བསམ་གླིང་ཚེ་རིང་ལྷ་མོ། མ་སུ་རི་བོད་དགེ།
རྒྱ་ནག་དམར་པོའི་གདུག་རྩུབ་ལས་ཐར་ཏེ་བོད་རྒྱལ་ཁབ་ཀྱི་ལས་དབང་ལ་དཔུང་པ་མཉམ་གཤིབ་དང་ཁུར་མཉམ་ལེན་བྱེད་མཁན་བོད་ཀྱི་ཆབ་སྲིད་བཙོན་ཟུར་དང་ཆབ་སྲིད་འབྲེལ་ཡོད་རྣམས་ལ་རང་གཞུང་གིས་སློབ་སྦྱོང་གི་གོ་སྐབས་གནང་བའི་རྗེས། དགུ་བཅུ་གསུམ་ཚོགས་པས་བདག་སྐྱོང་དང་མ་འོངས་པའི་མདུན་ལམ། ད་ལྟའི་འཚོ་ཐབས་བཅས་ལ་དགོངས་བཞེས་བཅས་ལས་སློབ་སྦྱོང་བྱ་སའི་ཁོར་ཡུག་སྐྲུན་པ་དང་ད་དུང་བོད་མི་རྒྱལ་གཅེས་པ་ཚོས་བོད་ནང་དཀའ་སྡུག་ཇི་ལྟར་མྱངས་པའི་སྐོར་གཏམ་བརྗོད་ལམ་ནས་འཁྲབ་སྟོན་བྱས་ཏེ་རྒྱ་ཆེའི་གཟིགས་མོ་བ་མང་པོའི་དགའ་བསུ་ཐོབ་ཡོད། འོན་ཀྱང་། འདི་ལོ་ནུབ་ཕྱོགས་རྒྱལ་ཁབ་ཁག་ཅིག་ལ་འཁྲབ་སྟོན་བྱེད་པར་བསྐྱོད་རྗེས་ཁག་ཅིག་ཕྱིར་ལོག་མ་བྱས་པར་ཡུ་རོབ་རྒྱལ་ཁབ་ཁ་ཤས་ནང་སྐྱབས་བཅོལ་དུ་བསྡད་པའི་གནས་ཚུལ་དེ་དག་ཐོན་སྐབས་མི་མང་པོ་ཞིག་གིས་ཁོང་ཚོའི་སྐོར་ལ་ལབ་གླེང་བྱེད་མགོ་ཚུགས་ཤིང་། ཐ་ན་དགུ་བཅུ་གསུམ་ཚོགས་གཙོར་བཅར་འདྲིར་བསྐྱོད་པ་དང་ཡང་རླུང་འཕྲིན་ནང་རྒྱང་བསྲིངས་བྱས་པ། ཐ་ན་ཁོང་ཚོའི་འདྲ་པར་ཡང་དྲ་རྒྱའི་ཐོག་ལ་བཀོད་ནས་དཀའ་ངལ་སྤྲོད་ཐབས་བྱས་པ། བྲོས་ཡུལ་རྒྱལ་ཁབ་ཁག་ནང་གནས་བཟོད་མི་བདེ་བ་བཟོ་བ་སོགས་དགྲ་བོ་ལྟ་བུའི་སྡང་ཟུག་བྱེད་ཀྱི་ཡོད་པ་རེད། དེ་ནི་ང་ཚོས་རྒྱལ་གཅེས་དཔའ་བོ་ཚོར་བཅངས་པའི་གུས་བཀུར་དང་རྒྱུད་བདག་ཅིག་ཡིན་ནམ། མ་གཞི་ཁོང་ཚོ་ཚོགས་པའི་སྒྲིག་གཞི་དང་འགལ་ནས་བྲོས་བྱོལ་དུ་ཕྱིན་ཡོད་ཀྱང་ཁོང་ཚོ་ཚང་མ་ཕྱིར་རྒྱ་གར་དུ་ལོག་ཀྱང་རང་ཉིད་གནས་བཅའ་སའི་གཞིས་ཆགས་མེད་ལ། རང་གི་འཚོ་གོས་ལ་འདང་རྒྱག་མེད་པའི་ལས་ཀ་མེད། རང་གི་ཕ་མ་སྤུན་མཆེད་དང་བཟའ་ཟླ་བུ་ཕྲུག་གསོ་བ་དང་དེ་ཚོར་ཕན་ཐོགས་བྱེད་ཐུབ་ཐབས་མེད་ཁར། ད་བར་ཨོ་སི་ཊོ་ལི་ཡར་བསྐྱོད་རྒྱུའི་རྒྱན་ཁོངས་སུ་ཐེངས་ལྔ་དྲུག་ལ་ཞུགས་ཀྱང་རྒྱན་ཁོངས་མི་ཐོན་པ་ཤ་སྟག་ཡིན་སྟབས་ད་ཐེངས་དེ་འདྲ་ཞིག