རྒྱལ་ཡོངས་ཚོགས་ཆེན་དང་པོ།

ཨ་བུ་གངས་དཀར། “དོན་མེད་ཉོག་གཏམ་མ་བཤད་སོ་སོ་གང་བདེ་ན་དེ་བྲིས་ན་བཟང་།”

བློ་བཟང༌། “ངས་ཁྱོད་རང་གི་མིང་ལ་ ཨ་འབུ་གང་ཀར་ ཞེས་བྲིས་ན་ཨེ་ འགྲིགས་”???

ཨ་བུ་གངས་དཀར། “ངས་མིང་ཁྱེད་ལ་ན་ཟུག་སྤྲོད་ཀྱི་འདུག་གམ་”

བློ་བཟང༌། ???????????????????????????????????????????

གཅེན་པོ་ལགས་ཀྱིས་ཚིག་དང་ཡིག་འབྲུ་རེ་ཟུང་ཐོག་ནས་བོད་པའི་སྐད་ཡིག་གོང་མཐོར་གཏོང་དགོས་གསུང་འདུག་པར་ཐུགས་རྗེ་ཆེ། ཐོག་མར་ཁྱོད་ཀྱི་ཡིག་ནོར་ཁག་འདིར་འགོད་རྒྱུ་ཡིན། ༡ང་ཚོ་ལ་ངེད་ཚོ་དང་། ༢ལོ་རྒྱུས་ལ་ལོ་རྒྱུད། ༣མིང་ཚིག་ལ་མིང་ཚིགས། ༤རེ་ཟུང་ལ་རེ་བཟུང་། ༥དུས་གཅིག་ལ་དུས་ཅིག་སོགས་ནོར་བ་ནི་ཡར་རྒྱས་ཀྱི་རྣམ་པ་ཡིན་ནམ། ད་དུང་ཕྲད་དང་རྣམ་དབྱེ་སོགས་ལའང་འཁྲུགས་འདུག མང་གཙོ་དང་དམངས་གཙོ་གཉིས་མ་འབྲི་གོང་དུ་བརྡ་དག་ཅུང་ཟད་སྦྱོང་དང་དེ་ནས་རིམ་བཞིན་བྲི་ན་ཆོག

དོན་མེད་ཉོག་གཏམ་མ་བཤད་སོ་སོ་གང་བདེ་ན་དེ་བྲིས་ན་བཟང་།

ལྷག་པ་ཚེ་རིང་ལགས་ཁྱེད་རང་ཡང་འཐོམ་ཞྭ་གྱོན་འདུག ང་ཚོས་ཚིག་རེ་ཟུང་གི་དག་ཆ་གཅིག་པོ་ནོར་བར་སྐད་རྒྱག་གི་ཡོད་པ་མ་རེད། ང་ཚོས་ང་རང་ཚོར་ཡོད་བཞིན་པའི་ཐ་སྙད་བེད་སྤྱོད་ཆེན་པོ་དག་བེད་མེད་པ་བཟོས་ཏེ་དེ་དག་གི་ཚབ་དུ་ཁུངས་ལུང་མེད་པའི་ཐ་སྙད་གསར་པ་ཁ་ཤས་བཙན་གྱིས་བསྣན་ཡོང་བ་དེར་ནད་ཐེགས་ཀྱི་མི་འདུག་ཟེར་གྱི་ཡོད། ཁྱེད་རང་ལ་བསམ་ཚུལ་གཞན་གང་ཡོད།

ངེད་ཚོ་བོད་ལ་རིགས་བཞིའི་དབྱེ་བ་མེད། རིགས་བཞིའི་ལོ་རྒྱུད་ནི་རྒྱ་གར་བའི་ཡུལ་སྲོལ་ཞིག་ཡིན། དེ་བས་བོད་པས་བོད་པའི་བརྡ་སྤྲོད་དང་མཐུན་པའི་མིང་ཚིགས་བེད་སྤྱོད་བྱེད་ན་ཡག་པོ་འདུག བོད་གཞུང་མང་ཞེས་ལབ་ན་གཞུང་མང་པོ་ཞིག་གོ་ཡོང་བ་ལས་དེ་མིན་གཞུང་འཛིན་པ་དང་མི་སེར་དཀྱུས་མའི་བར་གཉིས་མཐུན་གྱི་འབྲེལ་བ་ཞིག་མི་འདུག ཚིགས་དང་ཡིག་འབྲུ་རེ་བཟུང་ཐོག་ནས་བོད་པའི་སྐད་ཡིག་གོང་མཐོར་གཏོང་དགོས་མ་གཏོགས་དེ་མིན་དུས་ཅིག་ལ་ལེགས་བཅོས་ཡོང་ཐབས་དཀའ།། །།

