༄༅། ། དཔལ་ལྡན་སྐུ་སྒེར་ཡིག་ཚང་གི་དྲུང་ཆེ་མཆོག་ལ།
ཆེད་ཞུ།
གུས་འབངས་ཕྲན་ཁོ་ཚེ་ཚུལ་ཁྲིམས་རྒྱ་མཚོ་འཇམ་དཔལ་དགྱེས་པའི་བློ་གྲོས་སམ་མཉྫུ་ཤྲི་པུ་ཛཱ་ནས་ཞུ་སྙིང་། ཕྲན་ད་ལམ་ཕྱི་སོག་སང་གིན་ཏཱ་ལའི་ཆོས་དགོན་དང། རིག་བཅུའི་འཛིན་སྐྱོང་མཉྫུ་ཤྲི་གླིང་དགོན་པ། ནང་སོག་ཧ་ཡ་གྷྲི་ཝ་ཕན་བདེ་རྒྱ་ཆེན་གླིང་བཅས་ཀྱི་ཆོས་དགོན་གསུམ་གྱི་སྤྱི་ཁྱབ་མཁན་པོའི་མིང་ཁུར་ཏེ་ཞུ་གསོལ་འདེབས་སྙིང་། འགྲོ་བ་ལྷར་བཅས་སྲིད་ཞྀའི་སྐྱབས་མགོན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ཆེད་དུ་མཇལ་བཅར་ཞུ་བའི་དགོས་དོན་དམིགས་ཡུལ་མདོར་བསྡུས་ཞུ་རྒྱུ་གཤམ་གསལ།
དང་པོ། གོང་གསལ་སོག་དགོན་ཆོས་སྡེ་གསུམ་གྱི་བསྟན་པ་འཛིན་སྐྱོང་དར་རྒྱས་སྐོར་སྙན་སེང་དང་འབྲེལ་ཐུགས་སྨོན་བཀའ་སློབ་ལམ་སྟོན་སྤྱི་གཙུག་ཏུ་ཞུ་རྒྱུ་དང།
གཉིས་པ། ཕྲན་གྱིས་བརྩམས་པའི་གསུང་འབུམ་པོད་བཅུ་གཅིག་གི་དཀར་ཆག་ཡོངས་རྫོགས་དང་པོད་དང་པོ་བཅས་༧གོང་ས་མཆོག་ལ་སྤྱན་འབུལ་ཞུ་རྒྱུ།
གསུམ་པ། ཕྲན་ལ་གུང་ཐང་སྐུ་ཕྲེང་དྲུག་པ་བསྟན་པའི་དབང་ཕྱུག་མཆོག་གི་དྲུང་ཆེ་ཡི་ཞབས་ཞུའི་སྐལ་བ་ཐོབ་མཁན་ཞིག་གི་ངོས་ནས། གུང་ཐང་རིན་པོ་ཆེའི་སྐོར་གྱི་དམིགས་བསལ་དོན་གནས་འགའི་ཐོག་ལ་ནང་མོལ་སྙན་སེང་ཞུ་རྒྱུ།
བཞི་བ། དེ་སྔ་སྤྱི་ཚོགས་ཁྲོད་མི་ཁ་ཤས་ཀྱིས་ཕྲན་ལ་དོལ་རྒྱལ་ཚོགས་པ་དང་འབྲེལ་བ་ཡོད་རབས་དང། ལྷག་པར་དོལ་རྒྱལ་ཚོགས་པའི་བྱེད་གཏེ་གངས་ཅན་བླ་མ་དང༌། གུ་རུ་དེ་ཝ་བཅས་དང་དམིགས་བསལ་འབྲེལ་བ་ཡོད་ཚུལ་སོགས་མ་ཉེས་ཁ་གཡོགས་ཀྱི་འཆལ་གཏམ་ཁག་ཅིག་བྱུང་ཡོད་སྟབས། དེའི་སྐོར་གྱི་ཡང་སྙིང་གནས་ལུགས་ངོ་མ་གང་ཟག་མི་རེ་ངོ་རེར་དག་སེལ་འགྲེལ་བཤད་ཞུ་རྒྱུར་དགོས་པ་དང་གནས་སྟངས་གང་ཅིར་འཚམ་པ་ཞིག་མ་མཐོང་ཡང། ནམ་ཞིག་གསལ་བཤད་དག་གཙང་ཞུ་རྒྱུའི་གོ་སྐབས་བྱུང་ཚེ། ༧རྒྱལ་བ་དོན་གྱི་བདག་པོའི་སྐུ་མདུན་དུ་སྦ་གསང་མེད་པར་གསེད་བཀྲོལ་གཡའ་དག་ཞུ་རྒྱུའི་དམ་བཅའ་བརྟན་པོ་ཡོད་མུས་ཐོག ད་ལམ་ཕྱི་སོག་བརྒྱུད་རྒྱ་གར་ལ་ཆེད་དུ་༧གོང་ས་སྐྱབས་མགོན་ཆེན་པོར་མཇལ་བཅར་ཞུ་རྒྱུའི་གོ་སྐབས་ཞུས་པ་དེ་ལྟར་ལགས། ད་ལམ་ཕྲན་གྱིས་མཆོག་གསུམ་དཔང་བཙུགས་ཚིག་ཐག་ཆོད་པོའི་སྒོ་ནས་ཞུ་རྒྱུ་ཞིག་ལ། གངས་ཅན་བླ་མ་དང་གུ་རུ་དེ་ཝ་ལ་འབྲེལ་བ་ཆགས་སྟངས་ནི་ཕྲན་གྱི་རྩོམ་སྒྲིག་ཞུས་པ། གངས་ལྗོངས་རིག་བཅུའི་ཉིང་བཅུད་ཆེན་པོ། དཔར་སྐྲུན་ལ་གངས་ཅན་བླ་མས་མ་བསྐུལ་དང་བླངས་ཀྱིས་ཞལ་འདེབས་ཕུལ་སྐབས་ཕྱི་དངོས་པོའི་ཞལ་འདེབས་ཙམ་གྱི་འབྲེལ་བ་བྱུང་བ་དོན་དངོས་ཡིན་པ་མ་གཏོགས། དོལ་རྒྱལ་ཚོགས་པའི་ལས་དོན་སྤྱི་དང་ཁྱད་པར་ཤུགས་ལྡན་བསྟེན་གསོལ་སྐོར་གྱི་ལབ་གླེང་འབྲེལ་བ་གང་ཡང་མེད་པའི་ཁར། ཕྱི་ལོ་ ༢༠༠༦ ནས་ད་བར་ཁོ་བོར་འགྲོ་འོང་འབྲེལ་གཏུགས་སྤུ་ཙམ་ཡང་མེད། ཅེས་ཚིག་ཐག་གཙང་བཅད་ཀྱིས་ཞུ་རྒྱུ་དང། ལྷག་པར་གུང་ཐང་བསྟན་པའི་དབང་ཕྱུག་མཆོག་གི་དངོས་སློབ་ཅིག་ཡིན་པའི་ཆ་ནས་ཁོང་གི་བཀའ་སློབ་སྙིང་བཅང་གིས་བོད་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང། རྒྱའི་ཡུལ་གྲུ་ཁག་དང་སོག་པོ་ཕྱི་ནང་བཅས་སུའང་དེ་ལུགས་དར་སྤེལ་གྱི་ལས་དོན་ཅི་ནུས་བསྒྲུབ་རྒྱུ་ནི། ཕྲན་རང་གི་དམིགས་ཡུལ་ཡིན་ན། གོང་གསལ་དོན་གནས་སྐོར་འཛམ་གླིང་རྒྱལ་བསྟན་ཡོངས་ཀྱི་དོན་གྱི་བདག་པོ་༧རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ལ་དགོངས་སྐོར་སྙན་སེང་དང་ཐུགས་སྨོན་མཚམས་སྦྱོར་ཞུ་རྒྱུ་ཡིན་པ་བཅས། 
