རང་ལོ་ ༤༡ ལ་སོན་པའི་བོད་རིགས་བུད་མེད་སྐལ་བཟང་སྒྲོལ་མ་ལགས་ཐེངས་བཞི་བའི་ཡུ་རོབ་མཐུན་ཚོགས་ཀྱི་འོས་འདེམས་འགྲན་རྩོད་ཁྲོད་ཞུགས་རྒྱུའི་ཐག་གཅོད་བྱས་ཡོད་འདུག
གསར་ལམ་ཁག་ཏུ་གནས་ཚུལ་ཐོན་པ་ལྟར་ན། རང་ལོ་ ༤༡ ལ་སོན་ཞིང་། ཧྥ་རན་སི་གནས་སྡོད་བོད་རིགས་ཚོགས་པ་དང་། ཧྥ་རན་སི་ལྗང་ཁུ་ཚོགས་པའི་རྒྱབ་སྐྱོར་འོག་བོད་རིགས་བུད་མེད་སྐལ་བཟང་སྒྲོལ་མ་ལགས་ཧྥི་རན་སི་ལྷོ་ནུབ་ཁུལ་གྱི་འོས་གཞིའི་ནང་ཐོན་ཡོད་འདུག ཡུ་རོབ་ལྗང་ཁུ་ཚོགས་པ་ནི་ཡུ་རོབ་རྒྱལ་ཁབ་ཁག་གི་ཚོགས་མི་འདུས་པའི་སྲིད་དོན་ཚོགས་པ་ཞིག་ཡིན་པ་དང་། འདི་ནི་བོད་རིགས་ཤིག་ཡུ་རོབ་མཐུན་ཚོགས་ཀྱི་ཚོགས་མིའི་ཁྲོད་འོས་གཞིར་བསླེབས་པ་ཐོག་མ་དེ་ཡིན་འདུག
ངས་ལྗང་ཁུ་ཚོགས་པའི་འོས་གཞིའི་གོ་སྐབས་འདི་དང་དུ་བླངས་པའི་ཀུན་སློང་ནི་ང་བོད་མི་འཐབ་རྩོད་པ་ཞིག་ཡིན་པ་དང་ངས་བོད་མི་རིགས་ཀྱི་སྐུ་ཚབ་བྱ་ཐུབ་པས་ཡིན། དེའི་རྐྱེན་གྱིས་ང་འོས་གཞིའི་མིང་ཐོ་ནང་བསླེབས་པ་རེད། ཅེས་སྐལ་བཟང་སྒྲོལ་མ་ལགས་ནས་བརྗོད་ཡོད་འདུག
སྐལ་བཟང་སྒྲོལ་མ་ལགས་ནི་ཀ་ལོན་སྤུག་ཏུ་སྐྱེས་ཤིང་། ཨོ་རི་ས་དང་རྡོ་རྗེ་གླིང་སོགས་སུ་སློབ་སྦྱོང་བྱས་ཡོད་འདུག ལོ་ ༢ ལྷག་ལ་བལ་ཡུལ་དུ་ཡོད་པའི་བོད་ཀྱི་དོན་གཅོད་ཁང་དུ་ཕྱག་ལས་གནང་རྗེས་ ༡༩༩༡ ལོར་ཧྥ་རན་སིར་གནས་སྤོར་བྱས་ཡོད་འདུག ད་ལྟ་ཁོང་ཧྥ་རན་སིའི་མི་སེར་ཞིག་དང་གཉེན་སྒྲིག་བྱས་ཡོད་པ་དང་། བཀྲ་ཤིས་བདེ་ལེགས་ཚོགས་པ་ཞེས་པ་གསར་འཛུགས་གནང་མཁན་དང་དེའི་ཚོགས་གཙོའི་འགན་ཁྱེར་ཡོད་པ་རེད།
ལྷ་རྒྱལ་ལོ།བོད་ཀྱི་མཛངས་མ་ཁྱེད་ཀྱིས་ཐུགས་འདོད་མྱུར་དུ་འགྲུབ་པ་དང་ཁྱེད་ཀྱིས་རླུང་རྟ་རི་བོཧི་མ་ལ་ཡ་ལས་མཐོ་བར་ཤོག།
འཚམས་འདྲི་བཀྲ་ཤིས་བདེ་ལེགས་དང་འོས་ཤོག་ཐོབ་པའི་སྨོན་ལམ་འདེབས།
ཤ་རུས་གདོང་རྒྱུད་གཅིག་པའི་ཨ་ཅག་སྐལ་བཟང་སྒྲོལ་མ་ལགས་ལ་འཚམས་འདྲི་བཀྲ་ཤིས་བདེ་ལེགས་དང་འོས་ཤོག་ཐོབ་པའི་སྨོན་ལམ་འདེབས། སེམས་གཏིང་ནས་འདེབས། རེ་བ་ཆེན་པོ་དང་ཧམ་པ་སྦོམ་པོས་འདེབས།
ད་ཕྱོགས་ཡོངས་ན་བོད་པ་ཚང་གིས་མགོ་བཀྱག་ནས་ཡོང་གོ་གི། དགའ་བ་ལ་དང་སྐྱིད་པ་ལ། འདི་ཙམ་གཅིག་གཉིས་ཤིག་གིས་མི་ཆོག་གི། ལྔ་དང་བཅུ། ལྔ་བཅུ་དང་བརྒྱ་སོགས་མང་པོ་མང་པོ་དགོས་གི། ཡག་ཤོས་བྱུང་ན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁུངས་བོད་པ་རྐྱང་རྐྱང་གིས་འཛིན་དགོས་གི། མཉམ་དུ་འགྲོ། མཉམ་དུ་འགྲོ། ཚང་མ་མཉམ་དུ་འགྲོ། མི་རིགས་ཀྱི་བདེ་སྡུག་ཁོག་ལ་བཞག་ནས་ལག་རྡང་སྦྲེལ་ནས་མཉམ་དུ་འགྲོ་དང༌། དེ་རིང་གི་འདི་དང་འདྲ་བར་གཅིག་བསགས་གཉིས་བསགས་ཀྱིས་བརྒྱ་དང་སྟོང་ཚོ་ལོང་བར་ཐེ་ཚོམ་མེད་ཀི།
འོས་ཤོག་ཐོབ་ཁག་ནའང༌། དཔའ་མོ་ཞིག་དེ་འདྲའི་རླབས་ཆེ་བའི་ལས་གཞིར་འཐམ་པ་ནི་དགའ་འོས་པ་ཞིག་རེད། ཁོང་མོའི་འདོད་དོན་འགྲུབ་པར་སྨོན། ཁོང་མོར་རྒྱལ་ཁ་ཐོབ་པར་སྨོན།
བོད་མི་ཞིག་ཡུ་རོབ་གྲོས་ཚོགས་ཀྱི་འོས་མིའི་ཁོངས་སླེབས་པར་བཀྲིས་བདེ་ལེགས་ཡོད། འོས་གཞིའི་འགྲན་རྩོད་ལས་རྒྱལ་ཐུབ་པའི་སྨོན་ལམ་འདེབས།