བོད་དོན་དེ་རྒྱ་ནག་གི་ནང་སྲིད་རེད་དམ།

ཁྱོད་སྐད་ཡིག་གཉིས་པའི་ཤེས་ཚད་ངས་ཧ་གོ་གི་མ་རེད་དྲན་སོང་བས་ཧཧཧཧཧཧཧཧཧཧཧཧཧཧཧཧཧཧ

༼བྱང་ཆུབ༽ཏུ་བཅོས

གུས་པས་དྲ་གྲོགས་སངས་རྒྱས་ཆོས་འཕེལ་ལགས་ཀྱི་བསམ་ཚུལ་དེར་མོས་མཐུན་ཡོད། བོད་འདི་རྒྱ་ནག་གི་ནང་སྲིད་རེད་དམ་ཞེས་ན། ༸གོང་ས་མཆོག་གི་ལམ་དབུ་མའི་གོ་དོན་རྟོགས་པ་དང་དེ་ལ་རྒྱབ་སྐྱོར་ཡོད་མཁན་ཞིག་གི་ངོས་ནས་བཤད་ན་བོད་དོན་འདི་རྒྱ་ནག་གི་ནང་སྲིད་ཡིན་པ་མ་ཟད་ནང་སྲིད་ཀྱི་ལས་དོན་འདི་རྒྱ་ནག་དབུས་གཞུང་གིས་བོད་ཀྱི་དངོས་ཡོད་གནས་སྟངས་ལ་གཞིག་ནས་ཐག་གཅོད་ཡག་པོ་བྱ་བའི་དུས་ལ་བབས་འདུག་པར་འདོད། ང་ཚོའི་འཐབ་རྩོད་ཀྱི་དམིགས་ཡུལ་ཡིན་ནའང་འདྲ་རྒྱལ་སྤྱིའི་སྤྱི་ཚོགས་ཀྱིས་ཁ་སང་དེ་རིང་བོད་དོན་རྒྱབ་སྐྱོར་གནང་བའི་དམིགས་ཡུལ་ཡང་རུང་གཙོ་བོ་༸གོང་ས་མཆོག་གི་འཚེ་བ་མེད་པའི་དབུ་མའི་ཐབས་ལམ་འདི་གདམས་པར་བོད་མི་དམངས་གཅིག་སྒྲིལ་གྱིས་མོས་མཐུན་རྒྱབ་སྐྱོར་གནང་བའི་འབྲས་བུ་རེད། ང་ཚོའི་ད་ལྟའི་འཐབ་རྩོད་དེ་རྒྱ་ནག་དབུས་གཞུང་གིས་གྲངས་ཉུང་མི་རིགས་ལ་ལག་ལྟར་བྱས་པའི་ནོར་འཁྲུལ་ཅན་གྱི་སྲིད་ཇུས་དེ་བཅོས་བསྒྱུར་གྱི་ཆེད་གཅིག་པོ་མ་རེད། ང་ཚོའི་ཀྲུང་ཧྭ་སྤྱི་མཐུན་གྱི་སྒྲོམ་གཞིའི་ནང་གི་ཁྱིམ་ཚང་ཆེན་པོ་ཞིག་ལ་རྩོད་ལེན་བྱ་བར་དམིགས་གསལ་ཚོགས་ཆེན་སྟེང་དུ་འང་མང་མོས་གྲོས་མཐུན་བྱུང་ཡོད་། ཁྱིམ་ཆེན་དེ་ནི་སྔོན་བོད་རྒྱ་གཉིས་བར་གྱི་གྲོས་མཐུན་དོན་ཚན་བཅུ་བདུན་དང་ཁྱབ་ཆེ་ཆུང་དང་དུས་སྐབས་སོགས་གང་ཅི་ཐད་ན་ཁྱད་པར་ཆེན་པོ་ཡོད་པ་མི་ཉུང་ཤས་ཤིག་གིས་གོ་བ་ལོན་མེད་པ་འདྲ། ད་དུང་བོད་རང་སྐྱོང་ལྗོངས་དང་ད་ལྟའི་ཆེའི་མཐོའི་རང་སྲིད་རང་སྐྱོང་གཉིས་པོར་ལྟ་ཚུལ་གཅིག་ཏུ་འཛིན་མཁན་ཡང་རེ་ཟུང་འདུག། ང་ཚོ་ལ་རང་བཙན་རྩོད་པའི་ཐོབ་ཐང་ཡོད་པའི་རྐྱེན་གྱིས་