བློ་བཟང་ལུང་རྟོགས་ལགས་ལ་སྐད་ཆ་གནད་ཆེན་གསུང་རྒྱུ་འདུག རང་ཚུགས་ཐུབ་པ་དང་གཞན་དྲིངས་མི་འཇོག་པའི་ལྟ་བ་ལ་ཡིད་ཆེས་བརྟན་པོ་ཟིག་ཡོད་པ་འདྲ་བས་ང་ཚོ་ལ་མི་དེ་ལྟ་བུ་མཁོ། ཚང་མ་ལ་བདེན་ཁ་སྟེར་རྐྱང་བྱེད་མཁན་ཚོར་ང་མི་མགུ། ངའི་རེ་བ་ཁྱེད་རང་ཉིད་ཀྱིས་འདིར་ཟིན་བྲིས་ཤིག་བཟོས་ཏེ་རྩོམ་ཡིག་སྤེལ་རོགས།

ཁ་དཔེར། བུ་ཕ་ལ་རིགས།།བུ་མོ་མར་རིགས།། ཟེར་བ་མིན་ནམ་ཁང་རྡོའི་བུའི་བྱ་སྤྱོད་ལ་བལྟས་ན་སྐུ་ཞབས་ཁང་གསར་རྡོ་རྗེ་ལགས་མི་ཇི་འདྲ་ཞིག་ཡིན་པ་ཤེས་ཐུབ་ཀྱང་དེ་ང་དང་འབྲེལ་བ་མེད་པའི་དཡུགས་ཞོག

ངས་བལྟས་ན་ཁང་གསར་རྡོ་རྗེའི་བྱེད་སྟངས་མགོ་ནས་མཇུག་བར་ནོར་འདུག བསམ་བློ་སྔོན་ལ་བཏང་ན་མཁས་པ་དང་། གྱོད་པ་རྗེས་ལ་སྐྱེས་ན་གླེན་པ་ཡིན། ཟེར་བ་ལྟར་རེད། ཁོ་རང་ཁེ་ན་ཊར་མ་ཐོན་སྔོན་ལ་སོ་སོས་བསམ་བློ་བཏང་། གྲོགས་པོ་དག་དང་མི་གཞན་ལ་བློ་དྲིས། ནང་མི་དང་གྲོས་བྱས་ནས་ཐག་གཅོད་དགོས་པ་ལ་དེ་ལྟར་མ་བྱས་པར་སྒོར་མོ་འབུམ་མང་པོ་སྤྲད། ཡུལ་སྤོས། ནང་མི་འཐེན། གཞིས་ཆགས། ལུང་པའི་མི་སེར་ཆགས། ལྟོ་གོས་འཕྱིས་ཤིང་ནང་མི་གཉེར་སྐྱོང་ཐུབ་པའི་ལས་ཀ་བརྙེས་རྗེས་ཡང་རིགས་ཞེན་ཡོད་ཁུལ་གྱིས་ནང་མི་རྣམས་སླར་ཡང་རྒྱ་གར་ལ་ཁྲིད་པ་ནི་སེམས་འཕྱོ་བའི་རྟགས་ཡང་དག་ཅིག་བསྟན་འདུག ད་དུང་ཁོས་ཕྲུ་གུ་རྣམས་བོད་སྐད་སླར་གསོ་ཡོང་ཆེད་རྡོར་གླིང་དུ་སྤོས་པ་ནི་གད་མོ་འགོག་མི་ཐུབ་་པ་ཞིག་ཤོར་སོངྲ། ཡབ་གཞིས་ཀྱི་རང་འཚོའི་བཟོ་གྲྭ་ཕར་ཕུད་པའི་ཀ་རྡོར་སྒང་གསུམ་གྱི་བོད་ཕྲུག་ཚོའི་བོད་སྐད་ནི་ར་མ་ལུག་ཡིན་པ་རྒྱ་གྲགས་བོད་གྲགས་རེད། ངས་ནམ་ཡང་རྗེས་སུ་ཡི་རངས་བྱེད་མི་ཐུབ། ད་དུང་མི་ལྐུགས་པ་དེ་སུ་ཡིན་ནམ་བསམ་ནས་པར་བལྟ་འདོད་འདུག་པས་དུས་བབ་ནས་བཅར་དྲི་བྱས་ནས་པར་ཞིག་སྟོན་རོགས་ཞེས་རེ་བསྐུལ་ཞུ་རྒྱུ་ཡིན།

