རྒྱ་ནག་གིས་མི་རིགས་མཐུན་སྒྲིལ་ཡོང་རྒྱུའི་གནད་འགག་གཙོ་བོ་བོད་ཀྱི་དགོན་སྡེ་ཁག་གི་གྲྭ་བཙུན་རྣམས་ལ་ཐུག་ཡོད་པའི་ངོས་འཛིན་ཐོག་བོད་ཀྱི་དགེ་འདུན་པ་རྣམས་ཀྱིས་མེས་རྒྱལ་ལ་དགའ་ཞེན་དང་། ཁ་བྲལ་ལ་ངོ་རྒོལ་བྱེད་དགོས་པའི་སློབ་གསོ་སྤེལ་ཆེད། རྒྱ་ནག་གི་དགོན་སྡེའི་རྒྱལ་གཅེས་རིང་ལུགས་ཀྱི་སློབ་གསོ་དང་དགོན་སྡེའི་བཅའ་ཁྲིམས་དྲིལ་བསྒྲགས་སློབ་གསོ་གཉིས་ཟུང་འབྲེལ་བྱས་ནས་བོད་རང་སྐྱོང་ལྗོངས་ཀྱི་དགོན་སྡེ་ཁག་ ༡༧༠༠ དང་གྲྭ་བཙུན་ཁྲི་ ༤༦ ཙམ་ལ་སློབ་གསོ་སྤེལ་བཞིན་ཡོད་འདུག
ཟླ་འདིའི་ཚེས་མགོ་ནས་བཟུང་སློབ་གསོ་དེ་སྤེལ་རྒྱུ་མགོ་བརྩམས་ཡོད་པ་དང་། གྲྭ་བཙུན་རྣམས་མེས་རྒྱལ་ལ་དགའ་བ་ཞེས་པའི་ལས་འགུལ་འདིའི་རྩ་དོན་གཙོ་བོ་བོད་ཀྱི་དགོན་སྡེའི་གྲྭ་བཙུན་རྣམས་དད་ལྡན་མང་ཚོགས་ཁྲོད་ཤུགས་རྐྱེན་ཟབ་མོ་ཡོད་སྟབས། རྒྱ་ནག་གིས་གྲྭ་བཙུན་རྣམས་ཀྱི་བློ་སེམས་འགུག་ཐབས་སུ་ཐབས་བརྒྱ་ཇུས་སྟོང་གིས་གྲྭ་བཙུན་མེས་རྒྱལ་ལ་དགའ་བ་ཞེས་པའི་རྩ་དོན་གཙོ་བོར་བཟུང་ནས་ལས་འགུལ་དེ་སྤེལ་གྱིན་ཡོད་འདུག དུས་ཡུན་རིང་པོའི་ནང་ཏཱ་ལའི་རུ་ཚོགས་ཀྱིས་ནུབ་ཕྱོགས་དགྲ་ཟླའི་ཕྱོགས་གཏོགས་ཀྱི་ངན་སྐུལ་འོག་བོད་ཀྱི་སྤྱི་ཚོགས་ནང་ཤུགས་རྐྱེན་ཟབ་མོ་ཡོད་པའི་བོད་བརྒྱུད་ནང་བསྟན་དང་ཏཱ་ལའི་དམིགས་བསལ་ཐོབ་ཐང་སྤྱད་དེ་ཁ་བྲལ་དང་གཏོར་བཤིག་བྱེད་སྤྱོད་རྒྱུན་ཆད་མེད་པར་སྤེལ་ནས། རང་རེ་དང་དགོན་སྡེའི་མགོ་ཁྲིད་ཀྱི་དབང་ཆ་འཕྲོག་རེས་བྱས་ཏེ་བོད་བརྒྱུད་ནང་བསྟན་དེ་ཉིད་མང་ཚོགས་འཕྲོག་རེས་དང་མི་སེམས་འཕྲོག་རེས་ཀྱི་ལག་ཆར་གྱུར་བ་དང་། དགོན་སྡེ་དེ་ཉིད་ཁ་བྲལ་གཏོར་བཤིག་གི་བྱེད་སྤྱོད་སྤེལ་ས་ཤིག་ཏུ་འགྱུར་རྒྱུའི་རེ་ངན་འཆང་གི་ཡོད་ཅེས་སོགས་སློབ་གསོ་སྤེལ་གྱིན་ཡོད་པར་མ་ཟད། དགོན་སྡེའི་གྲྭ་བཙུན་ཁྲོད་མི་རིགས་མཐུན་སྒྲིལ་དྲིལ་བསྒྲགས་དང་སློབ་གསོ་སྤེལ་རྒྱུ་དེ་རང་ལྗོངས་ཀྱི་མི་རིགས་མཐུན་སྒྲིལ་དང་མི་རིགས་ཡར་ཐོན་བྱ་གཞག་གི་གལ་ཆེའི་གྲུབ་ཆ་ཞིག་ཡིན་ལུགས་ཀྱང་། ད་དུང་ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པ་བྱ་རྒྱུར་ཁྲིད་སྟོན་ཧུར་ཐག་བྱེད་པའི་བླང་བྱ་དང་རྨང་གཞི་རང་བཞིན་གྱི་ལས་དོན་ཞིག་དང་། དགོན་སྡེའི་རྒྱལ་གཅེས་རིང་ལུགས་ཀྱི་སློབ་གསོ་དང་དགོན་སྡེའི་བཅའ་ཁྲིམས་དྲིལ་བསྒྲཌ་དང་སློབ་གསོའི་གྲུབ་འབྲས་སྲ་བརྟན་དུ་གཏོང་བ། དགོན་སྡེའི་ལས་དོན་གྱི་རྣམ་པ་གསར་པ་གཏོད་པའི་དགོས་མཁོ་ཞིག་ཡིན་པར་བརྟེན། རང་ལྗོངས་ཀྱིས་ཁ་བྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་དགོས་མཁོ་ཞིག་དང་བོད་ཀྱི་བརྟན་ལྷིང་སྲུང་སྐྱོང་བྱེད་པའི་རྩ་བའི་བྱ་ཐབས་ཤིག་ཡིན་རབས་སོགས་བརྗོད་ནས་བོད་ཀྱི་དགོན་སྡེ་ཁག་གི་གྲྭ་བཙུན་གཅིག་པུའི་ནང་ལས་འགུལ་སྤེལ་གྱིན་ཡོད་འདུག
ད་སྐབས་བོད་རང་སྐྱོང་ལྗོངས་སུ་བོད་ཀྱི་དགོན་སྡེ་དང་ཆོས་ལུགས་བྱེད་སྒོ་སྤེལ་ཡུལ་ ༡༧༠༠ ཡོད་པ་དང་། གྲྭ་བཙུན་ཁྲི་ ༤༦ ཡོད་སྐོར་ཡང་བརྗོད་ཡོད་འདུག གྲྭ་བཙུན་མེས་རྒྱལ་ལ་དགའ་བ་དང་། རྒྱལ་ཁབ་ཀྱི་ཁྲིམས་ལ་བརྩི་འཇོག་ཡོད་པ། མེས་རྒྱལ་གཅིག་གྱུར་ལ་སྲུང་སྐྱོབ་ཡོད་པའི་འདུ་ཤེས་ཐོག་ཁ་བྲལ་བའི་ཆབ་སྲིད་ཐོག་གི་ལོག་སྤྱོད་རང་བཞིན་དང་། ཆོས་ལུགས་ཐོག་གི་གཡོ་རྫུ་རང་བཞིན། ཐབས་ལམ་འོག་གི་མགོ་སྐོར་རང་བཞིན་ལ་བོད་ཀྱི་གྲྭ་བཙུན་རྣམས་ཀྱིས་ངོས་འཛིན་གསལ་བོར་ཡོང་ཕྱིར་དགེ་འདུན་པའི་ནང་བྱ་ཐབས་སྣ་མང་སྤྱད་དེ་ལས་འགུལ་སྤེལ་བ་དང་། བོད་ཀྱི་དགོན་སྡེ་ཁག་གི་དགེ་འདུན་པ་རྣམས་ཀྱི་བློ་སེམས་འགུག་ཐབས་སུ་༼མཐུན་སྒྲིལ་དང་མཐུན་སྦྱོར་གྱི་སྙིང་སྟོབས་དར་སྤེལ་གཏོང་བ་དང་མི་རིགས་མཐུན་སྒྲིལ་སྲུང་སྐྱོང་བྱེད་པ་༽ཞེས་པའི་བརྗོད་གཞིའི་འོག་འཆད་ཁྲིད་བྱེད་དུ་བཅུག་ནས་ ༼མི་རིགས་མཐུན་སྒྲིལ་སྲུང་སྐྱོང་གི་གཞི་རྩའི་བྱ་སྤྱོད་ཚད་ལྡན་༽ ཞེས་པའི་དཔེ་དེབ་རྩོམ་སྒྲིག་དང་འགྲེམས་སྤེལ་གང་མང་བྱེད་ཀྱིན་ཡོད་འདུག
འཆད་ཁྲིད་ཀྱི་བྱ་ཐབས་སྣ་མང་སྤྱད་དེ་བོད་ཀྱི་དགོན་སྡེ་ཁག་གི་གྲྭ་བཙུན་རྣམས་“མེས་རྒྱལ་ལ་དགའ་ཞེན་བྱས་ན་གཟི་བརྗིད་དང་མེས་རྒྱལ་ལ་གནོད་འཚེ་བཏང་ན་ཞེ་ཁྲེལ་དགོས་པ”དང“མཐུན་སྒྲིལ་དང་བརྟན་ལྷིང་ནི་བདེ་སྐྱིད་དང་ཁ་བྲལ་དང་ཟང་ཟིང་ནི་ཆག་སྒོ་ཡིན་པའི”གྲྭ་བཙུན་གྱི་བསམ་བློའི་ངོས་འཛིན་མཐོ་རུ་བཏང་སྟེ་གྲྭ་བཙུན་གྱི་མེས་རྒྱལ་གྱི་ལྟ་བ་དང་། ཁྲིམས་ལུགས་ཀྱི་འདུ་ཤེས། སྲིད་གཞུང་གི་འདུ་ཤེས་སོགས་མཐོ་རུ་གཏོང་ཆེད་ངན་སྐུལ་སློབ་གསོ་སྤེལ་གྱིན་ཡོད་འདུག
