ཉེ་ལམ་༧གོང་ས་མཆོག་གིས་གསུང་བཤད་ཅིག་གི་སྐབས་མི་གཉིས་ཀྱིས་ཁོང་གི་རྗེས་འཛིན་གནང་དགོས་པ་དང་། གཅིག་ནི་ཆོས་ཀྱི་དབུ་ཁྲིད་ཅིག་དང་། གཞན་དེ་ནི་དམངས་གཙོའི་ལམ་ནས་བདམས་པའི་སྲིད་ཀྱི་དབུ་ཁྲིད་ཅིག་ཡིན་དགོས་ཞེས་གསུངས་ཡོད་འདུག
མེ་ཡ་མི་ཆོས་ལུགས་ནང་ཁུལ་གྱི་བསམ་བློའི་བརྗེ་རེས་རྟོག་ཞིབ་ཚན་ཁག་གི་ཌོག་ཊར་ ཌེབ་བྷུ་རོན་གྱིས་གནས་ཚུལ་སྤེལ་དོན། ༧གོང་ས་མཆོག་གིས་ཉེ་ལན་གསུང་བཤད་ཅིག་གི་སྐབས་སུ་དགོངས་ཚུལ་བཏོན་དོན། ཁོང་གི་རྗེས་འཇུག་པ་དེ་མི་གཅིག་མིན་པར་མི་གཉིས་ལས་གྲུབ་དགོས་ཤིང་། གཅིག་ནི་ཆོས་བྱེད་སྐྱེས་བུ་ཞིག་དང་གཞན་དེ་ནི་དམངས་གཙོའི་རང་དབང་གི་འོས་འདེམས་བརྒྱུད་ནས་སླེབ་པའི་ཆབ་སྲིད་ཀྱི་དབུ་ཁྲིད་ཅིག་ཡིན་དགོས་ཀྱི་འདུག ཏཱ་ལའི་བླ་མའི་སྐུ་ཕྲེང་རིམ་བྱོན་གྱིས་བོད་ཀྱི་ཆོས་སྲིད་གཉིས་ཀྱི་འགན་ཁུར་ནས་མི་ལོ་ ༤༠༠ ནས་ ༥༠༠ བར་ཕྱིན་པ་རེད། ལམ་ལུགས་དེ་ནི་ཕན་ཐོགས་ཅུང་ཙམ་བྱུང་ཡོད་པ་འདྲ། ཡིན་ཡང་དུས་སྐབས་དེ་རྫོགས་ཚར་བ་རེད། དམངས་གཙོ་ལ་སྐྱོན་ཆུང་ཙག་རེ་ཡོད་ཀྱང་དེ་ནི་ལམ་ལུགས་ཡག་ཤོས་དེ་ཆགས་ཡོད་པ་ནི་དེ་རིང་གི་འཛམ་གླིང་སྤྱིའི་གནས་སྟངས་ལས་གསལ་བོར་མཐོང་ཐུབ་གི་རེད། བོད་པ་རྣམས་ཀྱང་རྒྱལ་སྤྱིའི་སྤྱི་ཚོགས་ཀྱི་འགྲོས་དང་བསྟུན་ནས་འགྲོ་དགོས་པའི་རྒྱུ་མཚན་ཡང་དེ་ཡིན་ཅེས་གསུངས་ཡོད་པ་རེད།
ཌོད་ཊར་ ཌེབ་བྷུ་རོན་གྱིས་བཤད་དོན། ༧གོང་ས་ཏཱ་ལའི་བླ་མའི་དགོངས་ཚུལ་འདི་ལ་བོད་མི་རིགས་ཀྱིས་རྒྱབ་སྐྱོར་གནང་མིན་མི་ཤེས་ཀྱང་། ཁོང་གི་བཀའ་མོལ་འདི་ནི་འགྱུར་བ་གཏོང་རྒྱུའི་སྐུལ་འདེད་ཀྱི་བཀའ་གསུང་ཡིད་དུ་འོང་བ་ཞིག་རེད། ཅེས་གསུངས་ཡོད་པ་རེད།
