དེ་རིང་སྔ་དྲོ་གྲྭ་བསྟན་པ་ཡར་འཕེལ་ལགས་ཀྱི་ཟིན་བྲིས་སུ་བཀོད་པའི་གནས་ཚུལ་ལྟར་ན། ཉེས་མེད་བཙོན་འོག་དུ་ཚུད་ཡོད་པའི་ཁམས་འཇོ་མདའ་པངྨ་ས་ཁུལ་གྱི་མགོན་པོ་དར་རྒྱས་ལགས་ཀྱི་བཟའ་ཟླ་བོ་ཡག འདི་ཟླའི་ཚེས་ ༢༠ ཉིན་འཇོ་མདའ་རྫོང་ཉེན་རྟོག་ཁང་གི་སྒོ་འགྲམ་དུ་རང་གི་བུ་ཕྲུག་ལྔ་དང་ལྷན་དུ་ངུ་སྐད་ཀྱི་ཆོ་ངེ་འདོན་བཞིན། ངའི་བཟའ་ཟླ་ཉེས་མེད་བཙོན་འཇུག་བྱས་ཏེ་ཟླ་ངོ་གཉིས་འགྲོ་སོང་། ད་ལྟ་གློད་གྲོལ་མ་བཏང་ན། ངེད་མ་བུ་དྲུག་པོ་འཚོ་བས་ཕོངས་ཤིང་མུག་ཤི་འགྲོ་རྒྱུ་ལས་མི་འདུག་སྟབས། ས་ཆ་འདི་གར་རང་ཤི་རྒྱག་ངེས་ཡིན། ཞེས་སྐད་འབོད་ཤུགས་ཆེན་བྱས་ཡོད་ཀྱང་རྫོང་། ཉེན་རྟོག་མི་སྣས་སྐད་མ་རྒྱག་དང་གང་མགྱོགས་ཐག་གཅོད་བྱ་རྒྱུ་ཡིན་ཚུལ་ཙམ་ལས། ལན་གསལ་བོ་གང་ཡང་སྤྲད་མི་འདུག་སྟབས། ཁོ་མོས་བུ་ཕྲུག་རྣམས་དང་ལྷན་དུ་མུ་མཐུད་ཉེན་རྟོག་ཁང་གི་སྒོ་འགྲམ་དུ་ངུ་འབོད་བྱས་ཏེ་བསྡད་འདུག་ཟེར།
མགོན་པོ་དར་རྒྱས་ནི་ནམ་རྒྱུན་ནད་གཞི་ཚབས་ཆེན་གྱིས་ཟིན་པ་ཞིག་ཡིན་ལ། ད་དུང་བུ་ཕྲུག་ལྔ་དང་བཟའ་ཟླ་བཅས་ཀྱི་ལྟོ་གོས་འཚོལ་བསྒྲུབ་བྱ་དགོས་པའི་ཁྱིམ་ཚང་ཞིག་གི་ཨ་ཕ་ཡིན་ཞིང་། ད་ལྟ་བུ་ཕྲུག་ཆེ་བ་རང་ལོ་ ༡༡ ལས་སོན་མེད་པས་ཤུལ་ལུས་བཟའ་མི་རྣམས་ཆེས་ཉམ་ང་བ་ཞིག་ཏུ་གྱུར་ཡོད་འདུག དགོན་པོ་དར་རྒྱས་ལགས་འཛིན་བཟུང་བྱེད་དོད་ནི། ད་ལོའི་ཕྱི་ཟླ་ ༦ ཚེས་ ༢༧ ཉིན་ནས་བཟུང་ཁམས་འཇོ་མདའ་པདྨ་སྟོད་སྨད་ཀྱི་ཡུལ་མི་ཚོས་རྒྱ་གཞུང་ལ་ཡ་ལན་ཞི་རྒོལ་བྱས་པར་བརྟེན། རྒྱ་གཞུང་གིས་ཡུལ་མི་མང་པོ་སྐྱབས་ཆེ་དགོན་དུ་དོ་དམ་བཙོན་འཇུག་བྱས་ཤིང་། སྡུག་སྦྱོང་མནར་གཅོད་ཚད་མེད་བཏང་ཡོད་པ་དང་། དེའི་རྗེས་ཡུལ་མི་ལྔ་འཇོ་མདར་བཙན་ཁྲིད་ཀྱིས་བཙོན་དུ་བཅུག་པ་ད་ལྟའང་གློད་གྲོལ་ཐོབ་མེད་པའི་ནང་ནས་མགོན་པོ་དར་རྒྱས་དང་། ནོར་ལྷ་གཉིས་ནག་ཉེས་ཆེ་ཤོས་སུ་བརྩི་བཞིན་ཡོད་ཚུལ་འདུག ཅེས་བཀོད་འདུག
བོད་གྱི་དཔའ་བོ་རྣམས་ཀྱི་རང་དང་རང་གི་ནང་མིར་སྡུག་སྔལ་ཕྲད་པ་མ་ཤེས་པ་ག་ལ་ཡིན་་དངོས་གནས་མགོན་པོ་དར་རྒྱས་ལགས་ཀྱི་གཟའ་ཟླ་བུ་ཕྲུག་འདི་དག་གི་ནང་མི་གཉམ་མཛོམ་ཡོང་བའི་ཐབས་ལམ་གང་ཞིགདགའ་མིན་སྐོར་གསུངས་རོགས
ངའི་མིག་ལམ་དུ་མ་བོ་ལྔའི་སྡུག་སྨྲེ་ཁྲོད་དུ་འདོན་བཞིན་ངུ་སྐད་འཁོར་ནས་ཅུང་ཙམ་མིན་ན་མིག་ཆུ་ཞིག་ལྷུང་སོང་། རེད་དེ། འུ་ཅག་གིས་འདི་དག་གི་ཆེད་དུ་རྐ་ལག་གང་ཡང་འགུལ་ཐབས་མེད་པར་ལྟད་མོ་ཤ་སྟག་དུ་གྱུར་དོན་གང་རེད་དམ།