ཤ་ཁྲག་སྣག་གསུམ་ལགས།
ང་རང་ཉེ་ཆར་རྒྱ་བོད་སློབ་ཕྲུག་བགྲོ་གླེང་ཟེར་བ་ཞིག་ལ་ཕྱིན་པ་ཡིན། རྒྱ་བོད་གཞོན་ནུའི་སློབ་ཕྲུག་གི་བགྲོ་གླེང་ཁྲོད་ང་རང་དངོས་ནས་སེམས་ཁམས་ལ་སྐྱོན་ནམ་ཉམས་ཆུང་ནུས་མེད་ཅིག་ཡིན་ཤེས་རྟོགས་བྱུང་།
ང་རང་གི་སེམས་ཁམས་ལ་སྐྱོན་ཡོད་པ་ངོས་ལེན་ཞུ་གི་ཡིན། རང་སྐྱོན་ངོས་ལེན་མ་བྱས་ན་སྐྱོན་ཆ་བཤད་མཁན་ཡོང་དུས་ཁྱེད་རང་ལྟར་ལམ་སེང་ལན་སློག་པའི་གོམས་གཤིས་ཞིག་ང་ཚོར་རང་འཇགས་ཡོད་པ་དེ་རེད། ལན་སློག་དུས་ཀྱང་རྒྱུ་མཚན་དང་གནས་ལུགས་མི་བརྗོད།
གོང་ཞུས། བོད་རྒྱ་སློབ་ཕྲུག་གི་བགྲོ་གླེང་གི་ཐོག་རྒྱ་རིགས་སློབ་ཕྲུག་མང་ཆེ་བས་རང་གིས་བརྗོད་འདོད་པ་རྣམས་ཞུམ་པ་མེད་པར་བརྗོད་ཀྱི་འདུག་་་བོད་རིགས་ཚོའི་ཁྲོད་ནས་ཀྱང་སྐད་ཆ་བཤད་ཐུབ་མཁན་ནི་ཕ་མ་གང་རུང་ཕྱི་རྒྱལ་ཡིན་པ་དེ་འདྲ་རེད། ཕ་མ་གཉིས་ཆ་བོད་པ་ཡིན་མཁན་ཕལ་ཆེར་ཉམས་ཆུང་དང་ནུས་མེད་ལྟ་བུ་མཐོང་སོང་། ག་དུས་ཡིན་ཀྱང་གཉའ་ཞུམ་ཞུམ་དང་གུས་བརྩི་ཡོད་མདོག་མདོག རྒྱ་རིགས་རྣམས་མེད་སར་པ་མགོ་ཟེར་བཞིན་མང་པོ་ཞིག་ལབ་ཀྱི་འདུག
གལ་སྲིད་ཁྱེད་རང་སེམས་ཁམས་རིག་པར་རྒྱུས་མྱོང་ཡོད་མཁན་ཞིག་ཡིན་ན་གོང་གི་གནས་ཚུལ་ཆུང་ཆུང་དེས་ག་རེ་སྟོན་གྱི་ཡོད་པ་རེད། ང་ཚོ་བོད་རིགས་ཚོར་སྤོབས་པ་དང་སོ་སོར་ཡིད་ཆེས་ཟེར་བ་དེ་མེད་པའི་རྒྱུ་མཚན་གཙོ་བོ་ཕ་མས་གསོ་སྐྱོང་གི་བརྒྱུད་རིམ་ནས་སླེབས་པ་མ་རེད་དམ།
ཡང་ན། རྒྱུ་རྐྱེན་གང་རེད་དམ།
གསལ་བོར་ཞུ་དགོས་པ་ཁག
༡་་ངས་བོད་ཀྱི་རིག་གཞུང་ཚང་མ་སྤངས་དགོས་བྲིས་མེད་ལ་ཡང་བོད་ཀྱི་བྱེད་སྟངས་ཚང་མ་འགྲིག་འདུག་བསམ་གྱི་མེད།
༢་་ང་ཚོས་རང་སྐྱོན་ངོས་ལེན་བྱེད་པའི་དུས་ཚོད་ཕྱིས་དྲགས་མེད་ནས་སྔ་དྲགས་མེད། དེ་བས་ཕྲུ་གུ་གསོ་སྐྱོང་གི་གནད་དོན་འདིའི་ཐོགས་མི་རིགས་གཞན་ནས་ལེན་དགོས་པ་དེ་འདྲ་ཡོད་མེད་ཀྱང་བསམ་བློ་བཏང་ཆོག་གི་རེད།
༣་་ཕྲུ་གུར་གཅར་རྡུང་དང་། གདོན་འདྲེའི་སྒྲུང་ཤོད་པ། ད་དུང་འཕྲོད་བསྟེན་ལ་དོ་སྣང་མེད་པ་སོགས་ཀྱིས་ཕྲུ་གུའི་ལུས་སེམས་གཉིས་ལ་སྐྱོན་རྒྱག་གི་ཡོད་པ་རེད།
༤་་ཤ་ཁག་སྣག་གསུམ་ལགས་ནས་མིང་གསང་བ་བྱེད་པ་དེ་ཡང་སེམས་ཁམས་ལ་སྐྱོན་ཡོད་པར་ངས་ངོས་འཛིན་བྱེད་ཀྱི་ཡོད།
གང་ཉིད་ཀྱིས་མིང་དངོས་དེ་བརྗོད་ཐུབ་པ་ཡིན་ན་གོམ་པ་གང་མདུན་ཕྱོགས་སུ་སྤོས་པ་རེད།
དགོངས་དག་ངས་སེམས་ཁམས་ལ་སྐྱོན་ཟེར་བའི་ཚིག་དེ་བོད་རིགས་རྣམས་ལ་ཅུང་ཟད་བཙན་དྲགས་པ་འདུག་ཀྱང་ཚིག་གཞན་ཞིག་ད་ལྟ་བར་དུ་རེག་མ་སོང་བས་གནས་སྐབས་རིང་ཚིག་དེ་བེད་སྤྱོད་བཏང་ཆོག་པའི་ཆོག་མཆན་ཞུ་གི་ཡིན།
ཐུགས་རྗེ་ཆེ།

གོང་གི་གནས་ཚུལ་དེ་འབྲོག་རུ་ཆོས་གྲགས་ལགས་ཉེ་ཆར་རྡར་རྗེ་གླིང་ལ་སོང་བའི་མཐོང་ཐོས་ཡིན་པ་ཡིད་འཇགས་འཚལ།

