སྐབས་ ༡༥ པའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་བུམ་པའི་གཟེངས་རྟགས་རྐང་སྤོལ་འགྲན་བསྡུར་དེ། ངྷ་སྟེང་བོད་ཁྱིམ་སློབ་གྲྭའི་རྩེད་ཐང་དུ་ཕྱི་ཚེས་ ༣༡ ཉིན་ནས་མགོ་འཛུགས་བྱས་ཏེ། དེ་རིང་ཉིན་རྒྱབ་ཆུ་ཚོད་ ༣ སྟེང་ལྷོ་ཕྱོགས་མོན་གྷོ་ཌི་དང་མ་ཌི་ར་སི་གཉིས་མཐའ་མའི་སྟེང་རྩོད་འགྲན་བསྡུར་ལ་ཞུགས་ཏེ། ལྟད་མོ་བ་སྟོང་ཕྲག་མང་པོའི་ཐལ་སྒྲ་དང་འབོད་སྒྲའི་ཁྲོད་ནས་མོན་གྷོ་ཌི་ལ་སྤོ་ལོ་ ༤ ཐོབ་སྟེ་ཨང་དང་པོ་དང༌། མ་ཌི་རི་སི་ལ་སྤོ་ལོ་ ༣ ཐོབ་སྟེ་ཨང་གཉིས་པ་ཐོབ་ཡོད།
སྐབས་དེར་མཇུག་བསྡོམས་མཛད་སྒོའི་སྐུ་མགྲོན་གཙོ་བོ་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་མོན་གྷོ་ཌི་ལ་གསེར་གྱི་བུམ་པའི་གཟེངས་རྟགས་དང་། མ་ཌི་ར་སི་ལ་དངུལ་གྱི་བུམ་པའི་གཟེངས་རྟགས་བསྩལ་ཏེ། ༢༠༠༩ ལོའི་རྒྱལ་ཡུམ་ཆེན་མོའི་རྐང་རྕེད་སྤོ་ལོ་འགྲན་བསྡུར་རྒྱལ་ཁའི་ངང་གྲོལ་ཡོད། ཐེངས་འདིའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་བུམ་པའི་རྐང་སྤོལ་འགྲན་བསྡུར་ཁྲོད། ས་གནས་ཁག་ ༡༢ ལྷག་གི་རྐང་སྤོལ་རུ་ཁག་ ༡༨ དང༌། རྩེད་མོ་བ་ ༢༧༠ ཙམ་འཛུལ་ཞུགས་གནང་ཡོད།
མོན་གྷོར་རི་ཁག་ལ་གསེར་གྱི་གཟེངས་རྟགས་ཐོབ་པ་དགའ་བསུ་ཞུ།
བཀྲ་ཤིས་བདེ་ལེགས།
གསེར་བུམ་སུ་ལ་ཐོབས་ས་དེ་ལ་དགའ་བསུ་ཡོད་གཞན་ཉེ་རང་དང་མཐོ་རྨན་སོཊ་ཀྱི་ཁྱད་པར་ང་ལ་མེད།།
མོན་གྷོའིཔོ་ཏ་ལ་རི་ཁག་ལ་གསེར་གྱི་གཟེངས་རྟགས་ཐོབ་པར་དགའ་བསུ་དངསྔགས་བརྗོད་ཡོད།
དངོས་ནས་ཁག་མེད་ས་ལོས་ཡོད། སྐུ་ཉིད་ཀྱིས་དངོས་ནས་མ་ཤེས་པ་དེ་ཁ་ནས་ཐོན་པ་རེད། ཡིན་ཡང་། མི་མང་བོ་ཞིག་གིས་མ་ཤེས་ཀྱང་ཤེས་ཁུལ་བྱས་དེ་བསྡོད་མཁན་དེ་འདྲ་ཡང་གང་མང་ཞིག་ཡོད་པ་རེད། ད་ནས་བཟུང་ཐུགས་འཇག་འཚལ་ལོ།
