མལ་གྲོ་གུང་དཀར་རྫོང་དུ་ H1N1 འགོས་ནད་ཀྱིས་རང་ལོ་ ༨ ལ་སོན་པའི་བུ་མོ་གཅིག་རྐྱེན་ལམ་དུ་བཏང་འདུག
བོད་རང་སྐྱོང་ལྗོངས་འཕྲོད་བསྟེན་ཁང་གིས། ཕྱི་ཟླ་ ༡༠ ཚེས་ ༤ ཉིན་བོད་ལྗོངས་མངའ་ཁུལ་གྱི་མི་གཅིག་ H1N1 འགོས་ནད་ཀྱི་རྐྱེན་པས་འདས་གྲོངས་སུ་ཕྱིན་ཡོད་པ་ཕྱིར་བསྒྲགས་བྱས་ཡོད་འདུག
འགོས་ནད་ཀྱི་རྐྱེན་པས་འདས་གྲོངས་སུ་ཕྱིན་པའི་ནད་པ་དེ་ནི། ལྷ་ས་གྲོང་ཁྱེར་གྱི་མལ་གྲོ་གུང་དཀར་རྫོང་ཁོངས་ཀྱི་རང་ལོ་ ༨ ཅན་གྱི་བུ་མོ་ཞིག་ཡིན་འདུག་པ་དང་། ཁོ་མོར་མགྲིན་པ་ན་བ་དང་གློ་ལུ་རྒྱག་པ། གཟིགས་པོ་ཧྲིལ་བོར་ན་ཟུག་ལངས་པ་བཅས་ཀྱི་ནད་རྟགས་བྱུང་བ་ལ་བརྟེན་ནས། ཕྱི་ཟླ་ ༡༠ པའི་ཚེས་ ༣ ཉིན་མལ་གྲོ་གུང་དཀར་རྫོང་མི་དམངས་སྨན་ཁང་ལ་བསྐྱལ་ནས་སྨན་བཅོས་བྱེད་བྱས་ཡོད་ནའང་། ནད་པའི་ལུས་ཀྱི་ཚ་དྲོད་འཕར་ཏེ་མིའི་རྒྱུན་ལྡན་ལུས་དྲོད་ཀྱི་ཚད་ལས་ཆེས་ཆེར་བརྒལ་བ་སོགས་ཀྱི་རྐྱེན་པས་ཕྱི་ཚེས་ ༤ ཉིན་གྱི་ཞོགས་པར་འདས་གྲོངས་སུ་གྱུར་ཡོད་པ་རེད།
བོད་རང་སྐྱོང་ལྗོངས་ནད་བཅོས་སྔོན་འགོག་ལྟེ་གནས་ཀྱིས་ནད་གཞི་དེ་རྒྱལ་ཁབ་ནད་བཅོས་སྔོན་འགོག་ལྟེ་གནས་ལ་སྤྲད་དེ་བརྟག་དཔྱད་བྱས་མཐར་ H1N1 འགོས་ནད་ཀྱི་རིགས་ཡིན་པ་ཤེས་རྟོགས་བྱུང་ཡོད་པ་དང་། ནད་གཞི་དེའི་སྐོར་གྱི་བརྟག་དཔྱད་སྙན་ཞུ་འཛམ་གླིང་འཕྲོད་བསྟེན་རྩ་འཛུགས་ལ་ཕུལ་རྗེས། ཨ་རིར་གནས་སྡོད་རྒྱའི་གསོ་བ་རིག་པའི་ཆེད་མཁས་པ་ཅིན་ཧྥུའུ་ཧྲིན་གྱིས་ཐེངས་འདིའི་བོད་ཁུལ་དུ་བྱུང་བའི་ H1N1 