ལོ་བརྒྱད་རིང་བཙོན་འཇུག་ཁྲིམས་ཆད་ཕོག་པའི་ཨ་རིའི་གསར་འགོད་པ་ཞིག་གློད་གྲོལ།
ཟླ་སྔོན་མའི་ཕྱི་ཚེས་ ༡༨ ཉིན་ལོ་བརྒྱད་རིང་བཙོན་འཇུག་ཁྲིམས་ཐག་བཅད་པའི་ཨ་རིའི་གསར་འགོད་ Roxana Saberi ཞེས་པ་ཟླ་འདིའི་ཕྱི་ཚེས་ ༡༢ ཉིན་གློད་གྲོལ་ཐོབ་ཡོད་འདུག
ཁོ་མོའི་ཁྲིམས་རྩོད་པས་བརྗོད་པ་ལྟར་ན། Roxana Saberi ཁོ་མོར་ཨེ་རན་གཞུང་གིས་བཙུགས་པའི་གསང་ཉུལ་བའི་ཉེས་མིང་དེ་ཁུངས་མེད་ཉེས་འཛུགས་བྱས་པ་ཞིག་ཡིན་སྟབས། ཨ་རིའི་གཞུང་གིས་ཡང་ཡང་ཨེ་རན་གཞུང་ལ་ཁོ་མོར་ཁུངས་མེད་ཉེས་འཛུགས་ཕྱིར་འཐེན་གྱིས། མྱུར་ཏུ་གློད་གྲོལ་གཏོང་དགོས་སྐོར་ནན་བརྗོད་བྱས་པ་མ་ཟད། ཡོ་རོབ་རྒྱལ་ཁབ་ཁག་ཅིག་དང་འགྲོ་བ་མིའི་ཐོབ་ཐང་སྡེ་ཚན་ཁག་བཅས་ཀྱིས་ཀྱང་ཁོ་མོ་གློད་གྲོལ་གཏོང་དགོས་པའི་འབོད་སྐུལ་ཞུས་པ་ལྟར་གོང་ཚེས་ཉིན་གློད་གྲོལ་བཏང་བ་ཡིན་སྐོར་བརྗོད་ཡོད། Roxana Saberi ཁོ་མོ་ལོ་དྲུག་གི་གོང་ནས་ཨེ་རན་དུ་ཡོང་ནས་ཨེ་རན་རྒྱལ་ཡོངས་མི་མང་རླུང་འཕྲིན་དང་། BBC བརྙན་འཕྲིན་བཅས་ཀྱི་གསར་འགོད་པའི་ལས་དོན་གཉེར་མྱོང་། ཁོ་མོའི་ཨ་ཕ་ནི་ཨེ་རན་མི་སེར་ཡིན་པ་དང་ཨ་མ་ཨ་རིའི་མི་སེར་ཡིན་འདུག ཁོ་མོ་གློད་གྲོལ་བཏང་རྗེས་གསར་ལམ་ཁག་ཏུ་བརྗོད་པ་ལྟར་ན། ཁོ་མོར་ད་ལྟའི་ཆར་མོ་རང་གི་ནང་མི་མཉམ་དུ་ངལ་གསོ་བྱས་སྡོད་རྒྱུ་ལས་གཞན་མུ་མཐུད་ལས་དོན་བསྒྲུབ་རྒྱུའི་ཐད་འཆར་གཞི་གང་ཡང་མེད་སྐོར་བརྗོད་ཡོད།
ཐུགས་རྗེ་ཆེ། ད་ངས་རྟོགས་སོང་།
ལོ་བརྒྱད་རིང་དང་ལོ་བརྒྱད་ཀྱི་ཞེས་བ་གཉིས་ལ་དོན་གྱི་ཆ་ནས་ཁྱད་པར་ཡོད།
ལོ་བརྒྱད་རིང་བཙོན་འཇུག་ཁྲིམས་ཆད་ཕོག་པའི་ཟེར་དུས། ཁྲིམས་ཆད་འཕོག་ཡུལ་གསར་འགོད་པ་དེར་ལོ་བརྒྱད་ཧྲིལ་བོར་བཙོན་འཇུག་ཁྲིམས་ཆད་ཕོག་ཚར་བ་སྟོན་གྱི་ཡོད།
