༄༄།། བཀུར་འོས་རྒྱལ་དབང་ཡིད་བཞིན་ནོར་བུའི་༧སྐུ་སྒེར་ཡིག་ཚང་གི་དབུ་ཁྲིད་མཆོག་གི་ཞབས་དྲུང་དུ།
དེ་གའི་ལས་ཁུངས་ནས་ཏྭ་ལའི་བླ་མའི་དྲ་ཚིགས་ཏེ། www.dalailama.com ཞེས་པ་ཞིག་བཏོན་གནང་བ་དེས་ཕྱི་ནང་གི་མི་ཚང་མར་༧རྒྱལ་དབང་སྐུ་འཕྲེང་བཅུ་བཞི་པ་ཆེན་པོའི་མཛད་པ་རྣམས་སྟབས་བདེ་པོས་ཤེས་ཐུབ་པར་ཕན་པ་ཆེན་པོ་འདུག་པས་ཐུགས་རྗེ་ཆེ།
ལྷག་པར་དུ་དྲ་ཚིགས་དེ་རྒྱ་ཡིག་དང་དབྱིན་ཡིག་ཐོག་བཏོན་ཐུབ་པ་དེས་རྒྱ་མི་རིགས་དང་དབྱིན་ཇིའི་སྐད་ཡིག་ཤེས་མཁན་གྱི་འཛམ་གླིང་གི་མི་རྣམས་ལ་རྒྱལ་དབང་ཡིད་བཞིན་ནོར་བུའི་གནས་ཚུལ་རྣམས་དུས་ཐོག་ལ་ཤེས་ཐུབ་པ་དེས་ངེད་ལ་དེ་བས་དགའ་སྤྲོ་འཕེལ་བཞིན་སྣང་།
ཡིན་ནའི་སེམས་སྐྱོ་བ་ཞིག་ལ། དྲ་ཚིགས་འདི་ད་དུང་བོད་ཡིག་ཐོག་མེད་པ་དང་། བོད་ཡིག་ཕ་སྐད་ལ་བཀོལ་སྤྱོད་བྱེད་མཁན་གྱི་གངས་ཅན་པ་རྣམས་ཀྱིས་རྒྱལ་དབང་་ཁོང་གི་མཛད་པ་དང་གསུང་བཤད་རྣམས་སྐད་ཡིག་གཞན་ལ་བརྟེན་ནས་ཤེས་དགོས་པ་དེས་ཡིད་ལ་ཅུང་མི་བདེ་བའི་འཚོར་བ་ཞིག་ཡོང་བཞིན་འདུག གུས་མོས་དྲ་རྒྱའི་ཟིན་བྲིས་ཀྱི་ཐོག་ནས་ཕྱི་རྒྱལ་ལ་བཞུགས་མཁན་གྱི་བོད་རིགས་སྤུན་ཟླ་འགའ་ཤས་ལ་དེའི་སྐོར་འདྲི་བ་མང་པོ་དྲིས་ཀྱང་། ཁོང་རྣམས་ཀྱིས་ལན་གསལ་པོ་ཞིག་སྤྲོད་མི་ཐུབ་ལ། ཁོང་རྣམས་ལ་དྲ་རྒྱ་འདི་བོད་ཡིག་ནང་འདོན་དགོས་པའི་བསམ་འཆར་ཞིག་དྲ་ཚིགས་ཐོག་འདོན་ཐུབ་ན་བརྗོད་སྐབས། འོ་དེ་བྱེད་ནུས་པ་མིན་འདུག བསམ་འཆར་དེ་ལྟར་བཏོན་ན།། རྒྱལ་བ་རིན་པོ་ཆེ་ལ་ངོ་རྒོལ་བྱེད་མཁན་ཟེར་ནས་བོད་མིའི་སྤྱི་ཚོགས་ནང་སྡོད་མི་ཐུབ་པ་བཟོ་བར་བྱེད་ཟེར་ནས་བོད་པ་སུ་ཞིག་གིས་དེའི་སྐོར་ལ་བསམ་འཆར་ཤོད་མི་ནུས།
