བོད་པའི་ཆོས་དང་རིག་གཞུང་ཐོག་ལ་ལག་རྗེས་ཆེན་པོ་འཇོག་མཁན་དེ་ཕལ་ཆེར་མདོ་སྨད་ཆོལ་ཁ་ཆགས་ཡོད་ཟེར་ན་མི་ཆོག་པ་མེད། མདོ་སྨད་དེ་ལོ་བརྒྱ་ཕྲག་མང་པོའི་རིང་བོད་གཞུང་གི་ཕྱི་ལོགས་སུ་ལྷག་ཡོད་ཀྱང། ནང་སེམས་ཀྱི་ཐོག་ནས་བོད་གཞུང་དགའ་ལྡན་ཕོ་བྲང་བ་དེ་ང་ཚོའི་གཞུང་ཡིན་པ་དང། བོད་ཡོངས་རྫོགས་གཅིག་གྱུར་ཡིན་པའི་འདུ་ཤེས་ཟབ་མོ་དེ་དོར་མྱོང་མེད་ཟེར།
དེའི་རྗེས་དམིགས་བསལ་སྐུ་མགྲོན་བཀའ་ཟུར་ཀིརྟི་རིན་པོ་ཆེ་མཆོག་གིས་འདས་པའི་བྱུང་རབས་ངོ་སྤྲོད་གནང་དོན། བཙན་བྱོལ་ནང་མདོ་སྨད་ཀྱི་མི་གྲངས་ཉུང་ཉུང་ལས་མེད་ཀྱང་། ཆོལ་ཁ་གཞན་དང་མཉམ་དུ་དཀའ་ལས་འདྲ་མཉམ་བརྒྱབས་ཡོད། ཆོས་རྒྱལ་དག་གི་སྐབས་སུ་མདོ་སྨད་དེ་བོད་རྒྱའི་ས་མཚམས་ཡིན་སྟབས་དམག་སའི་ལྟེ་བ་ཆགས་ཡོད་ལ། མདོ་སྨད་ཀྱི་མི་རྒྱུད་ཕལ་ཆེ་བ་བོད་བཙན་པོའི་སྐབས་ཀྱི་དམག་མིའི་མི་རྒྱུད་ཤ་སྟག་ཡིན་སྟབས། མདོ་སྨད་པས་མི་རྒྱུ་སྲོག་གསུམ་གྱི་འགྲོ་སོང་བཏང་སྟེ་བོད་རྒྱལ་ཁབ་ཆེན་པོ་རྩ་འཛུགས་བྱས་ཡོད། དགའ་ལྡན་ཕོ་བྲང་བའི་སྐབས་སུ་བོད་ཀྱི་རྒྱལ་བོ་བྱས་མྱོང་མཁན་མདོ་སྨད་པ་བཞི་དང། དགའ་ལྡན་ཁྲི་པ་བཞི་བཅུ་ལྷག རྒྱལ་བའི་ཡོངས་འཛིན་ལྔ་དྲུག་ཙམ། བོད་པའི་ཆོས་དང་རིག་གཞུང་ཐོག་བྱས་རྗེས་བཞག་སྟེ་གསུང་འབུམ་ཡོད་པའི་མཁས་པ་ཉིས་བརྒྱ་ལྷག་བྱུང་སྟེ། བོད་པའི་ཆོས་དང་རིག་གཞུང་ཐོག་ལ་ལག་རྗེས་ཆེན་པོ་འཇོག་མཁན་དེ་ཕལ་ཆེར་མདོ་སྨད་ཆོལ་ཁ་ཆགས་ཡོད་ཟེར་ན་མི་ཆོག་པ་མེད། མདོ་སྨད་དེ་ལོ་བརྒྱ་ཕྲག་མང་པོའི་རིང་བོད་གཞུང་གི་ཕྱི་ལོགས་སུ་ལྷག་ཡོད་ཀྱང། ནང་སེམས་ཀྱི་ཐོག་ནས་བོད་གཞུང་དགའ་ལྡན་ཕོ་བྲང་བ་དེ་ང་ཚོའི་གཞུང་ཡིན་པ་དང། བོད་ཡོངས་རྫོགས་གཅིག་གྱུར་ཡིན་པའི་འདུ་ཤེས་ཟབ་མོ་དོར་མྱོང་མེད་ལ། ལྷག་པར་དུ་སྔར་ལོ་ནས་བོད་རིགས་ཡོངས་རྫོགས་གཞུང་དགའ་ལྡན་ཕོ་བྲང་འོག་ཆིག་སྒྲིལ་ཡིན་པ་གསལ་སྟོན་བྱུང་ཡོད། ཅེས་གསུངས་བྱུང།
ཁོང་གིས་མུ་མཐུད་དུ་མི་རབས་གསར་བ་ཚོས་རྩ་དོན་ལ་འགན་ལེན་ཕྱོགས་སྐོར་གསུངས་དོན། ད་ཆར་རྒན་པ་རེ་ཟུང་མ་གཏོགས་མང་ཆེ་བ་བོད་ནས་གསར་དུ་འབྱོར་བའི་གཞོན་སྐྱེས་ཆགས་ཡོད། ཁོང་ཚོས་བོད་དང་རྒྱ་ནག་གི་གནས་སྟངས་ཤེས་ལ། རྒྱ་གར་གྱི་འགྲོ་སྟངས་ཡང་ཤེས་ཀྱིན་ཡོད། ད་ལྟ་མི་རབས་གསར་བའི་ཐོག་འགན་བབས་ཡོད་སྟབས། བསམ་བློ་གསར་བ་ཞིག་དང་འགྲོ་སྟངས་གསར་བ་ཞིག