དགོངས་ཚུལ་འདི་ལྟ་བུ་ཞིག་འཁྲུངས་པ་ནི་དངོས་གནས་ཡ་མཚན་དགོས་པ་ཞིག་རེད། གལ་སྲིད་ཆོས་ཕྱོགས་ཀྱི་དབུ་འཛིན་ཞིག་དང་སྲིད་ཕྱོགས་ཀྱི་དབུ་འཛིན་གཉིས་ཁ་ཁག་དུ་དགོས་ཚེ་འགྲོ་མགོན་ཆོས་རྒྱལ་འཕགས་པའི་སྐབས་ནས་ད་བར་དུ་དར་བའི་ཆོས་སྲིད་ཟུང་འདྲེལ་གྱི་ལམ་ལུགས་དེ་མེད་པ་བཟོ་བར་་རྒན་རབས་པ་རྣམས་མི་འདོད་པ་དང་གཞོན་སྐྱེས་རྣམས་མཚམས་པ་ལྟ་བུ་ཞིག་གི་ཐོག་ནས་བརྩོད་རྙོགས་ཞིག་ཡོང་ངེས་ཡིན།
དེར་བརྟེན་དེ་ལྟ་བུ་ཞིག་ངེས་པར་དགོས་ཚེ་མགོན་པོ་གང་ཉིད་ཞུགས་རིང་ཐག་གཙང་མ་ཞིག་བཅད་དགོས་པ་ལས་རྙོག་ཁྲ་དེ་ཕྱི་རབས་པ་རྣམས་ལ་ཞག་མི་ཉན། །
ཨ་རོགས་ང་ཚོ་མཁས་མདོགས་དང་མགྱོན་མདོགས་བྱས་ནས་ཆོས་སྲིད་ཟུང་འབྲེ་སྐྱོན་བརྗོད་བྱེད་ཀྱི་འདུག་ཡིན་ནའང་ངས་ལྟས་ན་ཆོསa་སྲིད་ཟུང་འབྲེལ་ད་ལྟའི་བོད་གཞུང་གི་སྲིད་བྱུད་ཡོངས་སུ་མཐོན་པ་མ་ཟད་འཛམ་གླིང་ཡོངས་ཀྱི་གུས་བརྩེ་བྱེད་ཀྱི་ཡོད་རེད་ཤེས་སོང་ངམ།
ཨ་ཁ་ ཁོང་གུ་ནོར་འདུག་ ད་མ་བཟང་སོང དངོས་གནས་གསུང་ཡོད་མ་རེད་བསམ་འདུག་ བདེན་ན་ཚར་སོང
གནས་ཚུལ་ནང་མོ་ཞིག་ག་གློ་བུར་གློ་བུར་དུ་འགྱུར་བ་འགྲོ་གི་རེད། ཆབ་སྲིད་ཀྱི་འགྱུར་བ་ནི་འགྱུར་བ་ནང་གི་གཏན་ཤོས་ཤིག་རེད་ཀྱང་། དེ་ཡང་ནམ་ཞིག་འགྱུར་འགྲོ་བ་དང་། ཇི་འགྱུར་འོང་བ་ནི་སུས་ཀྱང་བཤད་དཀའ་མོ་རེད། དུས་རབས་ཀྱི་འཕེལ་རིམ་དང་བསྟུན་ནས་མི་ཡི་བསམ་བློ་ཡང་འགྱུར་བ་ཆོས་ཉིད་རེད། ༧ གོང་ས་མཆོག་གིས་ཁོང་གི་ཚབ་མི་གཉིས་ཀྱིས་བྱ་དགོས་གསུངས་པ་འདི་དངོས་གནས་རླབས་ཆེན་ཞིག་རེད། འདི་ནི་ཁོང་གི་རིན་ཐང་ཅན་གྱི་བཀའ་སློབ་ཐམས་ཅད་ཀྱི་ནང་ནས་ཀྱང་རིན་ཐང་ཆེ་ཤོས་གྲས་ཀྱི་བཀའ་སློབ་ཅིག་ཀྱང་རེད། འདི་ནི་ཁོང་གིས་འཛམ་གླིང་ཡུལ་གྲུ་མང་པོར་ཕེབས་པའི་བརྒྱུད་དེ་དང་དེའི་ཆབ་སྲིད་ཀྱི་འགྲོ་སྟངས་དང་སྤྱི་ཚོགས་ཀྱི་གནས་བབས་སོགས་ལ་རྒྱུས་ལོན་ཞིབ་ཚགས་གནང་ཞིང་། དུས་རབས་ཀྱི་འགྲོས་དང་བསྟུན་ཏེ་བོད་པ་ཚང་གི་མ་འོངས་པར་ཐུགས་བསམ་རྒྱ་ཆེན་བཞེས་ནས་གསུངས་པ་ཞིག་རེད།
ཆོས་སྲིད་གཉིས་ཁ་ཁར་ཕྱེ་དགོས། དེ་ལ་དགེ་མཚན་ལས་ནོར་བ་ཅུང་ཟད་ཙམ་ཡང་མེད། ད་ལྟའི་ཆར་༧གོང་ས་མཆོག་གིས་ཕྱོགས་གཉིས་ཀ་བདེ་རླག་ངང་འཛིན་སྐྱོང་གནང་ཐུབ་ཀྱིན་ཡོད་ན་ཡང་ཁོང་གི་རྗེས་སུ་ཁོང་ལྟ་བུ་ཞིག་གང་ནས་འཚོལ་ལམ། ངས་སྐད་ངན་བཤད་པ་མིན་ཀྱང་ཁོང་ལྟ་བུ་ཞིག་རྙེད་མི་སྲིད་པ་ཞིག་རེད། ཁོང་ལྟ་བུ་ཞིག་མེད་ན་ཆོས་སྲིད་གཉིས་ཀྱི་བདག་པོ་ག་ལ་ཐུབ། དེ་མི་ཐུབ་པ་གསལ་པོ་རེད་འཛམ་གླིང་ནང་དུ་ཁོང་ལས་ལུགས་གཉིས་ཀྱི་འགན་གཙང་བཞེས་གནང་ཐུབ་མཁན་ཞིག་སུ་འདུག ཁོང་གི་རྗེས་སུ་སེར་མོ་བ་སྲིད་འཛིན་དུ་བསྐོས་གཏན་ནས་མི་རུང་། དེ་ཡང་གནད་འགག་ཞིག་རེད། འོན་ཀྱང་ཆོས་ཕྱོགས་ཀྱི་དབུ་ཁྲིད་དེ་སེར་སྐྱ་སུས་བྱ་དགོས་རེད་ཅེ་ན་དེ་ནི་སྐབས་དེ་དུས་ཕོ་སུས་འཇོན་ལས་ད་ལྟ་ནས་ཐག་གཅོད་ཐུབ་པ་ཞིག་རྩ་ནས་མ་རེད། དེང་སང་བོད་ཕྱི་ནང་གཉིས་ནས་ཆོས་སྲིད་གཉིས་སོ་སོར་དབྱེ་དགོས་པའི་བསམ་ཚུལ་བཏོན་མཁན་ཤེས་ཡོན་ཅན་གྱི་གཞོན་སྐྱེས་མང་དུ་འགྲོ་བཞིན་ཡོད། མང་པོ་ཞིག་གིས་ད་དུང་བོད་པ་ཚང་འདི་ལྟར་རྗེས་ལུས་དང་རང་མགོ་མི་ཐོན་པའི་གནས་སུ་གྱར་བ་ནི་བླ་མས་སྲིད་དབང་བཟུངས་བའི་ཞན་ཆས་བྱས་པ་རེད་ཅེས་ཤོད་ཀྱི་ཡོད། དེ་ལའང་གནས་ལུགས་དང་བདེན་ཁ་མེད་པ་གཏན་ནས་མ་རེད། དེས་ན་ང་ཚོས་༧་གོང་ས་མཆོག་གི་རྗེས་སུ་ལུགས་གཉིས་སོ་སོར་ཕྱེ་ནས་འཛམ་གླིང་འདིའི་ཐོག་ཏུ་གོམས་པ་གསར་པ་ཞིག་སྤོ་རན་འདུག་གོ