རྒྱལ་སྤྱིའི་སྤྱི་ཚོགས་ནང་དུ་དེ་ལ་རྒྱབ་སྐྱོར་བ་ཉུང་ཤས་ཡོད་ཀྱི་རེད་མ་གཏོགས་གཞོན་ཚོགས་སོགས་གཞུང་འབྲེལ་མིན་པའི་ཚོགས་པ་ཚོའི་རོགས་དངུལ་གང་ནས་ཡོང་། ཡིན་ནའང་ང་ཚོས་བོད་ནང་རྩོམ་པ་པོ་རེ་ཟུང་དང་བསམ་བློ་བ་རེ་ཟུང་ཡང་ན་རང་བཙན་རྩོད་ལེན་པ་རེ་ཟུང་གིས་བོད་མི་ས་དྲུག་གི་ཚབ་བྱེད་ཐུབ་ཀྱི་མ་རེད་ལ་ནུས་པ་ཡང་ཡོད་ནི་མ་རེད། ༸བོད་མི་ས་དྲུག་གི་འཚབ་བྱེད་པའི་ནུས་པ་སུ་ལ་ཡོད་ན་དེ་ལ་མཁྲེགས་འཛིན་མེད་པར་མཐའ་གཅིག་གིས་རྒྱབ་སྐྱོར་བྱས་པ་དང་བྱ་བ་དེ་དམངས་གཙོ་དང་ཡོངས་དུ་མཐུན་པ་ཞིག་རེད། བོད་པའི་སྤྱི་ཚོགས་ནང་དུ་རྩོམ་པ་པོའམ་བསམ་བློ་བ་རེ་ཟུང་ཡོད་རེད། དེའི་གྲངས་ཀ་དེ་བོད་མི་ས་ཡ་དྲུག་པོའི་ནང་ལ་མཚོན་ན་རྒྱ་མཚོའི་ནང་གི་ཆུ་ཐིགས་ཙམ་རེད། བོད་མི་སྤྱིའི་མི་འབོར་གྱི་བརྒྱ་ཆ་དྲུག་ཅུའི་ཡན་ཆད་ད་དུང་ཡིག་རྨོངས་ཙམ་སེལ་མེད་པ་དངོས་ཡོད་རེད། ཡིག་རྨོངས་ཙམ་སེལ་མེད་པའི་སྤྱི་ཚོགས་ཤིག་གི་ནང་དུ་ཁྱོད་བསམ་བློ་བའམ་རྩོམ་པ་ཞིག་སོང་ནས་བརྒྱ་བཤད་སྟོང་བཤད་བྱས་རུང་སྤྱང་ཀིས་ཆོས་བཤད་ལ་གོ་བ་མ་གཏོགས་ཡིད་ཆེས་བྱ་མཁན་ཧ་ཅང་ཉུང་ཉུང་ཡིན་གྱི་རེད། དེ་བས་སྐྱ་མིན་སེར་མིན་ཞིག་སོང་ལ་མོ་རྩིས་ལུང་གསུམ་གྱིས་ལྷ་མཐོང་འདྲེ་མཐོང་བཤད་ཤེས་ན་ཁེ་བཟང་ཡག་པོ་རེག་གི་རེད། ནང་ཆོས་ལ་ལྷག་་བསམ་རྣམ་དག་གིས་དད་པ་བྱེད་པའི་མི་རིགས་ཤིག་ལ་མཚོན་ན་རྨོངས་དད་འདི་འདྲ་ཡོད་ན། མཚན་སྙན་གྱི་བ་དན་ས་སྟེང་ལ་ཁྱབ་པའི་༸གོང་ས་མཆོག་ལྟ་བུ་ཞིག་ལ་དད་གུས་ག་འདྲ་ཡོད་པ་མིག་མཐོང་ལག་ཟིན་རེད། རྒྱུ་མཚན་དེ་ལ་བསྟེན་ནས་རྩོམ་པ་པོ་ཡིན་ཡང་ཆོག་བསམ་བློ་སུ་ཡིན་རུང་གོང་གི་༸གོང་ས་མཆོག་ལ་རམ་འདེགས་གང་ནུས་དང་འོག་གི་མི་དམངས་ཀྱི་བསམ་བློར་རྩི་འཇོག་བྱ་བར་ཧ་ཅང་གལ་བར་མཐོང་། རྟོགས་པ་མཁའ་དང་མཉམ་ཡང་སྤྱོད་པ་མི་དང་མ་བསྟུན་ན