་མི་བྱེད་ཐབས་མེད་དུ་གྱུར་བ་ཡིན་ངེས། ད་ཆ་ཁོང་ཚོ་ཕྱི་རྒྱལ་དུ་སྡོད་པའི་གོ་སྐབས་ཀྱང་མེད་པའི་ཚོད་དུ་སླེབས་སུ་འཇུག་གིན་པ་ནི་ཡིད་སྐྱོ་དགོས་པ་ཞིག་རེད། གང་ཡིན་ཞེ་ན་སྒྲིག་གཞི་དང་འགལ་ནས་ཕྱི་རྒྱལ་དུ་སྡོད་མཁན་ཤིན་ཏུ་མང་པོ་བྱུང་ཡོད་པས་ཡིན། རང་གཞུང་ཤེས་ལྷན་ནས་སློབ་སྦྱོང་གི་ས་མིག་ཐོག་ཕྱི་རྒྱལ་དུ་སློབ་སྦྱོང་བྱེད་དུ་བཏང་བ་ནས་ཕྱིར་ལོག་མི་བྱེད་པར་སྡོད་མཁན་དེ་ལྟར་མང་པོ་བྱུང་ཡོད། ཁོང་ཚོ་མང་ཆེ་བ་ནི་རིག་སྟོབས་ལེགས་པའི་ཤེས་ཡོན་པ་དང་སློབ་མ་ཕུད་པའི་མང་ཆེ་བར་ལས་གནས་གཏན་འཇགས་ཡོད་པས་ཕྱིར་རྒྱ་གར་དུ་ལོག་ཀྱང་ལས་གནས་ཐོག་སེམས་ཁྲལ་བྱེད་དགོས་ཀྱི་མེད། འོན་ཀྱང་སྒྲིག་གཞི་དང་འགལ་ནས་ཕྱི་རྒྱལ་དུ་བསྡད་ཀྱང་སློབ་ཡོན་ཕྱིར་སློག་མཁན་མེད། ཡང་སྒོས་ཁོང་ཚོའི་སྐོར་རླུང་འཕྲིན་ནང་བྲོས་བྱོལ་བའི་མིང་འདོགས་མཁན་མེད་ལ་དྲ་རྒྱའི་ཐོག་འདྲ་པར་འགོད་མཁན་ཡང་མེད། ཤེས་ལྷན་དང་འབྲེལ་ཡོད་ཚན་པར་བཅར་འདྲི་བྱེད་མཁན་མེད་ལ། ལུགས་མཐུན་མ་ཡིན་པར་ཕྱིར་སྡོད་བྱ་ཡུལ་གྱི་རྒྱལ་ཁབ་ནང་ཁོང་ཚོར་ཚ་འདེད་བྱེད་མཁན་དེ་བས་མེད། ཁོང་ཚོས་མང་པོ་ཞིག་གིས་བོད་གཞུང་ལ་ཞབས་ཞུ་སྒྲུབ་རྒྱུ་ཁ་ལ་ཁྱེར་ནས་དོན་དངོས་ཐོག་རང་ཉིད་ཀྱིས་མི་གཞན་གྱི་རྐུབ་སྟེགས་བེད་སྤྱད་དེ་ཕྱི་རྒྱལ་དུ་རང་གི་འགྲོ་སོང་གཏོང་མི་དགོས་པར་གནས་སྡོད་བྱས་ཡོད།
བོད་མི་ཆིག་སྟོང་ཨ་རིར་གནས་སྤོས་གྲས་སུ་བོད་གཞུང་ལ་གྲོན་དངུལ་སྐྱིན་འཚབ་སྤྲོད་མཁན་མ་བྱུང་ཡང་དེ་ལྟ་བུ་ངན་ཁག་དཀྲི་མཁན་གང་ཡང་བྱུང་མེད། ཡ་ང་བའི་བཙོན་ཟུར་བ་རྣམས་ནི་དེ་ལས་ལྡོག་སྟེ་བསྡད་ན་སྡོད་ཐུབ་ཐབས་བྲལ་བའི་གནས་སྟངས་འདི་ནི་རླུང་རྟ་ཆག་ན་ཁྱི་ལས་ཞི་མི་སྡང་ཞེས་པ་དེ་རང་རེད།
བཀུར་འོས་སུད་སི་བོད་རིགས་ཚོགས་པའི་ལས་བྱེད་རྣམ་པ་ལགས་ལག་གང་སྔ་བྱོས་་་་
སུད་སི་གཞུང་ལ་སྙན་སེང་ཞུས་་་་་ཉེན་རྟོག་པར་འབྲེལ་གཏུགས་བྱོས་་་་་་་་བོད་ཀྱི་ཆབ་སྲིད་བཙོན་ཟུར་རྣམས་ཁྲིམས་ལ་སྦྱོར་་་་་