ལམ་ལུགས་གསར་བ་ཞིག་གི་ཐོག་བསྐྱོད་དགོས། ༧རྒྱལ་བ་རིན་པོ་ཆེས་ད་བར་སྐུ་ངལ་སྐྱོན་པ་དེའང་མི་རབས་གསར་བའི་ཆེད་རེད། སྔ་ལོའི་ཞི་རྒོལ་དེས་ཆིག་སྒྲིལ་ལ་ནུས་པ་ཆེན་པོ་ཐོན་ཡོད་ལ། མ་འོངས་པར་ཡང་མཐུན་ལམ་དམ་ཚིག་རྡོག་རྩ་ཆིག་སྒྲིལ་ཐོག་ཤུགས་བརྒྱག་དགོས། སྔར་གྱི་ལོ་རྒྱུས་བཤད་ནས་ཕན་ཐོགས་གི་མ་རེད། ཐེངས་འདིའི་གྲོས་གཞིའི་ནང། དམངས་གཙོའི་འཕེལ་རིམ་དང་ཉམ་ཐག་ལ་རོགས་སྐྱོར་སོགས་བཀོད་འདུག དམངས་གཙོའི་འཕེལ་རིམ་ཐད་ཆོལ་ཁའི་ངོས་ནས་ཤུགས་བརྒྱག་དགོས་ས་སྤྱི་འཐུས་རེད། སྤྱི་འཐུས་ཟེར་བ་དེ་བོད་སྤྱི་བའི་དོན་དུ་བཤད་ཕོད་པ་དང་བསྒྲུབ་ཕོད་པ། ལས་རྒྱུན་རིང་ཚོགས་འདུར་དག་དག་བཅར་ཐུབ་མཁན་ཞིག་ཡིན་དགོས། མིང་ཙམ་ལས་གང་ཡང་མ་འཇོན་ན། སྤྱིར་བོད་པའི་རྩ་དོན་དང་སྒོས་མདོ་སྨད་ཆོལ་ཁར་གྱོང་ཆེན་པོ་རེད། གཞན་གོ་ཐོས་ལྟར་ན། བོད་ནས་གསར་དུ་འབྱོར་བ་མང་པོ་ཞིག་ལ་དཀའ་ངལ་ཆེན་པོ་ཡོད་རབས་འདུག ལས་ཀ་མེད་པའི་དཀའ་ངལ་དང་ཟ་རྒྱུ་འཐུང་རྒྱུ་མེད་པའི་དཀའ་ངལ་སོགས་གོ་རྒྱུ་འདུག ཁོང་ཚོར་བདག་པོ་བརྒྱག་དགོས་པ་རེད། ལས་མེད་བཟོ་གྲྭ་ལྟ་བུ་འཛུགས་ཐུབ་པ་རེད་དམ་མ་རེད། དེ་ལ་ངེས་པར་དུ་དགོངས་པ་བཞེས་དགོས། ཞེས་གསུངས་སོང།
དེའི་རྗེས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་མདོ་སྨད་ཆོལ་ཁའི་སྔར་གྱི་ལས་དོན་ཁག་ཅིག་ངོ་སྤྲོད་གནང་དོན། དེ་རིང་མདོ་སྨད་ཀྱི་ཚོགས་ཆེན་ཡིན་སྟབས། རང་བཞིན་གྱིས་མདོ་སྨད་ཀྱི་སྐད་ཆ་མང་པོ་ཞིག་བཤད་དགོས་པ་ཆགས་ཡོད། བཙན་བྱོལ་ནང་མདོ་སྨད་ཀྱི་མི་འབོར་ཧ་ཅང་ཉུང་ཉུང་ཡིན་རུང་ལས་དོན་གང་ཅིར་རྗེས་ལུས་ཐེབས་མྱོང་མེད། བཙན་བྱོལ་དུ་སླེབས་ཏེ་གཞུང་འཛིན་མིན་པའི་སྒྲིག་འཛུགས་དང་པོ་དེ་མདོ་སྨད་ཀྱིས་བཙུགས་ཡོད། དར་རྒྱས་གླིང་དུ་རྒྱལ་ཡོངས་མདོ་སྨད་ཆིག་སྒྲིལ་ཚོགས་པ་ཟེར་བ་དེ་རེད། སྔར་ལོ་བོད་ཡུལ་ཆོལ་ཁ་གསུམ་ནང་ཞི་རྒོལ་བྱུང་སྐབས། མདོ་སྨད་ཕྱོགས་སུ་ཟླ་ ༢ ཚེས་ ༢༢ ནས་ཞི་རྒོལ་མགོ་འཛུགས་བྱས་ཡོད། ང་དེ་རིང་འདིར་སྐུ་མགྲོན་གཙོ་བོའི་མིང་ཐོག་ནས་བཅར་ཡོད་ཀྱང་། སྤྱིར་མདོ་སྨད་རྒྱུན་ལས་ཀྱི་ཚོགས་མི་ཞིག་ཡིན། ལས་རྒྱུན་རིང་མདོ་སྨད་དམིགས་བསལ་ཚོགས་ཆེན་ཐེངས་གཉིས་འཚོགས་ཡོད། དེ་ནི་ཆབ་སྲིད་ཀྱི་གནད་འགག་ཆེན་པོ་ཞིག་ཏུ་མཐོང་གིན་ཡོད། ཐེངས་འདིར་རྒྱུན་ལས་གསར་བ་སུ་ཞིག་ཕེབས་ཀྱང་། སྔར་ལོ་ནས་འཆར་གཞི་སྒྲིག་ཡོད་པའི་དྲ་རྒྱ་ཞིག་དང་ཉམ་ཐག་ལ་རོགས་སྐྱོར་གྱི་ལས་གཞི་དེ་ངེས་པར་དུ་ལག་བསྟར་བྱ་ཐུབ་པ་གནང་དགོས། གོང་དུ་ལས་སྡོམ་སྙན་སྒྲོན་སྐབས། མདོ་སྨད་དབུས་རྒྱུན་ལ་ད་སྐབས་མ་དངུལ་སྒོར་ས་ཡ་ ༣ ལྷག་ཡོད་རབས་འདུག གཏོང་ས་ཞིག་ལ་གཏོང་དགོས་པ་རེད། གསོག་བཞག་སྟེ་ཡོང་རྒྱུ་ཡོད་པ་མ་རེད། ཅེས་གསུངས་སོང།
ཡང་ཁོང་གིས་བོད་རྒྱའི་གནད་དོན་དང་འབྲེལ་ཏེ་ཆབ་སྲིད་སྐོར་གསུངས་དོན། རྒྱ་གཞུང་གིས་༧རྒྱལ་བ་རིན་པོ་ཆེ་ཕྱི་རྒྱལ་ཁག་ཏུ་ཕེབས་རྒྱུ་དང་། རྒྱལ་སྤྱིའི་སྡིངས་ཆ་ཁག་ཏུ་བོད་དོན་གླེང་སློང་ལ་བཀག་འགོག་སྔར་ལས་ཤུགས་ཆེ་རུ་བཏང་སྟེ། ༧རྒྱལ་བ་རིན་པོ་ཆེ་ཁེར་རྐྱང་ལ་འཕུད་རྒྱུར་འབད་བརྩོན་བྱེད་ཀྱིན་འདུག འཛམ་གླིང་དཔལ་འབྱོར་ཉམས་རྒུད་ཀྱི་གོ་སྐབས་བཟུང་སྟེ། བོད་ནང་གི་བོད་མི་ཚོར་སྲོག་ཁྲིམས་དང་ཚེ་བཙོན་གྱི་ཁྲིམས་ཐག་གཅོད་ཀྱིན་འདུག དེ་བཞིན། བཙན་བྱོལ་བོད་གཞུང་གི་དངུལ་གྱི་ཡོང་ཁུངས་རྩད་གཅོད་དང་བཀག་འགོག་བྱེད་ཀྱིན་མེད་དམ་སྙམ་པའི་དོགས་པ་ཡོད། གང་ཡིན་ཟེར་ན། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་དང༌། བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་བཅས་ལ་གནོན་ཤུགས་སྤྲད་དེ། རོགས་ཚོགས་རིམ་གྱིས་ཆད་རྒྱུར་ཉེན་ཁ་འདུག རྒྱ་གཞུང་གིས་དངུལ་སྤྲད་དེ་ཉེ་ཆར་ཧིན་རྡུའི་དུས་བབ་གསར་ཤོག་གི་ཤོག་ངོས་ ༤ དང༌། ལྷོ་ཨ་ཧྥི་རི་ཀའི་ཤར་ཕྱོགས་མ་ལ་ཝེ་དུས་བབ་གསར་ཤོག་གི་ཤོང་ངོས་ ༥ བཅས་ལ། བོད་དོན་རྫུན་བསྒྲགས་ཤུགས་ཆེན་བྱེད་ཀྱིན་འདུག དེ་དག་ལ་བགྲོ་གླེང་གོ་བསྡུར་ཞིབ་ལྷུག་བྱས་ཏེ་གང་དགོས་ཅི་འབབ་ཀྱི་ལས་འཆར་བསྒྲིག་དགོས། ཞེས་བཀའ་སློབ་ལམ་སྟོན་གནང་བྱུང་།
དེ་རིང་ཕྱི་དྲོར་ཚོགས་འདུ་མཇུག་སྡོམ་སྟེང་སྐབས་བཅུ་བཞི་བའི་མདོ་སྨད་རྒྱུན་ལས་གསར་འདེམས་གནང་སྟེ། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་ཚོས་རྒྱུན་ལས་གསར་བ་དག་ལ་ཁ་བཏགས་སྒྲོན་འབུལ་ཞུས་ཡོད། ཐེངས་འདིར་བདམས་ཐོན་བྱུང་བའི་རྒྱུན་ལས་ ༧ ནི། ཤེས་བྱ་རྩོམ་སྒྲིག་ཁང་གི་འགན་འཛིན་རྒྱ་རིགས་ཐར་དང་སྤྱི་འཐུས་ཡེ་ཤེས་སྒྲོལ་མ། བྷན་ངྷི་ར་ཀརྨ་དགེ་ལེགས། སྤྱི་འཐུས་སྒྲོལ་མ་འཚོ་མོ། ནོར་བུ་གླིང་ཀའི་མགོན་པོ་དོན་འགྲུབ། གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ཚོགས་གཙོ་བློ་བཟང་དཔལ་ལྡན། ངྷ་རམ་ས་ལའི་བསྟན་པའི་དངོས་གྲུབ་བཅས་ཡིན། ཐེངས་འདིར་གྲོས་ཆོད་དོན་ཚན་ ༥ བཞག་ཡོད་པ་ནི། དང་པོ། ༧གོང་ས་མཆོག་གི་སྐུ་ཕྱྭའི་སྐོར་ལ་དོ་དམ་སྟངས་འཛིན་སྔར་ལས་ལྷག་པ་ཡོང་ཐབས་དང། རང་ཁོངས་ནས་༧གོང་ས་མཆོག་ལ་སྐུར་འདེབས་དང་དོལ་ཚོགས་ལ་འབྲེལ་བ་བྱུང་ཚེ་ཆོལ་ཁོངས་ནས་ཕྱིར་འཕུད་བྱ་རྒྱུ། གཉིས་པ། བོད་གཞིས་བྱེས་གཉིས་ཀྱི་འབྲེལ་ལམ་ཡར་རྒྱས་གཏོང་སླད་དྲ་རྒྱ་ཚད་ལྡན་ཞིག་གང་མགྱོགས་བཟོ་ཐུབ་པ་བྱ་རྒྱུ་དང། གཞིས་ལུས་བོད་མིའི་ཞི་རྒོལ་ལ་གདུང་སེམས་མཉམ་སྐྱེད་ཆེད་ལོ་ལྟར་འཆར་ཅན་རྗེས་དྲན་ཞུ་རྒྱུ། གསུམ་པ། དམངས་གཙོའི་འཕེལ་རིམ་དང་ཤེས་ཡོན་ཡར་རྒྱས་གཏོང་ཕྱིར། མདོ་སྨད་ཚོགས་ཆེན་ཞིག་བསྡུ་སྐོང་གིས་ཆོལ་ཁོངས་རིས་མེད་བཀའ་ཁྲིའི་འོས་གཞི་འཚོལ་ཞིབ་ཀྱིས་སྤྱི་ཟུར་ཐུབ་བསྟན་བསམ་འགྲུབ་ལགས་ཀྱི་དྲ་ཐོག་དང་གསར་ལམ་ཁག་ཏུ་གང་ཐུབ་བསྒྲག་རྒྱུ་དང། བོད་མིའི་གྲངས་འབོར་མང་དུ་གཏོང་ཕྱིར་མདོ་སྨད་པ་ཕྲུ་གུ་གསུམ་ལས་བརྒལ་རིགས་ལ་དམིགས་བསལ་ལྟ་སྐྱོང་གནང་རྒྱུ། 
བཞི་པ། བཙན་བྱོལ་བོད་མིའི་སྒྲིག་འཛུགས་སྲ་བརྟན་དང་དཔལ་འབྱོར་གོང་དུ་སྤེལ་སླད། དང་བླངས་དཔྱ་དངུལ་འབུལ་འབབ་སྤར་ཆ་གནང་ཐབས་དང་། ཆོལ་ཁོངས་ནས་ཤེས་འཇོན་གཉིས་ལྡན་རྩད་གཅོད་ཀྱིས་གཞུང་དང་སྒྲིག་འཛུགས་ཁག་ཏུ་ལས་ཞབས་སུ་ངོ་སྤྲོད། གློག་ཀླད་ཆེད་མཁས་པ་བློ་བཟང་སྨོན་ལམ་ལགས་ལ་མདོ་སྨད་ཚོགས་ཆེན་སྐབས་བཅུ་བཞི་པས་བསྔགས་བརྗོད་གཟིགས་གསོལ་གནང་རྒྱུ། ལྔ་བ། མདོ་སྨད་དབུས་རྒྱུན་དང་ས་རྒྱུན་དྲག་འདེམས་དང་ལས་དོན་བྱེད་ཕྱོགས་ཐད། མདོ་སྨད་དབུས་རྒྱུན་ལས་བསྟུད་མར་ཅི་འདེམས་འཐུས་པ་དང་། དབུས་རྒྱུན་ལས་ས་གནས་ཁག་ཏུ་ལོ་ལྟར་ཐེངས་རེར་བཅར་རྒྱུ། ཐེངས་འདིར་ཀིརྟི་དགེ་རྩ་ཚོགས་པས་ཧིན་སྒོར་ལྔ་འབུམ་ཞལ་འདེབས་སུ་ཕུལ་བ་དང་བཅས་ཛ་དྲག་ཉམ་ཐག་རོགས་སྐྱོར་མ་དངུལ་ཉར་འཇོག་གིས་རང་ཁོངས་ཉམ་ཐག་ལ་མིག་ཐོག་ལག་ཟིན་གྱིས་ལས་འགུལ་གང་མགྱོགས་སྤེལ་རྒྱུ་བཅས་བཀོད་འདུག