དེར་བརྟེན་གུས་མོས་དེ་རིང་གྲོགས་པོ་ཞིག་བརྒྱུད་ནས་འདྲི་བ་ཁ་ཤས་ཤིག་ཕྱི་རྒྱལ་ལ་སྤེལ་བའི་དྲ་རྒྱའི་ཐོག་འཇོག་རོགས་ཅེས་ཞུ་བ་མང་པོ་བྱས་ནས་ཁྱེད་རྣམས་ལ་གཤམ་གྱི་འདྲི་བ་དེ་དག་འདོན་བཞིན་ཡོད། སྐུ་སྒེར་ཡིག་ཚང་ནས་རྒྱལ་དབང་མཆོག་གི་དྲ་ཚིགས་འདི་བོད་ཡིག་ཐོག་མི་སྤེལ་བའི་ཐག་གཅོད་གནང་བ་དེ་གཤམ་གྱི་རྒྱུ་མཚན་གང་ལ་བརྟེན་ཡོད་མེད་ཀྱི་ལན་གསལ་པོ་ཞིག་དྲ་རྒྱའི་ཐོག་གནང་ན། བོད་ཡིག་བཀོལ་སྤྱོད་བྱེད་མཁན་གྱི་ཕྱི་ནང་བོད་མི་ཚང་མར་ཕན་པ་ཆེ་བས། དེ་རྩིས་ཐུགས་རྗེའི་གཟིགས་པས་མི་དོར་བར་ལན་གསལ་པོ་ཞིག་ཡོང་བ་མཁྱེན། མཁྱེན། མཁྱེན།
རྒྱུ་མཚན་དང་པོ། བོད་ཡིག་འདི་རྒྱ་ཡིག་དང་ཕྱི་རྒྱལ་གྱི་སྐད་ཡིག་དང་ཚུ་ཚད་མི་སྙོམས་པའི་རྒྱུ་མཚན་དུ་བྱས་ནས་དྲ་རྒྱ་དེ་བོད་ཡིག་ནང་སྤེལ་མེད་པ་རེད་དམ།
རྒྱུ་མཚན་གཉིས་པ། དེང་སང་རྒྱལ་དབང་མཆོག་གི་བཀའ་ཆོས་ལ་ཕེབས་མཁན་གཙོ་བོ་དེ་བོད་ཆོལ་གསུམ་ནང་གནས་པའི་བོད་པ་རྣམས་མིན་སྟབས། བོད་ཡིག་ནང་དྲ་རྒྱ་སྤེལ་དགོས་པའི་རྒྱུ་མཚན་མེད་པ་མཐོང་བ་རེད་དམ།
རྒྱུ་མཚན་གསུམ་པ། རྒྱལ་དབང་མཆོག་ལ་སྦྱིན་བདག་དང་ཞལ་འདེབས་མང་ཤོས་དེ་ཕྱི་རྒྱལ་གྱི་རྒྱལ་ཁབ་དང་ཐེ་ཝན་ནས་འབྱོར་གྱི་ཡོད་སྟབས། བོད་ཡིག་ནང་དྲ་རྒྱ་སྤེལ་བའི་དགོས་པ་མེད་པ་གཟིགས་པ་རེད་དམ།
རྒྱུ་མཚན་བཞི་པ། བོད་འདི་ཀྲུང་གོའི་བཙན་འོག་ལ་གནས་པས། བོད་པའི་རང་དབང་དང་རིག་གཞུང་ཉིན་རེ་བཞིན་ཉམས་འགྲོ་བཞིན་ཡོད་སྟབས། བོད་ཡིག་ལ་མདུན་ལམ་མེད་པ་གཟིགས་ནས་དྲ་རྒྱ་དེ་བོད་ཡིག་ནང་སྤེལ་མེད་པ་རེད་དམ།