ལོ་བརྒྱད་ཀྱི་བཙོན་འཇུག་ཁྲིམས་ཆད་ཕོག་པའི་ཟེར་དུས། ཁྲིམས་ཆད་འཕོག་ཡུལ་གསར་འགོད་པ་དེར་ལོ་བརྒྱད་ཀྱི་བཙོན་འཇུག་ཁྲིམས་ཆད་ཕོག་འགྱུར་གྱི་སྐད་ཆ་བཤད་ཀྱི་ཡོད་། བརྗོད་པ་སྔ་མ་དེ་འདས་བ་དང་བརྗོད་པ་ཕྱི་མ་དེ་མ་འོངས་བའི་འདས་བ་རེད།
དེ་ནས། ལོ་བརྒྱད་རིང་གི་བཙོན་འཇུག་ཁྲིམས་ཐག་བཅད་ཟེར་བ་དང་ལོ་བརྒྱད་ཀྱི་བཙོན་འཇུག་ཁྲིམས་ཐག་བཅད་ཟེར་བ་འདི་གཉིས་ལ་ཡང་གོང་མཚུངས་བཞིན་ཁྱད་པར་ཡོད་།
བཅད་པ་དང་བཅད་འགྱུར་གྱི་ཁྱད་པར་ཡོད། གོང་གི་བརྗོད་པའི་ཁོངས་སུ། ཕོག་འགྱུར་ཟེར་བ་དང་བཅད་འགྱུར་ཟེར་བ་དེ་གཉིས་ནམ་རྒྱུན་གྱི་འཕོག་འགྱུར་དང་གཅོད་འགྱུར་གཉིས་ཀྱི་གོ་དོན་དང་གཅིག་མཚུངས་མིན། དེར་བརྟེན། ལོ་བརྒྱད་རིང་གི་ཟེར་བ་ལས་ལོ་བརྒྱད་ཀྱི་ལབ་ན་དོན་ལ་གནས་སྙམ།
དེ་ཙམ་ཞུ།
གྲོགས་པོ་རིག་འབྱུང་བ། ཉིད་ཀྱིས་ལོ་བརྒྱད་རིང་དང་ལོ་བརྒྱད་ལ། ལོ་བརྒྱད་ཀྱི་ཞེས་པ་གསུམ་ལ་ཁྱད་པར་ཡོད་ཀི་ཟེར་བ་ཡིན་ནམ། ལོ་བརྒྱད་རིང་གི་བཙོན་འཇུག་ཁྲིམས་ཐག་བཅད་ཅེས་དང་། ལོ་བརྒྱད་ཀྱི་བཙོན་འཇུག་ཁྲིམས་ཐག་བཅད། ཅེས་པ་གཉིས་ཀྱིས་དོན་གཅིག་པ་ཞིག་སྟོན་གྱི་འདུག་སྙམ། ཡིན་ནའང་། ལོ་བརྒྱད་ལ་ཞེས་པས་གོང་མཚུངས་ལྟར་གྱི་དོན་ཞིག་སྟོན་གི་མེད་པ་འདྲ། དེ་འདྲ་རེད་དམ འདིའི་བར་དུ་ང་ཡང་མགོ་ཅུང་ཙམ་རྨོངས་སོང་།
གོང་མ་གཉིས་ཀྱིས་འབྱུང་འགྱུར་གྱི་འཚོ་བའི་ཁྲོད་ནས་ཁོ་མོར་ལོ་བརྒྱད་རིང་གི་བཙོན་འཇུག་ཁྲིམས་ཐག་བཅད་ཟིན་པ་སྟོན་གྱི་ཡོད་པ་དང་། འོག་མ་དེས་ལོ་བརྒྱད་ལ་བཙོན་འཇུག་ཁྲིམས་ཐག་བཅད་ཟིན་པ་ཞིག་སྟོན་དགོས་ཀྱི་ཡོད་པ་འདྲ། ཕལ་ཆེར་ཉིད་ཀྱི་དགོངས་པ་འདི་ཡིན་པ་འདྲ། གང་ལྟར་ངས་མ་ཤེས་པར་དྲིས་ནི་ཡིན། ཉིད་ཀྱིས་གསུངས་དང་དེ་འདྲ་རེད་དམ།
བཀུར་འོས་གསར་འགོད་པ་ལགས།
ངེད་ཀྱིས་མཛུབ་སྣོན་བྱས་ཏེ་གནས་ཚུལ་རྙེད་པ་ཡིན་ཙང་། ཁྱེད་ལ་དོགས་སློང་ཕུལ་བ་ཡིན།
དེ་ནས། ངེད་ཀྱིས་བརྗོད་པ་གོང་འོག་གསུམ་ཕུལ་ཏེ་ཁྱེད་ལ་ཁྱད་པར་ཡོད་མེད་བལྟ་རོགས་ལབ་ཡོད།