བོད་ཀྱི་ཡུལ་མི་ཡིན་བཞིན་དུ་རྒྱལ་ཁབ་གཞན་གྱི་ཡུལ་མི་བྱས་ཆོག་པའི་ཆ་རྐྱེན་ཞིག་བཙན་བྱོལ་བོད་མིའི་བཅའ་ཁྲིམས་ནང་བསྐྲུན་འདུག ད་ལྟའི་འཕྲོད་བསྟེན་བཀའ་བློན་སོགས་ཀྱང་རྒྱལ་ཁབ་གཞན་གྱི་ཡུལ་མི་རེད། འདིའི་སྐོར་ལ་ང་ཚོས་རྗེས་སུ་ཟིན་བྲིས་གཞན་ཞིག་གི་ནང་བགྲོ་གླེང་བྱ།

ང་རང་གནས་བཅའ་ཡུལ་གྱི་སྐོར་ལ་བསམ་བློ་མང་པོ་བཏང་མྱོང་། དྷ་ས་སོགས་དྲན་མྱོང་། འོན་ཀྱང་ལམ་སང་ཆ་རྒྱུས་མེད་པའི་ལུང་པ་ཞིག་ལ་འགྲོ་བ་ལས། རྡོ་རྗེ་གླིང་ལ་གཉེན་སྤུན་དང་ངོ་ཤེས་ཡོད་པ་དང་། ངེད་བཟའ་མི་གཉིས་ཀ་སྡོད་སའི་ཁང་པ་ཞིག་ཀྱང་ཡོད་པ། ང་རང་ལ་ལས་ཀ་ཞིག་ཀྱང་རག་གི་ཡོད་པ་བཅས་ཀྱི་ཆ་ནས་འདིར་གནས་བཅས་པ་ཡིན། འདིར་བསྡད་ཡུན་རིང་ངའི་བུ་མོས་བོད་ཡིག་བོད་སྐད་ཡག་པོ་ཤེས་ཀྱིན་འདུག དེ་ནི་བེད་སྤྱོད་ཀྱི་ཁོར་ཡུག་ཡོད་པའི་དབང་གིས་རེད།

ཕྲུ་གུར་ཉེས་རྡུང་གཏོང་བ་དང་གཅེས་སྐྱོང་བྱེད་སྟངས་ཐད་དྲ་གྲོགས་བློ་བཟང་ལུང་རྟོགས་ཀྱིས་བཤད་པ་དེ་གནད་འགག་རེད། གནད་འགག་འདི་ནུབ་ཕྱོགས་ཡུལ་གྲུ་ཁག་ལ་སླེབས་དུས་གནད་དོན་ཆེན་པོར་ཆགས་ཀྱི་འདུག ངས་དེའི་སྐོར་ལ་རང་ལ་དངོས་སུ་བྱུང་བའི་དཀའ་ངལ་ཞིག་ཟིན་བྲིས་སུ་འགོད་བཞིན་ཡོད། བྲིས་ཚར་བ་དང་སྤེལ་ཆོག

ངས་སྤེལ་བ་འདི་སྙིང་བསྡུས་རེད། དེར་འབྲི་མ་ཐུབ་པའི་གནད་དོན་མང་པོ་ཡོད། ཚང་མ་བྲིས་ན། སྙན་པོ་དང་ཡག་པོ་ཆགས་ཀྱི་མི་འདུག ཚང་མ་མ་བྲིས་ན། མི་ཚོར་དོགས་པ་སྐྱེ་བཞིན་འདུག

གལ་ཏེ་ཁང་རྡོ་ལགས་ཀྱི་བུ་རྡོར་གླིང་ལ་ཁྲིད་པ་བདེན་པར་ཆ་ཞོག
དེས་ཅི་ཞིག་ཕན་ཆེས་མང་ན་ཟླ་ཤས་རིང་རྡོར་གླིང་དུ་སྡོད་ཡོད་ཀྱི་རེད། དེས་བོད་སྐད་དང་བོད་ཡིག་ལ་མི་ཕན་པ་མ་ཟད་དེ་ལས་ལྡོག་དེ་རྡོར་གླིང་གཞིས་ཆགས་བོད་རིགས་གཞོན་སྐྱེས་ཚོར་ཤུགས་རྐྱེན་ངན་པ་ཐེབས་ངེས་པས་ཕན་ལས་གནོད་པ་ཆེའོ།
ཁང་རྡོ་ལགས་ཁྱོད་ཁ་དྲོ།

ཁང་གསར་རྡོ་རྗེ ་ལགས་ཀྱི་ཟིན་བྲིས་འདི་ཡག་པོ་ཞིག་བྲིས་འདུག་ལ། དེ་ལ་ཨ་རིག་གླེན་རྒན་གྱིས་བསམ་འཆར་བྲིས་པ་དག་ལ་ཡང་གོ་རྒྱུ་འདུག་སྙམ། འདི་ནི་ངས་ཞེན་ཁོག་མིན་པར་དྲང་ཐད་ནས་བཤད་པ་ཡིན།