བོད་ཀྱི་དགོན་སྡེ་ཁག་གི་གྲྭ་བཙུན་རྣམས་མི་མང་ནང་འབྲེལ་འདྲིས་དང་ཤུགས་རྐྱེན་ཟབ་མོ་ཡོད་པ་དང་། མི་མང་ཡང་གྲྭ་བཙུན་རྣམས་ལ་ཡིད་ཆེས་ཟབ་མོ་ཡོད་སྟབས། དེང་སྐབས་རྒྱ་ནག་གིས་བོད་ཀྱི་གྲྭ་བཙུན་རྣམས་གྱི་ནང་དྲིལ་བསྒྲགས་དང་ངན་སྐུལ་སློབ་གསོའི་བྱེད་སྒོ་སྤེལ་རྒྱུ་ནི་ཡུན་རིང་གི་འཐབ་ཇུས་ལས་འགན་ཞིག་གཙོ་བོ་ཞིག་ཏུ་བཟུང་ཡོད་འདུག
རྒྱ་ནག་གིས་དཔོན་རིགས་ཚོའི་རྒྱ་ནག་སྲིད་གཞུང་ལ་རྒྱལ་ཞིན་སློབ་པ་དང་བོད་པས་ཆོལ་ཁའི་ཞིན་ཁོག་སློབ་གཉིས་ལ་ལམ་ཕྱོགས་དབུས་མ་ཡིན་རྒྱ་ནག་གི་སྲིད་ཕྱོགས་དེ་དགའ་བ་
བོད་པར་སྙིང་སྟོབས་ཡོད། འོན་ཀྱང་བོད་པའི་སྙིང་སྟོབས་ལ་བདག་པོ་རྒྱག་མཁན་ཞིག་ཀྱང་དགོས་པ་མ་ཡིན་ནམ།
ངས་གཤམ་གྱི་དབྱིན་ཇིའི་གཏམ་དཔེ་འདིས་གནས་ལུགས་ཤིག་ཤོད་ཀྱི་ཡོད་པར་ཡིད་ཆེས་བྱེད་ཀྱིན་ཡོད།
survival of fittest.
elimination of weakest.
གོང་དུ་བཤད་པ་དེ་དག་གནད་དོན་གཅིག་ཡིན།
གནད་དོན་གཅིག་དེ་བོད་པ་དང་བོད་གཉིས་འཛམ་གླིང་སྤྱི་ཚོགས་ཀྱི་ཆ་ཤས་ཆུང་ཆུང་ཞིག་དང་གྲུབ་ཆ་ཆུང་ཆུང་ཞིག་རེད། ངས་འཛམ་གླིང་སྤྱི་ཚོགས་ཁོ་རང་ལ་མདུན་ལམ་མི་འདུག་ཅེས་ཤོད་ཀྱིན་ཡོད། འཛམ་གླིང་སྤྱི་ཚོགས་ཁོ་རང་ལ་མདུན་ལམ་ཞིག་མེད་ན་བོད་པ་ལ་མདུན་ལམ་བཟང་པོ་ཞིག་ཡོང་བའི་རེ་བ་དེ་རྟེན་འབྲེལ་གྱི་འགྲོ་སྟངས་དང་འཚམ་པ་ཞིག་མ་རེད།
འཛམ་གླིང་སྤྱི་ཚོགས་ལ་མདུན་ལམ་མེད་པ་རིགས་པའི་སྒྲུབ་བྱེད་བཀོད་ནས་ར་སྤྲོད་བྱེད་དགོས་དོན་མི་འདུག་མིག་མཐོང་ལག་པས་ཟིན་རྒྱུའི་ཆེས་ཤིན་ཏུ་མངོན་འགྱུར་གྱི་དངོས་པོ་ཞིག་རེད།
བློར་མ་གཤོངས་ན་ངས་དམར་ཁྲིད་ཅིག་བྱེད།
གནའ་སྔ་མོའི་མི་སྡེའི་སྤྱི་ཚོགས་ཀྱི་ཆབ་དཔལ་རིག་གསུམ་གྱི་རིག་གནས་ཡོད་དོ་ཅོག་བརྗོད་ཀྱང་ཆོག་པ་རེད་གང་ལྟར་དེ་དག་ཕལ་ཆེར་མིའི་འཚོ་གནས་ཐབས་ཚུལ་ཁས་ལེན་ཆོག་པ་ཙམ་ཡོད།
འོན་ཀྱང་དེང་དུས་ཀྱི་ཆབ་དཔལ་རིག་གསུམ་གྱི་རིག་གནས་ཡོད་དོ་ཅོག་འཇིག་རྟེན་གཏོར་གཤིགས་གཏོང་བྱེད་ཀྱི་ལག་ཆ་ཙམ་ཡིན་པ་འདི་ངས་འཛམ་གླིང་ལ་མདུན་ལམ་མེད་པའི་གཙོ་བོའི་སྒྲུབ་བྱེད་དུ་འགོད་ཀྱིན་ཡོད།