གཞན་ལ་ལྟ་བའི་མིག་ཡོད་ཀྱང་།། རང་ལ་བལྟ་བའི་མེ་ལོང་དགོས།།
མདོ་སྨད་དབུས་རྒྱུན་སྙིང་བ་རྣམས་ལ་ཐུགས་རྗེ་ཆེ། ཕྱག་ལས་ཡག་པོ་གནང་འདུག
གསར་པ་རྣམས་ལ་བཀྲ་ཤིས་བདེ་ལེགས་ཞུ།
ཕྱག་ལས་ཡག་པོ་གནང་རོགས།
སྤྱིར་ཡིན་ན་འདིར་ངས་རྟེན་འབྲེལ་ཞུ་དགོས་པའི་དགོས་པ་མ་མཐོང་། གང་ཡིན་ཟེར་ན་ཚོགས་གཙོ་འདེམས་ཐོན་བྱུང་བ་ཧང་སེང་དགོས་དོན་མི་འདུག་ལ། མི་རིགས་དང་རྒྱལ་ཁབ་ཀྱི་ཆེད་དུ་ལས་ཀ་ཧུར་ཐག་བྱས་ན་ང་ཚོས་རྟེན་འབྲེལ་ཞུ་དགོས་པ་དང་ཐུགས་རྗེ་དཀའ་དྲིན་ཞུ་ལོས་དགོས་འདོད། གང་ལྟར་རྐུབ་ཅོག་ཚ་བོ་བཟོ་མཁན་མིན་པར་སྨོན།
གོང་དུ་དྲ་གྲོགས་ཤིག་གིས། ཤེས་འཇོན་ལྡན་ཞིང་དཔེ་མི་སྲིད་པའི་ཡག་པོ་རྐྱང་སླེབས་འདུག་ཟེར། ཡག་པོ་ཡོད་མེད་རྒྱུན་ལས་རིང་བྱས་འབྲས་ལ་ལྟ་རྒྱུ་ཞིག་རེད། ད་དུང་བསྟོད་པ་མ་སྔ། སྔོན་མ་རྒྱུན་ལས་དང་ཚོགས་གཙོ། སྤྱི་འཐུས་ཀྱི་གཞིས་ཆགས་སུ་ཕེབས་ནས་སྐད་གྲགས་བཞག་པ་ཁ་ཤས་ཤིག་ཡོད་ནི་རེད། སྤྱིར་བཏང་ཨ་མདོ་མི་ཡི་ལས་ཀ་བྱེད་སྟངས་དེ་སྦྲུལ་ལྟ་བུ་ཞིག་ཡིན་ནི་རེད། མགོ་སྦོམ་ཡང་རྔ་མ་ཕྲ་ནི་རེད། ཨ་མདོ་མི་ལ་ཨོང་དོ་མེད་ཅེས་སྡོམ་ཚིག་ཅིག་ཡོད་པ་མ་ཡིན་ནམ། དང་པོ་ཡག་མདོག་ཁ་བོ་ཡོད་ནི་རེད་ད། རྗེས་ལ་ལྷང་ལ་བུད་ནས་མིག་ལ་སྟོན་གི་རེད།
རྒྱུན་ལས་གསར་བ་རྣམས་ལ་བཀྲ་ཤིས་བདེ་ལེགས་ཞུ་བ་ཡིན། ལས་ཀའི་ཐོག་གྲུབ་འབྲས་ཐོན་པ་ཞིག་དང་། གྲོས་ཆོད་ལག་ལེན་འཁེལ་བ་ཞིག་གནང་རོགས། དེ་ཡང་ཕྱོགས་སུ་མ་ལྷུང་བ་ཞིག་གནང་བ་གལ་ཆེ། ལྟ་རྟོག་བྱེད་པ་ཡང་རང་གི་གྲོགས་པོ་དང་རང་གི་ཕ་ཡུལ་གཅིག་པ་མ་གཏོགས་མ་མཐོང་ན་རྫབ་ཆེན་རེད། རྒས་གཅོང་དང་ནད་གཅོང་ཅན་ལ་དམིགས་བསལ་གྱི་ལྟ་རྟོག་ཐུབ་པ་དགོས།
ད་འོ་ན་ཨ་ལགས་འཇིགས་མེད་དང་། རྒྱལ་རོང་ཟླ་བ། བཀྲིས་དོན་འགྲུབ་གསུམ་མདོ་སྨད་ཆོལ་ཁོངས་སུ་ཡོད་དམ་མེད། འབྲེལ་བ་བྱུང་བས་མ་ཚད་བོད་ཀྱི་གསོལ་མགྲོན་ཁང་ནས་མཉམ་ཟ་མཉམ་འཐུང་། གོང་ས་མཆོག་དབུ་བསྐོར་གཏོང་བྱད་ཀྱི་སྙན་ཞུ་མཉམ་འབྲི་ཞུས་པ་སོགས་ཀྱིས་་་་་་་་
ཡ་ཡ། དེ་འདྲའི་གྲོས་ཆོད་ཡག་པོ་བཞག་འདུག གལ་གནད་ཆེན་པོ་དང་དམིགས་བསལ་གཅིག་དེ་ཕྲུ་གུ་གསུམ་ལས་མང་བ་སྐྱེས་མཁན་ལ་དམིགས་བསལ་གྱི་ལྟ་རྟོག་གནང་རྒྱུའི་གྲོས་ཆོད་དེ་རེད། དེ་ཁ་གསལ་ཙམ་ཤོད་ཐུབ་མཁན་ཡོད་དམ། ཕྲུ་གུ་གསུམ་ལས་མང་བ་ཞེས་པ་དེ་དམའ་མཐར་ཡང་ཕྲུ་གུ་བཞི་ཡོད་དགོས་པའི་དོན་རེད་དམ། དམིགས་བསལ་གྱི་ལྟ་རྟོག་ཅེས་པ་དེ་ལྟ་རྟོག་ག་ཚོད་ཙམ་གནང་རྒྱུའི་གསལ་ཁ་འདྲ་འདུག་གམ།