དྲ་གྲོགས་ཁང་སར་རྒད་པོའི་སྡུག་སྐད་ལ་ཉན་རྗེས་སེམས་པའང་དེ་ཙམ་བདེ་བོ་མི་འདུག་་་་གང་ཡིན་ཟེར་ན་དེང་སྐབས་བོད་ཕྲུག་མང་ཆེ་ཤོས་དེ་འདྲར་ཆགས་འདུག་་་་་ཁོང་ཚོར་ཁ་བརྡ་འགའ་བྱོས་དང་མིང་ཚིག་མང་ཆེ་ཤོས་གཞན་སྐད་ལས་བོད་སྐད་ཧ་ཅང་ཉུང་། ངས་འདི་འདྲ་མང་པོ་མཐོང་མྱོང་་ངས་འདི་འདྲའི་སྐོར་ལ་བསམ་བློའང་མང་པོ་བཏང་མྱོང་། འུ་ཚང་ལ་རང་སྐད་གཙང་མ་བཤད་མཁན་ཞིག་ཧ་ལམ་མེད་པ་ལྟ་བུར་ཆགས་རྒྱུའི་དུས་ཤིག་ཡོང་ལ་ཉེ། ནམ་ཡིན་ཡང་ཕ་མ་ཚོར་རེ་སྐུལ་དང་བོད་ཕྲུག་ཚོར་བསླབ་བྱ་རྒྱག་རྒྱུ་དེ་ང་ཚོ་བོད་པ་དང་བོད་ཀྱི་སྐད་ཡིག་ལ་དོ་སྣང་ཡོད་མཁན་ཚོས་འགན་འཁྲི་ཡིན་པས་དྲ་གྲོགས་ཚོས་འདི་ནམ་ཡང་སེམས་ལ་ཉལ་རྒྱུ་ཞེས་འབོད་སྐུལ་ཞུ་བཞིན་ཡོད།

ཁང་གསར་རྡོ་རྗེ་ལགས། ཁྱེད་ཀྱི་བུ་ཕྲུག་གིས་བོད་སྐད་གཅིག་པོ་ཤེས་པ་ཙམ་གྱིས་ཆོག་གི་ཡོད་པ་མ་རེད། ངས་རྡོར་གླིང་ན་བོད་ཀྱི་གཤིས་ཀ་རློན་པ་དང་། བོད་ཀྱི་ཤ་དྲོད་ཚ་བོ་ཞིག་མེད་ཁུ་ཟེར་གྱིན་ཡོད།
ངའི་འདོད་པ་ཡིན་ན། ཁྱེད་རང་གི་བུ་ཕྲུག་དྷ་རམ་ས་ལར་བསྐྱལ་ན་འདིར་བོད་ཀྱི་རང་གཤིས་རློན་པ་ཞིག་གི་ཁྱིམ་གཞི་ཡོད། ལྷག་པར་དུ་ཁེྱད་ཀྱི་བུ་ལོ་བཅོ་བརྒྱད་ཡིན་ན་གསོག་སྒར་སློབ་གྲྭར་བསྐྱལ་ན་བཟང་གི། གཞུང་གིས་གཏན་འབེབས་ཀྱི་ལོ་ཡང་ཏག་ཏག་འཁེལ་འདུག
གནས་དེ་རུ་བོད་ཀྱི་རང་གཤིས་ངོ་མ་དེ་ཡོད་པ་མ་ཟད། ཆོལ་ཁ་གསུམ་གྱི་མ་སྐད་ཀྱང་རང་བཞིན་གྱིས་ཤེས་འགྲོ། འདི་ཡག་ཐོག་ལ་རྒྱན་མ་རེད་དམ།
ཨ་་་་་ཀུ་རེ་ཡིན།༌༌༌༌༌༌༌༌༌༌
ཁྱེད་ཀྱི་སྤོབས་པ་དང་འདུ་ཤེས་དེས་ངའི་སེམས་པ་ཚ་ལེམ་མེར་བཟོས་སོང་།
ཐུགས་རྗེ་ཆེ༌་་་་་་་་་་་

དྲ་གྲོགས་བློ་བཟང་ལུང་རྟོགས་ལགས། ཕྲུ་གུར་ཉེས་རྡུང་གཏོང་བའི་གནད་དོན་དེ་ང་ཚོ་བོད་རིགས་མང་པོར་འཕྲད་དང་འཕྲད་བཞིན་པའི་དཀའ་ངལ་ཚབས་ཆེན་ཞིག་རེད། དཀའ་ངལ་དེ་ནི་ད་ཆ་སློབ་གྲྭ་ཁག་ཚུད་པའི་སྤྱི་ཚོགས་ཧྲིལ་པོའི་དཀའ་ངལ་ཞིག་ཆགས་འདུག ངས་དེའི་སྐོར་ད་ལྟ་གླེང་གི་མིན། རྗེས་སུ་དུས་ཚོད་བྱུང་ན། ཟིན་བྲིས་གཞན་ཞིག་སྤེལ་གྱི་ཡིན།

ཕ་མས་དབང་ཤེད་བྱས་པ་ཟེར་བ་དེ་གནད་དོན་ཞིག་རེད། ངའི་ནང་མི་ཡོངས་ཁེ་ན་ཌར་འཁྲིད་མཁན་ང་རང་ཡིན། དེའི་དབང་གིས་ད་ལྟ་མཇུག་འབྲས་འདི་འདྲ་ཞིག་སྨིན་ཡོང་དུས་ང་ལ་འགན་ཞིག་འདུག

