སྦེལ་ཀོབ་ས་གནས་གཞོན་ནུ་དང་བུད་མེད་གཉིས་ཀྱིས་༧གོང་ས་མཆོག་ལ་རང་དབང་གཟེངས་རྟགས་ཕུལ་བར་རྟེན་འབྲེལ་ཞུས་པ།
ཕྱི་ཚེས་ ༢༣ ཉིན་ཨ་རིའི་རྒྱལ་ཡོངས་སྤྱི་དམངས་ཐོབ་ཐང་འགྲེམས་སྟོན་ཁང་གིས་༧གོང་ས་མཆོག་ལ་རྒྱལ་སྤྱིའི་རང་དབང་གཟེངས་རྟགས་ཞེས་པ་དེ་ཕུལ་ཡོད་ལ། སྦེལ་ཀོབ་གཞིས་སྤྱི་རྒྱལ་བའི་ཕོ་བྲང་དུ་ས་གནས་གཞོན་ནུ་དང་བུད་མེད་གཉིས་ཀྱི་གོ་སྒྲིག་འོག་མི་མང་གིས་དགའ་གུས་མཚོན་སླད། ཞོགས་པའི་ཆུ་ཚོད་ ༩ ནས་ཉིན་རྒྱབ་ཆུ་ཚོད་ ༣ པ་བར་རྒྱལ་བའི་ཞབས་བརྟན་དང་སྒྲོལ་མ། མ་ཎི་སོགས་གྲངས་གསོག་གནང་ཡོད།
ཉིན་དེར་གཞོན་ནུའི་ཚོགས་གཙོ་པདྨ་ཚེ་དབང་ལགས་ཀྱིས་གསུངས་དོན། དེ་རིང་སྟེ་ཕྱི་ཟླ་ ༩ ཚེས་ ༢༣ ཉིན་ཨ་རིའི་ལྷོ་ཤར་མངའ་སྡེ་ཊེ་ནེ་སིའི་གྲོང་ཁྱེར་མེམ་བྷི་སིར་ཡོད་པའི་རྒྱལ་ཡོངས་སྤྱི་དམངས་ཐོབ་ཐང་འགྲེམས་སྟོན་ཁང་གིས་༧གོང་ས་མཆོག་ལ་རྒྱལ་སྤྱིའི་རང་དབང་གཟེངས་རྟགས་འབུལ་གནང་གི་ཡོད་པ་རེད། དེ་རིང་གི་ཞི་བདེའི་གཟེངས་རྟགས་འདི་ནི་འཚེ་མེད་ཞི་བའི་ཆེད་དུ་ཕྱག་ལས་གནང་མཁན་གྱི་སྐྱེས་བུ་གྲགས་ཅན། རྒྱ་གར་གྱི་མེས་པོ་དམ་པ་གྷན་ངྷི་མཆོག་དང་། མི་རིགས་ནག་པོའི་རང་དབང་འཐབ་རྩོད་པ་མར་ཊིན་ལུ་ཐར་ཁིན་གཉིས་ལྟ་བུར་འབུལ་གྱིན་ཡོད་ནའང་། ཁོང་རྣམ་པ་གཉིས་སྐུ་འཚོ་བཞུགས་མིན་སྟབས། ཁོང་གཉིས་ཀྱི་རྗེས་འཇུག་༧གོང་ས་མཆོག་ཁོང་ལ་རང་དབང་གཟེངས་རྟགས་དེ་འབུལ་གྱིན་ཡོད་པ་རེད།
ཕྱོགས་གཅིག་ནས་རྒྱ་ནག་གིས་༧གོང་ས་མཆོག་ལ་མཚན་སྨད་དང་བསྐུར་བ་སྣ་ཚོགས་འདེབས་ཀྱིན་ཡོད་ནའང་། ཕྱོགས་གཞན་ཞིག་ནས་འཛམ་གླིང་གི་རྒྱལ་ཁབ་གྲགས་ཅན་མང་བོས་༧གོང་ས་མཆོག་འཚེ་མེད་ཞི་བའི་ཐོག་ཕྱག་ལས་གནང་མཁན་གྱི་སྐྱེས་ཆེན་དམ་པ་ཞིག་ལ་ངོས་འཛིན་མཛད་དེ། རང་དབང་གཟེངས་རྟགས་དེ་འདྲ་གནང་སྐབས། ང་ཚོས་དགའ་དད་སྤྲོ་གསུམ་དང་ཁོང་གི་སྐུ་ཚེ་ཞབས་པད་བརྟན་པ་དང་། མཛད་པ་འཕྲིན་ལས་སྔར་བས་ཀྱང་འཛམ་གླིང་ཡོངས་ལ་ཁྱབ་ཆེད་དེ་རིང་གི་ཞབས་བརྟན་དག་བསྒྲུབས་པ་ཡིན།
སྤྱིར་འདི་ལྟ་བུའི་གལ་ཆེའི་ཉིན་འདིར་གཞུང་འབྲེལ་ཕྱོགས་ནས་ཁོང་ལ་འཚམས་འདྲི་ཞུ་ཆེད་དམིགས་བསལ་གྱིས་མཛད་སྒོ་སོགས་འཚོགས་དགོས་པ་རེད་མོད། གཞུང་ངོས་ནས་བྱེད་སྒོ་གང་ཡང་གནང་གི་མི་འདུག གནང་ཆོག་གི་མེད་པ་ཡིན་ནམ། ཡང་ན་གནང་བདེ་བོ་མེད་པ་ཡིན་ཤེས་ཀྱི་མི་འདུག དེར་བརྟེན་ཚོགས་པ་སྒེར་ངོས་ནས་འདི་ལྟར་གོ་སྒྲིག་ཞུས་པ་ཡིན་ཞེས་གཞུང་འབྲེལ་གྱི་ངོས་ནས་དེ་རིང་གི་ཉིན་མོ་འདིར་བྱེད་སྒོ་གང་ཡང་སྤེལ་མེད་པར་འཁང་ར་ཞིག་ཀྱང་གནང་ཡོད།
ཧ་ཧ་ཧ། བླ་མ་ཇི་སྲིད་བར་དུ་འབར་བར་ཤོག་ཟེར་ན་ཅི་རེད། འབར་ནི་མེ་སོགས་ལ་འབར་ཟེར་བ་རེད། འབའ་པ་ལགས། གོང་གི་ཚིག་འདིའི་དོན་ཅི་རེད་གསལ་བཤད་ཅིག་གནང་རོགས་ཞུ།
བདག་གི་བླ་མ་ཇི་སྲིད་བར་དུ་འབར་བ་ཤོག
སྐྱབས་སུ་མཆི་༸གོང་ས་མཆོག་གི་སྐུ་ཚེ་བརྟན་ཅིང་མཛད་་འཕྲིན་གོང་རྒྱས་ཡོང་བའི་བཀྲ་ཤིས་སྨོན་འདུན་ཞུ།
མགོན་པོ་གང་ཉིད་ཕྱིར་གཞུགས་སྒར་དུ་ཆིབས་བསྒྱུར་གནང་སྐབས་ང་ཚོ་གཞུགས་སྒར་གཞུང་དམངས་གཉིས་ཀྱིས་གནམ་ས་འགུལ་བའི་བསུ་བ་བྱེད་ངེས་ཡིན་ནོ།།
ཁོང་གི་མཛད་པ་འཕྲིན་ལས་ཁ་འབབ་བཞིའི་བཞུར་རྒྱུན་དང་འགྲོགས་ཏེ་འཛམ་གླིང་གོ་ལ་ཟླུམ་པོའི་སྣོད་བཅུད་ཐམས་ཅད་ཀྱི་གསོན་ཤུགས་གསོ་ཕྱིར་རྒྱུན་མི་ཆད་པར་རྟགས་བརྟན་མཛོད་་་་་་་་་་རྒྱལ་གྱུར་ཅིག གོང་ས་མཆོག་སྐུ་ཚེ་ཁྲི་ལོ་ནས་ཁྲི་ལོར་བརྟན་པར་ཤོག
བོད་གཞུང་དམངས་གཉིས་ཀའི་དགའ་དད་སྤྲོ་གསུམ་གྱིས་མགོན་པོ་གང་གི་རླབས་ཆེན་གྱི་མཛད་རྗེ་ལ་བཀྲ་ཤིས་བའི་དགའ་འབོད་ཞུས་ཆོག་མོད་གྲགས་འགུལ་མེད་པས་སྐྱོ་བ་ལ།
dalai lama long life
༧་གོང་ས་མཆོག་གི་སྐུ་ཚེ་རྒྱན་མཚན་བརྟེན་གྱུར་ཅིག
བོད་མི་ཡོངས་ཀྱི་སྐྱབས་མགོན་དམ་པ་༧གོང་ས་མཆོག་གི་སྐུ་ཚེ་ཡུན་རིང་བརྟན་གྱུར་ཅིག
ཡུན་རིང་ལ་བཅོས།
༸གོང་ས་མཆོག་རྒྱལ་གྱུར་ཅིག སྐུ་ཚེ་ཡིན་རིང་བརྟན་གྱུར་ཅིག ཞབས་བརྟན་པ་རྣམས་ལ་ཐུགས་རྗེ་ཆེ་ཞུ།