ལག་ཆ་འདི་དག་སྤྱད་པའི་རྗེས་འབྲས་དེ་ཉིས་སྟོང་བཞི་བཅུ་ལྔ་བཅུའི་ནང་ཚུད་དུ་སྨིན་རྒྱུར་དོགས་པ་ཅི་ཡང་མེད། ང་ཚོ་ཚེ་ཐག་རིང་ན་དཔྲལ་ཐོག་གི་མིག་རིལ་མོ་འདིས་དངོས་སུ་མཐོང་ངེས་ཡིན།
ནད་པ་ལགས།
ངས་བོད་མི་རིགས་ལ་མདུན་ལམ་མེད་པར་བཤད་པ་དེ་བོད་མི་རིགས་ལ་འཇིག་རྟེན་འདིར་འཚོ་སྡོད་བྱེད་པའི་བསམ་བློའི་སྙིང་སྟོབས་དང་འདུན་པ། ཧུར་བརྩོན་སོགས་མི་རིགས་གཞན་ལ་ཡོད་པའི་ཁྱད་ཆོས་འདི་ཚོ་མེད་པའི་གཏན་ཚིགས་འགོད་ཀྱིན་མེད།
བོད་མི་རིགས་ལ་ཁྱད་ཆོས་འདི་ཚོ་ཚང་ཡོད་ངེས་རེད། གལ་ཏེ་ཁྱད་ཆོས་འདི་དག་ཡོད་དབང་དུ་བཏང་ཡང་འདི་ནི་བོད་མི་རིགས་ཀྱི་ཁྱད་ཡོན་ཞིག་ཅི་ཡང་མ་རེད། ཚེ་སྲོག་ཡོད་པའི་དངོས་པོ་ཞིག་ཡིན་ན་རང་གི་འཚོ་གནས་ཀྱི་ཆེད་དུ་ཁྱད་ཆོས་འདི་ཚོ་ཡོང་བ་དངོས་པོའི་གཤིས་ལུགས་རེད།
ངའི་སེམས་ཁྲལ་ནི་ཕྱོགས་གཅིག་ནས་དེང་དུས་ཀྱི་འཛམ་གླིང་འདིའི་ནང་བོད་པས་བོད་པ་བྱས་ནས་འཚོ་སྡོད་བྱེད་སའི་ཁོར་ཡུག་དེ་རྒྱ་ཆུང་དུ་ཆུང་དུ་འགྲོ་བ་མ་གཏོགས་ཆེ་རུ་
འགྲོ་ཡི་མི་འདུག
དེ་བཞིན་བོད་པ་རང་ངོས་ལ་ཡང་རང་ཉིད་དུས་རབས་གསར་པའི་འཛམ་གླིང་གི་མི་སྣ་ཞིག་བྱེད་འདོད་ཙམ་མ་གཏོགས་རང་ཉིད་དང་རང་ཉིད་ཀྱི་བུ་ཕྲུག་དང་བཅས་པ་བོད་པ་ཞིག་བྱས་ནས་འཚོ་སྡོད་བྱས་པའི་བསམ་བློའི་སྙིང་སྟོབས་དང་བརྩོན་སེམས་མི་འདུག
ལྷོ་ཕྲུག་སྣ་བོ་ཆེ་ལགས། ཉིད་ཀྱིས་བོད་མི་རིགས་ལ་མདུན་ལམ་མེད་ཅེས་ཚིག་ཐག་བཅད་པ་དེ་ནོར་འཁྲུལ་ཆེན་པོ་ཞིག་རེད། བོད་རྒྱལ་ཁབ་ཟེར་བ་དེར་མི་ལོ་ཉིས་སྟོང་ལྷག་གི་རྒྱལ་རབས་དང་ལོ་རྒྱུས་ཡོད་ལ་བོད་མི་རིགས་ཟེར་བ་དེར་ཡང་མ་མཐར་མི་ལོ་དྲུག་སྟོངས་ལྷག་གི་རིག་རྒྱུན་རྫས་རིག་ཅིག་ཡོད་པ་མངོན་སུམ་ཚན་རིག་གིས་བདེན་དཔང་བྱས་ཡོད།
རྒྱལ་ཁབ་དང་མི་རིགས་གཅིག་གི་མདུན་ལམ་ནི་མི་གཅིག་གཉིས་དང་མི་རབས་གཅིག་གཉིས་ལ་ཐ་གཅིག་ཏུ་བལྟོས་པ་གང་ཡང་མེད་མོད་ད་ལྟའི་ཆར་༸ གོང་ས་སྐྱབས་མགོན་ཆེན་པོའི་ལམ་སྟོན་དང་གཟི་བརྗིད་ནི་བོད་མི་རིགས་ལ་མཚོན་ན་མེད་ཐབས་མེད་པ་ཞིག་ཆགས་ཡོད།
