དྲང་བདེན་ལ་དགའ་བའི་རྒྱལ་སྤྱིའི་ཚོགས་སྡེ་ཁག་དང༌། བོད་དོན་རྒྱབ་སྐྱོར་བ། དེ་བཞིན་བཙན་བྱོལ་བོད་མིའི་སྤྱི་སྒེར་གྱི་སྒྲིག་འཛུགས་ཁག་བཅས་ནས་རོགས་མགོན་དང་རྒྱབ་སྐྱོར་འོག་བསོད་སྟོབས་ལགས་ད་ལྟ་གང་དུ་ཡོད་མེད་བརྩད་ཆོད་པ་ཞིག་གནང་རོགས་ཟེར།
བོད་མི་མང་སྤྱི་འཐུས་སྨོན་ལམ་མཐར་ཕྱིན་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན།། ད་ལོ་ཕྱི་ཟླ་ ༦ ཚེས་ ༧ སྟེ། བོད་ཟླ་བཞི་པ་ས་ག་ཟླ་བའི་ཚེས་བཅོ་ལྔ་ཉིན་བོད་རིགས་ཚོང་པ་གཙོ་བོར་གྱུར་བའི་མི་གྲངས་ ༢༠༠ ཙམ་གྱིས་ལྷ་སའི་ཁྲོམ་གཟིགས་ཁང་ནས་མགོ་འཛུགས་ཀྱིས་ཀི་བསྭོ་ལྷ་རྒྱལ་སྒྲོག་བཞིན་ལྷ་ལྡན་གཙུག་ལག་ཁང་དང༌། པོ་ཏཱ་ལའི་མདུན་ཐང་སོགས་སུ་ཁྲོམ་སྐོར་བྱས། དགོང་དྲོ་བོད་མི་ཁག་ཅིག་ལས་འགུལ་གྱི་སྣེ་ཁྲིད་པ་ཡིན་པར་བསྙད་དེ་རྒྱའི་ཉེན་རྟོག་པས་འཛིན་བཟུང་བྱས་སྐོར་གནས་ཚུལ་སྔོན་ནས་སྤེལ་ཟིན་པ་ལྟར། སྐབས་དེར་འཛིན་བཟུང་བྱས་ཁོངས་ནས་ཕལ་ཆེ་བ་རིམ་བཞིན་གློད་ཡོད་འདུག་ནའང༌། ཕ་ཡུལ་སྡེ་དགེ་འཇོ་མདའ་རྫོང་ཁོངས་མཁར་སྒང་ཤང་ནས་ཡིན་པ་རང་ལོ་ ༥༠ ཅན་ཞོ་བེད་བསོདསྟོབས་ལགས་འདས་པའི་ཟླ་གསུམ་ལྷག་རིང་གང་དུ་ཡོད་མེད་དང་སྡུག་སྦྱོང་མནར་གཅོད་ཇི་ལྟར་བཏང་མིན་བཅས་ཀྱི་གནས་སྟངས་ནང་མི་གཉེན་འབྲེལ་སུས་ཀྱང་ཤེས་རྟོགས་བྱུང་མེད་པ་དང༌། འཛིན་བཟུང་བྱས་པ་དེ་དག་གི་ཁྲོད་ནས་ཁོང་གཅིག་པུ་དེ་ལྟར་བཀག་ཉར་བྱེད་དོན་ཅི་ཡིན་ཤེས་རྟོགས་ཐུབ་མེད། ཕྱིར་གློད་ཟིན་པ་རྣམས་ལའང་རྒྱུན་ཏུ་ཞིབ་བརྩད་བྱེད་བཞིན་ཡོད་འདུག བསོད་སྟོབས་ནི་སྔོན་མ་བོད་མི་རྣམས་ལ་ལྷ་སའི་ཁྲོམ་གཟིགས་ཁང་གི་ཐད་དཀའ་ངལ་འཕྲད་སྐབས་དང་རྒྱུན་དུ་བོད་མི་རྣམས་ལ་དཀའ་ངལ་འཕྲད་སྐབས་འགན་ཁུར་གཙོ་བཞེས་གནང་མཁན་ཞིག་ཡིན་པ་རེད། ཁོང་ད་ལྟ་གང་དུ་ཡོད་མེད་དང་ཤི་གསོན་ཅི་ཡིན་ཤེས་རྟོགས་མེད་པར་བརྟེན་ནང