ཟླ་འདིའི་ཕྱི་ཚེས་ ༡ ཉིན་མཚོ་སྔོན་ཞིང་ཆེན་ཡུལ་ཤུལ་ཁུལ། དཔལ་ཐང་ཞེས་པར་༼ དཔལ་ཐང་གནམ་གྲུ་ཐང་ ༽ གསར་རྒྱག་ཡོངས་སུ་གྲུབ་པའི་མཛད་སྒོ་ཞིག་བསྡུས་ཡོད་པ་དང་། ཉིན་དེའི་སྔ་དྲོའི་ཆུ་ཚོད་ ༨ སྟེང་ཟི་ལིང་གནམ་ཐང་ནས་འགྲུལ་སྐྱེལ་གནམ་གྲུ་ཆེན་པོ་ཞིག་འཕུར་སྐྱོད་ཀྱིས་བར་སྣང་ནས་ཆུ་ཚོད་ ༡ དང་སྐར་མ་ ༡༥ རིང་སྐོར་སྐྱོད་བྱས་མཐར། ཡུལ་ཤུལ་དཔལ་ཐང་གནམ་གྲུ་ཐང་ལ་བབས་ཏེ། གནམ་ཐང་སྒོ་འབྱེད་ཀྱི་མཛད་སྒོ་དབུ་འཛུགས་བྱས་ཡོད་འདུག ཉིན་དེར་མཚོ་སྔོན་ཞིང་ཆེན་དམར་ཤོག་ཚོགས་པའི་དྲུང་ཆེ་ཆང་ཝེ་དང་ཞིང་ཆེན་སྤྱི་ཁྱབ་གཞོན་པ་ཞུའུ་ཧྥུ་ཧྲོན། ནུབ་རྒྱུད་གནམ་ཐང་ཚན་པའི་ཏུང་ཧྲི་ཞི་ཁོའུ། ཡུལ་ཤུལ་ཁུལ་དམར་ཤོག་དྲུང་ཆེ་སོགས་གནམ་ཐང་སྒོ་འབྱེད་ཀྱི་མཛད་སྒོར་ཞུགས་ཏེ། ༢༠༠༨ ལོའི་ཟླ་ ༨ ཚེས་ ༡ ཉིན་ནས་བཟུང་ཡུལ་ཤུལ་དཔལ་ཐང་གནམ་གྲུ་འབབ་ཚིགས་དངོས་སུ་སྒོ་འབྱེད་བྱས་པ་ཁྱབ་བསྒྲབས་དང་། དཔལ་ཐང་གནམ་གྲུ་ཐང་ནི། རྨ་འབྲུ་རྫ་གསུམ་ས་ཁུལ་གྱི་བོད་རིགས་མང་ཚོགས་ནང་ལོགས་ས་ཁུལ་གཙོས་པའི་འཛམ་གླིང་ལ་འགྲོ་སྐྱོད་སྟབས་བདེ་བཟོས་ཚུལ་དང་། འཛམ་གླིང་མི་དམངས་གཙང་གསུམ་འབྱུང་ཡུལ་དུ་སྤྲོ་འཆམ་ལ་ཕེབས་བསུའི་སྒོ་མོ་ཕྱེས་སྐོར་བརྗོད་ཡོད་འདུག་ལ། ཉིན་དེར་ཁུལ་དང་རྫོང་གི་འཁྲབ་སྟོན་ཚོགས་པ་ཁག་ཅིག་དང་། ས་གནས་བོད་རིགས་ཁག་ཅིག་བཅས་འབོད་འགུག་གིས་གླུ་གར་འཁྲབ་སྟོན་ཡང་བྱས་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཡུལ་ཤུལ་དཔལ་ཐང་གནམ་ཐང་ལ་སྔ་ཕྱི་བར་གསུམ་དུ་ས་གནས་བོད་མི་དང་ས་གནས་རྒྱ་ནག་གི་འབྲེལ་ཡོད་ཚན་པའི་བར་མི་མཐུན་པའི་འགལ་ཟླ་དང་རྩོད་རྙོག་མང་པོ་བྱུང་དང་བྱུང་བཞིན་པ་འདྲ། ལྷག་པར་ད་ཆ་གནམ་གྲུ་གཏོང་འགོ་ཚུགས་ཀྱང་ཁུལ་དེའི་བོད་མི་ཚོའི་དུར་ཁྲོད་སྟེང་གི་བྱ་རྒོད་ཚོས་གནམ་གྲུ་འཕུར་བསྐྱོད་ལ་ཉེན་ཁ་ཡོད་ཚུལ་གྱི་འགལ་ཟླ་མུ་མཐུད་ཡོད་འདུག།
Tashi Delek!
ཕུག་གིས་ཕན་གནོད་གང་འབྱུང་སུས་དཔག་པར་ནུས་མོད་འོན་ཀྱང་གནམ་ཐང་ལེགས་གྲུབ་བྱུང་པ་དེ་ཡར་རྒྱས་སུ་གཏང་བའི་ངོས་འཛིན་ཞུ་བགྱི་ཡིན།