ཟླ་འདིའི་ཚེས་ ༢༠ ཞིན་ཧྭ་གསར་ཁང་ནས་གནས་ཚུལ་སྤེལ་དོན་ལྟར་ན། ཕྱི་ཚེས་ ༡༩ རེས་གཟའ་ལྷག་པའི་ཉིན་བཟུང་རྒྱ་གཞུང་གིས་བོད་དོན་དྲིལ་བསྒྲགས་ཀྱི་སྐུ་ཚབ་ཚོགས་ཆུང་ཞིག་ལྷོ་ཨ་ཧྥི་རི་ཀར་བཏང་ཡོད་པ་དང་། ཐེངས་འདིའི་སྐུ་ཚབ་དག་ནི་བོད་རིག་པའི་ཞིབ་འཇུག་འོག་གི་བོད་ཀྱི་ལོ་རྒྱུས་ཉམས་ཞིབ་ཁག་ཅིག་ཡིན་འདུག སྐུ་ཚབ་ཚོགས་ཆུང་དེ་ལྷོ་ཨ་ཧྥི་རི་ཀའི་ས་གནས་ཇོ་ཧན་ནེས་བྷཀ་རུ་ཕྱིན་ཏེ། ཡུལ་དེའི་མཁས་དབང་དང་གཞུང་འབྲེལ་མི་སྣ་ཁག་ཅིག་ལ་བོད་ཀྱི་འདས་པའི་ལོ་རྒྱུས་དང་ད་ལྟའི་གནས་སྟངས་རྫུན་སྒྲིག་གིས་ ༡༩༥༩ ལོ་ནས་བོད་དུ་ཡང་དག་པའི་དམངས་གཙོ་བསྐྱར་གསོ་ཐུབ་ཡོད་ཚུལ། འདས་པའི་ལོ་ ༥༠ ནང་བོད་ཡུལ་ཁྱོན་ཡོངས་ནས་ཡར་རྒྱས་ཀྱི་རྣམ་པ་ཐོན་ཡོད་ཚུལ་སོགས་བཤད་ཡོད།
སྐབས་དེར་རྒྱ་ནག་གཙུག་ལག་སློབ་ཁང་གི་དབུ་འཛིན་གཞོན་པ་ཤེས་རབ་ཉི་མས། ཕྱི་ལོ་ ༡༩༥༩ ཡར་སྔོན་གྱི་བོད་རྙིང་པའི་སྐབས་སུ་བཀས་བཀོད་རྒྱུན་འཛིན་གྱི་ལམ་ལུགས་དང་། བྲན་གཡོག་གི་ལམ་ལུགས་ཤུགས་ཆེར་ལག་བསྟར་བྱེད་བཞིན་ཡོད་རུང་། ད་ཆ་ལམ་ལུགས་དེ་དག་རྩ་གཏོར་ཕྱིན་ཏེ་མི་རིགས་ཐམས་ཅད་ལ་རང་དབང་དང་། འདྲ་མཉམ་ཡོད་ཅིང་། སྤྱི་ཚོགས་ནང་གི་ཕུན་སུམ་ཚོགས་པའི་མཐུན་རྐྱེན་ཐ་དག་ལ་ལོངས་སུ་སྤྱོད་བཞིན་ཡོད་པ་རེད།
ངའི་རེ་བར་ཐེངས་འདིའི་གཟིགས་མོལ་དེས་ཁྱེད་ཅག་ལ་བོད་དོན་ཐོག་ཏུ་གོ་བ་ཡག་པོ་ཞིག་ལེན་ཐུབ་པའི་རེ་བ་ཡོད་ལ། ཡར་རྒྱས་གོང་མཐོར་ཕྱིན་པའི་བོད་ཀྱི་སྐོར་ལ་སློབ་སྦྱོང་བྱེད་མཁན་ཚོར་ཡང་ཡར་ཐོན་ཅན་གྱི་བོད་དང་སྔ་རབས་ཀྱི་བོད་གཉིས་ཐད། རང་རང་གི་ཐག་གཅོད་རེ་འཇོག་ཐུབ་རྒྱུར་ཕན་ཐོགས་ཡོད་པ་མ་ཟད། དས་པའི་བོད་ཀྱི་དཔལ་འབྱོར་དང་སྤྱི་ཚོགས་ཡར་རྒྱས་དེར་མི་སུ་གང་གིས་ཀྱང་ངོས་ལེན་དང་གདེང་འཇོག་མི་བྱ་རྒྱུ་མི་སྲིད་པ་རེད། ཅེས་སོགས་བརྗོད་ཡོད་འདུག་ལ། ཁ་སང་ཕྱི་ཚེས་ ༢༠ ཉིན་སྐུ་ཚབ་ཚོགས་ཆུང་དེ་ཨ་ཧྥི་རི་ཀའི་གྲོས་ཚོགས་འོག་མ་དང་། དམར་ཤོག་ཚོགས་པའི་ཚོགས་མི་བཅས་ལ་ཐུག་འཕྲད་བྱས་ཡོད་འདུག
རྒྱ་ནག་དམར་པོའི་སྲིད་གཞུང་དེ་མ་རྩ་ནས་རྫུན་མ་རེད་པས།ཁ་ནས་བཤད་པའང་རྫུན་མ་རང་རེད།