ཁྱེད་ནི་མིང་དོན་མཚུངས་པའི་གང་ཟག་རེད།
རྟ་ནོར་ཡིན་ན་རྒྱལ་ཡུམ་ཡང་ངོ་ཤེས་དཀའ་མོ་རེད
ཡང་རྒྱུ་ཅ་ལག་ཡིན་ན་སེམས་མེད་ཡིན་པས་བེན་པོ་རེད
ཡང་ཕྱིན་ཅི་ལོག་ལ་ནོར་བ་ཡིན་ན་ཐུགས་ཁག་མེད
གང་ལྟར་བོད་མི་ཡིན་ན་རྒྱལ་ཡུམ་མི་ཤེས་ཁྱི་དང་འདྲ།
ཐུབ་ཚོད་གཏོང་ཐུབ་མཁན་ཞིག་མིན།
མང་བོ་ཞིག་ལ་དྲན་སྐུལ་བྱ་དགོས་པར་འདུག་བསམ་པ་ཡིན།
མོན་གྷོའིཔོ་ཏ་ལ་རི་ཁག་ལ་གསེར་གྱི་གཟེངས་རྟགས་ཐོབ་པར་དགའ་བསུ་དང་བཀྲ་ཤིས་བདེ་ལེགས་ཞུ། ཨ་ཧྥི་རི་ཁའམ་ཚེ་རིང་དོན་འགྲུབ་ལ་དམིགས་བསལ་གྱིས་བཀྲ་ཤིས་བདེ་ལེགས་དང་ཐུགས་རྗེ་ཆེ་ཞུ་རྒྱུ་མ་ཟད་དུས་ནམ་ཡང་ཁྱེད་ཉིད་རྒྱལ་གྱུར་ཅིག ཁྱེད་ལ་སྙིང་སྟོབས་དང་སེམས་ཤུགས་ཡོད་ལ། རྣམ་དཔྱོད་དང་ལུས་རྩལ་ཡང་ཧ་ཅང་འཛོམས་པས་སྐུ་ཉིད་རྒྱལ་གྱུར་ཅིག
དྲ་གྲོགས་ནོར་ལགས། མ་ཤེས་པར་དྲིས་པ་ཡིན་ན་ནི། ངས་ཁྱེད་རང་ལ་ལན་བཏབ་ཆོག ཤེས་ནས་དྲིས་པ་ཡིན་ན་ནི། ཐུབ་ཚོད་བྱས་པ་རེད། གང་ལྟར། རྒྱལ་ཡུལ་ཆེན་མོ་ཟེར་བ་ནི་༧རྒྱལ་བ་བསྟན་འཛིན་རྒྱ་མཚོ་མཆོག་གི་མ་ཡུམ་ལ་འབོད་ཀྱི་ཡོད་པ་རེད།
རྐང་སྤོལ་འགྲན་བསྡུར་ལ་བལྟས་བ་ཡིན།
གསེར་བུམ་རྫུན་མ་དེའང་མཐོང་སོང་།
རྒྱལ་ཡུམ་ཆེན་མོ་ཞེས་བ་དེ་སུ་རེད།
གསེར་བུམ་སུ་ལ་ཐོབ་ཀྱང་རུང་དེ་ལ་དགའ་བསུ་ཞུ་འོས། ཐེངས་འདིའི་རྩེད་འགྲན་སྐབས་འཁྲུག་འཛིང་ཆེན་པོ་བྱུང་ཚུལ་ཕྱོགས་མང་པོ་ཞིག་ནས་ཐོས་རྒྱུ་འདུག་ཀྱང་དུས་བབ་ཐོག་མ་བཀོད་པ་ཅི་ཡིན་ནམ།
བཀའ་ཁྲི་མཆོག་དགོངས་པ་ཞུས་ཀྱང་༧གོང་ས་མཆོག་གིས་དགོངས་པ་མ་གནང་པའི་གནས་ཚུལ་ཞིག་གང་གསར་སྤེལ་འདུག་ཀྱང་དུས་བབ་ནང་མ་ཐོན་པ་གང་ཡིན་ནམ།
ད་དུང་འདི་ཟླའི་ཚེས་༧ ཉིན་ལྷ་སར་མི་༢༠༠་བསྐོར་གྱིས་སྐད་འབོད་བྱས་སྐད་འདུག
མོན་གྷོའི་རྩེད་མོ་བ་རྣམས་ལ་བཀྲ་ཤིས་བདེ་ལེགས།