ངོ་མ་༧ གོང་ས་མཆོག་གི་གསུངས་འདི་ཡ་མཚན་ཞིག་རེད། འོན་ཀྱང་། ངས་བལྟས་ན་འུ་ཚོའི་སྤྱི་ཚོགས་ནང་དུ་༧གོང་ས་མཆོག་གི་འཐུས་ཚབ་ཅིག་ཧ་ཅང་ཁག་པོ་མ་རེད་དམ། ད་ལྟ་འུ་ཚོ་གནས་སྟངས་དེ་འདྲ་ཞིག་གི་ནང་དུ་ལྷུང་ཡོད་དུས་ཁོང་གི་སྐུ་ཚབ་བྱེད་མཁན་ཞིག་ཁག་པོ་རེད་འདོད་ཀི སྤྱིར་འཇིག་རྟེན་མི་ཆོས་ཀྱི་ཐོག་ནས་བཤད་ན་༧་གོང་ས་མཆོག་གི་སྲིད་ཕྱོགས་ཀྱི་སྐུ་ཚབ་ཞིག་དགོས་ངེས་ཡིན་མོད། དེ་ནི་ཧ་ཅང་ཁག་པོ་རེད། ཆོས་ཕྱོགས་ནས་ཨ་ཅང་ཅང་། ཁྱེད་ཚོས་བལྟས་ན་ག་འདྲ་རེད།
ཆོས་སྲིད་གཉིས་ཁ་ཁ་ཕྱེ་ན་སྐྱོན་མེད་ཀྱང་། གོང་ས་མཆོག་གི་ཆོས་ཀྱི་དབང་ཆ་སྔར་བཞིན་བཟུང་དགོས་པ་ནི་ཧ་ཅང་གི་འགལ་ཆེ་ཞིག་ཡིན། རྒྱུ་མཚན་ཁྱེད་རྣམས་ཀྱིས་ཤེས་གསལ་རེད། སྲིད་ཀྱི་བདག་དབང་ཁྲི་པ་མཆོག་གམ་གཞན་ཞིག་འདེམས་ནའང་སྒྲིག།
Tashi Delek!
མེས་པོའི་དུས་ནས་བཟུང༌། གང་ལྟར་ཕྱོགས་བསྡོམས་ན། མི་ལོ་ 400་མིན་ཙམ་གྱི་དུས་ཡུན་རིང་ལ་ཕྱི་མིག་བརྒྱབ་བཤིག་གཅིག་བལྟས་ཚེ། ལུགས་གཉིས་ཀྱི་སྲིད་གཞུང་འདོར་རྒྱུ་མེད་པ་ནི། ལོ་རྒྱུས་ཀྱིས་དཔང་པོ་བྱས་ཡོད།
ལྷག་པར་དུ་བླ་མས་སྲིད་ཅིག་མི་སྐྱོང་ན། དོན་དམ་ཡོང་རྒྱུ་དཀའ་བ་ཡང་ང་ཚོ་ཚང་མས་བཅོས་མིན་གྱི་སེམས་གཏིང་ནས་ཁས་ལེན་བྱེད་པའི་གནད་ལུགས་འདོར་དུ་མི་རུང་བ་ཞིག་ཡིན།
དེ་འདྲ་ཡིན་དུས་མི་འདོད་ནའང་ཐབས་མེད་པ་དེ་ལ་ཁས་ལེན་རྒྱུ་ནི་གལ་ཆེན་པོ་རེད་སྙམ། ཡོང་རྒྱུ་མེད་པའི་དེ་རང་བྱེད་འདོད་ན་ནི་དེར་བསྟེན་པའི་གཉེན་པོའམ་ཐབས་ལམ་ཞིག་མི་མངོན། མངོན་འདོད་ནའང་མི་མངོན་པ་ལས། མི་མངོན་པའི་ཆེད་དུ་མངོན་འདོད་ནས་མི་མངོན་པ་ཞིག་མིན་པ་ནི་ཚང་མས་ནོར་བ་མེད་པ་གནང་རོགས་ཞུ།