ཕྲན་ཁོ་ཚེ་ཚུལ་ཁྲིམས་རྒྱ་མཚོ་འཇལ་དཔལ་དགྱེས་པའི་བློ་གྲོས་སམ་མཉྫུ་ཤྲི་པཱུ་ཛ་མིང་ཅན་གྱིས། ཕྱི་ལོ་ ༢༠༠༩ ཟླ་ ༤ ཚེས་ ༥ ཉིན་ཕུལ །
འདིས་སྐད་ཆ་འདི་དག་ལ་མི་སུ་ཞིག་གིས་ཡིད་ཆེས་བྱེད་ཐུབ་ཀྱི་ཡོད་དམ། ཕལ་ཆེར་ད་ནི་ཡིད་ཆེས་བྱེད་མཁན་ཡོད་མི་སྲིད་པ་ལྟ་བུ་རེད། གལ་ཏེ། ཡིད་ཆེས་འཕེར་བ་ཞིག་ཡོང་དགོས་ཀྱིས་ཡོད་ན་ནི། ཁོ་རང་གིས་སྔར་འགྱོད་ཕྱི་སྡོམ་གྱི་ལས་ཀ་རླབས་ཆེན་ཆེས་མང་དག་ཞིག་ད་ནས་བཟུང་དེ་མགོ་བརྩམས་དེ་མ་ཤི་བར་འབད་བརྩོད་ཧུར་ཐག་བྱས་པ་ཡིན་ན་ནི། ནམ་ཞིག་འབྲས་པུ་ཙམ་ཞིག་ཡོད་འགྲོ དེ་མིན་སྙན་གྲགས་དང་མིང་ལས་དོན་གཉེར་མི་བྱེད་པའི་མི་འདི་འདྲ་ལ་ཡིད་ཆེས་ལོས་འགེལ་བྱེད་མཁན་ནི་ཕལ་ཆེར་ཡོད་སྲིད་ཀྱང་། དེ་ནི་ཁོ་དང་འདྲ་བ་ཁ་ཤས་ཡིན་རྒྱུ་རེད། དེ་ལས་མི་འདི་འདྲའི་རིགས་ལ་གཞུང་དམངས་སུས་ཀྱང་འབྲེལ་འདྲིས་མ་བྱས་པར་ཁེར་རྐྱང་དུ་བཞག་ན་མཛེས་པར་སྙམ་མོ། ད་ནི་བཟུང་དེ་མི་ངན་འདི་འདྲའི་རིགས་༧གོང་ས་མཆོག་གི་ཉེ་འཁྲིས་སུ་བཅར་བའི་གོ་སྐབས་ཤིག་མ་སྤྲད་ན་ཡག་པོ་རེད། མི་ངན་ངན་སར་མ་བསྐྱལ་ན། བཟང་བོ་ཨ་ཐད་ཆད་ཀི་ལོ་རྒྱུས་རེད།
ཁྱོད་ཀྱི་འདྲ་པར་དེ་དག་ལ་ལྟོས་ན་ཁྱོད་ཀྱིས་འདྲ་ཆགས་པོ་བརྒྱ་བཤད་སྟོང་བཤད་བྱས་རུང་མི་ཚེ་འདིའི་ནང་བོད་ཀྱི་སྤྱི་ཚོགས་ནང་དུ་གདོན་རྫས་སུ་གྱུར་ཡོད ། ད་ཁྱོད་ཀྱིས་སོག་རྒན་རྒྱ་རྒན་ཁ་ཤས་ལ་མགོ་བསྐོར་ནས་མི་ཚེ་འཁྱོལ་ཐབས་བྱོས ། ཡང་བསྐྱར་བོད་ཀྱི་སྤྱི་ཚོགས་ནང་དུ་སྐེ་སྲིངས་མ་ཡོངས་རོགས །