གཉིས་པ་ནུབ་ཕྱོགས་རྒྱལ་ཁབ་ཁག་ཏུའང་ཕྲུ་གུ་རང་མགོ་མ་ཐོན་བར་ཕ་མས་འགན་ལེན་བྱེད་པ་རེད། ཁྱེད་རང་གིས་གསུངས་པ་བཞིན། འགན་ལེན་བྱེད་ཕྱོགས་ལ་ཤར་ནུབ་དབར་ཁྱད་པར་ཆེན་པོ་ཡོད། ངའི་མདུན་ལ་ཡོད་པའི་གནད་དོན་ནི། སོ་སོའི་ཕྲུ་གུ་མི་རིགས་གཞན་ཞིག་ལ་འགྱུར་བཞིན་པ་མཐོང་བཞིན་པ་འདི། མ་མཐོང་མདོག་མདོག་བྱས་ནས་སྡོད་དགོས་རེད། ཡང་ན་གཅིག་བྱེད་དགོས་རེད། གནད་དོན་དེ་རེད། ངས་ཐག་གཅོད་བྱེད་མ་ཐུབ་པར་ཡུན་རིང་འགོར་སོང་། ད་ལྟ་ཐག་གཅོད་བྱས་ཚར་དུས་མ་འོངས་པར་གནས་ཚུལ་ག་རེ་བྱུང་ནའང་ང་ལ་སྤོབས་པ་གཅིག་ཡོད། དེ་ནི་ངས་བྱས་པ་དེ་མི་ཚོས་འགྲིགས་ཡོད་པར་བསམས་ནའང་འདྲ། མ་བསམས་ནའང་འདྲ། གང་ལྟར་ངའི་ངོས་ནས་མགོ་རུལ་རྣ་བས་མ་ཚོར་བ་བྱས་ཏེ་བསྡད་མེད། ང་རང་གིས་ལམ་ལེགས་ཤོས་རེད་བསམས་པ་དེའི་ཐོག་བསྐྱོད་པ་ཡིན། ཞེས་པ་འདི་ཡིན།

དྲ་གྲོགས་བློ་བཟང་ལུང་རྟོགས་མཆོག་ལ་དྲི་བ་ཞིག་འདུག བོད་ནས་ཕ་མ་དག་གིས་སེམས་འཁུར་འོག་གཉོར་སྐྱོང་བྱས་པའི་བུ་ཕྲུག་ཁྲོད་དུ་སེམས་ཁམས་ལ་སྐྱོན་ཤོར་བ་མང་གི ཕྱི་རྒྱལ་ཡུལ་གྲུ་རང་དབང་ཅན་དུ་ཡོད་པའི་རང་གི་ཕྲུ་གུ་ལ་སློབ་གསོ་བྱས་པ་དེ་ཡང་ཁྲིམས་འགལ་དུ་བརྩི་བའི་ཡུལ་དེ་ན་སེམས་ཁམས་ལ་སྐྱོན་ཆ་ཡོད་མཁན་མང་གི སྐུ་ཉིད་ཀྱིས་གང་གཟིགས་པ་དེ་དག་མ་གསང་དྲང་བོར་གསུང་ན་ག་འདྲ་འདུག འདི་ནི་ང་རང་གིས་སྐུ་ཉིད་ལ་དྲི་བ་ཞིག་བཀོད་པ་དེར་དམིགས་ཡུལ་ངན་པ་གང་ཡང་མེད། གོང་གི་སྐུ་ཉིད་ནས་ཁང་གསར་རྡོ་རྗེ་ལགས་ཀྱིས་བསླབ་བྱ་རྒྱག་སྟངས་དེ་ནི་བོད་པ་ཚང་གི་རྗེས་ལུས་ཀྱི་བྱེད་སྟངས་སམ་སློབ་གསོ་བྱེད་སྟངས་ཡག་པོ་མེད་པ་ལྟ་བུ་ཞིག་བཤད་འདུག་པ་དེར་མོས་པ་ཞེ་དྲག་མ་བྱུང་སྟབས་སྐུ་ཉིད་ལ་དྲི་བ་འདི་འདྲི་འདོད་བྱུང་སོང་བ་རེད།

