ལྕམ་ཁི་ལིན་ཊོན་གྱི་གཞུང་འབྲེལ་གཟིགས་སྐོར་ཐོག་མ།

གོང་ན་རྒྱལ་ཞེན་པ་སྐུ་ཞབས་ནམ་མཁའ་བསྟན་འཛིན་དང་སྐུ་ཞབས་འཁྱམས་པོ་རྣམ་གཉིས་ཀྱིས་རང་རང་གི་བལྟ་སྟངས་ལས་དྲངས་སྟེ། ངས་མཐོང་བའི་ལྕམ་ཁུ་ལུན་ཏོན་གིས་གཟིགས་སྐོར་དེའི་ནུས་པས་ཀྱང་འཛམ་གླིང་གོ་ལ་གཅིག་གྱུར་ལ་ཕན་གྱི་འདུག་ཞེས་པར་། གསར་འགྱུར་གཅིག་ཀློག་ཀྱང་བསམ་ཚུལ་གཉིས་ཞེས་བརྗོད་འདུག དངོས་ནས་རེད། གསར་འགྱུར་འདི་གོ་ལ་གཅིག་གྱུར་གྱི་ཐད་ནས་བལྟས་ན་ཇི་ལྟར་རྒྱལ་ཁབ་ཕན་ཚུན་བར་འབྲེལ་བ་ཟབ་ཏུ་སོང་ན་རྒྱ་ནག་རྒྱལ་ཁབ་ཀྱང་ཁེར་རྐྱང་གིས་འདུག་མི་ཐུབ་པས་རྒྱ་མི་དམངས་ཀྱི་དམངས་གཙོ་དང་མི་དམངས་ཀྱི་བསམ་བློའི་འགྱུར་ལྡོག་ལ་ཤུགས་རྐྱེན་ཐེབས་སྲིད་པ་བཞིན་དེ་ལ་བརྟེན་ནས་ང་ཚོའི་རེ་དོན་ཡང་འགྲུབ་པའི་རེ་བ་ཆེ། བྱེ་བྲག་གི་དོན་དང་དེའི་ནུས་པའི་ངོས་ནས་བལྟས་ཚེ་ཁྱོད་རྣམ་པ་གཉིས་ཀྱི་མཐོང་སྣང་བཞིན་རེད།

{དག་བཅོས}་་་་་་་་་་་་ཤེས་ཚད་སོགས་ཀྱིས་ཁྱད་པར་གྱིས་་་་་ཞེས་པའི་{ཀྱིས་}ནོར། {ཀྱི}ཡིན།

བསམ་ཚུལ་འདི་ཉིན་ཤས་སྔོན་ནས་བདག་གི་ཟིན་བྲིས་སུ་བཀོད་ཟིན་མོད་གོང་གི་མཆན་འགོད་པ་སྐལ་བཟང་ལགས་དང་ངེད་གཉིས་ཀྱིས་གསར་འགྱུར་གཅིག་ཀློག་ཀྱང་བསམ་ཚུལ་གཉིས་འདུག་པར་མཐོང་བས་འདིར་བསྐྱར་འགོད་ཅིག་བྱས་བ་ཡིན་པས་དགོངས་འཇགས་ཞུ།