རྒྱལ་བ་རིན་པོ་ཆེའི་བཀའ་སློབ་ཡོད་ཚད་ཐད་ཀར་ང་ཚོར་གསུངས་ཡོད་ཀྱང་ང་ཚོས་དེ་ལ་ཐད་ཀར་གོ་བ་བླངས་ན་མི་འགྲིག་་་དཔེར་ན།ཐེངས་འདིའི་བཀའ་སློབ་འདི་ལྟ་བུ་རེད།ཆོས་སྲིད་གཉིས་ཐད་ནས་ང་ཚོར་འགན་དབང་གནང་ཡོད་ལ་འགན་ཁུར་དུ་འཇུག་འདོད་ཀྱང་ཡོད།་འོན་ཀྱང་ད་ལྟ་ཛ་དྲག་གི་གནས་བབ་འདི་ལ་དཀྱེལ་ཆེའི་ཐུགས་དགོངས་དང་བཟོད་བསྲན་བྱེད་ནུས་པའི་མི་སུ་ཞིག་ཡོད་པ་རེད།དེ་ཙམ་དུ་མ་ཟད་འདི་ལྟ་བུའི་བཀའ་སློབ་ཡོང་དོན་ཡང་བོད་ཀྱི་ཁོར་ཡུག་དང་དེ་བཞིན་འཛམ་གླིང་ཡུལ་གྲུ་མང་པོར་གནས་བཅས་པའི་མི་མང་པོ་ཞིག་གིས་ད་ལྟའི་བོད་ཀྱི་གནས་བབ་འདིའི་ཉེན་ཁ་མ་མཐོང་བར་འཕག་འཚག་ཞེ་དྲག་རྒྱག་རྒྱུ་ཡོད་པར་མཐོང་ནས་བོད་ཀྱི་ཆོས་སྲིད་ཀྱི་གནས་བབ་ལ་སྐྱོན་བརྗོད་མང་ཙམ་བཤད་མཁན་འདུག་་་་ད་དུང་བསམ་བློ་གཏིང་ཟབ་ཡིནཁུལ་གྱིས་ཆོས་སྲིད་ཁ་ཁར་དགོས་ཚུལ་ཡང་བཤད་ཀྱི་ཡོད་པ་རེད།དེ་ལ་འདི་ལྟར་བརྗོད་དེ་ཆོས་སྲིད་ཁ་ཁར་མི་བྱེད་ཟེར་མཁན་སུ་ཞིག་འདུག་དེ་འདྲ་ཡོད་ན་དེ་ལ་མཛུབ་མོ་བཙུག་ནས་ཐེར་འདོན་བྱེད་དགོས་པ་ཡོད་ཀྱང་དེ་འདྲ་གང་ཡང་མེད་པར་ཚོད་ཚོད་ཅིག་བཤད་བསྡད་ན་དོན་དམ་དུ་དེ་དག་ཅི་ཞིག་ཡིན་པ་སྨོས་ཅི་དགོས།ཁོང་ལ་མཚོན་ན་འགན་ལེན་མཁན་ཞིག་ཡོད་ན་ད་ལྟ་རང་དུ་རྩིས་སྤྲོད་གནང་འདོད་ཡོད་པ་ང་ཚོས་དྲིན་ལན་ལོག་འཇལ་ད་བར་དུ་བྱས་པ་འདི་ནས་མཚོན་ཐུབ།འོན་ཀྱང་ད་ལྟ་དེ་འདྲ་སུ་ཞིག་ཀྱང་བོད་ཕྱི་ནང་གཉིས་ན་མེད་ཅིང་།་དུས་ཚོད་དེ་ནི་མ་འོངས་པར་བོད་རང་དབང་སླར་གསོ་བྱས་མཚམས་ཀྱི་ལས་ཀ་ཞིག་ཡིན་པ་ལས་ད་ལྟའི་འོས་བབ་མིན་ནོ།།