རྒྱུ་མཚན་བཞི་པ། སྐུ་སྒེར་ཡིག་ཚང་ནང་བོད་ཡིག་ཤེས་མཁན་མི་ལྡང་བས་དྲ་རྒྱ་བོད་ཡིག་ཐོག་སྤེལ་མི་ཐུབ་པ་རེད་དམ།
རྒྱུ་མཚན་ལྔ་པ། རྒྱལ་དབང་ཁོང་གིས་དམིགས་བསལ་བཀའ་གནང་ནས། བོད་ཡིག་ནང་དྲ་རྒྱ་སྤེལ་མི་དགོས་པའི་བཀའ་རྒྱ་ཡོད་དམ།
རྒྱུ་མཚན་དྲུག་པ། ཀྲུང་དབྱང་མཆོག་ནས་བོད་ཡིག་ནང་རྒྱལ་དབང་མཆོག་གི་མཛད་པ་རྣམས་ཁྱབ་བརྡལ་བྱེད་པར་བཀག་འགོག་གནང་སྟབས། བོད་ཡིག་ནང་དྲ་རྒྱ་དེ་སྤེལ་བར་དཀའ་ངལ་འཕྲད་པ་ཡིན་སྲིད་དམ།
གུས་ཕྱག་དུ་མས་རྒྱན་ནས།
ཀྲུང་དབྱང་མི་རིགས་སློབ་གྲྭ་ཆེན་མོའི་ལོ་རྒྱུས་འཛིན་གྲྭའི་སློབ་མ་པད་མིང་པས།
སྤྱི་ལོ་༢༠༠༩ལོའི་ཟླ་བ་༣ཚེས་༢ཉིན་ཕུལ།
ཕལ་ཆར་ཞེས་པ་
ཕལ་ཆེར་ལ་བཅོས་རོགས།
དྲ་ཐོག་ནས་འདི་ལྟར་རེ་བ་བྱས་པ་བཟང་མོད་ཀྱང་། དྲ་ཐོག་ཏུ་བོད་ཡིག་ཐོག་གནས་ཚུལ་རྒྱུས་ལོན་བྱེད་མཁན་ཕལ་ཆར་བོད་ཡིག་ལ་དགའ་བའི་གཞོན་སྐྱེས་ཚོ་མ་གཏོགས་མེད་པའི་ཚོད་དཔག་བྱས་ཆོག་པ་ཞིག་མིན་ནམ་སྙམ་གྱིན་འདུག་པས། གལ་ཏེ་དུས་ཁོམ་རེ་བྱུང་ན་ཐད་ཀར་རྒྱུ་མཚན་དང་འབྲེལ་དཔལ་ལྡན་སྐུ་སྒེར་ཡིག་ཚང་གི་དྲུང་ཆེའི་མཚན་ཐོག་སྙན་ཞུ་ཞིག་འབུལ་ཐུབ་པར་འབད་བརྩོན་བྱ་རྒྱུ་ཡིན།
དྲ་ཚིགས་ཤིག་བོད་ཡིག་ནང་ཡོད་ན་ཤིན་དུ་ལེགས། དེ་ལྟར་བསྒྲུབ་པར། རོགས་པ་དགོས་ན། བོད་པ་ཉམས་མྱོང་ཡོད་པ་མང་པོ་ཡོད།
དཔེར་ན། ཁ་བརྡའི་དྲ་ཚིགས་ཀྱི་བཀོད་འདོམས་པ་རབ་གསལ།
དེ་བཞིན་དུས་བབ་ཀྱི་དྲ་རྒྱའི་བཀོད་འདོམས་པ།
ད་དུང་། ཨ་ཁུ་སྨོན་ལམ་སོགས་ཀྱིས་ངེས་པར་དུ་རོགས་པ་བྱེད་སྲིད།
སྐུ་སྒེར་ཡིག་ཚང་ནས་བོད་པ་ལག་ཤེས་དང་ཉམས་མྱོང་ཡོད་པ་རྣམས་བསྡུ་སྐོང་བྱས་ནས་དྲ་ཚིགས་འདི་འདྲ་ཞིག་བཟོས་ན་ལེགས་པོ་རེད།
ཁ་བྲོ།