གསར་འགོད་པ་ནོར་བ་དང་ལེན་གནང་བ་དང་ཀློག་པ་པོར་དེ་འདྲའི་གདེང་འཇོག་གནང་བ་ནི་དྲང་བདེན་དང་འགྲོགས་པའི་ཚིག་འབྲུ་ཞིག་རེད།
ང་ཚོས་ཕན་ཚུན་བསམ་ཤེས་གོ་ཤེས་ངང་དུ་གོམ་སྟབས་གཅིག་སྤོས་ན་
ང་ཚོར་ཐོབ་པ་ནི་བློ་ཡིད་ཚིམ་པའི་འབྲས་བུ་དེ་རེད།།
གལ་ཆེ་བ་རྗུན་སྒྲོག་དེ་དག་རྒྱལ་སྤྱིའི་སྤྱི་ཚོགས་ཀྱིས་ཡིད་ཆེས་མ་བྱས་ན་ཡག་ཤོས་མོད། འགྲོ་མ་མིའི་རིགས་འདི་དཔལ་འབྱོར་གྱིས་ཁ་ལོ་སྒྱུར་བའི་དེ་རིང་ཤུ་རིང་ཞིག་གི་ངང་ཁ་གདང་ནས་མི་འདུག་རངའདུག་རེད།
རྣམ་པ་གཉིས་ཀྱི་སུ་ཡིན་ཡང་བོད་དོན་ལ་ཧུར་བརྩོན་དང་སེམས་འཁུར་བྱེད་ཀྱིན་པ་དེ་ནི་དངོས་ནས་དགའ་འོས་པ་དང་སེམས་བསམ་པའི་གཏིང་ནས་བསྟོད་འོས་པ་ཞིག་རེད།
དགོད་བྲོ་བ་ཞིག་ལ། ངས་གོང་གི་གསར་འགྱུར་དྲ་ཐོག་ལ་བཏང་མ་ཐག མདུན་ངོས་ནས་བསྐྱར་ཀློག་ཅིག་བྱས་སྐབས། དྲུལ་བསྒྲགས། ཞེས་པའི་ཡིག་ནོར་དང་པོ་དེ་མཐོང་སོང་། ཡང་བསྐྱར་དྲ་ཚིགས་དོ་དམ་ལྟེ་གནས་སུ་འཛུལ་ཏེ། ནོར་བཅོས་བཏང་སྟེ། ཡིད་ཚིམ་པའི་ངང་མདུན་ངོས་སུ་སླེབས་སྐབས། ཀློག་པ་པོ་ཞིག་གིས་སྔ་ས་ནས་ཡིག་ནོར་བཟུང་བའི་མི་ཚད། ནོར་བཅོས་དང་ལྷན་དུ་བསམ་ཚུལ་ཐུང་ངུ་ཞིག་ཀྱང་སྤེལ་ཚར་འདུག འདི་ལྟར་བྱས་ན་ལས་དོན་ལ་ཧུར་བརྩོན་དང་། སྒུག་ནས་ཡོད་པའི་ཀློག་པ་པོ་དག་གི་མིག་མདུན་ལ་གསར་འགྱུར་གང་མང་བསྟར་འདོད་ཀྱི་སེམས་ཤུགས་ལྷག་ཏུ་སྐྱེས་གི
རང་ཉིད་ཀྱིས་རང་ཉིད་ལ་ལྟ་བ།
མ་དག་པ། དག་པ།
ཡོང་གི་པ་རེད་སྙམ། ཡོང་གི་ཡོད་པ་རེད།
འདི་ལྟའི་རིགས་ཀྱི་ཡིག་ནོར་དུས་དེབ་དང་ཚགས་པར། ཟིན་བྲིས། མཆན་སོགས་ཀྱི་ནང་གང་མང་ཡོང་གིན་འདུག་པས། དེ་ནི་སྐད་ཀྱི་གཤིས་ཀའི་སྟེང་ནས་སླེབས་ཀྱིན་འདུག་སྙམ།
ཡུལ་ལ་ལར་དབྱངས་ཨི་དང་ཨུའི་སྒྲ་གདངས་ཧ་ཅང་ཉེ་བས་ངག་ནས་གང་ཐོན་པ་རྣམས་ཡིག་ཐོག་ཏུ་ཕབ་ན་འདི་ལྟའི་ནོར་འཁྲུལ་ཡོང་གི་པ་རེད་སྙམ། དེ་དོན་ང་ཚོས་དབྱངས་ཨི་དང་ཨུ་གཉིས་ཡོད་པའི་མིང་ཚིག་སོགས་འབྲི་སྐབས་དོ་སྣང་བྱ་གལ་ཆེ་བར་མཐོང་ངོ་།།
འདི་ནི་དཔེ་མཚོན་ཙམ་རེད། གོང་གི་གསར་འགྱུར་གྱི་ནང་ནས་དྲངས།
དྲུལ་བསྒྲགས། དྲིལ་བསྒྲགས།