འདི་གར་གནས་ཚུལ་འབྱོར་བ་ལྟར་ན། ཟླ་ ༤ ཚེས་ ༡༣ ཉིན་ཨ་མདོ་བླ་བྲང་དགོན་པའི་དགེ་འདུན་པ་ཙ་ཡུས་སྐལ་བཟང་རྒྱ་མཚོ་བླ་བྲང་ནས་ཀན་ལྷོར་འགྲོ་བའི་ལམ་བར་གྱི་སྤྱི་སྤྱོད་རླངས་འཁོར་ནས་རྒྱ་གཞུང་གི་ཉེན་རྟོག་པས་འཛིན་བཟུང་བཙན་ཁྲིད་བྱས་ཡོད་འདུག
ཙ་ཡུས་སྐལ་བཟང་རྒྱ་མཚོ་ནི། སྔར་ལོའི་ཟླ་ ༤ ཚེས་ ༩ ཉིན་རྒྱལ་སྤྱིའི་གསར་འགོད་པ་ཁག་ཅིག་བླ་བྲང་དགོན་པར་རྟོག་ཞིབ་ཏུ་ཡོང་སྐབས། བླ་བྲང་དགོན་པའི་དགེ་འདུན་པ་ཁག་ཅིག་གིས་ལག་ཏུ་བོད་ཀྱི་རྒྱལ་དར་ཕྱར་བཞིན་གསར་འགོད་པ་དེ་དག་གི་སྔོན་ཏུ་བརྒྱུགས་ཏེ། ང་ཚོར་རང་དབང་དགོས། ང་ཚོར་འགྲོ་བ་མིའི་ཐོབ་ཐང་དགོས། ༧གོང་ས་མཆོག་བོད་དུ་ཕེབས་འཇུག་དགོས། ཞེས་ངོ་རྒོལ་སྐད་འབོད་བྱེད་མཁན་གྲས་ཡིན་འདུག ཐེངས་འདིར་ཙ་ཡུས་སྐལ་བཟང་རྒྱ་མཚོ་རྒྱ་ལག་ཏུ་ཚུད་དོན། སྔར་ལོའི་དོན་རྐྱེན་རྗེས་ཟླ་བ་མང་པོར་ཉེན་གཡོལ་བྲོས་བྱོལ་དུ་ཕྱིན་ཡོད་ཀྱང། ཉེ་ཆར་ཁོང་གི་གཉེན་ཉེ་གྲྭ་བ་རྒན་པ་ཞིག་ལ་སྙུང་གཞི་ལྕི་མོ་ཞིག་ཕོག་ཡོད་སྟབས། གསང་སྟབས་ཀྱིས་དེ་ལ་བལྟ་རུ་ཡོང་སྟེ་སྨན་བཅོས་གང་ལེགས་བྱས་ཀྱང་མ་ཕན་པར་སྐུ་གྲོངས་ཡོད། དེའི་རྗེས་སྐལ་བཟང་རྒྱ་མཚོས་ཅུང་བདེ་འཇགས་ཡིན་སྣང་ཤར་ཏེ་དགོན་པ་ནས་སྡོད་རྩིས་བྱས་ཡོད་ཀྱང། ཟླ་ ༤ ཚེས་ ༡༣ ཉིན་ ཁོང་བླ་བྲང་ནས་ཀན་ལྷོར་འགྲོ་བའི་ལམ་བར་གྱི་སྤྱི་སྤྱོད་རླངས་འཁོར་ནས་ཉེན་རྟོག་པས་འཛིན་བཟུང་བྱས་ཡོད་འདུག
ཁ་བའི་མེ་ཏོག་སྤུར་བའི་འཇིག་རྟེན་ན།།
སྦྲ་འདབས་རླུང་གིས་བསྐྱོད་པའི་མཚན་མོར་དེ།།
འུག་པས་ཟུག་རྔུ་འབྱིན་པའི་ནང་མོ་དེར།།