རྒྱ་ཡིག་གི་དྲ་ཚིགས་ཀྱི་བརྙན་འཕྲིན་ཀྱི་སྐོར་དེ་ཡག་པོ་མི་རྒྱུག་པས་དེ་ཡང་ལྟ་བར་དཀའ་ངལ་མེད་པ་ཞིག་ཏུ་བྱེད་རྒྱུའི་རེ་བ་ཡོད། རྒྱ་མི་རིགས་ཀྱིས་གོ་བ་ལེན་དགོས་ན་རྒྱ་ཡིག་གི་དྲ་ཚིགས་ནི་མེད་དུ་མི་རུང་བ་ཞིག་རེད། འོན་ཀྱང་བོད་ལ་མཚོན་ན་བོད་ཡིག་གི་དྲ་ཚིགས་ཞིག་དགོས་ངེས་ལགས་པས་བོད་ཡིག་གི་དྲ་ཚིགས་ཤིག་བཀོད་སྒྲིག་བྱེད་པའི་རེ་བ་ནམ་ཡང་ཞུ་ལ། དྲ་ཚིགས་གཉེར་མཁན་གྱིས་འདི་རིག་ཐུབ་པར་སྨོན།
གོང་གི་
བོད་ཕྱི་ནང་གི་ཞེས་པ་
བོད་ཕྱི་ནང་གང་ཞེས་པར་བཅོས་རོགས།
གོང་གི་༸གོང་ས་མཆོག་གི་དྲ་ཚིགས་ལས་འཕྲོས་པའི་བསམ་འཆར་རྣམས་ལས་ལ་ལས་ཚིག་གི་མདའ་མོ་འཕེན་བཞིན་ཡོད་སྟབས།
མདའ་མོ་དེའི་འབེན་ནི་སྐུ་སྒེར་ཡིག་ཚང་ཆགས་ཀྱི་ཡོད།
གང་ལྟར་གོང་དུ་བཤད་པའི་ཞུ་འཕྲིན་དེ་བོད་ཕྱི་ནང་གི་ནས་བཏང་ཡོད་རུང་མེད་རུང་། ༸གོང་ས་་མཆོག་གི་དྲ་ཚིགས་དེ་བོད་ཡིག་གི་ནང་དགོས་པ་ནི་གལ་འགངས་ཆེ་ལ་བོད་གཞིས་བྱེས་གཉིས་ཀྱི་མི་དམངས་ལ་ངེས་པར་དུ་དགོས་པའི་དྲ་ངོས་ཤིག་ཡིན་སྟབས། ང་ཚོས་དཔལ་ལྡན་སྐུ་སྒེར་ཡིག་ཚང་ལ་དེ་དོན་གཞེན་སྐུལ་རེ་ཞུས་ན།
དེའི་རྒྱབ་ལྗོངས་ཀྱི་གནས་ཚུལ་མང་དག་ཅིག་ཤེས་ངེས་ཡིན་སྟབས།
དྲ་ངོས་སུ་མུན་ནག་མདའ་འཕེན་བྱེད་མི་དགོས་པ་ཡོང་ངེས།
རྩོམ་ཡིག་འབྲི་མཁན་བོད་ཕྱི་ནང་གང་ནས་ཡིན་ན་ཡིན། དེ་གནད་དོན་མ་རེད། གཙོ་བོ་སྐུ་སྒེར་ཡིག་ཚང་གིས་གནད་དོན་འདི་རིགས་ལ་དོ་སྣང་སྤྲོད་དགོས་བར་མ་ཟད་ལས་ཀྱི་སྣེ་མོ་བ་ཚོས་ལག་ལེན་ལ་འདེབས་དགོས་རྒྱུ་ནི་གལ་ཆེའི་ནང་གི་དོན་ཆེན་རེད།
无界浏览ཞེས་པའི་དྲ་སྒོ་འབྱེད་པའི་མཉེན་ཆས་དེ་ཡོད་ན་ས་ཆ་གང་ན་ཡོད་ཀྱང་དྲ་སྒོ་ངེས་པར་དུ་འབྱེད་ཐུབ། དེས་ན་བོད་ནང་ནས་དེ་བེད་སྤྱོད་བྱས་ན་དུས་བབ། བང་ཆེན། ཨེ་ཤེ་ཡ་སོགས་ལ་ལྟ་བར་དཀའ་ངལ་གང་ཡང་མི་འདུག