” རང་ཁོངས་ནས་༧གོང་ས་མཆོག་ལ་སྐུར་འདེབས་དང་དོལ་ཚོགས་ལ་འབྲེལ་བ་བྱུང་ཚེ་ཆོལ་ཁོངས་ནས་ཕྱིར་འཕུད་བྱ་རྒྱུ། “འདི་འདྲའི་ཚིག་བཙན་པོ་ཞིག
སྨྲ་བརྗོད་རང་དབང་ཟེར་བ་༧གོང་ས་མཆོག་གིས་མར་གསོལ་རས་བསྩལ་ཡང་ཞབས་ནས་ཁས་ལེན་མི་བྱེད་པ་འདི་ཁྱད་མཚར་ཞེ་བོ་རེད།
དྲ་གྲོགས་གངས་སྐྱིད་འདི་ཅང་དབུ་ཚོས་མཁན་ཞིག་མིན་པ་འདྲ། ད་དུང་སྤྱི་ཚོགས་སྟེང་གི་ཁྲམ་པའི་རིགས་གདུགས་དཀར་ཚེ་རིང༌། བླ་བྲང་སྐལ་བཟང་ལྟ་བུའི་མཚན་ནས་འབོད་གྱི་འདུག གྱི་ལིང་ཆོལ་ཁར་རྟ་རྫོགས་ནས་བོང་གུར་རེ་བའི་ཚད་ལ་སླེབས་པ་རེད་པས། ད་ལྟའི་རྒྱུན་ལས་ཚོ་ཤེས་འཇོན་དང་རྣམ་པ་གང་ཚང་མི་འདུག མི་སྲིད་པའི་ཡག་པོ་རྐྱང་སླེབས་བཞག
རྒྱུན་ལས་གསར་པ་རྣམས་བཀྲ་ཤིས་བདེ་ལེགས་ཞུ་བ་དང་། ཆབས་ཅིག་ལས་དོན་སྔར་ལྷག་ཚགས་ཚུད་དང་ཡར་རྒྱས། སྲ་བརྟན་བཅས་ཡོང་བའི་སྨོན་ལམ་འདེབས། ལྷག་དོན་གྲོས་ཆོད་རྣམས་ཡིག་ཐོག་ཏུ་མི་ལྷག་པར་ལག་ལེན་དུ་བཀལ་ཏེ་དོན་ཐོག་ཏུ་སྨིན་པར་བྱེད་རྒྱུ་ནི་ཁ་ཚ་དགོས་གཏུགས་ཤིག་རེད། སྔོན་མ་གོ་ཐོས་ཤིག་ལ། ༢༠༠༠ ལོར་མདོ་སྨད་ཆོལ་ཁའི་སྤྲོ་སྐྱིད་ཅིག་གི་སྐབས་མདོ་སྨད་ཀྱི་དཔོན་རིགས་རྣམས་༸གོང་ས་མཆོག་གི་སྐུ་མདུན་དུ་བཅར་སྐབས། ༸གོང་ས་མཆོག་གིས་ད་ཁྱེད་ཅག་ལ་མ་འོངས་པའི་ལས་ཀ་དང་འཆར་གཞི་ག་རེ་ཡོད་ཅེས་འདྲི་དུས། ཁོང་ཚོས་ ད་ང་ཚོས་དེང་སྐབས་མདོ་སྨད་ནས་ཡོང་བའི་སློབ་གྲྭ་ཆེན་མོ་བ་དང་ཤེས་ཡོན་ཅན་མང་པོ་ཞིག་འདུག མ་འོངས་པར་དེ་དག་ཕྱི་རྒྱལ་དུ་སློབ་སྦྱོང་དུ་འགྲོ་བའི་གོ་སྐབས་བསྐྲུན་པ་དང། གསོ་སྐྱོང་ལེགས་པོ་ཞིག་བྱེད་རྒྱུ་ཡིན་སྐོར་ཞུས་ཡོད་པ་གོ་ཐོས་བྱུང་། ཡིན་ནའང་། ད་ལྟ་བར་དུ་གཞོན་སྐྱེས་འདི་བཏང་སོང་ཟེར་ནས་གོ་ཚོར་མ་བྱུང་། ངས་འདི་ལྟར་བཤད་པ་ནི་ད་ཐེངས་ཀྱི་རྒྱུན་ལས་རྣམས་གཞེན་སྐུལ་གྱི་ཚུལ་དུ་ཞུས་པ་ཡིན།
ད་སོ་མ་གནས་ཚུལ་འབྱོར་བ་ལྟར་ན། དེ་རིང་སྔ་དྲོ་སྐབས་བཅུ་བཞི་བའི་མདོ་སྨད་དབུས་སྤྱི་ཁྱབ་རྒྱུན་ལས་གསར་བ་རྣམས་ལྷན་འཛོམས་གནང་སྟེ། བོད་མི་མང་སྤྱི་འཐུས་ཡེ་ཤེས་སྒྲོལ་མ་ལགས་སྐབས་བཅུ་བཞི་བའི་མདོ་སྨད་དབུས་སྤྱི་ཁྱབ་རྒྱུན་ལས་ཚོགས་གཙོ་དང་། ནོར་གླིང་མགོན་པོ་དོན་འགྲུབ་ལགས་ཚོགས་གཞོན། ཤེས་བྱ་རྩོམ་སྒྲིག་ཁང་གི་འགན་འཛིན་རྒྱ་རིགས་ཐར་ལགས་དྲུང་ཆེ་བཅས་ལ་བསྐོ་བཞག་གནང་ཡོད་འདུག
