༢༠༠༩ ལོའི་ཨ་རིའི་རྒྱལ་ཡོངས་རང་དབང་གཟེངས་རྟགས་དེ་༧གོང་ས་མཆོག་ལ་འབུལ་གཏན་འཁེལ་ཡོད་པ་རེད།
འཆར་ཟླའི་ཚེས་ ༢༣ ཉིན་ཨ་རིའི་རྒྱལ་ཡོངས་དངོས་མང་བཤམས་སྟོན་ཁང་གི་གོ་སྒྲིག་འོག ༢༠༠༩ ལོའི་ཨ་རིའི་རྒྱལ་ཡོངས་རང་དབང་གཟེངས་རྟགས་དེ་བོད་མིའི་དབུ་ཁྲིད་༧གོང་ས་མཆོག་ལ་འབུལ་གཏན་འཁེལ་ཡོད་པ་དང་། དེ་ནི་༧གོང་ས་མཆོག་གིས་འཛམ་གླིང་ཞི་བདེ་དང་ཆོས་ལུགས་བར་གྱི་མཐུན་སྒྲིལ་ཐད་མཛད་འཕྲིན་བླ་མེད་བསྐྱངས་པ་དང་། འཚེ་མེད་ཞི་བའི་ལྟ་གྲུབ་པ་བདག་ཉིད་ཆེན་མོ་གྷན་ངྷི་དང་འཛམ་གླིང་ཞི་བདེའི་གཟེངས་རྟགས་བཞེས་མཁན་ Dr. Martin Luther King སོགས་སྐྱེས་ཆེན་དམ་པ་དག་གི་མཛད་འཕྲིན་གྱི་རྗེས་སུ་འབྲངས་ཏེ། འཛམ་གླིང་ནང་ཞི་བའི་ལམ་ནས་བོད་མིའི་རང་དབང་གི་སྣེ་ཁྲིད་བྱས་སྟབས། ཁོང་ཉིད་ཀྱི་མཛད་འཕྲིན་ལ་བསྔགས་བརྗོད་དང་རྒྱབ་སྐྱོར་བྱ་ཆེད་ ༢༠༠༩ ལོའི་རྒྱལ་སྤྱིའི་རང་དབང་གི་གཟེངས་རྟགས་དེ་༧གོང་ས་མཆོག་ལ་འབུལ་གནང་རྒྱུ་གཏན་འཁེལ་ཡོད་འདུག འདིའི་ཐད་ཨ་རིའི་རྒྱལ་ཡོངས་འགྲོ་བ་མིའི་ཐོབ་ཐང་དངོས་མང་བཤམས་སྟོན་ཁང་གི་འགན་འཛིན་སྤེན་རྗེན་ཧོལ་ཁི་ Benjamin Hooks ལགས་ཀྱིས། ༧གོང་ས་ཏཱ་ལའི་བླ་མ་མཆོག་གིས་ཞི་བདེ་དང་འཚེ་མེད་ཞི་བའི་ལམ་ནས་འཛམ་གླིང་གི་དཀའ་རྙོག་དང་དྲང་བདེན་མིན་པའི་གནས་ལུགས་ཐག་གཅོད་བྱ་ཐབས་སུ་སྐུ་ལས་གང་མང་སྐྱོན་ཡོད་སྟབས། ཁོང་ནི་ཨ་རིའི་རླབས་ཆེན་གྱི་འགྲོ་བ་མིའི་ཐོབ་ཐང་གི་སྣེ་ཁྲིད་པ་མར་ཊིན་ལུ་ཐེར་ཁིན་དང་རྒྱ་གར་གྱི་འཚེ་མེད་ཞི་བའི་ལྟ་གྲུབ་པ་བདག་ཉིད་ཆེན་པོ་གྷན་ངྷི་སོགས་སྐྱེ་ཆེན་དམ་པ་དག་གི་བདེན་པའི་དཔང་བོ་གསོན་པོ་ཞིག་ཡིན་སྟབས། འདི་ལོ་༧གོང་ས་ཏཱ་ལའི་བླ་མ་གཙོས་བོད་མི་ཚོ་བཙན་བྱོལ་དུ་འབྱོར་ནས་མི་ལོ་ ༥༠ འཁོར་བའི་དུས་སྐབས་དང་བསྟུན། ཁོང་ཉིད་ཀྱི་དྲང་བདེན་དང་འཚེ་མེད་ཞི་བའི་འཐབ་རྩོད་ལ་རྒྱབ་སྐྱོར་དང་འཛམ་གླིང་ལ་མིག་དཔེར་སྟོན་ཆེད་གཟེངས་རྟགས་འདི་འབུལ་གཏན་འཁེལ་པ་ཡིན། ཅེས་གསུངས་ཡོད་པ་་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༧ གོང་ས་ཡིད་བཞིན་ནོར་བུར་རང་དབང་གཟེངས་རྟགས་འདི་ཉིད་འབུལ་བཞེས་དང་། ཆབས་ཅིག་གཞིས་བྱེས་བོད་རིགས་སྤུན་ཟླ་ཚོར་སླར་ཡང་སྤོབས་སེམས་དང་། སྙིང་སྟོབས་འཕེལ་བའི་ལས་དོན་རླབས་ཆེན་འདིར་གུས་ཕྱག་འབུལ།
༧ ཁོང་གིས་བྱམས་བརྩེ་དང་། བཟོད་བསྲན། དཀའ་སྤྱད། དྲང་ཚུགས་སོགས་ལ་གཟིགས་དང་། བོད་མི་ཚོ། འུ་ཚོའི་ལེ་ལོ་དེ་ཡིན་ན་་་་་་་
༧ ཁོང་གི་སྐུ་ཚེ་ཡུན་དུ་བརྟན་པར་ཤོག བཀྲ་ཤིས།
༧གོང་ས་ཡིད་བཞིན་ནོར་བུར་རང་དབང་གཟེངས་རྟགས་འདི་ཉིད་འབུལ་བཞེས་དང་། ཆབས་ཅིག་གཞིས་བྱེས་བོད་རིགས་སྤུན་ཟླ་ཚོར་སླར་ཡང་སྤོབས་སེམས་དང་། སྙིང་སྟོབས་འཕེལ་བའི་ལས་དོན་རླབས་ཆེན་འདིར་གུས་ཕྱག་འབུལ། ཁོང་སྐུ་ཚེ་ཡུན་དུ་བརྟན་པར་ཤོག བོད་མི་ཚོ། ལེ་ལོ་དེ་ཡིན་ན་་་་་་་
༧གོང་ས་ཡིད་བཞིན་ནོར་བུར་འབུལ་བཞེས་དང་། ཆབས་ཅིག་གཞིས་བྱེས་བོད་རིགས་སྤུན་ཟླ་ཚོར་སླར་ཡང་སྤོབས་སེམས་དང་། སྙིང་སྟོབས་འཕེལ་བའི་ལས་དོན་རླབས་ཆེན་འདིར་གུས་ཕྱག་འབུལ། ཁོང་སྐུ་ཚེ་ཡུན་དུ་བརྟན་པར་ཤོག བོད་མི་ཚོ།
གངས་ཅན་འགྲོ་བའི་མགོན་པོ།།
བརྩེ་ཆེན་རྩ་བའི་བླ་མ།།
བདེན་པས་རིགས་དྲུག་བསྐྱང་ནས།།
སྐུ་ཚེ་བསྐལ་བརྒྱར་བརྟན་ཤོགས།།
ཁོང་གི་སྐུ་ཚེ་བསྟན་པ་དང་བོད་པའི་བདེན་མཐའ་མྱུར་སེལ་བར་ཤོག
བཀྲ་ཤེས་བདེ་ལེགས་གྲངས་མེད་ཞུ་ཞུ།
དངོས་གནས་གཏམ་བཟང་རེད
འདི་འདྲའི་རླབས་ཆེན་གྱི་གཟེངས་རྟགས་རེ་རེས་ཀྱང་ཁོང་ནི་དོན་དམ་པའི་ཞི་བདེའི་དབུ་ཁྲིད་ཞིག་ཡིན་པར་མཚོན་གྱིན་འདུག། ང་ཚོ་ཡང་ཁོང་གི་བཀའ་དྲིན་ལ་རྟེན་ནས་འཚོ་གཞིན་པ་ནམ་ཡང་བརྗེད་མི་རུང།
སྐྱབས་གནས་ཀུན་འདུས་ཀྱི་ངོ་བོ་ཆོས་ཀྱི་རྒྱལ་པོ་བསྟན་འཛིན་རྒྱ་མཚོ་ལ་གསོལ་བ་འདེབས།