གོང་གི་ཞུ་འཕྲིན་འདི་ནི་ དངོས་ནས་གལ་ཆེན་པོ་རེད། སྐུ་ངོ་རྣམ་པས་དགོངས་བཞེས་ཀྱིས་བོད་ཡིག་གི་དྲ་ཚིགས་ཤིག་སྤེལ་དགོས་ངེས་རེད། མི་སྒེར་དེ་འདྲ་ཡི་དྲ་ཚིགས་སྒོ་ཕྱེ་ཐུབ་པ་ཞིག་ལ་སྐུ་སྒེར་ཡིག་ཚང་ནས་ཕྱེ་མ་ཐུབ་པ་ཞིག་གང་ན་ཡོད།
བོད་ཕྱི་ཡི་དྲ་ཚིགས་ལ་ལྟ་བྱེད་ཀྱི་མཉེན་ཆས་ཤིག་ཡོད་པ་འདྲ། ཁ་སང་ངས་བོད་ལ་ཁ་པར་གཏོང་སྐབས། བོད་ནང་ནས་སྐྱབས་མགོན་རིན་པོ་ཆེ་ཡི་ལོ་གསར་གྱི་གསུང་འཕྲིན་དེ་ལྟ་ཐུབ་སོང་ཟེར། ད་དུང་སྐྱབས་མགོན་རིན་པོ་ཆེ་ཡི་མཛད་འཕྲིན་ཆ་ཚང་བཤད་རྒྱུ་འདུག དྲ་རྒྱ་དང་བརྙན་འཕྲིན་གང་ཡིན་པ་མ་ཤེས་མོད་ལྟ་ཐུབ་སོང་ཟེར། ངས་ཁོ་ཚོ་ལ་འགྲེལ་བཤད་མ་བྱས་གོང་ཚུར་ནང་དོན་རྣམས་བཤད་ཡོང་གི་འདུག དེར་བལྟས་ན་ང་ཚོ་འདི་ཡི་མི་དེ་ཚོ་དྲིས་ན་མ་གོ་མཁན་དང་མ་ཐོས་མཁན་མང་པོ་འདུག
དྲྭ་གྲོགས་ཁ་ཤས་ཤིག་གིས་སྐུ་སྒེར་ཡིག་ཚང་གི་སྦྱིན་བདག་དང་ཞལ་འདེབས་མང་ཆེ་བ་དབྱིན་སྐད་རྒྱ་སྐད་བཤད་མཁན་ཡིན་སྟབས་དགོས་མཁོ་དེ་ལ་བརྟེན་པ་མིན་ནམ་ཞེས་པ་དེ་ཧ་ཅང་གི་ཚིག་ཟུར་རྣོན་པོ་ཅན་གྱི་སྐད་ཆ་ཞིག་རེད། སྐུ་སྒེར་ཡིག་ཚང་ལ་དམིགས་ཡུལ་དང་། ལས་ཀ། ཕུགས་བསམ་དེ་ཙ་ལས་མེད་ན་ཐབས་སྡུག་པའི་མཐར་ཐུག་པ་མ་རེད་དམ།
སྤྱིར་བཏང་སྙན་ཞུ་འདི་པེ་ཅིང་གི་བོད་རིགས་སློབ་མས་བཏང་ཡིན་རུང་མིན་རུང་དོན་སྙིང་ལྗིད་པོ་ཡོད་པའི་སྐད་ཆ་ཞིག་རེད་སྙམ། དེ་དང་དེ་འདྲ་བ་མང་པོ་ཡོད་པ་རེད། བོད་དོན་འཐབ་རྩོད་ཅེས་པ་དེ་ཡང་མི་ཁ་ཤས་ཤིག་གི་ལག་ཆ་ཙམ་ལས་བོད་མི་མང་རང་དང་འབྲེལ་བ་དེ་ཙམ་མེད་པ་ལྟ་བུ་བཟོ་བཞིན་ཡོད་པའི་རྟགས་མཚན་ཧ་ཅང་སྡུག་པོ་ཞིག་རེད། འདི་འདྲ་བའི་ཐད་ལ་སྐྱོན་བརྗོད་རེ་ལས་བྱེད་མ་ཐུབ་ན་ཡང་བྱེད་དགོས་པ་གལ་ཆེན་པོ་རེད་སྙམ།