ངས་གོ་ཐོས་ལ་སྔོན་མ་མོན་གྷོ་ལ་ཐེངས་ཤིག་ཐོབ་མྱོང་ཡང་བཙན་ཤེད་ཀྱིས་རྒྱལ་ཡུམ་ཆེན་མོའི་གསེར་གྱི་རྟགས་མ་ཤོར་ཡོད་པ་འདྲ། དེས་ན་ད་ལོ་མོན་གྷོ་ལ་རྒྱལ་ཡུམ་ཆེན་མོའི་གསེར་གྱི་ཕོར་པ་རགས་པ་དང་པོ་ཡིན་པས་དགའ་བསུ་ཞུ་རྒྱུ་དང་། མི་ཚོས་ལོ་རྗེས་མ་མོན་གྷོ་ལ་རྩེ་རྒྱུ་རེད་ཟེར་གྱི་འདུག་པས་དེ་ལྟར་བྱུང་ན་ཕྲན་ལ་སླེབས་ཐུབ་པའི་འབད་བརྩོན་བྱ་རྒྱུ་ཡིན། ལྷག་པར་མོན་གྷོ་རུ་ཁག་གི་ཨ་ཕི་ར་ཀ་ཟེར་བ་དེ་ཡག་པོ་རྩེ་ཡི་འདུག་པས་བཀྲ་ཤིས་བདེ་ལེགས་ཡོད།
ད་ལོའི་རྒྱལ་ཡུམ་ཆེན་མོའི་རྐང་རྩེད་སྤོ་ལོའི་འགྲན་བསྡུར་གྱི་མཐའ་མའི་རྒྱལ་ཁ་དེ་ལྷོ་ཕྱོགས་མོན་གྷོར་ཐོབ་པར་དགའ་བསུ་ཞུ། འོན་ཀྱང་རྒྱལ་ཕམ་གྱི་དབྱེ་བ་ལ་དེ་ཙམ་དགའ་སྡུག་གི་ཚོར་བ་སྐྱེ་དགོས་དོན་ཅི། གཙོ་བོ་རྒྱལ་ཡུམ་ཆེན་མོའི་བཀའ་དྲིན་རྗེས་དྲན་དང་རྒྱལ་ཁབ་ཅིག་གི་ངོ་བོ་མཚོན་པའི་རྩེད་འགྲན་འདི་ཧི་མ་ལ་ཡའི་ཕར་རྒྱབ་ཏེ། ང་ཚོའི་ཕ་ས། པོ་ཏ་ལའི་མདུན་ཐང་ནས། མགྱོགས་ནས་མྱུར་དུ་་་་་་གཞིས་བྱེས་ལྷན་འཛོམས་ཀྱི་དགའ་སྤྲོའི་ཐལ་སྒྲ་དང་ལྷན་རྩེ་བར་སྨོན། མཐའ་མའི་རེ་སྐུལ་ནི་དཔུང་ཤུགས་གང་ཆེ་དང་ཁ་ སྤོད་གང་ཆེ་མ་ཡིན་པར་མཐུན་ལམ་ཞི་བདེ་ཡི་རྩེད་འགྲན་ངོ་མ་ཞིག་ཏུ་འགྱུར་བར་གཟབ།
ཡག་པོ་འདུག དགའ་བསུ་ཞུ།
གང་ལའང་གོ་རྟོགས་ཡོད་ན་དེར་མ་འགྲིག་པ་ག་རེ་འདུག སྤྱི་ཚོགས་ཀྱི་ཆ་ཤས་སུ་གཏོག་ན་དེ་ཡང་འགྲིག་གི་རེད།
བོད་པ་ཚང་འདི་བོད་ཀྱི་གནད་དོན་དང་ཡང་ན་ཤེས་ཡོན་བགྲོ་གླེང་སོགས་ཀྱི་ཐོག་འདི་ལྟ་བུའི་དགའ་མོས་དང་གོ་རྟོག་ཅིག་ཡོད་ན་ཅི་མ་རུང་།
ད་ལོའི་རྩེད་མི་འདི་ལྟར་རྫོགས་སོང་བ་རེད། སང་ལོའི་རྩེད་མོ་འདི་གང་ནས་རྩེད་རྒྱུ་ཡིན་ན། བོད་དུ་རྩེད་ཐུབ་ཀྱི་ཡོད་ན་ཅི་མ་རུང་།