༧རྒྱལ་བའི་བཀའ་དགོངས་གཟབ་མོ་འདི་ཉིད་ལ་ང་ཚོས་ངེས་པར་བསམ་ཤེས་ཀྱི་ལས་འགུལ་ཞིག་སྤེལ་དགོས་པ་གལ་ཆེ། ་
རྒྱལ་བའི་དབང་བོ་མཆོག་གིས་བཀའ་སློབ་དེ་ནི་ཚོགས་འདུ་གང་ཞིག་ནས་གསུང་བ་དང་བཀའ་སློབ་དེ་སུས་བཀའ་ལན་ཏུ་གནང་བ་ཡིན་མིན་གསལ་བོ་ཞིག་བཟོ་རོགས་ཞུ། དེ་ནས་ངས་ཀྱང་རང་གི་བསམ་ཚུལ་ཕྲན་པུ་ཞིག་འབྲི་འདོད་ཡོད།
གོང་ས་མཆོག་གིས་ཆོས་སྲིད་གཉིས་ཀྱི་སྐུ་ཚབ་རེ་རེ་དགོས་ཀྱི་འདུག་གསུངས་པ་འདི་ནི་ཤིན་ཏུ་གལ་ཆེ་བའི་གསུང་ཞིག་རེད། ངས་བསམ་ན་གོང་ས་མཆོག་གི་དགོངས་གཞི་ནི་མ་འོང་བར་ཆོས་སྲིད་གཉིས་ཁ་ཁ་དབྱེ་རྒྱུ་ཐུགས་འདུན་ཁྱད་པར་ཅན་ཞིག་ཡིན་པ་འདྲ། ཆོས་སྲིད་གཉིས་ཁ་ཁ་དབྱེ་རྒྱུ་དེ་ཧ་ཅང་གི་གལ་ཆེན་ཞིག་ཏུ་དགོངས་ཀྱིན་ཡོད་པ་འདྲ། ངས་བལྟས་ན་ཆོས་པས་ཆོས་རྣམ་དག་ཅིག་སྒྲུབ་རྒྱུ་དང་། ཆབ་སྲིད་པས་ཆབ་སྲིད་ལ་ཐུས་ཤོར་མི་འགྲོ་བ་ཞིག་བྱ་རྒྱུ་དེ་ཧ་ཅང་གི་གལ་ཆེན་པོར་མཐོང་གིན་འདུག དེ་མིན་མང་བོ་ཞིག་གིས་ཆོས་སྲིད་ཟུང་འབྲེལ་གྱི་ཕྱག་ལས་གནང་བར་སྙམ་ནས་ཆོས་ཀྱང་མ་གྲུབ་ཆབ་སྲིད་ལ་འཐུས་ཤོར་ཚད་མེད་པ་ཞིག་འགྲོ་བཞིན་པ་ནི་སྨོས་མ་དགོས་མོད།
འདི་ངོ་མ་གནད་འགག་རེད། མི་ནག་ཚང་གི་ལྟ་བར་རྒྱབ་སྐྱོར་ཡོད། དྲ་གྲོགས་ཚོས་ཀྱང་བསྟན་བཤིག་མ་བསླངས་ནས་བཀའ་མོལ་ཡག་པོ་གནང་བའི་རེ་བ་རྒན་འཁོག་ཉག་ཐག་ང་ལ་ཡོད་དོ།
དྲ་གྲོགས་གནས་ཚང་གིས་གླེན་བཤད་ཐུང་ཐུང་ཞིག་བྱས་འདུག་ཀྱང་བསམ་པ་རྣམ་དག་ཡིན་པར་གྱུར་ཅིག
མཆོད་མེ་དང་མེ་མདའ། འདི་འདྲའི་མཚན་གཞི་ཐེབས་ཆག་གཅིག།
