འཕགས་བོད་མཛའ་འབྲེལ་ཚོགས་པའི་གོ་སྒྲིག་འོག རྒྱ་གར་བ་པ་དང་བོད་པ་སྟོང་ཕྲག་ལྷག་གིས་དེ་རིང་ལྡི་ལི་གསར་པའི་ཅན་ཌར་མན་ཌར་སྲང་ལམ་དུ་རྒྱ་ནག་གཞུང་ལ་ངོ་རྒོལ་བྱེད་ཀྱིན་ཡོད་པ་རེད།
དེ་རིང་འབོད་ཞིག་ནི་༼བོད་རང་དབང་། རྒྱ་གར་སྐྱོབ་པ་༽ཞེས་པ་དེ་རེད། གོ་སྒྲིག་པའི་ངོས་ནས་གསལ་བསྒྲགས་བྱས་པ་ལྟར་ན། ཐེངས་འདིར་ངོ་རྒོལ་བྱེད་དོན་ནི་འདས་པའི་མི་ལོ་ ༦༠ རིང་རྒྱ་ནག་དམར་ཤོག་གཞུང་གིས་བོད་མི་རིགས་ལ་བཙན་གནོན་དང་ཁྲག་དྲི་བྲོ་བའི་དམར་གསོད་སོགས་བྱས་པར་རྗེས་དྲན་དང་། རྒྱ་ནག་གིས་ད་སྐབས་ཀྱང་བོད་ནང་དྲག་པོའི་བཙན་གནོན་བྱེད་བཞིན་པར་ངོ་རྒོལ་མཚོན་ཆེད་དུ་རེད།
དེ་བཞིན་རྒྱ་ནག་དམར་ཤོག་གཞུང་གིས་བོད་བཙན་བཟུང་བྱས་པ་ནས་བཟུང་ཇམ་མུ་ཀཤཱི་སྨིར་ནས་ཨ་རུ་ན་ཅལ་མངའ་སྡེ་བར་དུ་རྒྱ་དཀར་ནག་གཉིས་ཀྱིས་མཐའ་མཚམས་ལ་དམག་མི་ཕོན་ཆེ་འཇོག་དགོས་བྱུང་བ་དང་། རྒྱ་ནག་གིས་རྟག་པར་རྒྱ་གར་ལ་འཇིགས་སྐུལ་བྱེད་བཞིན་པར་ངོ་རྒོལ་མཚོན་ཆེད་དུ་ཡིན་འདུག