ཟླ་བ་ཚེ་རིང་དགོངས་པ་ཞུས་ཚརདེ་ཏག་ཏག་འགྲིགས་འདུག དེ་མིན་ངསཁོ་ལ་ནག་འདེད་ཅིག་བྱ་བསམ་ཡོད། ད་དང་ཨ་ལགས་འཇིགསམེད་དང་བཀྲ་ཤིས་དོན་གྲུབ་གཉིས། ཁོ་ཚེ་ཚུལ་ཁྲྱིམས་ཀྱི་སྐོར་དེད་དང་གསལ་པོ་ཆགས་མ་སོང༌། ཁྱི་སྤྱང་ངན་འབྲེལ་བྱས་མེད་པའི་སྨོན་ལམ།
དྲ་གྲོགས་གངས་སྐྱིད་ལགས། ཁ་སང་ཕྱི་དྲོའི་ཆུ་ཚོད་ ༦ སྟེང་། ཡོངས་གླིང་སློབ་གྲྭའི་འགན་འཛིན་བོད་མི་མང་སྤྱི་འཐུས་ཟླ་བ་ཚེ་རིང་དང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཨོ་རྒྱན་བསྟན་འཛིན་རྣམ་གཉིས་མདོ་སྨད་ཚོགས་ཆེན་སྟེང་། འོས་བསྡུས་འགན་འཛིན་ལ་ཆེད་དུ་གདན་དྲངས་པ་ལྟར་ཕེབས་ཏེ། ཚོགས་ཞུགས་པ་ཡོངས་ཀྱིས་འོས་ཤོག་བླུགས་ཏེ། རྒྱུན་ལས་བདམས་ཐོན་བྱུང་བ་དག་ལས་འོས་གྲངས་མཐོ་ཤོས་དེ་བསྐྱར་དུ་རྒྱལ་རོང་ཟླ་བ་ཚེ་རིང་ཆགས་ཡོད་ཀྱང་། ཁོང་གིས་ཨུ་ཚུགས་མཐར་བསྐྱལ་གྱིས་སྐབས་བཅུ་བཞི་བའི་མདོ་སྨད་དབུས་རྒྱུན་རིང་གནས་སྐབས་དགོངས་པ་ཞུས་སོང་། དེ་བཞིན་ནོར་གླིང་སྒྲོན་དཀར་སྐྱབས་ཀྱང་རྒྱུན་ལས་ནང་འོས་ཐོབ་ཡོད་ཀྱང་། དགོངས་པ་ཞུས་སོང་། དེ་ལྟར་མཇུག་མཐར་གོང་གི་མི་དེ་བདུན་གཏན་འཁེལ་བ་བྱུང་སོང་མོད། ཚོགས་གཙོ་དང་ཚོགས་གཞོན། དྲུང་ཆེ་སོགས་ཐག་གཅོད་བྱེད་ཐུབ་མ་སོང་། དེ་ནི་རྒྱུན་ལས་ནང་ཁུལ་ནས་བཀའ་བསྡུར་བྱས་ཏེ་བསྐོ་འཇོག་བྱ་དགོས་པ་ཞིག་ཡིན་པ་འདྲ།
ད་འུ་ཚོའི་ཚོགས་གཙོ་དེ་སུ་ཞིག་རེད། ང་ཚོའི་མྱི་གྲགས་ཅན་ཧོར་གཙང་འཇིགས་མེད་དང༌། གདུགས་དཀར་ཚེ་རིང༌། བླ་བྲང་སྐལ་བཟང་དེ་ཚོ་ད་གར་སོང་མི་འདུག རྒན་ལྷ་མོ་སྐྱབས་ཀྱང་ཕྱིན་ཐལ། ད་སུས་ཚོགས་གཙོ་བྱེད་ཀྱི་རེད། ཚོགས་གཙོ༌༌༌༌༌༌༌༌༌༌༌༌༌༌༌
ཚོགས་གཞོན༌༌༌༌༌༌༌༌༌༌༌༌༌༌༌༌༌༌༌༌༌༌་ དྲུང་ཆེ་༌༌༌༌༌༌༌༌༌༌༌
རྒྱུན་ལས་གསར་བ་རྣམས་ལ་མཚམས་དྲི་ཞུ།