འོན་ཀྱང་། ཁྱེད་ཀྱིས་ཁྱད་པར་ལ་བལྟས་མི་འདུག ལོ་བརྒྱད་རིང་དང་ལོ་བརྒྱད་ཀྱི་ཞེས་པ་འདི་གཉིས་ཀྱི་བར་ན་ཁྱད་པར་མཐོང་གི་མི་འདུག་གམ།
བསྐྱར་དུ་དཔྱོད། རིག་པ་བརྡར་ནས་དཔྱོད། མུ་མཐུད་དུ་དཔྱོད།
དེ་ཙམ་ཡིན།
ཉིན་འདི་ཚོར་ཁོ་མོའི་སྐོར་གྱི་གསར་འགྱུར་མང་བོ་ཞིག་འདུག་པས་གལ་སྲིད་སྐུ་ཉིད་ google.com དྲ་ཚིགས་སུ་ཕེབས་ཏེ། search ཞེས་པར་ཁོ་མོའི་མིང་ Roxana Saberi ཞེས་པ་གཏགས་ཏེ་ enter སྟེང་དུ་མཛུམ་གནོན་ཐེངས་ཤིག་བྱས་ན། ཁོ་མོའི་སྐོར་གྱི་གནས་ཚུལ་མང་དག་ཅིག་ཁྱེད་ཀྱི་མིག་མདུན་དུ་སྤུངས་ངེས་ཡིན།
གྲོགས་པོ་རིག་འབྱུང་བ། ཉིད་ཀྱིས་གསུངས་པ་ལྟར་གསར་འགོད་པ་ Roxana Saberi ལགས་ད་བར་ཟླ་བཞི་ལྷག་རིང་བཙོན་དུ་བཞུགས་དགོས་བྱུང་བ་དང་། ཟླ་སྔོན་མ་སྟེ་ཕྱི་ཟླ་ ༤ ཚེས་ ༡༨ ཉིན་ཁོ་མོར་ལོ་བརྒྱད་རིང་བཙོན་འཇུག་ཁྲིམས་ཐག་བཅད་ཡོད་ནའང་། ཟླ་འདི་སྟེ། ཕྱི་ཟླ་ ༥ ཚེས་ ༡༢ ཉིན་ཁོ་མོའི་ལོ་བརྒྱད་རིང་གི་བཙོན་འཇུག་ཁྲིམས་ཆད་དེ་ཕྱིར་འཐེན་གྱིས་གློད་གྲོལ་བཏང་བ་ཞིག་རེད།
གོང་དུ་ཁོ་མོ་གློད་གྲོལ་ཐོབ་པའི་རྒྱུ་མཚན་བཀོད་ཡོད་པས་འདིར་བསྐྱར་འགྲེལ་མ་དགོས་པ་ལགས་ཤིང་། གལ་སྲིད་ད་དུང་སྐུ་ཉིད་ཀྱིས་འདིའི་བར་དུ་ཁྱད་པར་གཞན་ཞིག་མཐོང་གི་འདུག་ན་གསུངས་རྐྱང་གནོངས་དང་། དང་ལེན་བྱ་ངེས་ལེགས། ཡིན་ནའང་། སྐུ་ཉིད་ཀྱིས་ཟླ་སྔོན་མ་དང་ཕྱི་མ་གཉིས་ནོར་བ་མིན་ནམ་བསམ་བསམ་ཞིག་འདུག་ལ། དེ་བཞིན་ཁྲིམས་ཐག་བཅད་ཟིན་པའི་ཁོ་མོ་གློ་བུར་དུ་བཙོན་གྲོལ་ཐོབ་པར་གོང་གི་རྒྱུ་མཚན་དེ་ཡང་དག་ཅིག་ཏུ་མ་དགོངས་པས་ཀྱང་ཡིན་སྲིད། གང་ལྟར་ཁ་བསང་ན་གོ་བདེ། ལམ་བསང་ན་འགྲོ་བདེ་ཞེས་པ་ལྟར་ཡིན་པས་དེ་དགོངས་འཇགས་ཡོང་བ་ཞུ་ཞུ།
ནོར་བཅོས། མཚན་གུང་།
ལན་དུས་ཐོག་ལ་གནང་བར་བཀའ་དྲིན་ཆེ།
ངེད་ཀྱིས་བསྐྱར་དུ་དོགས་སློང་ཆུང་ཆུང་བྱེད་ཀྱི་ཡིན།