དུས་རབས་གསར་པ་དང་། མི་རབས་གསར་པ། ཁོར་ཡུག་གསར་པ་འཅས་ཀྱི་ཤུགས་རྐྱེན་འོག་བོད་མི་རིགས་ལ་མདུན་ལམ་གཏན་ནས་མེད་པ་ཞིག་དེ་བས་ག་ལ་ཡིན། ཉིས་སྟོང་བརྒྱད་ཀྱི་ཞི་རྒོལ་ནང་འཐབ་རྩོད་ཀྱི་ལངས་ཕྱོགས་རྣོ་ངར་ཅན་ཞིག་ཐོན་པ་དེ་ཡང་མི་རབས་གསར་པའི་གཞོན་སྐྱེས་ཀྱིས་སྣེ་འཁྲིད་འོག་དུས་རབས་གསར་པ་ཞིག་ལ་ཁ་ཕྱོགས་ནས་བོད་མི་རིགས་ལ་མདུན་ལམ་ཞིག་ཡོད་པ་དེར་རྩོན་ལེན་དང་བདེན་དཔང་བྱས་ཡོད།
དེ་ན་ང་ཚོས་བོད་མི་རིགས་ལ་དབང་བའི་ཐོབ་ཐང་དེ་བོད་མི་རིགས་ནམ་ཡང་ནུབ་པ་མེད་པར་རྩོད་དགོས་ལ་ལེན་ཡང་དགོས། དེ་ནི་འཛམ་གླིང་ས་ཡི་གོ་ལས་ང་ཚོར་ལེགས་སྐྱེས་སུ་ཕུལ་བའི་ལྷན་སྐྱེས་ཀྱིས་གཞི་རྩའི་ཐོབ་ཐང་རང་ཡིན།
དེརམབརྟེན་ང་ཚོས་ཀྱང་འཛམ་གླིང་འདིར་ཡིད་ཆེས་བྱས་ཏེ་ཇི་སྲིད་འཛམ་གླིང་འདི་འཚོ་ན་དེ་སྲིད་དུ་ང་ཚོ་བོད་མི་རིགས་ཀྱང་འཛམ་གླིང་གི་ཆ་ཤས་ཞིག་ལ་ངོས་འཛིན་བརྟན་པོ་བྱས་ཏེ་སྶྟེང་འདིར་མི་རིགས་གཞན་དང་འདྲ་མཚུངས་སུ་རྐང་པའི་སྟེང་ནས་ཡར་ལངས་ཐུབ་པར་ཡིད་ཆེས་བྱས་ཆོག
མི་རིགས་གཞན་ཚོ་ཡར་ལངས་ནས་འཛམ་གླིང་ནང་འཚོ་གནས་ཐུབ་ནས་མེད་པར་ངེད་བོད་མི་རིགས་དེ་ཡར་ལངས་ནས་འཚོ་གནས་ཇི་ལྟར་མི་ཐུབ་བམ་ཞེས་རང་ཉིད་ཀྱིས་རང་ལ་དྲི་གཅོད་ནན་མོ་ཞིག་བྱས་ཆོག དེར་བརྟེན་ང་ཚོས་འཛམ་གླིང་གི་འགྱུར་གྲོས་ལ་ཡིད་ཆེས་བྱེད་ཆོག་ལ་འཇིག་རྟེན་ཞིག་གི་དར་རྒུད་ལ་འང་འདས་པའི་མྱོང་བ་གཞི་ལ་བཞག་སྟེ་རེ་བ་དང་ཡིད་ཆེས་བྱས་ཆོག
རྒྱའི་སྲིད་གཞུང་གིས་ལག་སྔ་གང་ཐུབ་བརྩད་དེ་འགྲོ་བཞིན་ཡོད་ལ། བོད་ཕྱི་ལོག་དུ་བསྡོད་མཁན་དག་གིས་ནང་ཁུལ་དུ་ཁ་རྒྱག་པ་རེ་བཤད་དེ་བསྡད་དུས་སེམས་པ་ནི་སྐྱོ་བ་ལ་ནི་མཐའ་ཞིག་མི་འདུག
ངས་གོ་ཐོས་ལ། ཆིག་སྟོང་དགུ་བརྒྱ་ལྔ་བཅུ་ང་གྲངས་སྐབས་རྒྱ་ནག་གིས་དམག་མི་མང་བོ་བོད་ཀྱི་ས་ཐོག་ཏུ་བཏང་ནས་བོད་མི་མང་ལ་ཞབས་ཞུ་བསྒྲུབས་པ་རེད་ཟེར། དཔེར་ན། སྐབས་དེར་རྒྱ་དམག་ལྷ་ས་རུ་ཡོང་ནས་བོད་ཀྱི་གྲོང་གསེབ་ཁག་ཏུ་ཆུ་མེད་ས་དང་། གློག་མེད་ས། ལམ་མེད་ས་སོགས་ཀྱི་དཀའ་ངལ་སེལ་ནས་མི་མང་གིས་ཀྱང་བཅིངས་འགྲོལ་དམག་མི་ཡག་པོ་འདུག་ཟེར་བའི་ཚད་དུ་ལྷུང་བ་རེད་ཟེར། བོད་མི་མང་གིས་སྐབས་དེར་ཁོང་ཚོས་དམིགས་ཡུལ་ཞིག་གི་ཆེད་དུ་བསྒྲུབས་ཀྱིན་ཡོད་པ་ཅི་ཤེས། གང་ལྟར་དེ་འདྲ་བྱས་ནས་བོད་མི་མང་རྒྱ་ནག་གི་གཡོ་འོག་ཏུ་ཚུད་ནས་མཐའ་མར་རང་ས་རང་ཡུལ་ཤོར་བ་རེད།