བོད་གཞུང་མང་ཞེས་བརྗོད་ན་སྐྱོན་ཆ་ཅི་ཡང་ཡོད་པ་མ་རེད་གཞུང་དང་མི་མང་
གཉིས་ཀའི་བསྡུས་མིང་རེད། འདི་འདྲ་རྐྱང་རྐྱང་ལ་རྩོད་རྒྱག་པ་འདི་བོད་པའི་ཁྱད་
ཆོས་རེད། འདི་འདྲའི་རིགས་ལ་རྩོད་པ་བྱས་བསྡད་པའི་དཔེ་ཆ་ཡང་མང་པོ་འདུག

བོད་ལྗོངས་སློབ་གྲྭ་ཆེན་མོའི་བོད་ཡིག་དགེ་རྒན་ཆེན་མོ། གསང་བདག་རྡོ་རྗེ།
སྐད་ཡིག་རིགས་པ་ནི། སུམ་རྟགས་ཀྱི་གཞུང་དང༌། བཀའ་བཅད་སོ་སོའི་དགོངས་དོན་རྩ་འཛིན་བྱེད་དགོས་གཤིས། ཐོན་མིའི་རྟགས་འཇུག་གི་རྩ་གཞུང་དུ། ༼ཕོ་ཡིས་ཕོ་ཡི་མིང་མཐའ་དྲང། །མོ་ཡིས་མོ་ཡི་མིང་མཐའ་དྲང༌། །མ་ནིང་གིས་ནི་མ་ནིང་ངོ་། ༽།ཞེས་པ་དང༌། སྡེབ་སྦྱོར་རྣམས་ཀྱད་དེའི་དབང་གིས་བརྗོད་བདེར་འདྲེན་དགོས་ཞེས་གསུངས།