ཨ་རིའི་རྒྱལ་དོན་དྲུང་ཆེ་ཞིག་གིས་ཆེ་ཐོག་མའི་ཕྱི་བསྐྱོད་ཀྱི་མཛད་འཕྲིན་ཤར་ཨེ་ཤ་ཡ་ནས་མགོ་བཙུགས་པ་ནི་འདས་བའི་ལོ་ངོ་བཞི་བཅུ་ལྷག་གི་རིང་ཐེངས་དང་པོ་ཡིན་སྟབས། འདི་ལ་ཕྱོགས་བཞི་མཚམས་བརྒྱད་ཀྱི་སྲིད་དོན་མཉམ་ཞིབ་པ་དག་གིས་ཚོད་དཔག་དང་རེ་བ་སྣ་ཚོགས་ཞིག་བྱེད་བཞིན་ཡོད་པ་དཔེར་ན། ཕྱུག་བདག་ཚོས་ཚོང་གི་འབྲེལ་ལམ་དང་། དབུལ་བོ་ཚོས་དངུལ་གྱི་རོགས་སྐྱོར། གསར་འགོད་པས་སྨྲ་བརྗོད་རང་དབང་དང་གཉོམ་ཆུང་ཚོས་འགྲོ་བ་མིའི་ཐོབ་ཐང་སོགས་རང་ཉིད་ཀྱི་བདེ་སྡུག་དང་འབྲེལ་བའི་གནས་ཚུལ་མང་པོ་ཞིག་གསར་འགྱུར་བརྒྱུད་ལམ་ཁག་ཏུ་ཁྱབ་བཞིན་ཡོད་ནའང་། ཕྱོགས་བསྐྱོད་འདི་ལ་ཉིན་གཉིས་ལས་མེད་པའི་ཁ་སང་རེ་གཟའ་པ་སངས་ཉིན་གྱི་དགོང་མོ་བྷི་བྷི་སུའི་གསར་འགོད་པ་ཁེམ་གྷ་ཐ་སི་ཡི་བཅར་འདྲི་ཞིག་གི་ལན་དུ་དྲུང་ཆེ་མཆོག་གིས། བདུན་ཕྲག་གཅིག་རིང་གི་ཕྱོགས་བསྐྱོད་འདིའི་ལས་དོན་གཙོ་བོ་ཁག་ནི་བྱང་ཀོ་རུ་ཡའི་རྡུལ་ཕྲན་མཚོན་ཆ་བཟོ་བསྐྲུན་དང་། འཛམ་གླིང་སྤྱིའི་དཔལ་འབྱོར་ཉམས་ཆགས། སའི་གོ་ལའི་ཚ་དྲོད་འཕར་བའི་གནད་དོན་གསུམ་ཡིན་ཟེར་ལ། ཨེ་ཤ་ཡར་འགྲོ་བའི་བརྡ་རྟགས་འདིས་ཨ་མེ་རི་ཀས་ནུབ་རྒྱ་མཚོ་ཆེན་པོའི་ཕ་རོལ་གྱི་སྟོབས་ཤུགས་ཞིག་ངོམ་པ་མ་ཡིན་པར། འདི་ནིཨ་རིའི་་ཕྱི་གསལ་ནང་གསལ་གྱི་སྟོབས་ཤུགས་དེ་མངོན་ཕྱིར་ཡིན། ཨ་མེ་རི་ཀའི་བདེ་འཇགས་ཀྱི་ཁེ་ཕན་དང་རྒྱལ་ཁབ་འདིའི་ཆེ་མཐོང་དང་རིན་ཐང་ལ་སྲུང་སྐྱོབ་བྱེད་ཕྱིར་ང་ཚོས་ཕན་ཚུན་མཉམ་འབྲེལ་གྱི་གོ་སྐབས་ཞིག་འཚོལ་བཞིན་ཡོད་ལ། ལ་ལས་རྒྱ་ནག་ནི་དགྲ་ཁ་གཏད་གཅོག་ས་ཞིག་ཏུ་མཐོང་གིན་ཡོད་ནའང་། ཨ་མེ་རི་ཀས་རྒྱ་ནག་དང་བཟོ་ལས་མཉམ་འབྲེལ་བྱེད་པར་དགའ་བསུ་ཞུ་བཞིན་ཡོད། སའི་གོ་ལའི་དྲོད་ཚད་འཕར་བ་དང་གློག་ཤུགས་མཁོ་འདོན་གྱི་གནད་དོན་འདི་ནི་པེ་ཅིན་གཞུང་དང་འབྲེལ་ལམ་ཡར་རྒྱས་སུ་གཏོང་བའི་གོ་སྐབས་ཞིག་ཡིན་ཅེས་ལན་བཏབས་འདུག སྤྱིར་མི་སུ་ཞིག་ཡིན་ཀྱང་རང་ཉིད་ཀྱི་ཁེ་ཕན་གཙོ་བོར་མི་འཛིན་མཁན་སུ་ཡོད་མོད། ཨ་རི་གཙོས་བའི་ནུབ་ཕྱོགས་རྒྱལ་ཁབ་ཁག་གི་དཔོན་པོ་ཚོ་རྒྱ་ནག་ལ་ཉོ་འཚོང་མཁོ་སྒྲུབ་བྱེད་དུ་འགྲོ་སྐབས་བོད་དོན་འདི་པེ་ཅིན་ལ་སྐད་བསྐུར་ཅིག་འཇོག་འཇོག་བྱེད་རྒྱུ་མི་འདུག སྐབས་རེར་ཕྱི་རྒྱལ་གྱི་ཚོང་པ་འདི་ཚོས་རྒྱ་ནག་ལ་འགྲོ་བ་མིའི་ཐོབ་ཐང་གི་གནད་དོན་འདི་རྒྱ་ནག་ནས་ཐོན་བསྐྱེད་བྱས་བའི་དངོས་ཟོག་གི་རིན་གོང་གཏམ་བྱེད་ལྟ་བུ་ཞིག་བྱེད་ཀྱིན་འདུག

ཆོས་ཉིད་དབང་གིས་སྟོབས་ཤུགས་ནི་ག་དུས་ཀྱང་དབང་འཛིན་པ་རེད། ཡིན་ཡང་