ད་སྐབས་ཀྱང་རྒྱ་ནག་གིས་བྱ་ཐབས་དེ་བཀོལ་ནས་བོད་ཀྱི་དགོན་སྡེ་ཁག་གི་དགེ་འདུན་པ་རྣམས་ཀྱི་བསམ་བློ་བསྒྱུར་བཅོས་གཏོང་གི་ཡིན་ལབ་ཀྱིན་ཡོད་ས་རེད་དེ། དེ་ནི་གྲྭ་བཙུན་རྣམས་བོད་ལ་དུངས་ཞེན་ཟབ་པ་དང་། བོད་པ་ཚོས་རྒྱ་ནག་ལ་ངོ་རྒོལ་བྱེད་སྐབས་གྲྭ་བཙུན་རྣམས་ཀྱིས་བརྒྱ་ཆའི་བརྒྱད་ཅུ་བཟུང་ཡོད་པས་རེད།
ནད་པ་ལགས་ནས་དགོངས་ཚུལ་གསུངས་པར་དགའ་ཡོད།
སྐབས་རེ་དུས་སྟོང་འདི་འདྲར་རྩོད་པ་འདི་འདྲ་རེ་བརྒྱབ་རྒྱུ་བྱུང་དུས་སྐྱིད་སྣང་དང་སྤྲོ་སྣང་རེ་ཡོང་གིན་འདུག ཁྱེད་ལ་ཡང་དུས་ཁོམ་ཡོད་ན་ཡང་བསྐྱར་དགོངས་ཚུལ་གསུང་རྒྱུ་མ་བརྗེད།
ངས་བོད་མི་རིགས་ལ་མདུན་ལམ་མེད་ཅེས་ཚིག་ཐག་ཆོད་པོས་ཤོད་ཐུབ་ཀྱིན་འདུག ད་ལྟ་ང་ཚོ་༸གོང་ས་སྐྱབས་མགོན་ཆེན་པོའི་གཟི་བརྗིད་ཉག་ཅིག་གིས་སྐྱབས་ནས་ཡོད་པ་མ་ཡིན་ནམ། འདི་ཁས་ལེན་བྱེད་མིན་ཞིག་ལ་ཐུག་ཡོད་པ་མ་གཏོགས་དངོས་ཡོད་རེད་པཱ། དངོས་ཡོད་ལ་ཉི་ཤར་སྦར་འགེབ་བྱེད་རྒྱུ་ག་རེ་ཡོད་རེད།
ད་ལྟ་བོད་ཕྱི་ནང་གཉིས་ཀར་བོད་ཀྱི་རིགས་གཞུང་དང་བོད་ཀྱི་མི་རིགས་འདི་འཆི་ཡིན་འདུག
བོད་ནང་རོལ་དུ་རྒྱའི་བཙན་གནོན་དང་དེང་རབས་གསར་པའི་ཁ་གཡང་གི་འོག་ནས་འཆི་ཡིན་འདུག་ལ་བོད་ཕྱི་རོལ་དུ་གོ་ལ་གཅིག་བསྒྱུར་གྱི་ལམ་སྲོལ་དང་དངུལ་ལོར་གསོག་པའི་བྲེལ་འཚུབ་ཀྱི་འོག་ནས་འཆི་ཡིན་འདུག
བོད་པའི་མི་རབས་གསར་པའི་གཤིས་ཀའི་འཁྱེར་ཕྱོགས་དང་སེམས་རྒྱུད་ཀྱི་སྟེང་ནས་བོད་པའི་རིག་གཞུང་གི་དྲི་མ་ཡལ་གྱིན་ཡོད་པ་འདི་བོད་པ་འཆི་བཞིན་པའི་རྟགས་མཚན་བླ་ན་མེད་པ་དེ་མ་ཡིན་ནམ།
ཁྱོད་སེམས་པ་སྐྱོ་དགོས་པ་མ་རེད། འཇིག་རྟེན་ཐོག་ནས་འཆི་མཁན་དེ་ང་ཚོ་གཅིག་པུ་མ་རེད།
འཛམ་གླིང་རིལ་པོ་ཁོ་རང་འཆི་ཡིན་འདུག
འཛམ་གླིང་འདིར་མདུན་ལམ་མི་འདུག
ཁྱོད་ཡིད་མ་ཆེས་ན་ཁོར་ཡུག་གི་འགྱུར་བ་དང་དང་འབྱུང་བ་འཁྲུགས་པའི་གནད་དོན་འདི་གཅིག་པུར་བསམ་བློ་བཏང་བས་ཀྱང་ཟུར་ལ་བལྟས་པས་ལེབ་མོ་མཐོང་ཐུབ་རྒྱུ་ཡིན།
ངས་དུས་བབ་མདུན་ངོས་ཀྱི་རྒྱ་ནག་གི་སྒེའུ་ཁུང་ཞེས་པའི་གསར་འགྱུར་ལེ་ཚན་འོག་མཆན་ཞིག་བཏབས་ཡོད་དེར་གཟིགས་རོགས་ལོ།
ལྷ་སྣ་ལགས། ད་བར་མི་ལོ་ཧྲིལ་པོ་ལྔ་བཅུའི་རིང་ཕན་ཚུན་ཕྱོགས་གཉིས་ཀས་ཁ་ཞེ་སྙིང་མེད་ཀྱི་སྒོ་ནས་རྒྱ་བོད་མི་རིགས་གཉིས་ཀྱི་མཐུན་སྒྲིལ་ཐད་ལ་ཁོར་ཡུག་ཡག་པོ་ཞིག་བསྐྲུན་ཐུབ་མེད།