སྐབས་སུ་བབ་པ་ དམངས་གཙོའི་ དམངས་ ཀྱི་རྗེས་འཇུག་ས་དེ་ཕོ་ཡིག་ཡིན་པ་དང༌། གཙོ། ཞེས་པའི་མིང་གཞི་ཙ་ཡང་ཕོ་ཡིག་ཡིན་སྟབས། དམངས་གཙོ་ཞེས་པ། ཕོ་ཡིས་ཕོ་ཡི་མིང་མཐའ་དྲངས་པ་དང༌།
མང་གཙོ། ཞེས་པ་རྗེས་འཇུག་ང་ནི་མོ་ཡིག་ཡིན་པ་དང༌། ཙ་ནི་ཕོ་ཡིག་ཡིན་པས། མོ་ཡིས་ཕོ་ཡིག་དྲངས་པར་མི་འོས་པ། ཐོན་མིའི་རྟགས་འཇུག་གི་རྩ་གཞུང་ལས། ༼མོ་ནི་ཕོ་ལ་འཇུག་པ་མིན།༽།གསུངས་པ་དང་པ་དང་འགལ་བ་མ་ཟད། རྒྱལ་བའི་གསུང་རབ་རྣམས་སུ། རྒྱ་གར་སྐད་དུ། ཞེས་པའི་རྒྱ་དཀར་པོ་ཡིན་པ་ལ། གར་དུ་བསྒྱུར་དགོས་པའི་རྒྱུ་མཚན་ནི། རྒྱའ། ཞེས་པ་རྒྱལ་པོས་བཀའ་བཅད་མ་མཛད་གོང་དུ། མཐའ་མེད་ཚང་མའི་རྗེས་སུ་རྗེས་འཇུག་འ་ཡིག་ཡོད་པ་ལ། འ་ཡིག་དེ་མོ་ཡིག་ཡིན་པས། དཀར་པོའི་ཀ་ཡིག་ཕོ་ཡིག་ཡིན་པས། མོས་ཕོ་ཡི་མིང་མཐའ་དྲངས་པར་མི་འོས་སྟབས། མོ་ཡིག་ག་སྦྱར་ནས། རྒྱ་གར་ཞེས་བྱུང་བ་ལྟར་ལགས་ན། ད་ཆ་གཞིས་བྱེས་གཉིས་ཀྱི་སྐད་ཡིག་དབར་འགྱང་ཐག་ཇེ་རིང་དུ་འགྲོ་བཞིན་ཡོད་པ་དང༌། བོད་ཀྱི་མཁས་དབང་ཚོས་ཀྱང་བསམ་འཆར་ཡོང་དུས་ཇི་འགེབ་དགོངས་བཞེས་གནང་རོགས་ཞུ༎
ཡང་ཞོར་ཕྲོས་སུ། ཕྱི་ལོ་ཞེས་པ། ཕྱི་པའི་ལོ་དང་ནང་པའི་ལོ་ཞེས། སོ་སོར་དབྱེ་ནས། ནང་པའི་ལོས་ཁུངས་མ་འཁྱོལ་ནས། ཕྱི་པའི་ལོ་བེད་སྤྱོད་བྱེད་པ་འདི་ངོ་གནོང་དགོས་པ་ཞིག་ཡིན་ཞིང༌། དེ་ལས་བོད་ནང་དུ་སྔ་ས་ནས་བེད་སྤྱོད་བྱེད་པའི། སྤྱི་ལོ་ཞེས་བྲིས་ན། འཛམ་གླིང་སྤྱི་ལ་བེད་སྤྱོད་བྱེད་པའི་ལོ་ཡིན་པས། ངོ་གནོང་མི་དགོས་པ་དང༌། དོན་ལ་ཡང་གནས་པར་སེམས་ཞེས་ཀྱང་ཞུའོ༎

དྲ་གྲོགས་ཚོ་ཁམས་བཟང་། བོད་གཞུང་དམངས་རྒྱལ་ཡོངས་ཚོགས་ཆེན་དང་པོ། ཞེས་བརྗོད་དགོས་པ་ལས་བོད་གཞུང་མང་ཟེར་ན་འགྲིག་གི་མི་འདུག

དཔེར་ན། རྒྱལ་ཁབ་ཁྱོན་ཡོངས་ཀྱི་ཚོགས་འདུ་ཞིག་ཡིན་ན་རྒྱལ་ཡོངས་མི་དམངས་ཚོགས་ཆེན་ལྟ་བུ་དང་། ལུང་པའམ་ཡུལ་ལུང་ཆུང་ཆུང་བྱེ་བྲག་པ་ཞིག་གི་ཚོགས་འདུ་ཡིན་ན་ནི་མང་ཚོགས་ཀྱི་ཚིགས་འདུ་ཟེར་བ་ལྟ་བུ་རེད།

དེར་བརྟེན་མི་ཚིག་དེ་བོད་ཀྱི་སྤྱི་ཚོགས་དངོས་ཀྱི་འཚོ་བའི་གོམས་འདྲིས་ཐད་ལ་དཔྱད་ན་བོད་གཞུང་དམངས་ཟེར་དགོས་པ་ལས་བོད་གཞུང་མང་ཚོགས་ཆེན་ཟེར་ན་ཚོགས་འདུ་མ་འཚོགས་ཀྱི་སྔོན་ནས་མིང་ཚིག་ལ་ནོར་འཁྲུལ་ཤོར་ན་ཕ་རོལ་པོ་དགོད་ཤོར་གྱི་རེད།