དམ་པ་ཁོང་གི་རླབས་ཆེན་མཛད་འཕྲིན་ལ་དད་གསུམ་ལྷ་དར་ལྷབ་ལྷུབ་བསྐྱོད་བཞིན་གངས་རི་འདིའི་ངོ་སོ་ཡར་ལ་བསྟོད།
དམ་པ་ཁོང་གི་རླབས་ཆེན་མཛད་འཕྲིན་ལ་དད་གསུམ་ལྷ་དར་ལྷབ་ལྷུབ་བསྐྱོད་བཞིན་གངས་རི་འདིའི་ངོ་སོ་ཡར་ལ་བསྟོད།
ཁོང་གི་སྐུ་ཚེ་སྲིད་མཐའི་བར་དུ་བརྟན་གྱུར་ཅིག
ཧ་ཅང་དགའ་བོ་བྱུང་། ད་དུང་ཁོང་གི་སྐུ་ཚེ་བརྟན་ན་གཟེངས་རྟགས་གང་མང་རག་ངེས་རེད། དེས་ན་བོད་པ་ཚོ་སཁ་ཁོག་མེད་པར་ཁོང་གི་བཀའ་ཚུལ་བཞིན་བསྒྲུབ་ན་བསམ་དོན་མང་བོ་འགྲུབ་ངེས་ཡིན་པ་གདོན་མི་ཟ་བ་ཞིག་རེད། གཞུང་སྒེར་གང་ཡིན་རུང་ཁོང་དོན་མེད་དུ་ལག་པ་འཕྱི་ས་མི་བྱེད་རྒྱུ་རེ་བ་ཡིན། དེ་མིན་གཏམ་བཤད་རེ་འཐེན་སྐབས་༧གོང་ས་མཆོག་གིས་གསུངས་འདུག་ཅེས་ཁ་བདེ་བོ་བྱེད་རྐྱང་དང་ལག་ལེན་ལ་ཐུག་དུས་ཕྱི་ནུར་རྒྱག་མཁན་ཚོ། ཁྱོད་ཚོས་བསམ་བློ་ཡག་པོ་ཞིག་གཏོང་རོགས་སྐུ་མཁྱེན །
ཡངས་པའི་འཛམ་གླིང་གོ་ལའི་ཁྱོན་འདིའི་རྒྱལ་ཐབས་དགོས་འདོད་རིན་ཆེན་གཏེར། །
མ་ལུས་ཚོང་འདུའི་ཁྲོམ་རར་བདལ་བའི་མཁྱེན་རབ་ཕྲ་མོས་བཅད་བརྡར་གྱིས། །
ཞི་བདེའི་རང་དབང་ཡིད་བསམ་འཛོ་བའི་མང་བཀུར་ཁྲིམས་ཀྱི་རིན་ཆེན་འདི། །
ཀུན་ལས་ཕུལ་བྱུང་མཆོག་ཏུ་གཟིགས་ཏེ་དེད་དཔོན་ཁྱེད་ཀྱིས་རྒྱན་དུ་བསྩལ། །
ལྕགས་སྤྲེལ་གྱི་ཡི་གེ་འདི་རེད་འདུག
བཀྲ་ཤིས་བདེ་ལེགས།
༧གོང་ས་སྐྱབས་མགོན་ཆེན་པོ་ལ་སྒོ་གསུམ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ་ཐུགས་བརྩེ་བ་ཆེན་པོས་དུས་དང་རྣམ་པ་ཀུན་ཏུ་འགྲོ་བ་མགོན་མེད་རྣམ་ལ་གཟིགས་སུ་གསོལ། སྐུ་ཚེ་བསྐལ་བ་ནས་བསྐལ་བའི་བར་དུ་བཞུགས་སུ་གསོལ་བ་ནི་སྙན་ངག་ལས་མ་འདས་། འོན་ཀྱང་བོད་མིའི་བདེན་མཐའ་མ་གསལ་གྱི་བར་དང་། གཞིའི་བྱེས་བོད་མི་ལྷན་གཅིག་ཏུ་མ་འཛོམ་གྱི་བར་ཞབས་པད་རྡོ་རྗེའི་རང་ཁམས་སུ་བརྟན་ཅིང་རླབས་ཆེན་གྱི་མཛད་རྗེས་ཡར་ངོའི་ཟླ་བ་བཞིན་འཕེལ་བར་ཤོག་བཀྲ་ཤིས་བདེ་ལེགས་ཞུ་རྒྱུ་དང་བོད་མི་ཡོངས་ལ་མི་རབ་ནས་ཚ་རྒྱུད་བར་སྙིང་སྤོབས་སྐྱེ་འོས་ཀྱི་མཛད་འཕྲིན་འདི་རྣམས་ལ་ཁ་ཞེ་མེད་སྒོ་ནས་བཀའ་དྲིན་བླ་ལྷག་ནས་ཆེ།
བཀྲ་ཤིས་བདེ་ལེགས།
ཞི་བདེ་བདེ་དཔོན་༧གོང་ས་སྐྱབས་མགོན་ཆེན་པོ་མཆོག་ལ་རྒྱ་ཁབ་ཚང་མས་དད་གུས་སྤྲོ་གསུམ་དང་འཛམ་གླིང་ཡོངས་ཀྱི་སྤྱི་ནོར་ངོས་འཛིན་གནང་གིས་ཡོད་པ་གཞིན་ང་ཚོ་བོད་མིའི་ཚང་མས་ཁོང་གི་བཀའ་འོག་ཏུ་འགྲོ་ཐུབ་པ་གནང་རྒྱུ་གལ་ཆེན་པོ་ཞིག་རེད་དྲན་གྱི་གདུག་ང་ཚོ་བོད་མི་ཡོངས་ཀྱི་འདི་ཕྱི་གཉིས་ལྡན་གྱི་སྐྱབས་གནས་དང་དད་གུས་བྱེད་ས་ཞིག་རེད་བཅས་ལག་གཉིས་ཐལ་མོ་སྦྱར་ནས་༧གོང་ས་མཆོག་ལ་དད་གུས་སྤྲོ་གསུམ་གྱི་སྒོ་ནས་མཚམས་འབྲེལ་བཀྲ་ཤིས་བདེ་ལེགས་གྲངས་མེད་ཞུ
དིང་རི་མཚོ་སྒོ་བ་འཇམ་དཔལ་ནས་
z=-ÁÛÅ-zhï-¾ïGÅü
གཟེངས་རྟགས་འབུལ་བ་ནི་དགའ་འོས་བ་ཟིག་རེད། ཡིན་ཡང་དེ་དང་མཉམ་དུ་ཨ་རི་སོགས་གཟེངས་རྟགས་འབུལ་མཁན་རྒྱལ་ཁབ་ཁག་གིས་བོད་དོན་ལ་ཁ་ཡོད་ལག་ཡོད་ཀྱིས་རྒྱབ་སྐྱོར་ཁ་ནས་བཤད་པ་ལས་ལྷག་པ་ཟིག་བྱེད་རྒྱུ་ནི་གཟེངས་རྟགས་ནང་གི་གཟེངས་རྟགས་ཡིན།
སྲིད་ཞུའི་གཙུག་རྒྱན་༧གོང་ས་མཆོག་ལ་དགའ་དད་སྤྲོ་གསུམ་གྱི་ལག་ཟུང་ཐལ་མོ་སྙིང་གར་སྦྱར་དེ་བཀྲ་ཤིས་བདེ་ལེགས་གྲངས་མེད་ཞུ།
ཨ་རི་ནི་ངོ་མ་ནོར་བུར་ནོར་ཉམས་ཆོད་པའི་རྒྱལ་ཁབ་ཅིག་རེད།
འདི་ནི་འུ་ཚོའི་གཟི་བརྗིད་དང་འཛམ་གླིང་གི་གཟི་བརྗིད་ཀྱང་རེད།
ཧ་ཅང་དགའ་བོ་བྱུང་།འུ་ཚོས་ཀྱང་༧གོང་ས་མཆོག་གི་གཟི་བརྗིད་དང་ལམ་སྟོན་བཞིན་གང་སར་ཤར་སྐྱོད་བྱེད་རྒྱུ་གལ་ཆེན་ནང་གི་དོན་ཆེན་རེད།
༧སྤྱན་རས་གཟིགས་དབང་བསྟན་འཛིན་རྒྱ་མཚོ་མཆོག་འཛམ་གླིང་༧སྤྱི་ནོར་ལ་ངོས་འཛིན་ཟིན་པ་དེར་སྙིང་ནས་དད་གུས་སྤྲོ་གསུམ་གྱིས་སྒོ་ནས་ཕྱག་འཚལ་ལོ།