འོན་ཏང་ད་ཆ་གཞི་ནས་རྒྱ་བོད་མི་རིགས་གཉིས་ཀྱི་མཐུན་སྒྲིལ་དང་ཁོར་ཡུག་གཅིག་བསྐྲུན་དགོས་དེ་ཕན་ཚུན་ཕྱོགས་གཇིས་ཀའི་ཁེ་ཕན་ལ་ཐུག་ཡོད། ངས་བལྟས་ན་རྒྱ་བོད་མི་རིགས་ཀྱི་མཐུན་སྒྲིལ་ཟེར་བ་དེ་འཆར་སྣང་ཞིག་གང་ཡང་མ་ཡིན་པར་དངོས་ཐོག་བདེན་འཚོལ་དང་། མངོན་འགྱུར་གྱི་བྱ་བ་རླབས་ཆེན་ཞིག་ཡིན་པར་ཡིད་ཆེས་བྱེད་བཞིན་ཡོད།
གལ་ཏེ་རྒྱ་བོད་མི་རིགས་ཀྱི་མཐུན་སྒྲིལ་དེ་འཆར་སྣང་ཙམ་ཞིག་ཡིན་ཚེ་བོད་མི་རིགས་ཟེར་བ་དེ་ལ་གཏན་ནས་མདུན་ལམ་ཞིག་མེད་པ་འཛམ་གླིང་ནང་ཕྱི་གསལ་ནང་གསལ་རེད།
འོན་བཏང་ངས་བོད་མི་རིགས་ལ་གཏན་གྱི་མདུན་ལམ་ཞིག་མེད་པར་ཡིད་ཆེས་གཏན་ནས་བྱེད་མི་ཐུབ་ལ་རྒྱ་བོད་མི་རིགས་གཉིས་མཐུན་སྒྲིལ་ཆེན་པོའི་ངང་ནས་ཡུན་རིང་མཉམ་གནས་ཐུབ་པར་ཡིད་ཆེས་བྱེད་ཆོག་ལ་རྒྱ་བོད་མི་རིགས་གཉིས་འཛམ་གླིང་ཐོག་ཏུ་ཡར་ལངས་ཐུབ་པར་མདུན་ལམ་དང་རེ་བ་ཆེན་པོ་ཡོད་པར་ཡིད་ཆེས་བྱེད་ཆོག
དེར་བརྟེན་ང་ཚོས་ཁ་ཞེ་སྙིང་མེད་ཀྱིས་རྒྱ་ནག་དང་མཐུན་སྒྲིལ་ཆེན་པོ་ཞིག་བསྐྲུན་ཐུབ་ཚེ་ད་བཟོད་གཞི་ནས་ང་ཚོ་བོད་མི་རིགས་དེ་ཡང་འཛམ་གླིང་འདིར་དོན་དངོས་ཐོག་ཡར་ལངས་ཐུབ་པར་ཐེ་ཚོམ་མེད།
ནད་པ། ཧ་ཧ། བོད་མི་རིགས་མཐུན་སྒྲིལ་ཡིན་ན་གཅིག འདི་ལ་རེ་བ་ཞིག་ཁག་སེ་མིན་འགྲོ།
ངས་གནས་ལུགས་ཤིག་ཤོད། རྒྱ་བོད་མི་རིགས་མཐུན་སྒྲིལ་ཟེར་བ་དེ་བཅོས་ནས་ཡོང་དགོས་ཡག་ཅིག་རེད། རྒྱ་བོད་མི་རིགས་འགལ་ཟླ་ཟེར་བ་དེ་ལྷན་སྐྱེས་ལ་ཡོང་བསྡད་ཡག་ཅིག་རེད། དོན་འདི་མི་སྒེར་པ་ཞིག་ལ་མཚོན་ན་བླང་དོར་བྱེད་རྒྱུ་ཞིག་ཡོད་ཀྱི་རེད་དེ། སྤྱི་ཚོགས་ཤིག་དང་མི་རིགས་ཤིག་གི་ངོས་ནས་བཤད་ན་དེ་འདྲའི་སྟབས་བདེ་པོ་ཞིག་ཨེ་ཡོད།
རྒྱ་བོད་མི་རིགས་མཐུན་སྒྲིལ། ང་ཚོས་ཨུ་ཚུགས་རྒྱག་དགོས་པ་རེད།
རྒྱ་བོད་མི་རིགས་མཐུན་སྒྲིལ། དངོས་ཡོད་ལ་འཆར་སྣང་རང་ཡིན།
རྒྱ་ནག་དབུས་གཞུང་གིས་ཞིབ་འཇུག་ནན་ཏན་བྱས་པ་བརྒྱུད་བོད་ནང་གཏིང་ལྷིང་མེད་པའི་རྒྱུ་རྐྱེན་གཙོ་བོ་དེ་བོད་བརྒྱུད་ནང་བསྟན་འདིར་ཐུག་ཡོད་པར་ངེས་ཤེས་རྙེད་ནས་སླར་ཡང་རྒྱལ་གཅེས་ཀྱི་སློབ་གསོ་གཞི་རྒྱ་ཆེ་བ་ཞིག་སྤེལ་བཞིན་ཡོད་པ་རེད།