་སྡུག་སྨྲེ་རྐྱང་རྐྱང་གིས་མི་ཚེ་རྫོགས་པ་ལས་དངོས་ཡོད་ཀྱི་བོད་མི་དམངས་ལ་ཞབས་ཞུ་གང་ཡང་ནུས་ཀྱི་མ་རེད་འདོད། བསམ་བློ་བ་སུ་ཞིག་ཡིན་ན་ཁྱོད་ཀྱིས་དངོས་ནས་བོད་མི་དམངས་ལ་ཞབས་འདེགས་ལེགས་པོ་ཞིག་འདོད་ན་ཐོག་མར་བོད་མི་ས་ཡ་མང་པོའི་ཡིག་རྨོངས་དེ་ག་འདྲ་བྱེད་ན་སེལ་ཐུབ་ས་རེད་དེའི་ཕྱོགས་སུ་ལམ་སྟོན་དང་རྩོམ་ཡིག་སྣ་ཚོགས་སྤེལ་ན་མ་གཏོགས། ཁྱོས་རྩོམ་ཞིག་འབྲི་ཤེས་པ་ཙམ་གྱིས་ཁ་ཕྱིར་འཁོར་ནས་དུད་འགྲོ་ཀླད་རྙིང་ལ་སོགས་ཀྱིས་རིགས་གཅིག་སྤུན་ཟླ་ཚོར་མཐོང་ཆུང་དང་ཟུར་ཟ་བྱེད་གང་ཐུབ་ཅིག་གི་ཕན་ཐོགས་ག་རེ་ཡོད། རང་གི་ལྟ་བ་གླེང་ཆོག་གི་རེད ང་རང་ལ་མཚོན་ན་ངའི་ལྟ་བ་རང་བཙན་རྩོད་ལེན་དང་ད་དུང་དྲག་སྤྱོད་ཀྱི་ལས་འགུལ་ཡིན་པས། དེའི་ཕྱོགས་་ཀྱི་ལྟ་བ་བརྗོད་ཀྱི་རེད ཡིན་ནའང་ངས་དམངས་གཙོ་དང་བསྟུན་དགོས་པ་དེ་ང་རང་གི་ལྟ་བ་ལས་ཀྱང་གལ་ཆེ་བར་མཐོང་། མི་མང་གི་བསམ་བློའི་རྟོགས་པ་སད་ཡོད་ཀྱང་མེད་ཀྱང་དམངས་དང་བསྟུན་པའི་བློ་དང་ནུས་པ་མེད་ན། ཨོ་དུས་མིང་ལ་ཨུ་ཚུགས་ཅན་མཁྲེགས་འཛིན་ཅན་རེད། ཡང་བསྐྱར་གཅིག་བཤད་ན་བོད་མི་ས་ཡ་དྲུག་གི་བརྒྱ་ཆའི་དགུ་བཅུ་ཡན་གྱིས་༸གོང་ས་མཆོག་གི་གསུངས་ལ་མཐའ་གཅིག་གིས་ཡིད་ཆེས་དང་རྩི་འཇོག་ཡོད་པ་ནང་བཞིན། གུས་པར་མཚོན་ན་༸གོང་ས་མཆོག་གིས་བྷི་བྷི་སུའི་བཀའ་ལན་སྐབས་ཀྱི་ཀྲུང་གོའི་རྩ་ཁྲིམས་ཀྱི་སྒྲོམ་གཞི་གཅིག་ཅེས་སྔོན་གསུང་མྱོང་ཡོད་པར་ད་ལྟ་དོན་སྔོན་དང་འདྲ་ཡང་་གསུངས་ཚིག་མ་འདྲ་བ་དེ་ལ་མོས་མཐུན་དང་རྒྱབ་སྐྱོར་ཡོད་པ་ལས་ཐེ་ཚོམ་དོགས་པ་རྩ་བ་ནས་མེད། དེ་མིན་དུས་བབས་ལ་སོགས་ཀྱི་དྲ་ཐོག་གི་དྲ་གྲོགས་རྣམ་པར་གུས་པའི་བཤད་ལ་དགའ་བའི་ཁབ་མིག་གི་བསམ་བློའམ་སྐད་ཆ་འགས་ཕོག་ཐུག་རེ་སོང་ཡོད་ན་དགོངས་དག་ཞུ། མཐར་དོན་དྲ་ཐོག་གི་སྤུན་ཟླ་ཡོངས་ལ་བཀྲ་ཤིས་བདེ་ལེགས་ཞུ