ཟླ་སྔོན་མའི་ཕྱི་ཚེས་༡༨ཉིན་ལོ་བརྒྱད་རིང་བཙོན་འཇུག་ཁྲིམས་ཐག་བཅད་པའི་ཨ་རིའི་གསར་འགོད་པ་ Roxana Saberi ལགས་ཟླ་འདིའི་ཕྱི་ཚེས་༡༢ཉིན་གློད་གྲོལ་ཐོབ་འདུག
ཟླ་སྔོན་མའི་ཕྱི་ཚེས་༡༨ཉིན་ལོ་བརྒྱད་ལ་བཙོན་འཇུག་ཁྲིམས་ཐག་བཅད་པའི་ཨ་རིའི་གསར་འགོད་པ་ Roxana Saberi ལགས་ཟླ་འདིའི་ཕྱི་ཚེས་༡༢ཉིན་གློད་གྲོལ་ཐོབ་འདུག
ཟླ་སྔོན་མའི་ཕྱི་ཚེས་༡༨ཉིན་ལོ་བརྒྱད་ཀྱི་བཙོན་འཇུག་ཁྲིམས་ཐག་བཅད་པའི་ཨ་རིའི་གསར་འགོད་པ་ Roxana Saberi ལགས་ཟླ་འདིའི་ཕྱི་ཚེས་༡༢ཉིན་གློད་གྲོལ་ཐོབ་འདུག
ཁྱེད་ཀྱིས་གོང་གི་བརྗོད་པ་འདི་གསུམ་གྱི་དབར་ན་ཁྱད་པར་ཞིག་མཐོང་གི་འདུག་གམ། ངེད་ཀྱིས་ཁྱད་པར་ཞིག་མཐོང་།
ཞོར་འཕྲོས།
ཐེངས་འདིའི་ཁོ་མོའི་གློད་གྲོལ་ནི་བཙོན་འཇུག་ཟླ་བ་བཞི་ཙམ་ཟིན་པའི་རྗེས་སུ་བྱུང་བ་རེད།
གསར་འགྱུར་འདི་མདང་དགོང་མཚན་གོང་ཞིག་ལ་དྲ་ཐོག་ཏུ་སླེབས་སོང་། དེར་བརྟེན། གསར་འགོད་པའི་ལྷག་བསམ་ལ་རྗེས་སུ་ཡི་རངས་ཞུ།
གྲོགས་པོ་རིག་འབྱུང་བ་ལགས། ཟླ་སྔོན་མའི་ཕྱི་ཚེས་ ༡༨ ཉིན་ཁོ་མོར་ཉེས་མེད་ཉེས་འཛུགས་ཀྱིས་ལོ་བརྒྱད་རིང་གི་ཁྲིམས་ཐག་བཅད་པ་རེད། ཡིན་ནའང་། ཨ་རིའི་གཞུང་དང་ཡོ་རོབ་རྒྱལ་ཁབ་ཁག འགྲོ་བ་མིའི་ཐོབ་ཐང་ཚོགས་སྡེ་ཁག་བཅས་ཀྱིས་འདས་པའི་ཟླ་གཅིག་རིང་ཁོ་མོར་ཉེས་མེད་ཉེས་འཛུགས་བྱས་པའི་སྐོར་ལ་སྐྱོན་བརྗོད་དང་། ལྷག་པར་དུ་ཨ་རིའི་གཞུང་གིས་ཁོ་མོ་ཨ་རིའི་གསང་ཉུལ་བ་མིན་པའི་ཁུངས་སྐྱེལ་ར་སྤྲོད་བྱས་པ་བརྒྱུད། ལོ་བརྒྱད་རིང་གི་བཙོན་འཇུག་ཁྲིམས་ཐག་བཅད་ཀྱང་། གློད་གྲོལ་གཏོང་དགོས་བྱུང་བ་ཞིག་རེད་འདུག
བཀུར་འོས་གསར་འགོད་པ་ལགས།
གློད་གྲོལ་ཐོབ་པའི་ཉིན་མོ་དེ་ཟླ་འདིའི་ཕྱི་ཚེས་༡༢ཉིན་ཡིན་ན། ཟླ་སྔོན་མའི་ཕྱི་ཚེས་༡༨ཉིན་་ཅི་ཞིག་བྱུང་བ་རེད།
འདིའི་བར་ནས་གནས་ཚུལ་ཆུང་ངུ་ཞིག་ཆད་པ་འམ་ཡང་ན་ཟླ་ཚེས་གཉིས་ཅུང་ཙམ་ནོར་བ་ཡིན་ནམ།
གང་ལྟར། བརྗོད་པ་ཐུང་ངུ་འདིའི་དོན་དག་ཏག་ཏག་ཞིག་བསྡད་མེད་པ་འདྲ།