ཨོ་སི་ཊོ་ལ་ཡའི་གྲོས་ཚོགས་འཐུས་མི་ཁག་ཅིག་གིས་དེ་རིང་ནས་བཟུང་ཉིན་དྲུག་རིང་བཞུགས་སྒར་དུ་གཟིགས་སྐོར་ལ་ཕེབས་ཡོད་པ་རེད།
བཙན་བྱོལ་བོད་གཞུང་གི་གསར་འགོད་འབྲེལ་མཐུད་པ་བློ་བཟང་ཆོས་གྲགས་ཀྱིས་བརྗོད་པ་ལྟར་ན། ཨོ་སི་ཊཔ་ལི་ཡའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་འཐུས་མི་ ༦ ཐེངས་འདིར་ངྷ་སར་ཕེབས་ཡོད་ལ། ཁོང་ཚོས་༧གོང་ས་མཆོག་ལ་མཇལ་འཕྲད་དང་བཙན་བྱོལ་བོད་གཞུང་གི་གནད་ཡོད་མི་སྣ་དག་ལ་མཇལ་འཕྲད་གནང་རྒྱུ་རེད། ཕྱི་ཚེས་ ༣ གྱི་ཉིན་རྒྱབ་དུས་ཚོད་ ༢།༣༠ སྟེང་བོད་མི་མང་སྤྱི་འཐུས་ལྷན་ཁང་གི་གོ་སྒྲིག་འོག ཁོང་ཚོས་གངས་སྐྱིད་སྤྱི་ཐབ་ཚོགས་ཁང་དུ་གསར་འགོད་པ་རྣམས་ལ་ཐུག་འཕྲད་གནང་རྒྱུ་རེད།
གནས་ཚུལ་ཤེས་གསལ་ལྟར་ན། སྐུ་ཚབ་འདི་དག་གི་ལྷན་དུ་ཨོ་སི་ཊོ་ལི་ཡའི་ཁྲིམས་རྩོད་པ་དང་། གསར་འགོད་པ། ལས་འགུལ་བ་བཅས་མི་སྣ་སྐོར་ཞིག་ཀྱང་ཡོད་འདུག ཁོང་ཚོ་འདིར་ཕེབས་ནས་བོད་གཞུང་གི་འབྲེལ་ཡོད་མི་སྣར་མཇལ་འཕྲད་དང་མཉམ་དུ། ཆབ་སྲིད་བཙོན་ཟུར་དང་། བོད་ནས་གསར་དུ་བཙན་བྱོལ་ལ་འབྱོར་མཁན་ཚོར་ཡང་ཐུག་འཕྲད་གནང་རྒྱུ་ཡིན་འདུག
ཨོ་སི་ཊོ་ལ་ཡའི་གྲོས་ཚོགས་འཐུས་མི་ཁག་ཅིག་མ་ཟད་ཨོ་སི་ཊོ་ལ་ཡའི་སྲིད་འཛིན་རྡ་སར་སླེབ་ནའང་བོད་དོན་ལ་ཕན་ཐོག་སྤུ་ཙམ་མེད་ངེས་ཡིན། རྒྱ་ནག་གི་ནུས་ཤུགས་འོག་ཨོ་སི་ཊོ་ལ་ཡའི་སྲིད་འཛིན་ནི་རྒྱ་མིའི་ཁྱི་གུ་ཞིག་དང་མཚུངས་ཅེས་ཉེ་ལམ་ཚགས་པར་ཐོག་ཏུ་འགོད་ཡོད། དེར་མ་ཟད་ཨོ་སི་ཊོ་ལ་ཡའི་ས་ཆ་མང་པོ་ལ་རྒྱ་ནག་གཏེར་ཁ་སྔོག་འདོན་བྱེད་བཞིན་ཡོད་པ་སོགས་རྒྱ་ནག་དང་འབྲེལ་བ་ཆེན་པོ་ཡོད། ཨོ་སི་ཊོ་ལ་ཡའི་རང་གི་ཆབ་སྲིད་ཀྱང་རང་ངོས་ནས་འཛིན་མ་ཐུབ་པར་ཨང་ལེན་ནས་འཆར་འགོད་བྱེད་བཞིན་ཡོན་པ་རེད།
ཉིན་མོ་དེའི་གསར་འགོད་གསལ་བསྒྲགས་དུས་ཐོག་ལ་འདི་རུ་འགོད་རྒྱུར་རེ་བ་ཡོད།
གནས་ཚུལ་ཡག་པོ་རེད།
ཕྱི་ཚེས་༣ཉིན་གསར་འགོད་པ་ཚོར་མཇལ་འཕྲད་གནང་རྒྱུ་ཡིན་ན།
ལྷག་ཏུ་བཟང་གི།
དེ་དུས་དྲི་བ་ལྗིད་ཁོག་ཡོད་ནི་རེ་གྲ་སྒྲིག་གནང་རོགས་ཞེས་གསར་འགོད་པ་ཚོར་རེ་སྐུལ་ཞིག་ཞུ་འདོད་བྱུང་།