ཁང་གསར་ལགས་ནས་ཐབས་ཤེས་བྱས་པ་དེ་གང་ཉིད་ངོས་ནས་བདེན་པ་དང་གནས་ལུགས་ཡོད་པ་ཞིག་གི་མཐོང་གི་ཡོད་པ་འདྲ། འོན་ཀྱང་། ང་ཚོ་བོད་རིགས་དང་ལྷག་པར་ཡར་རྒྱས་ཕྱིན་མེད་པའི་རྒྱལ་ཁབ་མང་ཆེ་བའི་ནང་ཕ་མའི་རེ་བ་ཡོད་ཚད་སོ་སོའི་བུ་ཕྲུག་ལ་བཅོལ་བའི་ལུགས་སྲོལ་དེ་ལ་དགེ་མཚན་ཞིག་གཏན་ནས་མཐོང་མ་སོང་། ཕ་སྐད་དང་རིག་གཞུང་གི་དྲི་བསུང་འཇགས་ཐུབ་པ་ཞིག་བྱུང་ན་དངོས་ནས་རྗེས་སུ་ཡི་རངས་རེད། འོན་ཀྱང་། སོ་སོའི་ཕྲུ་གུ་ཆེན་པོ་ཆགས་རྗེས་ངའི་པ་ལགས་ཀྱི་བྱེད་སྟངས་དེ་འགྲིག་མི་འདུག་བསམ་པ་བྱུང་དུས་ཕྱིས་དྲགས་པ་རེད། ནང་གི་ཕ་རྒན་གྱི་དབང་ཚད་བེད་སྤྱོད་བཏང་ནས་ཕྲུ་གུའི་མི་ཚེ་ལ་ཁ་ལོ་བསྒྱུར་རྒྱུ་དེ་ཡང་བཟང་སྤྱོད་ཅིག་ཡིན་མིན་མི་ཤེས། ང་ཚོ་བོད་རིགས་ཀྱིས་ཕྲུ་གུ་གསོ་སྐྱོང་ཁྲོད་བཟང་སྐྱོན་གཉིས་ཡོད་པ་སྨྲོས་མེད་ཡིན་པ་བཞིན། ཕྲུ་གུ་གསོ་སྐྱོང་གི་བརྒྱུད་རིམ་ཁྲོད་ཕ་མ་དབང་ཤེད་མང་པོ་བེད་སྤྱོད་བཏང་བ་ཡིན་ན་ཕྲུ་གུའི་སེམས་ཁམས་ལ་སྐྱོན་ཆེན་པོ་ཡོང་གི་ཡོད་པ་དེང་སང་ཉམས་ཞིབ་པ་མང་པོ་ཞིག་གིས་མཇུག་སྡོམ་རྒྱག་གི་འདུག་་་་
ལྷག་པར་ཕྲུ་གུར་གཅར་རྡུང་ཚད་མེད་གཏོང་བ་སོགས་ནི་རིག་གཞུང་གི་དྲི་བསུང་ཡིན་པ་དང་དྲི་ངན་གང་ཡིན་ཕལ་ཆེར་འགྲོ་བ་མི་ཞིག་ཡིན་པས་ཆ་ནས་རྟོགས་ཐུབ།
ཁང་གསར་ལགས་ནས་མི་ཚང་གི་ཐག་གཅོད་གནང་བ་དེས་ཕྲུ་གུ་ཚོའི་མ་འོངས་བར་སྐྱོན་མ་ཡོང་བའི་སྨོན་འདེབས་རྒྱུ་ཡིན།
གྲུབ་འབྲས་ཡག་པོ་ཡོད་ན་དེ་ཡང་དངོས་མྱོང་གི་ལག་རྗེས་ཡིན་པས་བོད་རིགས་ཚོའི་མིག་མདུན་དུས་ཡང་ནས་ཡང་དུ་གནས་ཚུལ་མཁོ་སྤྲོད་ཡོང་བའི་འབོད་སྐུལ་ཀྱང་ཞུ་རྒྱུ་ཡིན།

ང་ཚོར་འཕྲད་པའི་དཀའ་ངལ་འདིའི་རྒྱུ་རྐྱེན་གཙོ་བོ་དེ་མ་སེལ་བར་དུ་ང་ཚོར་མུ་མཐུད་འདི་ལྟར་འགྲོ་དགོས་པ་དངོས་པའི་གནས་ཚུལ་རེད། དངོས་དོན་ལ་ཁ་གཏད་གཅོག་མ་ཐུབ་ན་ང་ཚོ་འཛམ་གླིང་ས་ཆ་གང་དུ་ཕྱིན་ཀྱང་བོད་ཡིག་བོད་སྐད་ཡག་པོ་ཞིག་ཤེས་ཐུབ་རྒྱུ་དེ་ཧ་ཅང་ཁག་པོ་རེད།
ཁང་གསར་ལགས་ཀྱི་རྩོམ་ཡིག་ཀློག་རྗེས་ཁང་གསར་ལགས་ན་ང་ཚོ་བོད་རིགས་ཡོངས་ལ་འཕྲད་བཞིན་པའི་དཀའ་ངལ་དེ་སོ་སོའི་སྒེར་གྱི་དཀའ་ངལ་དུ་བླངས་འདུག་པ་དང་། སོ་སོའི་དཀའ་ངལ་དེ་ལ་གདོང་ལེན་བྱེད་མ་ཐུབ་པའི་མཇུག་འབྲས་སུ་མི་ཚང་ཁ་བྲལ་དུ་ཕྱིན་པའི་གནས་སྟངས་ཞིག་ཏུ་ལྷུང་འདུག་པར་དངོས་ནས་སེམས་སྐྱོ་བ་ཞིག་རེད།
ང་ཚོ་བོད་རིགས་རྣམས་ཕྱི་རྒྱལ་དུ་སླེབས་ནས་སོ་སོའི་སྐད་ཡིག་བེད་སྤྱོད་རྩ་བ་མེད་པ་དེ་ཀུན་གྱིས་མཁྱེན་གསལ་རེད། སོ་སོའི་བོད་སྐད་དེ་སོ་སོའི་ཕ་མ་དང་གཉེན་ཉེ་གྲོགས་པོ་ཁ་ཤས་མ་གཏོགས་ཁོར་ཡུག་ཚང་མ་སྐད་རིགས་གཞན་དབང་དུ་ཕྱིན་པ་དེ་ལ་ཁ་གཏད་གཅོད་འདོད་པ་དེ་སྟོང་སེམས་ཞིག་རེད། ངས་སྟོང་སེམས་རེད་ཟེར་བ་དེ་སོ་སོའི་སེམས་ཤུགས་ཆགས་པའི་སྐད་ཆ་མིན།འོན་ཀྱང་།
ང་ཚོས་དོན་དངོས་ལ་ཁས་ལེན་མ་བྱས་ན་དཀའ་ངལ་འཕྲད་རྒྱུ་སྨྲོས་མ་དགོས་པ་ཞིག་རེད།
རྡ་རན་ས་ལ་ནས་སློབ་སྦྱོང་བྱས་པ་ཡག་པོ་རེད། འོན་ཀྱང་། ང་ཚོ་མི་ལོ་ལྔ་བཅུའི་བཙན་བྱོལ་གྱི་ལོ་རྒྱུས་ནས་བོད་ཡིག་མཁས་དབང་ཧ་ལམ་བྱུང་མེད་པ་ལྟ་བུ་དང་། འཛིན་རིམ་བཅུ་གཉིས་ཐོན་པ་བརྒྱ་ཆ་དགུ་བཅུ་ཡིག་ངོ་ཆོད་ཙམ་རེད། ལྷག་པར་རྒྱ་གར་ནང་སློབ་སྦྱོང་བྱས་པ་དེ་རྗེས་སུ་ཕྱི་རྒྱལ་ལ་སླེབས་དུས་དབྱིན་ཡིག་དང་བོད་ཡིག་སོགས་ཕལ་ཆེར་གང་ཡང་མི་ཤེས་མཁན་དང་བེད་མེད་ལྟ་བུ་ཆགས་འདུག་པ་དངོས་ནས་སེམས་པ་སྐྱོ་བ་རེད།
ངས་ཡིག་རྙོག་མང་པོ་ཞིག་བྲིས་པའི་སྙིང་དོན་ང་ཚོ་བོད་ཀྱི་དཀའ་རྙོག་འདི་མ་སེལ་བར་དུ་ང་ཚོར་དཀའ་ངལ་འདི་འཕྲད་རྒྱུ་ཡིན་པ་དང་། དཀའ་ངལ་འདི་སེལ་བར་ང་ཚོ་བོད་རིགས་ཚོས་ངེས་པར་དུ་བོད་དོན་ཐོག་ཤུགས་རྒྱུ་དེ་རེད།
བོད་རིགས་རྣམས་རྒྱ་གར་དུ་ལས་ཀ་མེད་པར་སྡོད་རྒྱུ་ལས་ཕྱི་རྒྱལ་དུ་འགྲོ་ཐུབ་ན་དགེ་མཚན་ཆེ་བར་མཐོང་ལ།་ཕྱི་རྒྱལ་གྱི་སློབ་གསོ་སྤྲོད་ཐུབ་ན་དེ་ཡང་གནད་འགག་ཅིག་རེད། དེ་མིན་སོ་སོའི་ཕྲུ་གུའི་མདུན་ལམ་སོ་སོའི་མི་སྒེར་གྱི་སེམས་ཁུར་ནས་འཕྲོ་བརླག་ཏུ་གཏོང་བ་དེ་བསམ་ཤེས་ཤིག་ཡིན་མིན་ངས་མི་ཤེས། ཐེ་ཚོམ་ཙམ་ཡིན།
ཁང་གསར་ལགས་ཀྱི་བྱེད་སྟངས་འདི་ལ་ངས་ནི་རྗེས་སུ་ཡི་རངས་བྱེད་ཐུབ་ཀྱི་མི་འདུག