གསང་གཏོར་ལགས་ལ་བརྒྱབ་སྐྱོར་ཡོད། བོད་གཞུང་དམངས་ཞེས་མིང་ཚིག་སྟབས་བདེ་འདི་འདྲ་ཞིག་ཡོད་བཞིན་དུ་་་མི་བདེ་ཞིང་འཁྲུལ་གཞི་ཡོད་པའི་གཞུང་མང་ཞེས་མང་དེ་བཅུག་དགོས་དོན་གང་ཡིན་ན། ད་དུང་སྐུ་ངོ་ཚོའི་གསུང་བཤད་ཁྲོད་དུ་ཐ་སྙད་ཁེ་མཚར་དེ་འདྲ་མང་བཅུག་གིན་འདུག དེ་ཚོ་བསམ་བཞིན་དུ་བྱས་པ་ཨེ་ཡིན་མི་ཤེས་མོད། དེའི་ཐད་དོ་སྣང་དང་ཡིད་གཟབ་དགོས་ཀྱི་འདུག་སྙམ།

བོད་གཞུང་མང་ཟེར་ན་ག་ི་གོ་ཡི་རེད། དེ་ལས་བོད་གཞུངས་དམངས་ཟེར་ན་མི་ལེགས་སམ། བཙན་བྱོལ་སྤྱི་ཚོགས་ནང་མང་དང་དམངས་གཉིས་ལ་ཁྱད་པར་ཕྱེ་མི་ཤེས་པའི་མི་ཤེས་པའི་ཤེས་ལྡན་པ་ང་ཡིན་ཁོ་ཡིན་ཟེར་མཁན་མང་པོ་ཡོད་རེད། མང་ཟེར་བ་འདི་མང་གཙོ་བེད་སྤྱོད་བྱས་ན་གོ་རྒྱུ་ཡོད་རུང༌། བོད་གཞུང་མང་ཟེར་ག་ི་གོ་རྒྱུ་འདུག ངའི་བོད་གཞུང་མང་པོ་ཡོད་པ་ཞིག་གོ་གི་འདུག དེ་ལས་འདི་སྒྱུར་བཅོས་གཏང་ན་ལེགས་པར་མཐོང༌།

གངས་རིའི་གླིང་བུ་ལགས།
ཁ་སང་ཕྱི་དྲོ་ཆུ་ཚོད་ ༤།༤༥ བར་ལས་རིམ་གཞན་གྱི་ཐོག་དུས་ཚོད་ཕྱིན་ཡོད་པ་དང་། དེ་རྗེས་བོད་གཞུང་མང་རྒྱལ་ཡོངས་ཚོགས་ཆེན་ཚོགས་འཆར་གྱི་གྲོས་འཆར་འདོན་རན་དུས་དཔལ་ལྡན་ཚོགས་གཙོ་གཞོན་པ་མཆོག་གྲོས་ཚོགས་སུ་བཞུགས་མེད་པར་བརྟེན་གྲོས་ཚོགས་གྲོལ་གནང་སོང་། ཚོགས་གཞོན་མཆོག་སྐབས་དེར་གཞུང་འབྲེལ་ལས་དོན་གཞན་ཞིག་སྔོན་བསྒྲིགས་ལྟར་ཕྱི་རུ་ཕེབས་དགོས་བྱུང་བ་ཞིག་རེད།

གཉན་མདངས་ཕོ་ཉ་ལགས།
ཕྱི་ཚེས་ ༡༢ རེས་གཟའ་སྤེན་པ་ཉིན་གྱི་ཕྱི་དྲོ་ཆུ་ཚོད་ ༤།༠༠ པ་ཙམ་གྱི་ཐོག་གྲོས་ཚོགས་ཀྱི་གྲུབ་ཆ་མ་ལོན་ནས་གྲོས་ཚོགས་གྲོལ་དགོས་གྱུར་པ་དངོས་གནས་རེད། སྐབས་དེར་ཚོགས་ཞུགས་མེད་པའི་སྤྱི་འཐུས་རྣམས་དོན་མེད་འཁྱམས་གཡེང་བྱས་པ་ཞིག་མི་ཤེས་ཀྱང་གྲོས་ཚོགས་ལས་གལ་ཆེ་བའི་ལས་དོན་ཞིག་ཡོད་པ་ངས་ཀྱང་མ་ཤེས།
དེའི་སྐོར་གྱི་གནས་ཚུལ་ཞིབ་ཕྲ་བོད་ཀྱི་བང་ཆེན་གྱི་དྲ་རྒྱར་འདུག
http://www.tibetexpress.net/