ད་རེས་གླེང་སློང་འདི་དབུ་མའི་ལམ་གྱི་གསལ་བཤད་དང་། བོད་དོན་དུ་འབྲེལ་བ་ཆེ་ཤོས་སུ་སྣང་། ༧གོང་ས་སྐྱབས་མགོན་ཆེན་པོས་བོད་དོན་དེ་རྒྱ་ནག་གི་ནང་སྲིད་ཀྱི་གནད་དོན་ཞིག་ལ་སྤྱི་མཐུན་གྱི་ཁེ་ཕན་གྱི་ཆེད་དུ་ཞལ་བཞེས་གནང་རྒྱུར་བློ་ཐག་སྦད་དུ་བཅད་ནས། དབུ་མའི་ལམ་གྱི་ཆབ་སྲིད་དེ་སློབ་སྟོན་བྱས་ནས། མང་མོས་རྒྱབ་སྐྱོར་ཐོབ་ཡོད་པ་དེ་ལ། བཙན་བྱོལ་གྱི་་མི་ཆབ་སྲིད་ཀྱི་གོ་རྟོགས་ཞན་མཁན་རྣམས་དང་། རྒྱ་གཞུང་གཉིས་ཆར་གྱིས་༧ གོང་ས་མཆོག་གི་ཆབ་སྲིད་ཀྱི་ལྟ་བ་དེ་གསལ་བཤད་ཇི་ཙམ་བྱས་ཡང་ད་དུང་ཀླད་རྙིང་གིས་སླད་ནས་ཇི་བཞིན་རྟོགས་ཐུབ་མེད། བཙན་བྱོལ་བོད་དོན་གྱི་རྒྱབ་སྐྱོར་བ་རྣམས་ཀྱིས་ཀྱང་མིང་དོན་མཚུངས་པའི་རང་སྲིད་རང་སྐྱོངས་ཞིག་ཡོང་བའི་ཆེད་རྒྱབ་གཉེར་གནང་གི་ཡོད་རེད་མ་གཏོགས། བོད་རང་བཙན་གྱི་ཆེད་གཞུང་འབྲེལ་ཅན་གྱི་ཚོགས་པ་སུས་ཀྱང་ཕ་ཆེར་རྒྱབ་གཉེར་བྱས་མ་མྱོང་བ་རེད། སྤྱིར་བོད་མིའི་རང་དབང་དེ་བོད་མིས་ལེན་དགོས་ཀྱི་ཡོད་རེད་ལ། རྒྱ་མིས་སྤྲད་དགོས་ཀྱི་ཡོད་རེད་མ་གཏོགས་། ཕྱི་རྒྱལ་བ་སུ་གང་གིས་བོད་མིའི་ལ་རང་དེ་སྤྲད་ཐུབ་ཀྱི་མེད་པ་དེ་ཤེས་དགོས། བོད་མིས་བོད་ཀྱི་རང་དབང་ལེན་པ་ལ། ཕྱི་རྒྱལ་བ་མི་རིགས་དྲངས་བདེན་ལ་དགའ་བ་རྣམས་ཀྱི་རོགས་པ་བྱེད་ཐུབ་ཀྱི་རེད། དེ་སྔོན་བྱས་ཡོད་རེད་ལ། ད་དུང་བྱེད་པའི་ཡིད་ཆེས་ཡོད།