ང་ཚོས་ཀྱང་སློབ་གསོའི་ཁ་ཕྱོགས་དང་བསྟུན་ནས་གོམ་གང་མདུན་སྤོས་བྱས་ཏེ་མཐར་ཐུག་གུང་ཁྲན་ཏང་གི་སློབ་གསོའི་འོག་ནས་ཉམས་མྱོང་རིམ་བསགས་བྱས་ཏེ་རྒྱ་བོད་མི་རིགས་ཀྱི་མཐུན་སྒྲིལ་ལ་ཤུགས་སྣོན་བརྒྱབ་སྟེ་བོད་བརྒྱུད་ནང་བསྟན་འདི་བེད་སྤྱད་དེ་མཐར་ཐུག་བོད་མི་རིགས་ཀྱི་རྐང་པ་འདི་འཛམ་གླིང་ས་སྟེང་དུ་བརྟན་པོར་འཚུགས་ཐུབ་པ་ཞིག་བྱེད་དགོས།
ཕྱོགས་གཅིག་ནས་བཤད་ན་ད་ཆ་ང་ཚོ་བོད་པ་དེ་ཉམ་ཐག་ཞིག་ཏུ་གྱུར་ནས་ཡོད་ལ་རྒྱ་ནག་དེ་སྟོབས་ཆེན་གཅིག་ཏུ་འགྱུར་བཞིན་པ་རེད། གུང་ཁྲན་ཏང་དང་གུང་མིན་ཏང་གཉིས་ཕམ་པ་རྒྱག་དུས་དར་དམར་ག་དུས་བར་དུ་བསྒྲེང་ཐུབ་བམ་ཞེས་པའི་ལན་དུ་མའོ་ཙེ་ཏུང་གིས་མེ་སྟག་ཆུང་ངུས་སྤང་ལྗོངས་བསྲེག་ཐུབ་ཅེས་ལན་བཏབ་ཡོད་ལ་མཐར་མེ་སྟག་གིས་སྤང་ལྗོངས་བསྲེགས་ནས་རྒྱལ་ཁ་བསླངས་ཡོད།
ང་ཚོས་ཀྱང་མའོ་ཡི་བློ་སྟོབས་དང་། ཆབ་སྲིད། རྣམ་དཔྱོད། འཐབ་ཇུས་སོགས་ལ་དཔེ་བླངས་ཏེ་ང་ཚས་ཀྱང་མེ་སྟག་ཆུང་ངུས་ཉིན་གཅིག་སྤང་ལྗོངས་བསྲེག་ཐུབ་པ་ཞིག་བྱེད་དགོས།
མི་རིགས་ཀྱི་སེམས་ཁམས་བསྒྱུར་བཅོས་་་་ཨ་ལ་ལ་ལ་
འོ་ན་མི་རིགས་ཇི་ལྟར་བསྒྱུར་རྒྱུ་ཡིན་ནམ།
ཁྱེད་ཅག་གིས་བལྟོས་ན་རྒྱ་ནག་གི་སྲིད་ཇུས་འདི་མཁས་རྟགས་ཤིག་རེད་དམ་བླུན་རྟགས་ཤིག་རེད།
འདིའི་གྲལ་ན་ཞེས་པར་བཅོས་ཀྱིན་ཡོད།
མིའི་བསམ་བློ་དང་གོམས་པ་བཅོས་བསྒྱུར་བྱེད་པའི་ལས་ཀ་འདི་ལས་དཀའ་ལས་ཁག་པ་ཞིག་ཅི་ཡང་མེད།
མདོར་ན་ཁོང་ཚོས་བོད་པའི་གྲྭ་བཙུན་ཚོའི་བསམ་བློའི་དགའ་ཞེན་བྱེད་ས་དང་མི་དགའ་བ་བྱེད་སའི་ཡུལ་གཉིས་བརྗེ་པོ་བརྒྱག་གི་ཡིན་ཟེར་གྱིན་ཡོད་པ་རེད། འདི་ཅ་ལག་གཉིས་གོ་ས་ཕན་ཚུན་བརྗེ་རྒྱུ་ནང་བཞིན་གྱི་སླ་མོ་ཞིག་མ་རེད།
ངས་དོན་འདིར་སེམས་ཁྲལ་བྱེད་ཀྱིན་མེད།
ང་སེམས་ཁྲལ་བྱེད་ས་གཅིག་ཡོད་པ་ནི་ང་ཚོ་བོད་ཕྱི་ནང་གི་གྲྭ་བཙུན་ཕལ་ཆེར་ཞིག་ནང་ལོགས་ནས་གཅིག་མ་འགྲིག་ནས་རུལ་གྱིན་འདུག
འདི་ནི་སུས་ཀྱང་འགོག་མི་ཐུབ་པའི་དཀའ་ངལ་ཞིག་ཡིན་ཅིང་ང་ཚོ་ཕལ་ཆེར་ཞིག་གི་རུལ་དྲི་ཁ་བའི་འགྲོ་ལམ་འདིའི་ནང་དགའ་བཞིན་སྤྲོ་བཞིན་དུ་ཞུགས་ཀྱིན་ཡོད་པ་རེད།
ང་རང་ཡང་འདིའི་གྲལ་ནས་ཡོད་མཁན་ཞིག་ཡིན། ང་ཚོས་ཉེན་ཁ་ཞིག་བརྩིས་ན་འདི་ལ་བརྩི་དགོས་ཀྱིན་འདུག