ནད་གཞིའི་ཐད་འགྲེལ་བརྗོད་གནང་དོན། ནད་གཞི་འདི་ནི་གཙོ་བོ་གློ་ཚད་རེད། གློ་ཚད་འཕར་བའི་ཐོག་ལ་དབྱང་དབུགས་ཀྱིས་མ་འདང་བ་བྱུང་ན་མི་གློ་བུར་དུ་འདས་གྲོངས་སུ་འགྲོ་རྒྱུ་ལས་སླ་བོ་རེད། དེར་བརྟེན། ནད་གཞི་འདིས་མཐོ་སྒང་དུ་སྨན་བཅོས་ལས་འགན་སྒྲུབ་བཞིན་པ་རྣམས་ལ་ཚབས་ཆེ་བའི་བརྡ་རྟགས་ཤིག་བསྟན་པ་རེད། ནད་གཞི་སྔོན་འགོག་ལ་ཐབས་ཤེས་ནུས་ཤུགས་ཡོད་དགུ་བཏོན་ཏེ། སྔོན་འགོག་སྨན་བཅོས་མཐུན་རྐྱེན་རིགས་མཐོ་སྒང་གི་ས་ཆར་མཁོ་སྤྲོད་བྱེད་དགོས་ལ། ལྷག་པར་དུ་གྲོང་རྡལ་ཆུང་གྲས་ཁག་ཏུ་དོ་སྣང་བྱ་རྒྱུ་གལ་ཆེ་ཞེས་བརྗོད་ཡོད་འདུག
ཉེ་སྐབས་རྒྱ་ནག་ནང་ཁུལ་དུ་ H1N1 འགོས་ནད་ཁྱབ་ཚད་ཚབས་ཆེན་གྱི་གནས་སུ་གྱར་ཡོད་པ་རེད། ༢༠༠༩ ཟླ་ ༡༠ ཚེས་ ༥ ཉིན་པེ་ཅིན་གྲོང་ཁྱེར་གཅིག་པུར་ H1N1 འགོས་ནད་ཕོག་པའི་མི་ ༢༡༨༡ ལ་བུད་ཡོད་པ་རེད། རྒྱ་ནག་གི་མི་དམངས་དྲ་བའི་སྟེང་གནས་ཚུལ་སྤེལ་བ་ལྟར་ན། ད་ལོའི་ཟླ་ ༡ ནས་ཟླ་ ༨ པའི་བར་རྒྱ་ནག་ནང་ས་གཙོ་བོ་གྱུར་པའི་ཡུལ་ཕྱོགས་གཞན་ནས་ཕེབས་པའི་ཡུལ་སྐོར་བ་མི་གྲངས་ཁྲི་ ༤༠༩ ལྷག་བོད་ལྗོངས་ས་ཁུལ་ཁག་ཏུ་སླེབས་ཡོད་སྐོར་བཀོད་ཡོད་པ་རེད།
ཨ་ཁ་ན་ཚ་H1N1འདི་ཧ་ཅང་གི་ཁྱབ་བརྡལ་ལ་འགྲོ་བཞིན་སྒང་རེད། འདི་རིགས་ལ་འུ་ཚོ་བོད་པ་ཚང་གི་ལྷ་རྗེ་ཚང་མས་ཐུགས་འགན་བཞེས་རོགས་གནང་། སྔོན་ཁབ་དང་ཡང་ན་འགོག་སྲུང་རིལ་བུ་ངཅས་མི་དམངས་ལ་བཀྲམས་དགོས།
བོད་མི་རྣམས་ཀྱིས་དོ་སྣང་གནང་ཐུབ་ན་བོད་ཀྱི་གསོ་རིག་གཞུང་དུ་རིམས་ནད་འགོག་སྲུང་གི་ཆེད་དུ་འདི་འདྲ་ཞིག་གསུང་ཡོད། སྲུང་བྱེད་ལ་སྔགས་ཀྱིས་སྲུང་ཐབས། རྫས་ཀྱི་སྲུང་ཐབས། ཏིང་ངེ་འཛིན་གྱིས་སྲུང་ཐབས་བཅས་རིགས་གསུམ་གསུངས་ཡོད། དེ་དག་མ་འབྱོར་ཀྱང་སྔ་མོའི་བོད་ཀྱི་ལུགས་སྲོལ་ལ་ལོ་གྱོན་མའི་གཟུངས་སྔགས་བགྲངས་པ་དང་། ལོ་གྱོན་རིལ་བུ་བཟའ་བ་སོགས་ཀྱི་རིམ་པ་ཡང་མང་པོ་ཞིག་ཡོད་པས་དོན་དངོས་སུ་ལོ་རྒྱུས་ཀྱི་རྒྱུད་རིམ་ནའང་འདི་དག་གིས་ཕན་སླེབས་བྱུང་ཡོད་པའི་རྒྱབ་ལྗོངས་ཀྱང་མང་ངོ་། །