འོ་སྐད་ཆ་གཅིག་བཤད་རྒྱུ་བརྗེད་འདུག དྲ་གྲོགས་ཁང་གསར་ལགས་ཁྱོད་ནི་ཅི་འདྲ་མི་ཆོད་སེམས་ཅན་རེད། ངོ་མ་རྗེས་སུ་ཡི་རངས་ཞུ། ང་རང་བུ་ཕྲུག་མ་དགོས་ད་དུང་གཉེན་སྒྲིག་ཀྱང་བྱས་མེད་མོད། དགོང་མོ་ཞིག་ལ་ཡར་མར་མང་པོ་གླེང་རྗེས་ངའི་དགའ་རོགས་དང་ངེད་གཉིས་ཀྱིས་རྗེས་མ་བུ་ཕྲུག་སྐྱེས་ན་ཕ་སྐད་ལ་བོད་སྐད་སློབ་དང་མི་སློབ་ཀྱི་རྩོད་པ་བྱུང་ཏེ། ངས་བུ་ཕྲུག་ཅི་ཙམ་སྐྱེས་ཀྱང་ངས་དང་ཐོག་བོད་དང་ཡང་ན་རྒྱ་གར་གང་རུང་ཞིག་ལ་བསྐྱལ་ཏེ་དང་པོ་བོད་སྐད་བོད་ཡིག་ཡག་པོ་ཞིག་ཤེས་རུ་འཇུག་རྒྱུ་ཡིན། ཁྱོད་ཚོ་རྒྱལ་ཁབ་ཡོད་པའི་མི་རེད། མི་གཅིག་གཉིས་ཞིག་ལ་དེ་འདྲའི་དགོས་མཁོ་ཆེ་རྒྱུ་མ་རེད། ང་ཚོ་བོད་དུ་རྒྱ་ནག་གི་བཙན་འཛུལ་གྱིས་སྐད་ཡིག་བརླགས་འགྲོ་གིན་ཡོད་པ་རེད། ཕྱིའི་ལུང་པར་ཁོར་ཡུག་གི་དབང་གིས་ང་ཚོའི་ངོ་རྟགས་བརླགས་འགྲོ་བཞིན་ཡོད་པ་རེད་ཅེས་བཤད་པར། མོས་བུ་ཕྲུག་དང་ཁ་བཀར་ནས་བསྡོད་ཐུབ་ས་མ་རེད་ཟེར། ངས་འོ་ན་ང་ཚོ་ཚང་མ་མཉམ་དུ་ལོ་འགའ་ཤས་ལ་གཏན་དུ་གནས་སྤོ་བྱེད་ཅེས་བར། ངེད་གཉིས་ཀྱི་རྩོད་པ་ཆེ་རུ་ཕྱིན་ཏེ་མཐར་ཡུན་རིང་འགྲོགས་འདྲིས་བྱས་བའི་མཇུག་འབྲས་ཁ་ཁར་གྱེས་སོང་། ང་ཁྱེད་ཀྱི་སྤོབས་པ་དེ་ལ་ངོ་མ་ཡིད་སྨོན་འཆོར་གི