སྲིད་བྱེད་ན་ངེས་པར་ཏུ་མེ་མདའ་མི་དགོས་པ་ཆོས་བྱེད་ན་ངེས་པར་ཏུ་རི་ཁྲོད་འགྲིམ་མི་དགོས་པ་དྲ་གྲོགས་རྣམ་པའི་ངེས་པ་བྱེད་རོགས།
འདི་ནི་གངས་ཅན་པ་རྣམས་ལ་གདམས་ངག་ཟབ་མོ་ཞིག་དང་། ལྷག་པར་ཆོས་སྲིད་ཀྱི་གོ་རྟོགས་སྤེལ་ཕྱིར་གསུངས་པ་ཞིག་ཀྱང་རེད་འདུག་སྙམ། དེར་བརྟེན་དྲ་གྲོགས་ཚོས་ཆོས་སྲིད་ཟུང་འབྲེལ་གྱི་སྐོར་ལ་བསམ་བློའི་གོ་རྟོགས་སྤེལ་རེས་གནང་ན་ག་འདྲ་འདུག
ཁོ་རེ་ཆོས་སྲིད་ཁ་ཁ་ཕྱེ་སྟངས་ཨེ་འདྲ་ཡོད།
༡ སྲིད་སྐྱོང་ནི་དམག་ཇུས་འགོད་མཁན་ཡིན་ཞིང་། བོད་ལ་རང་དབང་འདིའི་སྒང་ནས་རེག་དགོས།
༢ ཆོས་སྐྱོང་མཁན་ནི་རྣམ་དག་མི་ལ་རས་པ་ལྟ་བུ་བྱུང་ནས་འཛམ་གླིང་གི་བསམ་བློའི་དབུ་འཁྲིད་གནང་དགོས།
འདི་ནི་ལག་པ་གཅིག་ནང་མེ་མདའ་དང་། གཞན་དེའི་ནང་མཆོད་མེ་བཟུང་བ་ལྟ་བུ་མ་ཡིན་ནམ།
མི་ལུང་རྒྱལ་ཝ་ཡེ།་་ཆོས་སྲིད་གཉིས་ཁ་ཁར་གང་འདྲ་བྱེད་དགོས་ཁྱོད་ལ་བསམ་བློ་གསར་་བ་ཞིག་ཡོད་ན་བོད་ལ་མི་བཤད་སུ་ལ་བཤད།་་་་ཡ་གསུང་རོགས།
ཨ་གླེན་གྱིས་་བཤད་པ་བདེན་པ་རེད་ང་ཡང་དེ་ལ་དགའ་དེ་ཡེ་རེད་
སྲིད་ལ་དགའ་མཁན་དག་སྲིད་ལ་བརྩོན་དང་སྲིད་འཇོན་ན་ཆོས་སྲིད་གཉིས་ཁག་ཁག་རང་ཤུགས་ཀྱིས་གྱེས་འགྲོ། སྲིད་མ་འཇོན་ན་ཆོས་ཀྱིས་རོགས་རམ་མི་བྱེད་རང་བྱེད་རེད། ༼ མ་རུལ་མ་ཡིས་འཇོན་ནོ་གཉོག་རེད།། སོ་མེད་མཁན་གྱིས་ཟ་རྒྱུ་དེ་རེད།། སྲིད་ནུས་མེད་ཀྱི་རྒྱབ་རྩ་ཆོས་རེད།། བོད་རྗེས་ལུས་ལ་རན་ནོ་དེ་རེད།།༽
ང་ཚོ་དམངས་གཙོ་ཡང་དག་པ་ཞིག་གི་ལམ་ལ་འགྲོ་དགོས་ཀྱི་འདུག དེར་འགྲོ་ན་ཆོས་སྲིད་གཉིས་ཀྱང་ཁ་ཁར་ཕྱེ་དགོས་ཀྱི་འདུག སྤྱི་ཚོགས་ཤིག་ལ་རང་གི་འཁོར་སྐྱོད་ཀྱི་ལམ་ལུགས་ཡང་དག་ཅིག་ཡོད་ན་ལས་ཀ་ཅི་བྱས་ཀྱང་དཀའ་ངལ་ཞེ་དྲག་འཕྲད་གི་མ་རེད་འདོད།