རྒྱ་ནག་གི་ཞིན་ཧྭ་དྲ་རྒྱའི་ཐོག་བུ་མོ་དེ་ལོ་ 18 ཡིན་ཚུལ་འཁོད་འདུག
ད་ནི་བོད་ཀྱི་གསོ་བ་རིག་པས་བོད་རང་གི་མི་མྱུར་སྐྱོབ་གནང་བའི་དུས་ལ་སླེབས་སོང།
བོད་ཀྱི་སྨན་པ་ཚོར་H1N1 ཞེས་པའི་འགོས་ནད་འདིས་མཚོན་་རིམས་ནད་གསར་རྙིང་གསར་རྙིང་འདྲ་མིན་མང་པོ་ཡོད་པ་དེ་དག་སྔོན་འགོག་བྱེད་སྟངས་དང་། རྒྱུ་རྐྱེན་གང་ཡིན། རང་ལུགས་གསོ་རིག་ལྟར་ན་མིང་དང་ངོས་འཛིན་གང་འདྲ་ཡིན་མིན་སོགས་མི་མང་ལ་གོ་སྐོན་ལམ་སྟོན་དང་རང་འགན་གཙང་ལེན་བྱེད་འཇུག་རྒྱུ་འདི་ཧ་ཅང་གལ་ཆེ། བཙན་བྱོལ་སྨན་པ་ཚོ་ནི་ཚོང་པ་བཞིན་ཁེ་སྤོགས་མེད་པའི་བྱ་བཞག་འདི་འདྲ་ལ་ཞུགས་རྒྱུ་ཧ་ཅང་དཀའ་བས་དུས་བབས་གསར་འགོད་པ་ལྟ་བུ་ཆེད་བཅར་གྱིས་གནས་སྟངས་འདིའི་རིགས་མི་མང་ལ་ཤེས་ཐབས་ཡོངས་བསྒྲགས་གནང་རྒྱུ་ལས་ཐབས་གཞན་གནས་སྐབས་རིང་མེད་པ་རེད། སྤྱིར་བོད་ལུགས་གསོ་རིག་གི་རྒྱུན་སྤྱོད་འཕྲོད་སྟེན་བསླབ་བྱ་དང་རིག་གཞུང་གི་རིན་ཐང་ངོ་སྤྲོད་བྱེད་པ་སོགས་ནི་སྤྱི་ཚོགས་ཞབས་ཞུ་དང་རིག་གཞུང་སྲུང་སྐྱོབ་གཉིས་ལ་ཕན་ངེས་ཡིན་པས་འདིའི་ཐད་ཀུན་གྱིས་དོ་སྣང་གནང་འོས་ཤིང་། སྨན་པ་ཚོར་སྐུལ་སློང་དང་སྐྱོན་བརྗོད་བྱེད་བཞིན་གསོ་རིག་གཞུང་ལུགས་དང་མི་མང་བར་གྱི་ཁ་ཐག་ཇེ་ཉེར་གཏོང་ཐབས་ལ་འབད་དགོས།
ཨོཾམཎིཔདྨེཧཱུཾ། ང་ཚོས་ངེས་ཅན་འགོས་ནད་ལ་གཟབ་ནན་དགོས་པ་མ་ཟད། འགོས་ནད་སྲུང་ཐབས་ཀྱི་ཤེས་བྱར་དོ་སྣང་དུ་ཁོང་དུ་ཆུད་པར་བྱ་རྒྱུ་གལ་ཆེ།
སེམས་ཅན་ནད་པ་ཅི་རྙེད་པ།། མྱུར་དུ་ནད་ལས་ཐར་གྱུར་ཅིག།
ཤི་ཟིན་པ་རྣམ། བདེ་བ་ཅན་དུ་སྐྱེ་བར་ཤོག
རྒྱ་གཙོག་འདི་ཚོས་ནད་རིགས་འདྲ་མིན་ཡང་བོད་ནང་ལ་ཁྱེར་ནས་སླེབས་སོང་། བོད་པ་ཚོས་གཟབ་གཟབ་གནང་རོགས།