དེ་རིང་ཧུའུ་ཅིན་ཐའོ་ཡིས་མཉམ་འབྲེལ་རྒྱལ་ཚོགས་སུ་གཏམ་བཤད་སྤེལ་གྱིན་ཡོད་ལ། ཉིན་འདི་ནི་དོན་གྲུབ་དབང་ཆེན་གློད་གྲོལ་གྱི་རྒྱལ་སྤྱིའི་ལས་འགུལ་ཉིན་མོར་སྲུང་གཙི་ཞུ་བཞིན་ཡོད་པ་རེད།
ཕྱི་ཚེས་ ༢༣ ཉིན་ཧུའུ་ཅིན་ཐའོ་ཡིས་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྟེང་གཏམ་བཤད་སྤེལ་གྱིན་ཡོད་ལ། བོད་དོན་ལས་འགུལ་བ་རྣམས་ཀྱིས་ཉིན་མོ་འདི་ནི་དོན་གྲུབ་དབང་ཆེན་གློད་གྲོལ་གྱི་རྒྱལ་སྤྱིའི་ལས་འགུལ་ཉིན་མོར་སྲུང་གཙི་བྱས་ཏེ། གོ་ལ་ཁྱོན་ཡོངས་སུ་སྐད་འབོད་བྱེད་ཀྱིན་ཡོད་པ་རེད།
བཞུགས་སྒར་ངྷ་སར་གཞུང་འབྲེལ་མིན་པའི་ཚོགས་པ་བཞི་ཡིས་ཉིན་འདིར་དོན་གྲུབ་དབང་ཆེན་གློད་གྲོལ་གྱི་ཆེད་དུ་མཚན་རྟགས་བསྡུ་བ་དང་། སྲིད་འཛིན་ཧུའུ་ཅིན་ཐའོ་ཡི་མིང་ཐོག་ལ་དོན་གྲུབ་དབང་ཆེན་གློད་གྲོལ་གྱི་ཆེད་དུ་ཤོག་བྱང་ ༡༠༠༠ བསྐུར་ཡོད་པ་རེད། ཉིན་འདིར་དོན་གྲུབ་དབང་ཆེན་གློད་གྲོལ་གྱི་ཆེད་དུ་ཐོད་རས་སྟེང་དུ། དོན་གྲུབ་དབང་ཆེན་གློད་རོགས། ཞེས་བྲིས་ཏེ་ཐོད་རས་སྟོང་ཕྲག་ལྷག་བཀྲམས་ཡོད་པ་རེད།
ཚོགས་པ་བཞིའི་གོ་སྒྲིག་འོག་དེ་དགོང་བཞུགས་སྒར་ནས་དོན་གྲུབ་དབང་ཆེན་གྱི་ཆེད་དུ་མར་མེ་ཁྲོམ་སྐོར་གནང་རྒྱུ་མ་ཟད། མང་ཚོགས་ལ་གཏམ་བཤད་ཀྱང་གནང་རྒྱུ་ཡིན་ལ། མཐའ་མ་དེར་མང་ཚོགས་ལ་གསང་བའི་འོག་གི་བོད་ཅེས་པའི་གློག་བརྙན་གཟིགས་འབུལ་གནང་རྒྱུ་རེད།
བསྟན་འཛིན་ཡོན་ཏན་ལགས། གསུངས་ལན་གནང་བར་དགའ། གོང་གི་དེའི་དོན་ངས་དངོས་གནས་གོ་མ་སོང་། མ་གཞི་ནས་གསར་འགྱུར་དེ་ཁ་གསལ་པོ་མེད་པ་མིན་ནམ།
དྲ་གྲོགས་གཅན་བཟོད་རྒྱམ་ལགས།
ཁྱོད་ཀྱིས་སྐད་ཆ་བཤད་སྟངས་ལ་བལྟས་ན་དངོས་གནས་གོ་རྟོགས་ཞན་པ་འདྲ།
མི་ངའི་གོ་རྟོག་ཞན་སོང་བ་འདྲ། མཚམས་མཚམས་ལ་གསར་འགྱུར་རེའི་གོ་དོན་ཡང་མི་ཤེས་ཀི