གོ་ལ་ཧྲིལ་བོའི་གནམ་གཤིས་འགྱུར་ལྡོག་གི་ཤུགས་རྐྱེན་ཐེབས་སླ་བའི་ས་ཁུལ་ནི། མདོ་དབུས་མཐོ་སྒང་གི་ས་ཁུལ་ཆགས་ཡོད་འདུག་པ་དང་། ད་ལོའི་སྤྱི་ཟླ་བདུན་པར་འདས་པའི་ལོ་ངོ་ལྔ་བཅུའི་རིང་གི་གནམ་གཤིས་དྲོད་ཚད་ཆེས་མཐོ་བའི་ཚད་ཐིག་ལ་སླེབས་ཡོད་འདུག
རྒྱ་ནག་དབུས་གནམ་གཤིས་རྟོག་དཔྱོད་སྡེ་ཚན་གྱིས་ཕྱི་ཚེས་ ༣ ཉིན་ཕྱིར་བསྒྲགས་བྱས་པའི་གནས་ཚུལ་ལྟར་ན། གོ་ལ་ཧྲིལ་བོའི་གནམ་གཤིས་འགྱུར་ལྡོག་གི་ཤུགས་རྐྱེན་ཐེབས་པ་ཆེས་བསླ་བའི་ས་ཁུལ་ནི། མདོ་དབུས་མཐོ་སྒང་གི་ས་ཆ་འདི་ཡིན་པ་དང་། ད་ལོའི་སྤྱི་ཟླ་བདུན་པར་བོད་ལྗོངས་ས་ཁུལ་གྱི་གནམ་གཤིས་དེ་སྤྱི་ལོ་ ༡༩༥༩ ལོ་ནས་ད་ལྟའི་བར་གྱི་དྲོད་ཚད་ཆེས་མཐོ་ཤོས་སུ་སླེབས་ཤིང་། རྒྱུན་ལྡན་ལས་ཚད་རིམ་ ༢ ཙམ་འཕར་ཏེ། ལྷ་སའི་ནུབ་རྒྱུད་དང་ལྷོ་རྒྱུད་དུ་ཆར་བ་འབབ་ཚད་དུས་རྒྱུན་ལས་གསུམ་ཆའི་གཅིག་ཉུང་དུ་ཕྱིན་ཡོད་འདུག མདོ་དབུས་མཐོ་སྒང་ནི་འཛམ་གླིང་གནམ་གཤིས་འགྱུར་ལྡོག་གི་ཤུགས་རྐྱེན་ཚབ་ཆེ་ཤོས་དེ་ཆགས་དོན། ས་ཁམས་ཆགས་ཚུལ་དང་རང་བྱུང་ཁོར་ཡུག་གི་དམིགས་བསལ་ཁྱད་ཆོས་ཁག་ཅིག་ལ་འབྲེལ་བ་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ད་དུང་བོད་ཡུལ་སྐྱེ་ཁམས་ཐེབས་རྩ་ཚོགས་པ་ཟེར་བ་ཞིག་གི་དྲ་ངོས་སུ་ཡང་དེ་འདྲའི་གནས་ཚུལ་ཞིག་བཀོད་འདུག
དྲ་གྲོགས་རྣམས་པས་དེའི་གནས་ཚུལ་ལ་ལྟ་འདོད་ན་དྲ་བའི་ཁ་བྱང་ནི་http://www.khoryug.org/climate_threat__to_tibet_region.html
ལོ་སྔོན་མའི་ས་ཡོམ་གྱི་རྐྱེན་གྱིས་སྤྱིའི་གནམ་གཤིས་ལ་འགྱུར་ལྡོག་ཆེན་པོ་བཏང་ཡོད། མི་འབོར་གྱི་གྲངས་ཚད་ཡིན་ནའང་འདྲ། འབྱུང་བཞི་འཁྲུགས་པའི་རྐྱེན་གྱིས་ཡིན་ནའང་། གང་ལྟར་ང་ཚོ་དངངས་འཚབ་སྐྱེ་བ་དགོས་པ་ཞིག་རེད།
གནད་དོན་འདིར་རྒྱ་དམར་གྱིས་ཁ་གཡང་བརྗོད་ཐབས་མེད་ལ། རྒྱུ་རྐྱེན་འདིའི་རྐྱེན་རྩ་སྣ་འདྲེན་པ་ཁོ་ཚོ་རང་རེད།
ཅིས་ཕྱིར་ཞེ་ན་བོད་ཀྱི་འཁོར་ཡུག་ལ་གཏོར་བཅོམ་ཚད་མེད་དང་། སྔོག་འདོན་རྩབ་ཧྲལ་དུ་བཏང་དང་གཏོང་བཞིན་པར་ལྟོས་དང་།
ཉེ་ཆར་རང་བོད་ནང་གི་འཁོར་ཡུག་དང་གནམ་གཤིས་ཧ་ཅང་གནས་བབ་ཛ་དྲག་ཅན་ཏུ་གྱུར་ཡོད་ཚུལ་༧གོང་ས་མཆོག་གིས་གསུང་ཡོད་པ་རྒྱལ་སྤྱིའི་གསར་ལམ་ཁག་ཏུ་རྒྱང་སྒྲོག་བྱེད་བཞིན་པ་ལྟར་རེད།
བོད་ནང་གནམ་གཤིས་ཧ་ཅང་འགྱུར་ལྡོག་འགྲོ་ཡི་ཡོད་པ་ནི་བོད་ནང་མི་འབོར་མང་དུ་འགྲོ་བ་ལ་བརྟེན་རེད་བསམ་གྱི་འདུག་གང་ཡིན་ཟེར་ན་མིའི་དྲོད་ལ་བརྟེན་བྱུང་བ་ཞིག་རེད་འདི་ནི་ང་ཚོ་བོད་མི་རྣམས་་བསོད་ནམས་གཟད་འགྲོ་ཡི་ཡོད་པ་ཚང་མས་མཁྱེན་གསལ་རེད་བཅས་
དིང་རི་མཚོ་སྒོ་བ་འཇམ་དཔལ་ནས་
ཉེན་ཚབས་རང་བཞིན་ཅན་རེད།
ངས་ངག་རྒྱུན་ལས་གོ་ཐོས་ལ་གནམ་གཤིས་དྲོད་གྲང་འཚམ་བའི་ས་ཁུལ་གང་ཡིན་རུང་། ས་ཁུལ་དེར་ལོ་རྒྱུན་ལྟར་གྱི་ཆར་ཤུགས་ལས་ཆེ་རུ་སོང་བའམ། ཆར་ཤུགས་ཀྱི་འབབ་རྒྱུན་རིང་དུ་སོང་ན་ཕྱི་ནད་ཡོང་གི་ཡོད་ཚད་ཅིག་གོ་ཐོས་བྱུང་། ཉེ་ལམ་མཚོ་ལྷོ་ས་ཁུལ་དུ་འང་ཕྱི་ནད་བྱུང་ནས་མི་ཚང་མ་དངངས་འཚབ་ཀྱིས་ཁེབས་ནས་བསྡད་ཡོད་པ་མ་ཡིན་ནམ།