ཁྱོད་ཚོ་དངོས་འཇོན་པོ་རེད་རྗེས་སུ་ཡི་རངས་ཡོད།
སྤྱིར་རྒྱུ་མཚན་ལྡན་པའི་སྐད་ཆ་ཞིག་རེད་འདུག། འོན་ཀྱང་དགུ་བཅུ་གསུམ་ཞེས་པ་ཚོགས་པ་ཞིག་ཡིན་དུས་ཚོགས་པ་དེ་དང་དེ་ལ་སྒྲིག་ཁྲིམས་ཞིག་དང་། སྒྲིག་ཁྲིམས་དེ་དང་དེ་ལ་སྲུང་བརྩི་དང་ལེན་མེད་ན་ཚོགས་པ་ཞིག་རྒྱུའི་ཉེན་ཁ་ཡང་ཡོད།
གསར་འགོད་པ་གསར་འབྱོར་ཕྱོགས་ནས་ལངས་ན་ཡག་པོ་མ་རེད། དྲ་གྲོགས་རྣམས་ཀྱིས་ཀྱང་སྐད་ཆ་དབུ་འཚོས་པོས་བགྲོ་གླེད་གནང་ན་བསམ། ཁྲིམས་འགལ་གྱི་ཕྱིར་སྡོད་བྱེད་པ་ལ་རིགས་མང་པོ་ཡོད་པ་རེད། ད་ཐེངས་ཀྱི་བྱེད་ཐབས་འདིས་བོད་སྤྱིའི་རྩ་དོན་ལ་གནོད་སྐྱེལ་ཡོད་པ་རེད།
ད་སྔོན་ཆད་ནང་བཞིན་སྟག་སྣ་འཇིགས་མེད་བཟང་པོ་དང་། ཨ་ནེ་གཉིས་ལ་སོགས་པ་ནང་བཞིན་སུད་སི་མི་དམངས་ནས་རོགས་རམ་བྱེད་ཁག་པོ་རེད་བསམ།
འདི་ནི་སྐད་ཆ་བཤད་སྟངས་རྒྱུ་མཚན་ལྡན་པ་ཞིག་མ་རེད་ཟེར་ནས་སུས་ཀྱང་བཤད་ཐུབ་མེད་ཀྱང་། སྐད་ཆ་འདི་ལ་རྒྱབ་སྐྱོར་བྱས་དེ་དོན་དངོས་སྒྲུབ་མཁན་ནི་ཧ་ཅང་དཀོན་པོ་ཡིན།
དངོས་གནས་བསམ་བློ་ཕྱོགས་ཡོངས་ལ་བཏང་འདུག མ་ཟད་འགན་ཁུར་ཅན་གྱི་སྐད་ཆ་ཞིག་ཀྱང་རེད། ཨ་ཅག་ཚེ་རིང་ལྷ་མོ་ལགས་སུ་ཐུགས་རྗེ་ཆེ་ཞུ་རྒྱུ་ཡིན། འོན་ཀྱང་ཆབ་སྲིད་བཙོན་ཟུར་དང་འབྲེལ་ཆགས་ཚང་མའི་ནང་ལ་རྫུན་མ་མང་བོ་ཡོད་རབས་ཐོས་མྱོང་ལ་དེ་འདྲའི་ལམ་ཁ་འདི་ཡག་པོ་རྩ་བ་ནས་མི་འདུག ཕྱི་རྗེས་ཡོད་མེད་གཉིས་ལ་ལམ་ཁ་འདི་སྤྲད་པ་ཡིན་ན་དམིགས་བསམ་ཞིག་ཆགས་ཀྱི་མ་རེད་སྙམ། རྗེས་ཕྱོགས་འབྲེལ་ཡོད་ནས་འདིའི་སྟེང་ལ་གཟབ་གཟབ་དང་ཞིབ་འཇུག་ངེས་པར་བྱེད་དགོས། ཡིན་ཡང་ཆེས་ཐབས་སྡུག་ས་ཞིག་ནས་བསམ་བློ་བཏང་ན་དེ་ལའང་གནད་འགག་ཆེར་མེད། གང་ཡིན་ཟེར་ན་ཆབ་སྲིད་བཙོན་ཟུར་དང་འབྲེལ་ཆགས་ཡིན་མིན་ལ་མ་ལྟོར་པར་མི་དེ་ཡང་བོད་པ་སྐྱབས་བཅོལ་བ་ཞིག་ཡིན་ངེས་རེད།
རྒྱུ་མཚན་འདུག འོན་ཀྱང་་་་་་་་་་་་་་་་་་་་་་་་་་་་་་།
བྲོས་བྱོལ་བ་རྣམས་ལ་འགལ་རྐྱེན་ཆེ་བ་རེ་མ་འཕྲད་པར་སྨོན།