ལས་ཀྱིས་དེད་དེ་ལམ་ནས་ཐུག་པའི་དྲ་གྲོགས་སྐར་ཁྲི་བཙན་ལ་ཐུགས་རྗེ་ཆེ་ཞུ། སྐུ་ཉིད་ཀྱིས་གསུངས་ལ་བཀའ་བརྩི་དང་ལེན་ལོས་བྱེད། ད་ནས་བཟུང་བསམ་བློ་བརྗེ་རེད་མ་གཏོགས་ཚིག་མདའ་འཕེན་རེས་མེད། མུ་མཐུད་ནས་མཇལ་ཡོང་།

ཨོ་རེད་ངས་བཤད་དགོས་པའི་རྒྱུ་མཚན་དེ་ལ་ཐུགས་ཡོད་རེད། གསར་འགྱུར་ཀློག་མཁན་ཚོའི་ནང་ན་ཅལ་སྒྲའི་རྗེས་སུ་འབྲང་མཁན་མང་པོ་ཡོད་སྲིད་པ་ཞིག་རེད། དཔེར་ན་ཕྱི་རྒྱལ་བའི་ཅལ་སྒྲ་དུས་བབས་ཚང་གི་ཐོས་འདུག་པ་ནང་བཞིན། ད་དུས་བབས་ཀྱི་ཅལ་སྒྲའི་རྗེས་སུ་ཀློག་མཁན་མང་པོ་ཞིག་འབྲང་བ་ཡིན་ན་བོད་པའི་སྤྱི་ཚོགས་ལ་ཕན་ཐོགས་ཀྱི་རེད་དང་མ་རེད། གསར་འགྱུར་གྱི་ཁ་བྱང་ལ་ལྟོས་དང་། གང་ལྟར་ཡང་ཕྱི་རྒྱལ་བ་དང་བོད་དོན་པ་སུ་ཡིན་རུང་༸གོང་ས་མཆོག་ལ་མ་ཉེས་ཁག་གཡོག་གི་བསྒྲགས་གཏམ་སྤེལ་ན་དེ་ལ་མོས་མཐུན་མེད། དོན་ངོ་མ་༸གོང་ས་མཆོག་གི་གསུངས་ཉེས་བྱས་ཡོད་ན་འགྲིག་གི་རེད་དམངས་གཙོ་དང་མཐུན་པ་རེད། དྲ་ཚིག་འདིའི་སྟེང་ཁོད་དང་གང་ནས་ནོར་འདུག མ་གཏོགས་རྒྱལ་སྤྱིའི་སྤྱི་ཚོགས་ནང་གི་དཀྲོགས་གཏམ་ཚད་མ་འཛིན་དགོས་དོན་ཡོད་པ་མཐོང་གི་མི་འདུག། ད་དུང་དྲ་གྲོགས་བློ་གྲོས་རྒྱལ་པོས་ངའི་ཚིག་ངན་དག་ལ་ཁོག་ཡངས་བྱས་པར་ཐུགས་རྗེ་ཞུ། ཨོ་ལེ་རྒྱལ་བོ་ཡིན་དེ་འདྲ་ཞིག་ལོས་རོ། ཧ་ཧ་ཧ ཨ་རོ་ད་ནས་བཟུང་བསམ་བློ་བརྗེ་རེད་མ་གཏོགས་ཚིག་མདའ་འཕེན་རེས་མེད་ད། བསམ་བློའི་རྒྱ་ཆེ་ཆུང་དང་ལྟ་བ་མཐུན་མི་མཐུན་་ཡོད་སྲིད་པ་རེད། འུ་གཉིས་ཀྱི་སུས་འགྲིག་ཡོད་ན་སུས་ནོོར་ཡོད་ཀྱང་ཀུན་སློང་དེ་བོད་པའི་ཆེད་རེད་ལ། ཡ་ད་ལོ་བརྒྱ་ལ་རེ་བ་མེད་ཀྱང་དྲུག་ཅུ་བདུན་ཅུ་ཞིག་ལ་སྐུ་ཚེ་བརྟན་པར་ཤོག

ཨོ་ད་ཡིན་ན་རེད་མ་སོང་། སྐར་ཁྲི་བཙན་དངོས་གནས་སྐུ་རླུང་ཅུང་ལངས་པ་འདྲ། གུས་པས་ཞུས་མ་ཤེས་པར་ཕོག་ཐུག་འདྲ་སོང་ཡོད་ན་དགོངས་དག་ཞུ་རྒྱུ་ཡིན། ངས་གོང་དུ་བཤད་པའི་གནད་དོན་གཙོ་བོ་ནི། དུས་བབ་གསར་ཁང་གིས་ཉེ་བའི་ཆ་ལ་རྒྱལ་སྤྱིའི་རྒྱལ་ནང་དུ་དོ་སྣང་དང་བགྲོ་གླེང་བྱེད་ས་གཙོ་བོ་དེ་བོད་ཡིག་ཀློག་མཁན་རྣམས་ཀྱི་སྤྱན་ལམ་དུ་ཕུལ་བར་སྐུ་ཉིད་ནས་དགོས་མེད་ཀྱི་ཀུ་ཅོ་མང་དག་ཅིག་སྒྲོག་འདུག་ཞུས་པ་ལས་གཞན་མེད། ༸གཞན་གོང་ས་མཆོག་གི་གསུང་ཚིག་དེ་ཇི་ལྟར་ཡིན་རུང་བོད་དོན་ལ་འཕར་ཆག་འགྲོ་སྲིད་པ་ཞིག་མ་རེད།
ཅི་ཕྱིར་ཞེ་ན། ང་ཚོས་རྒྱ་ནག་གི་རྩ་ཁྲིམས་འོག་་་་་་་་་་ཡིན་པས་སོ། རང་བཙན་མ་ཡིན་ན་ནང་ཁུལ་ལས་གཞན་གང་ལ་ཕེབས་དགོས་པ་རེད། དྲ་གྲོགས་མང་པོ་ཞིག་ཅལ་སྒྲ་ཐོས་པའི་རི་བོང་དང་གཉིས་སུ་་་་་་་་་སོ། ད་ང་ལ་བཀའ་བཀྱོན་མ་གནང་རོགས། སྐུ་མཁྱེན།