མ་གཞི་ཟ་ཡའི་འབྱུང་ཁུངས་བོད་ལ་བརྟེན་ཡོད་པ་དང་བསྡད་སའི་གཞི་ས་ཧིན་རྡི་ཡིན་མོད། བོད་ཡིག་དང་ཧིན་ཡིག་མཐོང་གི་ཡོད་པ་མ་རེད། དགོས་ཀྱི་ཡོད་པ་མ་རེད། འདིའི་ཆ་ནས་བཤད་ན། པེ་ཅིན་གཞུང་གི་སྐད་ཆ་ཁ་ཤས་བདེན་པ་ཆགས་ཀྱི་མེད་དམ་སྙམ།
འདི་བརྗོད་གཞི་གསར་པ་ཞིག་མ་རེད། ཉེ་སྔོན་གཡུ་ཞུན་དྲ་བ་ལས་ཀྱང་འདི་ཐད་ཀྱི་གླེང་སློང་མཐོང་བྱུང་། ཡིན་ནའི། འདི་གལ་ཆེན་ནང་གི་སྲོག་ཤིང་ལྟ་བུའི་གནད་དོན་ཞིག་རེད། གུས་པས་བསམ་བློ་བཏང་ན། རྒྱུ་མཚན་གསུམ་པའི་དབང་གིས་ཡིན་སྲིད།
རྒྱུ་མཚན་གསུམ་པ། རྒྱལ་དབང་མཆོག་ལ་སྦྱིན་བདག་དང་ཞལ་འདེབས་མང་ཤོས་དེ་ཕྱི་རྒྱལ་གྱི་རྒྱལ་ཁབ་དང་ཐེ་ཝན་ནས་འབྱོར་གྱི་ཡོད་སྟབས། བོད་ཡིག་ནང་དྲ་རྒྱ་སྤེལ་བའི་དགོས་པ་མེད་པ་གཟིགས་པ་རེད་དམ།
སྐུ་སྒེར་ཡིག་ཚང་དང་རང་གཞུང་ལས་ཁུངས་ཁག་བོད་ཡིག་ལ་དེ་ཙམ་དགའ་པོ་མེད་སྟབས་བོད་ཡིག་ཐོག་དྲྭ་ཚིགས་བཟོ་རྒྱུ་ནི་ཤིན་ཏུ་ཁག་པོ་རེད་བསམ་གྱི་འདུག
zŤ-ºV¼-hï-G-q¼-mÛ-»Ûm-¤Ûm-¾-¤-¿eôÅ-q¼-Ç+Ý-ÇKï¼-»ÛG-±P-GÛÅ-hGôPÅ-GŸÛ-ŸÛG-GmP-hGôÅ-ºhÝG-zŤ
དྲ་ཚིགས་ཀློག་ཐུབ་གི་འདུག་ཟེར། ས་ཆ་ཁ་ནས་ཀློག་ཐུབ་གི་མེད་པ་འདྲ། དེ་བཞིན་ Free Gate བརྒྱུད་ནས་ཚང་མས་ཀློག་ཐུབ་གི་ཡོད་ཚུལ་འདུག པད་མིང་ཅན་གྱི་སློབ་མ་ཞིག་ཀྲུང་དབྱང་མི་རིགས་སློབ་གྲྭ་ན་ཡོད་མེད་ནི་ཤེས་སླ་བོ་རེད། ཞུ་འཕྲིན་འདི་ཕྱི་རོལ་གྱི་མི་ཞིག་གིས་བྲིས་ཤིང་མིང་རྒྱ་ནག་གི་འོག་ཏུ་ཡོད་པའི་མི་ཞིག་གི་མིང་བེད་སྤྱོད་བཏང་ཡོད་དུས་དཔེ་བསགས་སོང་ནི་རེད། ལྷག་པར་དུ་སློབ་གྲྭའི་མིང་གསལ་བོར་བཀོད་འདུག་གཱ