དེ་ཉིན་རང་བྲིས་པའི་མཆན་ཞིག་དུས་བབ་ཀྱི་དྲ་རྒྱར་བཀོད་འདུག
https://tibettimes.net/wordpress/news.php?showfooter=1&id=1599

མདོར་དོན་ཕྲན་ལྟ་བུ་ལ་དྲ་རྒྱའི་ལམ་ནས་དགེ་འདོན་སྐྱོན་སེལ་ག་རེ་གནང་ནའང་དང་ལེན་ཞུ་འོས་ཀྱང་སྐབས་དེར་ཚོགས་ཞུགས་མེད་པའི་སྤྱི་འཐུས་དེ་དག་སོགས་ལ་ཐབས་ལམ་གཞན་པ་ཞིག་ནས་གོ་བརྡ་འཕྲོད་ངེས་གནང་དགོས་པ་ལས་དྲ་ལམ་ནས་བཤད་ཀྱང་ཁོ་ཚོས་མི་ཐོས།།

སྤྱི་འཐུས་སྨོན་ལམ་མཐར་ཕྱིན་ལགས་ཀྱིས་གསུངས་པ་དེ་དངོས་འབྲེལ་རེད། གསར་འགོད་པ་ཙམ་དུ་མ་ཟད་རྩོམ་སྒྲིག་པའི་འཐུས་ཤོར་རེད། དེ་རིང་གི་ལས་རིམ་རྣམ་གཞག་ནང་དུ་གྲོས་འཆར་འདི་ཁྱེར་ཡོང་བ་རེད། ཡིན་ཡང་། བགྲོ་གླེང་གི་དུས་ཚོད་ཕལ་ཆེ་བ་གནད་དོན་གཞན་གྱི་སྟེང་ཕྱིན་སྟབས་བགྲོ་གླེང་གནང་ཐུབ་མེད་པ་བདེན་པ་རེད། འོན་ཀྱང་། ལས་རིམ་གྱི་ཁྲོད་ན་ཡོད་པ་གསར་འགོད་པ་ཁོ་རང་གིས་བཤད་པ་ལྟར་བདེན་པ་རེད། ལྷག་པར་དུ་འདི་ན་གསར་འགོད་པ་དང་རྩོམ་སྒྲིག་པ་ཚོའི་ཚོད་རྩིས་རང་བཞིན་གྱི་གནས་ཚུལ་ཞིག་ཀྱང་མངོན་འདུག འདིའི་རིགས་ནི་རྗེས་མ་མང་ཚོགས་དང་ཀློག་མཁན་གྱི་ངོས་ནས་ཕར་རྒོལ་དང་བཙུར་དགོས་པའི་རིགས་རེད། འདི་ནི་གསར་འགོད་ལས་རིགས་འདི་ཚགས་ཚུད་དུ་འགྲོ་བའི་རྒྱུ་རུ་འགྱུར་གི་རེད་སྙམ།

བཀུར་འོས་བའི་སྨོན་ལམ་མཐར་ཕྱིན་ལགས།  ཁྱེད་ཀྱིས་  གནས་ཚུལ་གཞན་དག་གི་རྐྱེན་པས་གྲོས་ཚོགས་ནང་གྲོས་གཞི་དེ་བཏོན་ཡོད་པ་མ་རེད་ཞེས་གསུངས་འདུག    ཡང་གྲོས་ཚོགས་ནང་དུ་་དོན་དག་གང་བྱུང་བ་རེད།   གསལ་བཤད་ཞིག་གནང་ན་འགྲིག་གི་རེད་དམ།

གསར་འགོད་པ་ལགས། གོང་གསལ་གྱི་གྲོས་གཞི་དེ་དེ་རིང་གི་ལས་རིམ་ཁོངས་སུ་བཞག་ཡོད་ཀྱང་། དེ་རིང་ཕྱི་དྲོ་དུས་ཚོད་དང་གནས་ཚུལ་གཞན་དག་ཞིག་གི་རྐྱེན་པས་གྲོས་ཚོགས་ནང་གྲོས་གཞི་དེ་བཏོན་ཡོད་མ་རེད་ལ་བགྲོ་གླེང་ཚིག་གཅིག་ཀྱང་བྱུང་ཡོད་མ་རེད།