ཚོགས་གཙོ་མཆོག་གི་གསུངས་བ་དེ་དག་ལ་ང་ཚོས་ངེས་པར་དུ་དོ་སྣང་བྱེད་དགོས་འདུག “ཡང་ཁོང་གིས་བོད་རྒྱའི་གནད་དོན་དང་འབྲེལ་ཏེ་ཆབ་སྲིད་སྐོར་གསུངས་དོན། རྒྱ་གཞུང་གིས་༧རྒྱལ་བ་རིན་པོ་ཆེ་ཕྱི་རྒྱལ་ཁག་ཏུ་ཕེབས་རྒྱུ་དང། རྒྱལ་སྤྱིའི་སྡིངས་ཆ་ཁག་ཏུ་བོད་དོན་གླེང་སློང་ལ་བཀག་འགོག་སྔར་ལས་ཤུགས་ཆེ་རུ་བཏང་སྟེ། ༧རྒྱལ་བ་རིན་པོ་ཆེ་ཁེར་རྐྱང་ལ་འཕུད་རྒྱུར་འབད་བརྩོན་བྱེད་ཀྱིན་འདུག འཛམ་གླིང་དཔལ་འབྱོར་ཉམས་རྒུད་ཀྱི་གོ་སྐབས་བཟུང་སྟེ། བོད་ནང་གི་བོད་མི་ཚོར་སྲོག་ཁྲིམས་དང་ཚེ་བཙོན་གྱི་ཁྲིམས་ཐག་གཅོད་ཀྱིན་འདུག དེ་བཞིན། བཙན་བྱོལ་བོད་གཞུང་གི་དངུལ་གྱི་ཡོང་ཁུངས་རྩད་གཅོད་དང་བཀག་འགོག་བྱེད་ཀྱིན་མེད་དམ་སྙམ་པའི་དོགས་པ་ཡོད། གང་ཡིན་ཟེར་ན། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་དང༌། བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་བཅས་ལ་གནོན་ཤུགས་སྤྲད་དེ། རོགས་ཚོགས་རིམ་གྱིས་ཆད་རྒྱུར་ཉེན་ཁ་འདུག རྒྱ་གཞུང་གིས་དངུལ་སྤྲད་དེ་ཉེ་ཆར་ཧིན་རྡུའི་དུས་བབ་གསར་ཤོག་གི་ཤོག་ངོས་ ༤ དང༌། ལྷོ་ཨ་ཧྥི་རི་ཀའི་ཤར་ཕྱོགས་མ་ལ་ཝེ་དུས་བབ་གསར་ཤོག་གི་ཤོང་ངོས་ ༥ བཅས་ལ། བོད་དོན་རྫུན་བསྒྲགས་ཤུགས་ཆེན་བྱེད་ཀྱིན་འདུག དེ་དག་ལ་བགྲོ་གླེང་གོ་བསྡུར་ཞིབ་ལྷུག་བྱས་ཏེ་གང་དགོས་ཅི་འབབ་ཀྱི་ལས་འཆར་བསྒྲིག་དགོས། ཞེས་བཀའ་སློབ་ལམ་སྟོན་གནང་བྱུང།”
ད་དངོས་ནས་རྒྱ་འདྲེ་དེ་ཚོས་འཕག་ཚག་ས་མཆོངས་གནམ་མཆོངས་བྱེད་ཀྱི་འདུག རྒྱ་འདྲེས་དྲིལ་བསྒྲགས་ཚོགས་ཆུང་ཆེད་བཙུགས་བྱས་ཏེ་བོད་རྙིང་བ་ནི་ཆེས་ཀླ་ཀློ་དང་། ཆེས་མུན་ནག ཆེས་གདུག་རྩུབ་ཡིན་ཚུལ་དང་། རྒྱ་འདྲེའི་བཙན་འཛུལ་རྗེས་བོད་མི་རྣམས་བདེ་སྐྱིད་ཀྱི་དཔལ་ལ་རོལ་ཞིང་བོད་ཁྱོན་ཡོངས་ལ་གནམ་ས་བླ་འོག་ལྟ་བུའི་གྱུར་ལྡོག་ཕྱིན་ཡོད་རབས་རྒྱ་ནག་ནང་ལྟ་ཅི། ཉེ་ཆར་ནས་བཟུང་ཕྱིའི་རྒྱལ་ཁབ་ཁག་ཏུ་ཡང་གསར་འགོད་བསྒྲགས་གཏམ་སྤེལ་བ་དང་། འགྲེམས་སྟོན་བྱེད་པ། གློག་བརྙན་སྟོན་པ། ཡུ་ཊུབ་སོགས་དྲྭ་རྒྱ་བརྒྱུད་དྲིལ་བསྒྲགས་ཚ་ཚ་འུར་འུར་ངང་སྤེལ་གྱིན་འདུག་པས་ང་ཚོས་ཀྱང་ཁ་གཏད་གཅོག་དགོས་པའི་དུས་ལ་བབ་འདུག ད་རེས་གཟའ་ཉི་མ་ནས་ཁེ་ཎ་ཌའི་གྲོང་ཁྱེར་མོན་ཊིརལ་ནང་རྒྱ་འདྲེས་དེ་ལྟའི་ཱགྲེམས་སྟོན་དང་དྲིལ་བསྒྲགས་ཤུགས་ཆེ་ཞིག་སྤེལ་འཆར་ཡོད་འདུག།
ཆོ༹གས་གཅོ༹་གསར་བ་དག་ལ་རྟེན་འབྲེལ་ཞུ།
ཡག་པོ་བྱུང་འདུག འགན་ཁུར་དང་དུ་བླངས་འདུག ཀིརྟི་ཚང་གིས་ཕྱག་དངུལ་གནང་བར་ཐུགས་རྗེ་ཆེ་ཞུ། དེང་སྐབས་དངུལ་མེད་ན་ཅི་ཡང་བྱེད་མི་ཐུབ།