ཚང་མས་རི་བོང་གནམ་རྡིབ་གྱི་སྨྲེ་ངག་འདོན་པ་ལས་གཤམ་གྱི་བྷིས་བྷིས་སིའི་དྲ་བྱང་འདི་ལ་གཟིགས་ནས་བརྙན་ཕབ་ཐུང་ཐུང་འདི་ལ་བལྟོས་དང་། སྐར་མ་༣་དང་སྐར་༢༠་སྟེང་ལ་ཁྱོད་ཚོས་རྩོད་བཞིན་བའི་ཚིག་དུམ་དེ་གསུང་བཞིན་འདུག ངོ་མ་གླེང་རན་ཡོད་པའི་བརྗོད་གཞི་ཞིག་རེད། ཨོ་་་་ངས་བཤད་བཞིན་པ་ནི་བྷིས་བྷིས་སིའི་གསར་འགོད་པའི་ཁ་བྱང་འདོགས་དེ་མ་ཡིན་པར་བོད་པ་སྤྱི་ཚོགས་ནང་དེང་སང་༧གོང་ས་མཆོག་ལ་གོ་སྐབས་བཙལ་ནས་ནག་འགེལ་བྱེད་མཁན་ཇེ་མང་དུ་འགྲོ་བཞིན་པ་དེ་ཡིན། གོང་གི་གནས་ཚང་ཟེར་བའི་རྩ་མི་ཚང་བ་འདི་གཅིག་རེད། http://news.bbc.co.uk/2/hi/asia-pacific/8194138.stm

དབྱིན་ཡིག་ནང་གང་ཤེས་མ་གཏོགས་རྒྱ་ཡིག་གི་ནང་དུ་༸གོང་ས་མཆོག་གིས་སྔོན་གསུངས་མྱོང་བའི་ཀྲུང་གོའི་རྩ་ཁྲིམས་ཀྱི་སྒྲོམ་གཞིའི་ནང་རང་སྲིད་རང་སྐྱོང་རྩོད་ལེན་་་ཞེས་པ་ལས་བརྒལ་བའི་བཀའ་ཞིག་གནང་ཡོད་པ་མཐོང་མ་སོང་ལ། ཁོང་གིས་གསར་འགོད་པ་དང་དྲ་ལམ་ནས་འདྲི་བ་འདྲི་ལན་ལེགས་གྲུབ་རྗེས། ཁོང་ལ་དོགས་གཞིའི་གླེང་སློང་ཡོད་པ་ཡང་མཐོང་མ་སོང་། གལ་སྲིད་དབྱིན་ཡིག་གསར་ལམ་དུ་དེ་འདྲའི་གླེང་སློང་ཡོད་ན་དེ་ནི་ཁ་ཚོས་༸གོང་ས་མཆོག་གི་གསུང་གི་ནང་དོན་མ་གོ་བས་གོ་བ་ལོག་འདེབས་དང་ཡང་་ན་ཡིག་བསྒྱུར་བའི་ཆུ་ཚད་ཧ་ཅང་སྐྱོ་བོ་ཡིན་པ་པའི་རྐྱེན་ལས་བྱུང་བ་གསལ་བོ་རེད། གལ་སྲིད་ཕྱི་རྒྱལ་བ་འགའ་རེས་གོ་བ་ལོག་སྒྲུབ་རེ་ཟུང་བྱས་ཡོད་པའི་དབང་དུ་བཏང་ཡང་། ང་ཚོས་ངོས་ནས་དེ་བརྒྱ་བསྒྲགས་སྟོང་སྒྲོག་བྱ་དགོས་པའི་རྒྱུ་མཚན་མེད་ཀ བོད་ཆོལ་ཀ་གསུམ་པོའི་བསམ་བློའི་གོང་བུ་གཅིག་ཏུ་སྒྲིལ་ནུས་མཁན་༸གོང་ས་མཆོག་གཅིག་པོ་ཡིན་ཕྱིར་གཞན་གྱིས་ཟུར་ཟའི་ཚིག་འཆལ་འགའ་མཐོང་ཐོས་ཙམ་གྱིས་ང་ཚོའི་ངོས་ནས་དགའ་ཐག་ཐོད་ནས་གསར་ལམ་དུ་བསྒྲགས་དགོས་དོན་ཅི། ངས་ལྟས་ན་འདི་དུས་བབས་ཚང་གི་ལྟ་བ་ཞིག་ལ་དོགས་པ་འདུག དམངས་གཙོའི་ལུང་བ་ཡིན་ཡང་གསར་འགྱུར་འགོད་སྐབས་དེའི་སྤྱི་ཚོགས་ཕན་གནོད་གང་ཡོད་གསལ་བོ་རྟོགས་དགོས་པ་དེ་ཧ་ཅང་གལ་ཆེ་བ་ལས་རིག་རིག་གོ་གོ་བོ་བཤད་རྒྱུ་དང་སྒྲོག་རྒྱུ་ཞིག་ཨེ་ཡིན་ན། ཁྱོད་ལ་གསར་འགོད་ཀྱི་རང་དབང་ཡོད་ངོ་མ་རེད ། ཡིན་ནའང་ཁྱོད་ཀྱིས་སྤྱི་ཚོགས་ནང་དཀྲུག་ཤིང་བཟོ་བའི་ཐོབ་ཐང་རྩ་བ་ནས་ཡོད་ནི་མ་རེད།