གནས་ཚུལ་འདི་ལ་ངས་ཀྱང་ཐེངས་མང་བསམ་གཞིགས་བྱས་ཀྱང་ལན་ངོ་མ་ཞིག་ད་དུང་རྙེད་མ་སོང་། རྒྱ་རིགས་དང་རྒྱ་གར་བ་དེ་ཚོ་ཕྱི་རྒྱལ་ནས་འཚར་ལོངས་བྱུང་ཀྱང་རང་གི་ཡུལ་སྐད་བཤད་ཤེས་ཀྱི་འདུག འོན་ཀྱང་བོད་པའི་ཁྱིམ་ཚང་ནང་དུ་ཕ་མ་གཉིས་ཀ་བོད་ནས་ཡོང་མཁན་ཡིན་ཀྱང་བུ་ཕྲུག་དག་གིས་བོད་སྐད་བཤད་མི་ཤེས་བའི་རྒྱུ་མཚན་ཅི་ཡིན་ནམ། བོད་པ་གང་མང་ཞིག་ལ་ཡར་ཐོན་གྱི་སྤྱི་ཚོགས་ནང་དུ་རང་ཉིད་ཀྱིས་འཇོན་པའི་ལས་རིགས་དཀོན་སྟབས་ཡོང་འབབ་གཞན་ལས་ཞན་མོད། འགྲོ་སོང་གཞན་དང་གཅིག་མཚུངས་ཡིན་སྟབས་ཕྲུ་གུ་དག་རྒྱ་གར་དང་བལ་ཡུལ་ཡང་ན་བོད་དུ་ལོ་རེའི་གུང་གསེང་ལ་ཁྲིད་དེ་བོད་པའི་སྤྱི་ཚོགས་དང་འབྲེལ་འདྲིས་བྱེད་དགོས་བ་དེ་མ་འགྲིག་པ་རེད་བསམ་མོད། སྔར་ལོ་༧སྐུའི་གཅེན་པོ་སྟག་འཚེར་རིན་པོ་ཆེ་སྐུ་གཤེགས་སྐབས་ཁོང་གི་བུ་ཕྲུག་དག་གིས་ཀྱང་བོད་སྐད་མི་གོ་བ་མཐོང་རྗེས་ང་རང་ལྷག་ཏུ་འཐོམས་སོང་། ཁོ་ཚོ་ལ་མ་མཐའ་ཡང་རྒྱ་བལ་ཁུལ་དུ་བོད་པའི་སྤྱི་ཚོགས་ནང་འགྲོ་འོང་བྱེད་པར་དཔལ་འབྱོར་གྱི་དཀའ་ངལ་ཞིག་ཡོད་མི་སྲིད་ཀྱང་། ཅི་ཞིག་གིས་ལན་པ་ཡིན་ནམ། ཉིན་དེ་ནས་ང་རང་ལྷག་ཏུ་འཐོམས་སོང་།

རྡོ་རྗེ་ལགས་ཀྱི་བཞུད་ལམ་དེ་ནོར་མི་འདུག བུ་ཕྲུག་ཁེ་ན་ཊིའི་མི་སེར་བཟོས་རྗེས་ཁོང་རྒན་རྒོན་གཉིས་ཕྱིར་རྒྱ་གར་དུ་ལོག་པ་རེད། ནང་དོན་མགོ་འཐོམ་པའི་བོད་པ་དག་གི་ཀྱང་དེ་ལྟར་བྱེད་འོས་པའི་གསལ་འདེབས་རེད། བོད་པ་ཚོ་རེམ་ཤིག

བསམ་རྒྱུ་དྲན་རྒྱུ་ཕྱི་རྒྱལ་དང་བརྗོད་རྒྱུ་བྱེད་རྒྱུ་ཕྱི་རྒྱལ་ལས་མེད་པའི་བོད་མི་འགའ་ཞིག་ལ་ཕན་པའི་རེ་བ་ཡོད།

བསམ་བློ་འདི་ནི་ང་ཚོའི་སྟོབས་ཤུགས་ཡིན་ལ། ལས་སྟངས་འདི་ནི་ང་ཚོའི་རྒྱལ་ཁ་ཡིན།
གནས་དོན་འདི་ཀོ་ནི། ཡུལ་གྱར་བའི་ལོ་ངོ་དེ་དག་རིང་ངའི་རྣ་བས་ཐོས་པ་ཐོག་མ་རེད། བློ་སྟོབས་འདི་ཀོ་རིག་དུས་འབྱུང་འགྱུར་ལ་རྨི་ལམ་རྣལ་མ་ཞིག་ཡོད་པར་ཡིད་ཆེས་ཀྱིས་མྱོས། དགའ་བ་ལ། དགའ་བ་དང༌། མཆོག་ཏུ་དགའ་བ། མཆོག་ཏུ་རབ་ཏུ་དགའ་བ་ཞེས་པ་ནས་ཕྱི་མ་ལྟར་རེད།