ཁྱོད་ཀྱི་ཡོད་ཚད་ཁ་བའི་ཆེད་དུ་ཕུལ།།
ཨ་མ་རྒྱ་མི་དམར་བོས་བཟུང་སོང་ཐལ།།
ཨ་ཕ་རྒྱ་འདྲེ་བརྐྱངས་ནས་བསད་སོང་ཐལ།།
ཕ་མེད་མ་མེད་དྭ་ཕྲུག་ལུས་སོང་ཐལ།།
ཨ་ཞང་ཨ་ནེ་ལས་དབང་ཁྲིམས་ལ་སྦྱར།།
དུས་བབ་ཚང་གི་ལས་ཀ་འདི་ལྟར་གནང་བ་དེར་སེམས་གཏིང་ནས་བཀའ་དྲིན་ཆེ་ཞུ་བ་ཡིན། འདི་ནི་རབ་བྱུང་ན་སུམ་དུས་གསུང་འཕྲིན་ཟེར་ནས་དེབ་ཆུང་ཞིག་དཔར་བསྐྲུན་བྱེད་ཐུབ་པ་ཡིན་ན་ནི་དངོས་ནས་བོད་ཀྱི་ཕྱི་རབས་པ་དང་བོད་ཀྱི་སོན་རྩ་ཁག་ལ་བཀྲམ་ཐུབ་པ་ཡིན་ན་ནི་དངོས་ནས་དགེ་མཚན་ཆེན་པོ་ཡོད་ཀི་འདོད། ཡིན་ཡང་། འདི་ནི་ང་རང་སྒེར་ཞིག་གི་བསམ་ཚུལ་ཡིན་པས་ཁྱེད་ཅག་གིས་སྟབས་འགྲིག་མིན་ཐད་དུ་ཡང་བསམ་བློ་རེ་གཏོང་དགོས་ངེས་ཡིན།
ད་དུང་ཁོང་གི་རོགས་པ་ལ་ལས་འགུལ་བ་མི་སྣ་གཙོ་གྲས་འཇིགས་མེད་དང་། སངས་རྒྱས། ༼མཚང་མིང༽ཨ་ཁུ་ལྷ། བརྩོན་འགྲུས། སྐལ་བཟང་རྒྱ་མཚོ། སྐལ་བཟང་སྤྱིན་པ་སོགས་ཡོད་པ་མུ་མཐུད་ཉེན་ཡོལ་བྲོས་བྱོལ་བྱས་ནས་གར་སོང་ཆ་མེད་ཡིན་པ་དང་
ཚང་མས་རྣ་བ་གཏོད་དང་ཁོང་ཚོ་ཉིན་ཤས་ནས་བྲོས་བྱོལ་སྐྱབས་བཅོལ་ལ་འབྱོར་འདུག་ཅེས་ཡང་གོ་སྲིད།
བཙན་པོའི་སྙིང་སྟོབས་ཁ་བའི་ལྗོངས་སུ་ཐིམ།།
རིགས་ཞེན་དཔའ་བོ་རི་སྤྱང་སྔོན་མོས་བཟུང༌།།
ཁྱེད་དང་ང་ཞེས་བདུད་ཀྱི་ཆོ་འཕྲུལ་འདི།།
མི་རབས་གསར་པོའི་ང་ཚོར་ཇི་ལྟར་མཁོ།།
འདི་དག་སུ་ཡིས་བསྐུལ་བར་མ་གྱུར་ཀྱང༌།།
ལོ་མང་བསགས་པོའི་ན་ཟུག་ཁོང་ནས་བརྡོལ།།
འདི་ཀོ་རྒྱལ་བའི་བཀའ་ཡིས་གྲིབ་བསིལ་འོག།
སྐྱིད་པའི་གཉིད་དུ་ཡུར་འདི་སུ་ཡིས་ནོངས།།