ཡང་ཅིག་བཤད་ན། ད་ནས་བཟུང་རྒྱ་གཞུང་གིས་བོད་ནང་དྲག་གནོན་བྱེད་ཤུགས་ཛ་དྲག་གི་ཕྱོགས་སུ་འཕེལ་སྲིད་པར་མ་ཟད། དེ་ལྟར་བྱེད་དོན་ཡང་བོད་དེ་བཞིན་ནང་སྲིད་ཡིན་པ་ཐ་ན་ཏཱ་ལའི་བླ་མ་ཡང་ངོས་ལེན་ཡོད་ཚུལ་བསྙད་ནས་ཕྱིའི་གནོན་ཤུགས་འགོག་ཐུབ་པར་མ་ཟད། བོད་མི་ཚོའི་སེམས་ཤུགས་གཅོག་སྲིད་པར་གོར་མ་ཆག

༧གོང་ས་མཆོག་གི་བཀའ་ལན་ངོ་མ་དེ་འདི་འདྲ་ཞིག་རེད་ཅེས་དབྱིན་ཡུལ་སྐུ་ཚབ་དོན་གཅོད་པ་ཐུབ་བསྟན་བསམ་འགྲུབ་ལགས་ཀྱིས་ཕབ་བཤུ་བྱས་འདུག

The Chinese government considers our problem a domestic one. And we also till 65 we approached UN. Last sort of resolution regarding Tibet passed 65, since then we prefer, in China still Cultural Revolution there, still we felt approaching UN may not be realistic way. So better to communicate directly. So then we already made up in our mind that the Middle Way Approach finalise 74. Then till 79 or end of 78, we never received some signal, then some verbal message from Central Government or from mainly Deng Xiaoping through some official in Hong Kong to my elder brother, then we immediately responded

འདི་ནི་ཚོར་ཤུགས་ཧ་ཅང་ལྕི་བའི་བཀའ་མོལ་ཞིག་གམ། ཡང་ན་དགོས་མཁོ་གང་ཞིག་མ་འགྲུབ་པའི་སྡིག་དམོད་དྲག་པོ་ཞིག་རེད་འདུག་མོད། ང་ཅག་གི་རྣམ་པ་ཀུན་ཏུ་བལྟ་དགོས་ས་ནི་ནུབ་ཕྱོགས་མིན་ལ་རྒྱ་ནག་ཀྱང་མིན་པར། རང་ཉིད་རེད། ཁོང་གི་ལས་གནས་དང་བཀའ་མོལ་དེ་ཚོས་བོད་མི་རྣམས་ལ་འཇིགས་བསྐུལ་ཞིག་བྱས་འདུག་མོད། རང་ཅག་འཇིགས་བསྐུལ་དེའི་གཞན་དབང་ལ་ཕྱིན་སོང་ན། རང་ཅག་ནི་གཞན་བརྟེན་འབའ་ཞིག་ཏུ་གྱུར་སོང་བས་ད་ལྟའི་སྣང་ཚུལ་ལ་མཐོར་འདེགས་སོར་གང་ཙམ་ཡང་མི་ནུས། གཞན་ཡང་ད་ནི་ང་ཚོར་རང་ཉིད་ཀྱི་གྲ་སྒྲིག་དང་རང་ཉིད་ཀྱི་ལངས་ཕྱོགས་ཡོད་དགོས་པ་ལས། ཕྱི་རྒྱལ་སུ་ཞིག་གི་རྒྱབ་སྐྱོར་དང་། རྒྱ་ནག་གི་གང་ཞིག་གི་སྡིག་སྨོད་ལ་བསྟུན་པའི་་དགོས་པ་རྩ་ནས་མེད་ལ། རྒྱ་ནག་གི་ནང་སྲིད་དུ་གྱུར་ཕྱིན་ཆད་གངས་སེང་དར་ཆ་དབབ་དགོས་པ་དང་། རྒྱལ་སྤྱིའི་སྡིངས་ཆ་གཏོང་དགོས་པའི་བཀའ་ཡིག་དེའང་བཙན་ཚོད་མེད་ལ་རྡོག་པས་བརྫིས་པ་ཞིག་ལས། དོན་དངོས་ཀྱི་འགྱུར་བ་དེ་འདྲ་ཞིག་གཏན་ནས་ཡོད་མི་སྲིད།