དྲ་ཚིགས་ཀློག་ཐུབ་གི་འདུག་ཟེར། ས་ཆ་ཁ་ནས་ཀློག་ཐུབ་གི་མེད་པ་འདྲ། དེ་བཞིན་ Free Gate བརྒྱུད་ནས་ཚང་མས་ཀླ
ཁ་བ་དཀར་པོས་བཤད་པ་དེ་བདེན། པད་མིང་པས་བོད་ནས་བྲིས་ཁུལ་བྱས་ཡིན་པ་ཁོ་ཐག བོད་ནང་ནས་༢་གོང་ས་མཆོག་གི་དྲ་རྒྱ་ཕར་བཞག་ནས་དུས་བབ་ཀྱང་ཁ་ཕྱེ་མི་ཐུབ། ཡིན་ན་ཡང་སྐུ་སྒེར་དྲ་ཚིགས་དེ་བོད་ཡིག་སྟེང་ནས་ཀྱང་ལྟ་ཀློག་ཐུབ་པ་ཞིག་ཡོད་ན་ཅིས་མི་བཟང་།།
གོང་གི་འདི་ནི་བོད་ནང་གི་སློབ་གྲྭ་ཆེན་མོ་བ་ཞིག་གིས་བྲིས་པར་ང་རང་ཡིད་མི་ཆེས། དེ་ནི་དེང་སྐབས་ཀྱི་སློབ་གྲྭ་ཆེན་མོ་བ་ཚོའི་སྤྱི་ནོར་དུ་གྱུར་པའི་ཡིག་ནོར་གྱི་ཕྱོགས་ནས་བརྗོད་པ་མིན། རྒྱ་ནག་གཞུང་གིས་ཕྱི་བོད་དྲ་རྒྱ་མིང་ཤེས་ཚད་ལ་བོད་ནང་ནས་བལྟ་མི་ཐུབ་པ་ཞིག་བཟོས་ཡོད་པ་དང་། ལྷག་པར་དུ་བོད་མིའི་དབུ་ཁྲིད་གོང་ས་མཆོག་གི་སྐུ་སྒེར་དྲ་རྒྱ་དེ་ནི་དྲ་སྒོ་ཕྱེས་པའི་ཉི་མ་དེ་རང་དང་ཆུ་ཚོད་དེ་རང་ལ་བོད་ནང་ནས་བལྟ་མི་ཐུབ་ཞིག་བཟོས་ཡོད་པས། གོང་གི་སློབ་གྲྭ་ཆེན་མོ་བ་དེས་བོད་ནང་ནས་དྲ་རྒྱ་དེ་ཇི་ལྟར་ཀློག་ཐུབ།
ཉེ་བའི་བདེ་བ་འདོད་དེ། མདུན་གྱི་ལམ་ལ་གཟིགས་དང་།
བོད་ནང་གི་སློབ་ཆེན་སློབ་མ་ཚོས་ད་གཟོད་ཡིག་ནོར་འབྲི་གིན་ཡོད་པ་རེད། གྲྭ་ཟུར་ཚོ་དང་དགེ་འདུན་པ་ཚོ་མ་རེད་དཱ།
བོད་ནང་བཞུགས་པའི་བོད་མི་ཞིག་གི་ངོས་ནས་འདི་འདྲའི་བསམ་འཆར་
བཏོན་པ་ནི་གནད་དོན་ཆུང་ཆུང་དུ་བརྩི་མི་རུང་། ཡིན་ན་འང་ཡིག་ནོར་མང་བ་ལ་གཞིགས་ན་བོད་ནང་གི་སློབ་ཆེན་སློབ་མ་ཞིག་གིས་བྲིས་པ་ཨེ་ཡིན་སྙམ།