སྐོར་བཤད་ཀྱིན་པར་མ་ལྟོས་པར། ཧུའུ་ཁྲང་མིན་གྱིས་བོད་ས་ཁུལ་དུའང་རང་བཙན་གྱི་ལས་འགུལ་མུ་མཐུད་གནས་ཡོད་པ་ཡོངས་བསྒྲགས་བྱས་པ་རེད་ཟེར།
ལོ་འདིར་རྒྱ་ནག་དང་བོད་ས་ཁུལ་དུ་རྩོད་གཞི་ཅན་གྱི་དུས་དྲན་དག་ཡོད་སྟབས། རྒྱ་ནག་གིས་ད་སྔ་ནས་འདི་དག་ལ་འགོག་སྡོམ་བྱེད་ཆེད་ཐ་ན་གནས་ཚུལ་གྱི་བརྒྱུད་ལམ་ཁག་ ༢༠༠ ལྷག་སྒོ་བརྒྱབས་ཡོད་འདུག