ད་ལྟའི་རྒྱ་ནག་གིས་་༼བྱེད་སྒྲ་ལ་བཅོས་རོགས།༽

༸གལ་སྲིད་ད་ལྟའི་སྣང་ཚུལ་ལྟར། ལངས་ཕྱོགས་དང་དགོངས་ཚུལ་བར་གྱི་འགལ་ཟླ་དང་། ཡང་ན་མཁས་བླུན་དང་འཇོན་ཐང་ཆེ་ཆུང་གི་འགྲན་བསྡུར་འདི་ཙམ་གྱིས་མི་རིགས་ཀྱི་མ་འོངས་པར་འགན་ཁུར་བར་རློམ་ནས་བསྡད་ན། རང་ཅག་གི་མ་འོངས་པ་ནི་ཀྱེ་མ་ཀྱེ་ཧུད་ཟེར་རྒྱུ་ཙམ་ལས་ཡོད་མི་སྲིད་ལ། ལོ་རྒྱུས་ཁྲོད་ཀྱི་རྙོག་གླེང་རྐྱང་རྐྱང་བཤད་ན་སྡོད་པ་དང་། གནའ་རབས་ཀྱི་སྟོབས་ཤུགས་ཁོ་ན་ངོམས་ན་བསྡད་ན་་་་་་ཨོ་ཧོ་ཧོ་ཅི་འདྲ་ཡིན་ནམ། རང་རེའི་ཤེས་ཡོན་པ་ཚོས་དུས་དང་རྣམ་པ་ཀུན་ཏུ་འཆར་ཡན་གྱི་རྣམ་པ་ཤ་སྟག་གླེང་ཞིང་། སྤྱི་ལྡོག་གི་གནས་ལུགས་ཁོ་ན་རྩོད་པ་ལས། མིག་མདུན་གྱི་སྤྱི་ཚོགས་དང་། དོན་དངོས་ཀྱི་འཚོ་བར་ཐེ་གཏོགས་མེད་པ་འདི་དངོས་གནས་སེམས་སྡུག་པ་ཞིག་རེད། དཔེར་ན། ཐེངས་འདིའི་གནད་དོན་འདིར་གོ་ལྡོག་པའི་དྲི་བ་ཞིག་བཏང་ན། ༸གོང་ས་མཆོག་གི་བོད་ཀྱི་གནད་དོན་དེ་རྒྱལ་ཁབ་དང་རྒྱལ་ཁབ་བར་གྱི་གནད་དོན་ལ་ངོས་བཟུང་ནས་འཛམ་གླིང་ལ་དྲིལ་བསྒྲགས་ཤུགས་ཆེན་བྱས་པའི་དབང་དུ་ཐོངས་ཤོག ད་ལྟའི་བོད་ཀྱི་ཉམ་ང་བའི་གནས་སྟངས་ལ་གང་ནས་ཕན་ཐོགས་སོང་། ཡང་ན་རྒྱ་ནག་གི་ནང་སྲིད་ལ་ངོས་བཟུར་བར་དཔེ་བཞག་ན། ད་ལྟའི་སྣང་ཚུལ་སྐྱུར་མོ་འདི་ལ་ལྷག་པའི་ཤུགས་རྐྱེན་ཅི་འདྲ་འབྱུང་ངམ། རྒྱལ་ཁབ་དང་རྒྱལ་ཁབ་བར་གྱི་འགལ་ཟླར་ངོས་བཟུང་ན་གྲ་སྒྲིག་ཅི་ཞིག་ཡོད། ད་ལྟའི་འཛམ་གླིང་གི་ཤིན་ཏུ་མགྱོགས་པའི་འཕེལ་ཕྱོགས་འདི་འགོག་ཐུབ་བམ། མདོར་ན། ངས་བཤད་འདོད་པ་ནི། ཤེས་ཡོན་པའི་མིང་བཟུང་བའི་གློའུ་རྒན་ཚོ་ཅུང་ཙམ་བག་ཡོད་པར་བྱས་ན་བཟང་ངོ་སྙམ།

དྲ་གྲོགས་རང་རྟོན་ལགས། བདག་གིས་ཀྱང་བདུན་ཕྲག་འདིའི་དུས་བབས་གསར་ཤོག་ནས་དེ་ལྟར་ཞིག་མཐོང་བྱུང་། ཕལ་ཆེར་གསར་འགོད་པས་ནོར་བཅུག་ཡིན་ས་མ་རེད། འོན་ཀྱང་༧་གོང་ས་མཆོག་ལ་འང་འདོད་ཚུལ་ཞིག་ཡོད་རྒྱུ་རེད།