བོད་ཀྱི་གསར་འགོད་པའི་ཐུན་ཚོགས་ཀྱིས་གསར་འགོད་གསལ་བསྒྲགས་སྤེལ་བ་ལྟར་ན། ཟླ་འདིའི་ཚེས་ ༢༠ ཉིན་གྲྭ་མགོ་ལོག་འཇིགས་མེད་ལགས་སུ་རྒྱ་སྒོར་སྟོང་ཕྲག་ཁ་ཤས་ཀྱི་ཉེས་ཆད་བཅད་དེ་གློད་གྲོལ་བཏང་ཡོད་འདུག འོན་ཀྱང། ཁོང་ད་བར་བཙོན་ཁང་གང་དུ་བཅུག་པ་དང་སྒོར་ག་ཚད་ཀྱི་ཉེས་ཆད་བཅད་ཡོད་མེད་སོགས་ཀྱི་གནས་ཚུལ་ཁ་གསལ་མི་འདུག་ཟེར། རང་ལོ་ ༤༠ ལ་སོན་མ་ཐག་པའི་གྲྭ་མགོ་ལོག་འཇིགས་མེད་ལགས་ནི། སྔར་ལོ་དོན་འགྲུབ་དབང་ཆེན་གསང་སྟབས་ཀྱིས་བོད་ནང་དུ་བསྐྱོད་དེ། ད་ལྟའི་བོད་ནང་གི་འཚོ་བ་དངོས་ལ་རྒྱུས་ལོན་བྱས་ཤིང། པེ་ཅིན་ཨོ་ལིམ་ཕིག་གི་ཐད་བོད་རིགས་མང་ཚོགས་ལ་བསམ་ཚུལ་བསྡུས་པའི་བརྙན་འཁོར། འཇིགས་བྲལ། ཞེས་པ་བཟོ་སྐྲུན་བྱེད་སྐབས་རོགས་རམ་བྱེད་མཁན་ཡིན་སྟབས། སྔར་ལོའི་ཟླ་ ༣ ནང་རྒྱ་གཞུང་གི་ཉེན་རྟོག་པས་འཛིན་བཟུང་གིས་ཀ་ཆུའི་བཙོན་ཁང་ཞིག་ནས་ཟླ་ ༧ ལྷག་རིང་ལ་སྡུག་སྦྱོང་མནར་གཅོད་ཚད་མེད་བཏང་མཐར་ཟླ་ ༡༠ ཚེས་ ༡༨ ཉིན་གློད་གྲོལ་བཏང་ཡོད། འོན་ཀྱང། ཟླ་སྔོན་མའི་ཚེས་ ༡༣ ཉིན་ཉེན་རྟོག་པས་ཁོང་བླ་བྲང་དགོན་པའི་རང་ཤག་ནས་བསྐྱར་དུ་འཛིན་བཟུང་བཙན་ཁྲིད་བྱས་པ་ཞིག་ཡིན།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གྲྭ་མགོ་ལོག་འཇིགས་མེད་ལགས་དང་དོན་འགྲུབ་དབང་ཆེན་ལགས་གཉིས་བོད་གངས་ཅན་ལྗོངས་ཀྱི་ལོ་རྒྱུས་ནང་བརྗེད་ཐབས་མེད་པའི་དཔའ་བོ་མང་པོའི་གྲས་ཡིན་ན་གོང་དུ་དྲ་གྲོགས་ཁ་བ་ལགས་ནས་གསུངས་པ་བཞིན་ཐུགས་རྗེ་ཆེ་ཇི་ལྟར་ཞུ་དགོས་མིན་དཀའ་ངལ་གྱི་རང་བཞིན་དུ་འགྱུར། ཁྱེད་རྣམས་ཀྱི་བྱས་རྗེས་དང་སྙིང་སྟོབས་དེ་མདོ་དབུས་ཁམས་གསུམ་གྱི་སྤོབས་པ་རེད་ལགས། ལག་གཉིས་ཐལ་མོ་སྦྱར་ཏེ་བཀྲིན་ཆེ། ནད་མེད་ཚེ་རིང་ཤོག་ཞུ།།
ལོ་རྒྱུས་ཀྱིས་ཁྱེད་ཅག་བརྗེད་མི་སྲིད། ཁྱོད་དང་ཁྱོད་ལྟ་བུའི་བོད་མི་རིགས་ཀྱི་དཔའ་བོ་ཚོར་ཐུགས་རྗེ་ཆེ་ཞུ་བྱེད་ཀྱི་ཐ་སྙད་ཅིག་བོད་སྐད་ནང་མེད་སྟབས་ངས་ཁྱེད་ལ་ཐུགས་རྗེ་ཇི་ལྟར་ཞུ་དགོས་མིན་ཤེས་མ་སོང་།