་མི་གཉེན་འབྲེལ་རྣམས་ནི་ཉིན་རེ་བཞིན་སེམས་འཚབ་དང་བློ་ཕམ། ཐེ་ཚོམ་དང་རེ་སྒུག་བཅས་ཀྱིས་ཉིན་སོང་ཡང་མཚན་འགྲོ་དཀའ་བའི་གནས་སུ་གྱར་ཏེ་ཞི་བདེ་དང་དྲང་བདེན་ལ་དགའ་བའི་རྒྱལ་སྤྱིའི་ཚོགས་སྡེ་ཁག་དང༌། བོད་དོན་རྒྱབ་སྐྱོར་བ། དེ་བཞིན་བཙན་བྱོལ་བོད་མིའི་སྤྱི་སྒེར་གྱི་སྒྲིག་འཛུགས་ཁག་བཅས་ནས་རོགས་མགོན་དང་རྒྱབ་སྐྱོར་འོག་ཁོང་ཉིད་ད་ལྟ་གང་དུ་ཡོད་མེད་བརྩད་ཆོད་པ་ཞིག་དང༌། ཁོང་གང་མགྱོགས་གློད་བཀྲོལ་ཡོང་ཐབས་ཀྱི་རེ་སྐུལ་ཤུགས་ཆེ་ཞུ་བཞིན་འདུག་ཟེར།
རྒྱལ་གཅེས་ལྷག་བསམ་ཀྱི་ཕྱུག་པའི་བསོད་སྟོབས་ལགས་གར་སོང་ཆ་མེད་དུ་གྱུར་བ་བློ་ཕམ་གྱི་རང་བཞིན་དུ་མི་མཐོང་མཁན་བོད་མི་རྣལ་མ་ཞིག་ག་ལ་ཡོད།
ལུས་སྲོག་ལ་རྒྱའི་ཆེད་དུ་གཏོང་བཞིན་པའི་དཔའ་བོ་དཔའ་མོ་ཚོའི་ལོ་སྒྱུས་དང་
རྒྱབ་ལྗོངས་དག་ཤེས་འདོད་མེད་མཁན་ཀྱང་སུ་ཞིག་ཡོད། འོན་ཀྱང་འཁོར་ཡུག་དང་ཆ་རྐྱེན་ཀྱི་རྐྱེན་པས་རེ་ཞིག་རོགས་རམ་བྱེད་ཐབས་བྲལ་བ་མང་པོ་ཞིག་ཡོད་པས།
རྣམ་པ་ལྷན་རྒྱས་ཚོས་དེ་ལ་བློ་ཕམ་ནམ་ཡང་བྱེད་མི་རུང་།
བོད་གཞུང་སྒེར་ཁག་གི་ཚོགས་པ་མང་པོ་ཞིག་ཡོད་པ་དངོས་བདེན་རེད། རྒྱལ་ཞེན་ལྷག་བསམ་ཅན་འདི་འདྲ་རིགས་ལ་རོགས་པོ་གནང་བ་ཉུང་ཉུང་རེད། དངོས་གནས་སྐྱོ་དགོས་པ་ཞིག་མ་ཡིན་ནམ། མི་འདི་ལ་ད་ལྟ་བོད་གཞུང་སྒེར་ཁག་གིས་རོགས་པོ་གང་གནང་ཡོད་དམ། སྐྱོ་བ་ལ།
ངོ་མ་སྙིང་རྗེ།
རྒྱལ་གཅེས་མིག་རྒྱང་ཅན་གྱི་དཔའ་བོ་བསོད་སྟོབས་ལགས་ལ་གདུང་སེམས་མཉམ་བསྐྱེད་ཡོད།
གཞིས་ལུས་བོད་མིའི་ཞུ་འབོད་ལྟར་འགྲོ་བ་མི་ཞིག་གི་ལུས་སྲོག་གི་བདེ་སྡུག་དང་མི་ཚེའི་རིན་ཐང་ལ་བསམས་ནས་རྒྱལ་ཚོགས་དང་འགྲོ་བ་མིའི་ཐོབ་ཐང་ཚོགས་པས་གཙོས་བོད་གཞུང་སྒེར་ཡོངས་ཀྱིས་གནད་དོན་འདི་ཚོ་ལ་ཐུགས་སྣང་གནང་རོགས་ཞུ།
འདི་ཚོ་དགྲ་བོའི་མདུན་ནས་ལངས་པའི་རྒྱལ་ཞེན་པ་གོང་ན་མེད་པ་རེ་ཡིན